أخاف أغمض وان رمشت أفقدك .. وأخاف أفتح وتصبح حلم ولا ألقيك

[شموخ بنوتة]

بليييز كملييييييييه حماااااااااااااااااااس

[مَآلے مِثَيِل © ~]

الجزء الرابع ..




مازن ..



?© ابتســـــــــم حبيبي ©?°



كان جرح المشاعـر سر قلبك وفـاده

راحتك عندي أغلى..لو تموت الأماني
عطني احزان قلبك وخـذ مني وداده
عـش حياتك سعيد..وخل غيرك يعاني
الحـزن ماخلق لك..خـل الأفراح عـاده
ابتسـم..يبتسم لي ياحبيبي زماني






المغرب الساعه 7 ونص .. كنت في المجلس اشوف الأشياء جاهزه..



طلعت من المجلس على غرفة عزوز استعجله عشان الرجال .. واتصلت على سامي ..



مازن : ها سامي وينك ..



سامي : اختك اخرتنا ..



مازن : سامي لا ترخي الحبل شده شوي ياخي ..



حنان بصوت عالي : سمعتك يالأخ المثالي تحرش جوزي ..



ضحكت من قلب : بسم الله



حنان : دوم الضحكه ..



هزيت راسي على هالبارده : يلا يلا عجلي ماله داعي انتي تجين هذولا رجال بيجون الحين



حنان تاخذ الجوال من سامي : برضه لازم نكون فيه



مازن : هههههه زين عجلي وانا اخوك الرجال ما بقى لهم شي ..



حنان : أن شالله يلا اقفل عشان نجي



استعجبت : عاد انا الي اخرتك يالصخله ..



حنان : لا لا لا اخوي عن الغلط ..



شوي وانفجر : طيب بسرعه يلا مع السلامه قفلت منها ورحت عند امي الي تبخر المجلس ..



حبيت راسها واخذت عنها المبخره : ارتاحي يمه ..



امي مبتسمه لي : عقبال ما نفرح فيك انت واخوك أن شالله ..



اول مره احس اني استحي بس ما عليه : أن شالله يمه ..



دخل عزوز وامي اخذت المبخره تدخنه وعزوز يضحك ..



امي : بلاك تضحك



عزوز : روحي بخري لجين مو انا



امي : كلكم بتتبخرون



عزوز : ههههههه والله ريحته جنان



امي : يلا عقبال ما افرح فيك وفي عيالك أن شالله ..



لاحظت الحزن في عيون عزوز وهو ينزل راسه وبصوت مخنوق : أن شالله يمه



وطلع من المجلس امي بحزن : يالله يارب تقرب لولدي الي يبغاها ..



حسيت بالحزن بدى يعم الغرفه : امي اليوم فرحة لجين لا تكسرونها لها ..



طلعت امي من المجلس وانا اخذت نفس اتعمقت فيه حسيت اني مسؤول عن الجميع ..



صعب الانسان يوم يحس نفسه مسؤول عن الي حوله كلهم وانه مو قادر يساعدهم في أبسط الأشياء حسيت بدمعه تنزل على خدي مسحت دمعتي قبل لا احد يشوفني ..



كنت أحس بالذل لا نزلت دمعه قدام احد .. من قال انه المرأه بس تحس وتبكي ..



لا حتى الرجال عنده دموع .. دموع جور وظلم وضيم وقهر .. يوم ما يقدر يساعد احب الناس له وهذا الي كنت احس فيه كل ما اشوف عزوز ولا خالي الي يبكي على بنته الي فارقت عيونه في سن طفولتها اقرب من أن يكون مراهقه ..



دخل خالي وبندر..



خالي : مبروك عليكم يا ولدي والله تستاهلون الفرحه ..



ابتسمت لخالي : الله يبارك فيك عقبال ما تفرح في بندر والبندري



بندر ضحك : انا بس خليني اخلص على طول بعرس ..



ضحكت : مستعجل اشوف



بندر : لا بس بضمن حياتي



خالي : ما تضمنها الا اذا عرست ..



بندر : اكيد ادور نصفي الثاني



ربت على كتف بندر : الله يوفقك ويسر لك الي فيه الخير



خالي : وين عزوز



مازن : ايه الحين بروح اناديه ..



رحت غرفة عزوز دقيت الباب وفتحته شفت عزوز جالس فوق سريره طالع فيني رحت ضميت اخوي : ابشر يا عزيز والله لا تبشر بعروسك ..



عزيز : الله لا يحرمني منك يا خوي



لجين كانت عند الباب وجات : ممكن تضموني معاكم احس اني محتاجه لكم الحين



سحبتها من يدها وضميتها ليش حسيت فجأه اني بفقدهم ما اتوقعت اني عاطفي لذي الدرجه



لجين : عزيز والله يا خوي لسوي المستحيل بس عشان اعرف وين عمي



عزيز ضم لجين : ما ادري وش اسوي عند كلامكم هذا ..



امي جات عندنا وهي مبتسمه : يلا يا عيال جوا الرجال



لجين بسرعه تجري عند امي وتضمها : يمه ما ابي اروح من عندك ..



ضحكنا على حركة لجين الطفوليه



عزيز : لجين يالهبله تراها مجرد خطبه



لجين : بعد ما ابي يمه بتجين معاي



امي باست لجين : أن شالله يا قلبي يلا يا عيال عيب روحوا عند الرجال اشوف



خرجنا وعزوز عند الرجال وسلمنا عليهم كان ماجد مع ابوه واخوانه



آآآه وينك يا ابوي تشوف بنتك وهي بتعرس ..






عبد العزيز ..



كنت مستعجل اليوم حسيت نفس الشعور يوم خطبة حنان بس اليوم غير بزياده



لأن هاذي لجين مو أي احد لجين الي اتكلم عندها الي تمسح دمعتي وتواسيني



بفقدها بالحيل حسيت أن نفسيتي تعبانه شوي بس ما حبيت ابين لها عشان ما تضايق ..



بس بعد فرحان لها ماجد رجال وكل البنات يتمنونه .. الله يحفظك يا لجين ويخليك لي ولأمي



طلعت بره وشفت امي تبخر مازن وصار الموقف حسيت روحي انخنقت حسيت اني خلاص الحين بطلع كبتي الي ماسكه اااااه يا يمه جبتي كلمتك على العوق ..



ما ادري وش الي حسيت فيه ذا الوقت احس اني تعباااان وبلغ التعب ما بلغ حسيت اني منهار ..



طلعت ورحت غرفتي .. حاولت أهدي نفسي على الوضع الي من سنين عليه ..



ما عمري تخيلت لي خليله وتحل لي غير هيام ما اتخيل انه عندي عيال من غيرها ..



بس الشي الي زاد مره علي اذا عمي زوجها ..



دخل علي مازن .. ما تتصورون يوم ضمني شقد ارتحت حسيت من كلمته اني باخذ هيام



باخذها رغم كل الظروف الي مالي ذنب فيها ..



يوم جات لجين حسيت اني رجعت وضعفت تذكرني بهيام ماني قادر اتصور اني بفقدها من البيت بفقد حسها وحركاتها ..



الله يالدنيا تربينا مع بعض ولا لنا غير بعض في غمضة عين كل منا في طريق ..



كنا صغار وكل مين فينا باله على الثاني عرفنا الحب وحركات الشيطنه من صغرنا وكبرنا على هالأمل على برائتنا وضحكنا ما كنا نعرف بشي اسمه ظروف أقسى منا



بتفرق كل انسان عن الثاني ..



آآآآه وين أحلام الطفوله .. وينها ليش ما تتحقق .. ليش كل شي يصير غير عن الي تمنيناه ..



سبحانك ربي انت علام الغيوب .. وبقضاك امنت ..

[مَآلے مِثَيِل © ~]

لجين:



أخاف أغمض وان رمشت أفقدك



وأخاف أفتح تصبح حلم وألاقيك




ماني مصدقه اني اليوم انا بصير عروس احس بإحساس غريب



يمكن الشي الوحيد الي يكون متنفس لي الدموع الحل الوحيد .. بكيت وانا اتنفس بهدوء..



مسحت دموعي وطلعت يوم سمعت صوت اخواني .. رحت عندهم يوم شفت مازن ضام عزوز



ابتسمت ورحت طلبت يلموني في ضمتهم ..



ما ادري وش الي حسيت فيه يوم امي قالت انه الرجال وصلوا خفت انرعبت ما ابي افقدهم



حسيت انهم بيرحوا وبجلس لوحدي خفت بالحيل .. رحت عند امي وارتحت يوم ضمتني ..



دخلت حنان وهي تضحك وتزغرط بصوت واطي : مبروك يا أحلى عروس



ضحكت وابتسمت احساس غريب يوم تحسين انك عروسه (( عقبالكم يا بنات أوووه كلكم رفعتوا يدكم ههههه أن شالله يارب كلكم تتزوجوا وتخلفوا قماري .. ))



بعيد عن الانسان الي راح ارتبط فيه الا شعور انك راح تلبسي الفستان الأبيض يخليك تغرقي في أحلام جميله .. لين ما توصلي عند عريسك .. آآآه يا قلبي يارب يقدرني اسعده ويسعدني يارب



صح اكره ماجد لكن تفكير انه اقلب حياتي وحياته جحيم وانا الي موافقه مو راضي يدخل مزاجي



انا راح احاول قدر المستطاع اسعده لو بعيد عن سعادتي يكفيني سعادته .. وسعادة مازن هذا الي يهمني .. رحت لحنان وهمست لها : تعالي جوا ابغاكي



ورحت الغرفه استناها جاتني وهي مبتسمه : ها ايش عندها عروستنا



ابتسمت : حنان اقدر اعطيله السعاده الي يبغاها من غير حب



جلست جنبي ومسكت يدي وجلست تلعب في اصابعي بعد فتره تكلمت : مقدما حلو جدا



تنهدت : يعني لازم احبه



حنان : الحب يا لجين يعني قلب هذا الشخص الي بتحبيه الحب ما يجي كذا لا الحب احساس يتولد في داخلك اذا عرفتي اخلاق هذا الإنسان تصرفاته احساسه هذا هو الحب



لجين : اذا كان الحب كذا اتوقع بيكون صعب



حنان : ايه تدرين يا لجين وشهو الحب الصعب وشهو الحب السهل



الحب الصعب تتعمقي في معرفة شخصية الشخص وتتأكدي من مشاعرك اتجاهه وخصوصا انه يبادلك الشعور تحسي انه هذا الإنسان جزء من حياتك لو راح نهاية الحياه



لكن الحب السهل تلاقي نفسك حبيتي الشخص من غير ما اكتشفتي شخصيته من غير ما تعرفيه زين وهذا الحب دايما يفشل وللأسف دايما بناتنا يطيحون فيه



كان كلام حنان يدخل قلبي ويتخزن فيه من روعته : طيب اذا ما عجبتني شخصية ماجد



ضحكت حنان : يا لجين الحب يغير الشخص عشان الطرف الثاني يرضى ونفس الشي الطرف الثاني يحاول يرضي الطرف الأول ..



لجين : تصدقين الحب حلو وحلو حيل اذا كان بالطريقه المثاليه مو زي حب هاذي الأيام ..



حنان : يعني متقبله ماجد



لجين : كنت طول اليومين افكر بمشاعر الطفوله الي كنت اكنها له ما ادري يمكن الشيطان شاطر انه يخليني كذا ويمكن اممم ما ادري بس تفكيري انه حياته تكون جحيم بسببي ظلم له هو يتمنى زوجه تسكنه وتوده وتحبه فكرت اني ممكن كل شي اقدم له الا حبي ما اقدر اعطيه اخاف يا حنان اخاف..



ضمتني حنان : ليه تخافي



حسيت انه الدموع خانقتني : طلال اريج ماابغا اخاف اخاف يا حنان



حنان : تخافي من ايش يا قلب حنان



دموعي تنزل : اخاف اذا غمضت عيني وفتحتها ما القاه اخاف اذا رمشت افقده



اخاف اذا فتحت عيوني اشوف حبي له حلم بس حلم وما القاه



أخاف احبه واعشقه ويروح اخاف افقده ..



حنان مسحت دموعي وضمتني بأقوى ما عندها : لجين يا قلبي لا تقولي كذا



لا تعطي لنفسك المجال في الخوف لا تعذبي غيرك عشان خايفه من شي ممكن ما يصير



جلست ابكي : حنااان والله اذا حبيت ماجد وصار له شي راح اموت معه ما راح اتحمل انا انا يوم اريج حسيت روحي راحت حسيت بالضعف حسيت بالخوف كل أحلامنا وطموحتنا خلاااص راحت اخاف اذا تلقيت صدمه ثانيه تطيحني مافيني حيل خلاص تعبت اريج وهيام وابوي لين الحين مو قادره اكون صداقه خايفه افقدها خايفه تخوني وذيك الساعه وش الي بيقومني ..



حنان : ياروحي انتي ليش اليأس هذا ربك يفرجها يا روحي لا تخلي مشاعر الخوف تتملكك



تفائلي لا تكوني محطمه كذا الحياه حلوه يا لجين



اخذت نفس اخيرا قدرت اقول شي كنت مخبيته عن الكل حتى عزوز ما قدرت اتكلم كنت اخاف على عزيز اذا قلت له يخاف مثلي خلاص كفايه انا ما ابغى احد ثاني يحس باللي احسه



غمضت عيوني مجرد تخيل شي يصير لي مثل طلال واريج اخاف ما اقدر اسمح لمشاعري انها تنطلق .. يمكن ماجد يقدر يخلي ذي المشاعر تتشجع .. فوضت امري لله وللأيام الجايه ..





البندري :



كنت في غرفتي ابكي وماما تناديني طلعت لها بعد ما مسحت دموعي : نعم ماما



امي : تعالي كلمي عذوب



حسيت بالضيقه ماني فايقه : ماما بليز قولي لها تعبانه أي شي



ورجعت لغرفتي وكملت بكاي ..



جات ماما تدق الباب ودخلت : ايشبك يا بنتي



طليت في ماما : لجين



ماما تبتسم : ايشبها



ما ادري حسيت انهم بيضحكوا عليه لو قلت لهم بس انا كذا احس : بتتزوج وتروح



امي تمسح على شعري : ليش هذا الكلام بتتزوج مفروض تباركي لها مو تبكين



مسكت يد امي : يا ماما يعني مين راح يجي ياخذني احيانا من المدرسه



مين راح اسهر معاه مين الي راح يخاصمني عليه بندر اذا راحت لجين



ضحكت امي وباستني وجلست تواسيني شوي بعد ما قامت ارتحت وشغلت الكمبيوتر



وجلست على الماسنجر لما دخلت غلا وجلست اتكلم معاها ..



وش اقولكم عن غلا هذي انسانه واغلى من انسانه اتعرفت عليها عن طريق منتدى وجد جد حبيتها يمكن اعتبرها احسن من صديقاتي بعد أخلاقها وتربيتها دايما تواسيني وحتى هي بعيده



بعد ما قفلت رحت اتصلت على لجين



حنان : ألو



البندري: هلا والله أحلى ألو كيفك وكيف القموره بنتك



حنان : ههههه الله يقطع ابليسك طيبه الحمد الله كلنا طيبين انتي كيفك وكيف امك



البندري : الحمد الله امي طيبه وانا شوي مرهقه



حنان : افاااا ليش عاد



البندري: مو اختك بتسيبـني لحالي ..



حنان : ههههه ايش رايك ادور لك على عريس



حسيت بخوف : لا لا امزح معاكي فين لجين اقول



حنان : ههههههههههههه الله ياخذ ابليسك خذيها



لجين : هلا وغلا



حسيت الدموع اجتمعت يوم سمعت حسها بلعت ريقي : هلا فيكي



وفرطت من البكى ..



لجين : بنت بندري يا بنت بلا دلع والله راح ابكي انا كمان



صوت بكاي



لجين : بندوره تعالي عندي ولا اقول انا اجيكي عشان لسان اخوكي هيا عمرك شفتي عروسه جايِّين يخطبوها وهي تطلع من البيت



هنا ضحكت



لجين : فديت الضحكه والله



تكلمت بصوت خافض شوي : يلا تعالي



لجين : هههههه تقدري تصبري لما يروحوا



هزيت راسي كأنها شايفتني : لا الحين ابغاكي



حسيت اني ابغا اتملك لجين ما ابغا اخسرها



لجين : طيب خلاص دحين جيتك يلا مع السلامه ..



قفلت وانا مرتاحه شويه ..

[مَآلے مِثَيِل © ~]

منصور :
كنت جالس مع اصحابي في الكزنو وجالس غرقان في تفكيري
سالم : خير ابو الشباب
تنهدت : ابد سلامتك
بصراحه سالم الوحيد الي كان دايما يلومني في مرتي كل سهره نسهرها بس ما كنت اسمع منه
كنت متفشل ابغا اتكلم يمكن ارتاح
سالم مسكني من كتفي : قمنا
ابتسمت وقمت ورحنا بعيد عن الشباب
سالم : واشفيك وش الي مضايقك
منصور : حسيت بالذنب ياسالم لا تلوم فيني الي فيني مكفيني
سالم : ماعرفتني زين يا منصور انا ما بلوم فيك بس بقولك انه مرتك صبرت وعوض صبرها
طالعت في سالم : تتوقع اقدر
سالم : ايه تقدر انت رجال يا منصور تقدر والحين تقدر
منصور : اخاف انتكس اذا ضغطت على نفسي
سالم : لأنك حاط في بالك هذا الشي بالعكس يوم بتعيش يوم مع زوجتك بتشوف الفرق هنا وهناك ما اقولك اقطعنا لا تعال اجلس معنا بس مو يوميا يوم عندنا ويوم عند زوجتك وحتى اليوم الي عندنا اقصى حد لك يكون 11 لا تتأخر أكثر مرتك تستاهل يا منصور صبرت عليك هالسنين كلها
حسيت بصدق كلام سالم : طيب شلون اعوضها
سالم ضحك وقرب مني : ود عيالك عند اهلها وسافر معها ابدى شهر عسل من جديد
طليت في سالم : بسألك انت كيف تفهم في هذي السوالف
سالم نزل راسه : هيه يا منصور الي يده في النار مو مثل الي يده في الماء
حسيت أن ورى هجود سالم سالفه ورا سكوته هموم : اذا تبغى تتكلم يا سالم انا في
سالم : ما تقصر يلا الحين لم قشارك وارجع لمرتك
ضحكت على التصريفه بس فكرت اخذ غاده ونتعشى في مطعم شفت الساعه 8 يعني اطلع العيال معنا وفكرت في كلام سالم فكره حلوه بنزور اهلها وبنودي العيال عندهم بس المدارس غاده ما راح ترضى .. شغلت سيارتي ورحت .. وانا افكر في عيالي ولقيت خطه مشاكسه
فتحت الباب وشفت غاده ترتب في الصاله صدقوني احبها والله احبها فجأه وقفت وبصدمه تطالع فيه وابتسمت بطريقه انها ماهي مصدقه وتطالع في الساعه حسيت اني منحرج بس تشجعت
رحت عندها ابتسامتها زادت وجات تضمني
غاده : منصور انا اسعد انسانه
يالله ما تتصروا حسيت اني مجرم بحق هالملاك : أحبك يا غاده والله أحبك
غاده دمعت عيونها : بس خلاص حبه حبه ماني قادره استوعب
ضميتها لصدري واخذتها جلستها : حبيبي سامحيني
غاده وهي تبوسني : من زمان قبل لا تقول انا ما اقدر ازعل عليك انت حبيبي وحياتي
هنا انا ماني قادر استوعب : بس بس حبه حبه
غاده : هههههههههههههههههههههههههههههههههههههههههههههههههه هههههههههههههههههه
منصور: الله لا يحرمني من أحلى ضحكه
غاده : والله لا يحرمني من أحلى منصور مو في الدنيا في الكون له ..
منصور : وين كنت ذيك الفتره كلها والله اني اعمى
غاده حطت يدها على شفايفي : اسس الماضي مافي اليوم غير وبكرا غير وكل يوم غير
بست يدها : طيب على الكلام الحلو قومي لبسي عيالك وخلينا نطلع
غاده قامت : فين بنروح
منصور : انتوا قرروا
غاده : دقايق ولا اقول
جات سحبتني من يدي : تعال لبسهم معايه
ضحكت على حركة غاده وقمت جا مؤيد يضمني وملاك علامات الدهشه في وجهها
غاده : يلا يا حلوين بابا اليوم بيخرجنا فين تبغوا تروحوا
ملاك : اممم عادي ماما انتي وبابا روحوا واحنا نجلس
ابتسمت على كلام ملاك : تعالي تعالي يا قلب ابوها
ضميت ملاك وبستها : من قالك كذا
ملاك مستحيه : كيف كذا
منصور : انه يعني انا وماما نروح لحالنا
ملاك تضحك : خالتي هيام
طليت في غاده : هالسوسه هيام
غاده : هههههه
منصور : لا يا بابا اليوم كلنا ومره ثانيه انا وماما لحالنا
مؤيد : طيب يصير نروح اللونا
طليت في غاده وهزت راسها : خلاص يصير بس ما نطول عشان بكرا مدرسه




ماجد :
اااااه واخيرا خطبتها رسمي من اهلها خرجنا ومازن يغمز لي
قربت من مازن : خلاص قول انها موافقه
مازن شق الحلق ابتسامه : ميته عليك اختي عشان اقول موافقه على طول
دقيته على كتفه : يالــ
مازن : عن الغلط ولا بنرفضك ترا عندي اسلوب اخليها تغير رايها
طليت في مازن : هذا اذا ماقالت الفرج
وجه مازن تغير : اشتقصد
ماجد : وش رايك نتكلم في ذا الموضوع بعدين
مازن : أن شالله
بعد ما طلعنا من عندهم في السياره
ابوي : اذا ردوا علينا تبغا تشوف البنت
فرحت فرصه وجاتني لحدي : ايه يبه
سعد : طيب بالغلط قول لا
ضحكت : الي يكذب يدخل النار
ابوي : ونعم التربيه يا ماجد تدري وش يسون للكذاب في النار
كلنا ضحكنا على كلام ابوي
ابوي : المهم اذا وافقوا بنخلي امك تكلمهم وتروحون تشوفونها
ابتسمت : أن شالله
سعد : الا ماجد مازن يبغا مرام صح
لفيت : ايه صح ابوي على سالفة مرام
ابوي : بصراحه ما ادري حامد رجال والنعم
ماجد : مرام وش رايها
ابوي : تعرفون اختكم اكثر
ماجد : ابوي مازن رجال وانا واثق انه يبغا مرام ويتمناها
عمر : انتوا تتكلموا وناسين راي مرام
ابوي : مرام بنتي واعرف قلبها
سعد : والله انا اشوف كلهم رجال والبنت تقرر
بعد ما نزلنا البيت مرام جاتني
مرام : ايه ايه رايح تخطب وما تقولي
ضحكت : تستاهلين تعرفين تآذيني ذيك المره
مرام : ويه ما توقعت قلبك حقود يا اخوي
ماجد : مرام تراني مبسوط
مرام : كان كملت بسطتك واخذت دعوه حلوه من مرومه
ماجد : تعالي مبروك العريس
مرام رفعت حاجب : ليش مبروك انا رافضته
سعد : انتي شفتيه
مرام : ايه شفته
خلود : خلاص ما في امل رافضته
ابتسمت : عفيه على اختي تعرف السنع
ابوي : متأكده يا بنتي هذا رايك
مرام : ايه يا ابوي انا استخرت وما ارتحت للموضوع الله يوفقه مع وحده ثانيه
ابوي : الي فيه الخير ربي يكتبه
طلعت انا الغرفه ودقيت على مازن
مازن : توك خارج من عندي معقول اشتقت لي
ماجد : ايه اشتقت لك بس قول مت عليك طول الطريق وانا ماشي اتخيلك
مازن : آآآه يا قلبي تسلم لي حبيبي والله
ماجد : اقول بلا مصاخه
مازن : ههههههههههههه
حبيت اقهره شوي : تعرف حامد
مازن : حامد من
ماجد : حامد ولد .....
مازن : ايه وش بلاه
ماجد : والله طالب القرب منا
مازن بنرفزه : ايه وش صار
ماجد : ابد سألنا البنت وشافته وعجبها
مازن بذهول : موافقه ؟؟
ماجد : والله اظن كذا
مازن : ايه زين والله
ماجد : وش الي زين
مازن : ازوجك اختي وتزوج اختك لغريب وناسي الاتفاق
ماجد : والله يا مازن ذا النصيب بعدين ياخي ما توقعتك كذا
مازن : حلوه ذي النصيب .. النصيب تقوله ياخي البنت مخطوبه محيره أي شي
ماجد : عاد الي صار صار في خلود اذا تبغاها
مازن : مرام يعني مرام اصلا من قالك بخليه يتزوجها الحين بروح اشرب من دمه
بصراحه ا قدرت اكمل : هههههههههههههههه احلى يا مرااااام احلى والله وطلع عندك عاشق
مازن : ماجد لو سمحت ماني فايق لسخافتك
تكلمت : مازن جد تحبها
مازن : هذا سؤال تسأله يا ماجد
ماجد : امزح معك مرام سنعه رفضته
مازن : احلف انت بس
ماجد : والله
مازن : الله ياخذ شيطانك فزيت قلبي وشعر راسي وقف
ماجد : واااي يا قلبي لا يكون خضيتك
مازن : الا رجيتيني مو خضيتيني
ماجد : ههههههههههههههههههه الله ياخذ ابليسك ياخي
مازن : الحين مانت طالع من البيت
ماجد : بصراحه ودي اقابلك
مازن : طيب روحي الكوفي شوب وانا الحقك
ماجد : خلاص تم
بدلت ثوبي ولبست وخرجت من البيت ..
ورحت الكوفي استنى مازن ..
وشفت منظر نسأل الله واللطف الله يحفظ بناتنا..

[مَآلے مِثَيِل © ~]

لجين :



لما كلمتني بندوره مره حزنت عليها ونزلت عندها وخليت حنان تقنع امي



اول ما نزلت ضمتني البنت وهيه تبكي ..



رحنا غرفتها بعد ما سلمت على مرة خالي وبديت اتكلم مع البندري: يا قلبي انتي بس



البندري : طيب اذا رحتي راح اطفش لحالي



ابتسمت : ومن قالك أن شالله انه راح اروح انا كل يوم عند امي واخليكي تطلعي لي



البندري : وبندر ماراح يرضى



رفعت حاجب : مو على كيفه بكلم خالي



البندري : متى راح يكون الزواج



ضحكت : ياويلي ايش دراني تبغيهم يقولوا مستعجله وبعدين نزلت والرجال لسه فوق



البندري : شفتيه



لجين : اتذكره على ايام زمان



البندري: عندي صوره في مجلة الرياضه تبغيني اوريكي هوه



حسيت قلبي يخفق : ايوه وريني



جابت البندري المجله من بين مجلات وهي تتكلم : واذا تبغي كمان صوره معبيه الانترنت



ما ادري ليش حسيت بشي يمكن غيره انه البنات يشوفوه اخذت المجله منها



وجلست اطالع في ابتسامته واخذت نفس وغمضت عيوني تخيلت هاذي الابتسامه لي حسيت



برعشه تسري في جسمي فتحت عيوني وجلست اشوفه



بندري : ها حلو



ابتسمت : من ناحية شكله فبصراحه يجنن



البندري : بس انتي احلى



ضحكت : ايوه ايوه كبري راسي



البندري : شكله عيالكم بيجوا يهبلوا



رفعت يدي : آمين يارب



البندري : يا قليلة الأدب



ضحكت من قلب البندري قامت شغلت الجهاز وشبكت النت : تعالي ندخل ونشوف



قمت متحمسه ..



وطلعت صوره في المنتديات وكيف كلام البنات حسيت بالغيره تخنقني : مالي شغل اذا تزوجته ما راح اخليه يلعب كوره



البندري : احلى يا غيره



حسيت بقهر من رد وحده اتنرفزت من قلب .. شويه نسمع صوت الرجال وهم نازلين قمنا أنا وبندري ورحنا مجلس الرجال كان الباب حق الرجال من قزاز الي جوه يشوفون الي بره



كان مازن وماجد مع بعض واقفين وجالسين يتكلموا كنت مبتسمه على مزح مازن



بس صدمني رد ماجد جلست مبلمه وشدراه اني رافضته هذا الشي كان في نفسي



بس الحين احس اني متقبله الوضع والله لو طلع مازن قايله شي يا ويله







دمتم لي .. بود