تابع
بغرفة ريم كانت ريوف وريم سهرانات وع بعض وسمعوا احد يطق الباب ..
ريم ..مين
بدر ..انا بدر اقدر ادخل
ريم قامت وفتحت الباب ..ياحيا الله اخوي نورت غرفتي
بدر ..الله وشحلاة كلامك يابخته ..
ريوف ..منهو الي بابخته
بدر ..يابخت سلطان بريوف والله
استحت ريوف ونزلت راسها
ريم ..ياحبي لاختي تستحي ..ادخل بدر تفضل
تم بدر عند خواته ويسولفون وفجأه رن تيلفون ريوف ..
ريوف ..هلا والله بام احمد عاش من سمع صوتك
ام احمد ..عاشت ايامك الغاليه ..شلونكم وشلون امي وابوي
ريوف بالف خير ..
ام احمد ..وسلطان شلونه
ريوف ..عندي بدر وريم بحط عالسبكر وكلميهم
ام احمد ..ياحيا الله اخواني والله جمعتكم حلوه تعال بدر خذني
بدر...ههههههه لاماني ناقص ابو احمد بشري الغاليه شلونك وشلون احمد وابوه
ام احمد ..بخير ياوجه الخير ..اجل وين سعود عنكرم ..سعود نايم بالعسل هههههههههه
ريوف وام احمد ...هههههههههههههههههه
بدر رفع عينه على اخته وصار يناظر فيها ..
ريم ..شفيك عادي هو دايم يقول هالكلمه ونقولها له
ابتسم بدر ..لا بس استغربت الكلمه
ام احمد ..بدر متى نبدأ نستعد ان شاء الله
ريم وريوف ..ايه صدق متى بدر بتقرر زواجك
بدر ..اذا الله اراد ان شاء الله ..نوف بكرا بتصل عليك ابيك بسالفه
نوف ..ان شاء الله اتصل بي الصبح يكون احمد نايم
بدر ان شاء الله ..تصبحين على خير
الكل ..وانت من اهل الخير
طلع بدر وراح لغرفته وهو يقول بينه وبين نفسه الظاهر العروس بعد مجهزه ماناقص الا المعرس وصك على نفسه ودخل ينام
والساعه عشر الصبح صحى بدر واخذ له دش ولبس وقبل مايطلع قال خليني اتصل بنوف اكيد صاحيه وفعلا ردت عليه
نوف ..هلا والله بدر شلونك
بدر ..بخير الحمد لله انتم شلونكم
نوف بخير ونعمه ولله الحمد ..
بدر ..نوف انا مابلف ولاادور انا بقول لك الموضوع مباشره
نوف ..سم يااخوي تفضل
بدر ..نوف انتي اقرب خواتي لنا كلنا تعرفينا اكثثر من غيرنا نوف انا ماابي اتزوج رغد
نوف ..ساكته ..وبعدين قالت ..ليه يابدر ..؟؟
بدر..اعرف قصدك مافيه احد في بالي لكن رغد لا ماابي اتزوج بهالطريقه ليه يختارون عني
نوف ..طيب يابدر انت شلون تبي تحتار زوجتك
بدر ..مو هذا موضوعنا
نوف ..لا يابدر او اقول يااستاذ بدر ..اذا انت شايف ان بنت عمك الي حتى ماسألت هي فيها من صفاتك الي تطلبها
ماتناسبك فكر كثير ..وراح تتوصل لنتيجه وحده مجتمعنا هذي طريقة بالزواج الاهل الي يخطبون لعيالهم صح بعض الناس الصدف تلعب دور وتخلي الولد يختار زوجته لكن هذا استثناء ماهو قاعده
بدر..نوف طيب انا راح اعمل الي انتم تبون
نوف ..لا يابدر لاتغالط نفسك بيدك ترفض لكن فكر بتبعات الرفض
بدر..خلاص نوف توقعت انك تفهميني
نوف ..بدر انا فاهمتك زين لكن رفضك راح يجرح ناس كثير اولهم ابوك الي ماراح يكون قد كلمته
بدر ..خير ان شاء الله مع السلامه نوف
نوف ..مع السلامه
نزل بدر تحت وسلم على امه وبوه الي كانوا يفطرون بالصاله ..
ام سعود ..افطر يابدر بعد الفطور ابيك بسالفه
بدر..يمه مستعجل ونأجل السالفه لليل
بدر ..تأمرون بشئ
ام سعودوابو سعود..سلامتك يالغالي
طلع بدر من البيت وتم طول الوقت يفكر بكلام ابوه وسعود ونوف ..ولارجع للبيت الا الساعه تسع بالليل
بدر ..السلام عليكم
كل العايله ..وعليكم السلام
سعود..بدر ليه قافل جوالك تعبت اتصل فيك
بدر ..انتهت البطاريه
ام سعود ..بدر تعال ابيك بسالفه
بدر ..مايحتاج الغاليه انا موافق واليوم الي تامرون فيه انا جاهز بس بشرط
سعود عرف ان بدر وافق من غير قناعه لخاطر ابوه وامه
ابو سعود ..خير ياولدي سمعنا شرطك
بدر ..اشوفها قبل الملكه
ابو سعود ..وليه تشوفها عشان عقب تقول ماتبيها وتفشلني عند الله وخلقه
ام سعود..ياولدي بنت عمك كامله والكامل الله
بدر ..هذا حقي والدين عطاني اياه
ابو سعود ..ان شاء الله واخوي مابيرد لي طلب وانا اخوه الكبير
بدر..تصبحون على خير
الكل ..وانت من اهله
قام سعود مع بدر ..؟؟؟
هنا ينتهي الجزء الاول اتمنى يكون عجبكم ..ويسعدني نقدكم وردودكم واي اقتراحات وتوقعات للقصه
تحياتي لكم
الجزء الثاني ..
بغرفة بدر..
سعود..مقتنع يابدر بقرارك ..؟؟
بدر ..ماهو مهم على قولة نوف اذا ماتزوجت رغد بتزوج غيرها بنفس الطريقه خلينا نخلص ونفتك
سعود..بدر بنت عمك ماهي رخيصه حتى تقول هالكلام
بدر..وانا ماقلت شئ كل حقوقها تاخذها وغير كذا ماعندي
سعود..وشتقصد يابدر ؟؟
بدر ..ولاشئ لو سمحت سعود خليني لحالي برتاح ..
سعود ..ولايهمك ارتاح يالمعرس هههههههههههه
بدر ..بايخه مره اطلع وسكر الباب بعدك
سعود ..ايه طيب بايخه ..
طلع سعود وترك بدر مع نفسه وللاسف توصل بدر لقناعه انه بيعطي بنت عمه كل حقوقها الا الحب مستحيل يحبها مستحيل تكون ترجمة حلمه لواقع عن طريق رغد ماهي الانسانه الي تمناها زوجه ابدا ..
وبدر انسان طيب وحبوب لكنه يكابر بمشاعره ولاهو بسهوله يبين حبه او يبين انه ضعيف ,,نام بدر وهالقناعه مسيطره عليه
وبغرفة ريوف كانت ريم تسمع كلام خواتها الي من قال بدر قراره راحت ريوف تكلم نوف وتقول لها لان نوف خبرتها عن
الكلام الي قاله بدر ..وحطت ريوف السبيكر وتموا يسولفون مع بعض
ريم ..والله اخوك هذا مايقدر النعمه والا رغد وش ناقصها زين وخفة دم وعلم
نوف ..انا اعرف رغد لكذا ماكان ودي تروح بعيد ابيها لبدر وربي بتعجبه الله يهديه
ريوف ..والله لو انكم جاهلين ببدر بدر حجر مايلين ولايهمه لاخفت دم ولا حب ياعيني يارغد
كل هالدلال والرومانسيه بتكون بالهواء
ريم وبوجه حزين ..بتنصدم بااخونا الاستاذ بدر
نوف ..بس انتي وياها والله بدر رجال مافيه مثله مع انه احيانا ينرفز
ريم ..نوف انتي وين رجلك جالسه تهذرين هههههههههه
ريوف ...هههههههههههههههههه عيب ريمه
نوف ..الشرهه على الي جالسه وتاركه رجلها وتسولف معكم يالله مع السلامه
ريم ..نوف خلاص نمزح تعالي بكرا اشتقنا لحمود
نوف ..ايه انعدلي ههههههههه ان شاء الله مع السلامه ..
البنات ..مع السلامه
ريم وبأبتسامه خبيثه ..ريوف مااشتقتي لسلطان ..؟؟
ريوفوالصدمه على وجهها من السؤال المفاجئ ..اعنبوك انتي ماتستحين هو انا شفته عشان اشتاق له
ريم..علي هالكلام ريوف اعرف انك تموتين عليه ههههههه
ريوف ..طيب امووت عليه واشتقت له موووت وشعندك
ريم .. هههههههههه ماعندي شئ خلينا نكلم رغوده شرأيك..؟؟
ريوف ..الحين ..؟؟
ريم ..ايه بكرا عندكم اف واكيد هي صاحيه الحين
ريوف طيب ندق عالجوال وبعدين اذا صاحيه ننزل تحت اوكي(تخاف يرد سلطان ولايتركها بعدين لانه جريئ ويحب يسولف مع بنات عمه اذا صادف ورد عليهم )
ريم ..طيب يالله اتصلي
وتتصل ريوف ويدق جوال رغد ولا احد شاله وتنزل ريم وريوف عند التلفزيون ويخلون جوالاتهم بالغرفه
ويحصلون بدر طالع من المطبخ معه كاس عصير ..
ريم من الخوف ..بدر مانمت ؟؟
بدروبأبتسامه ..لانايم بس اشرب عصير ..وش السؤال الغبي
ريوف ..ههههههههههههههه مسكينه
ويرن التيلفون وترتفع عين بدر تلقائيا عالساعه ويروح ويشوف الرقم ماعرفه
بدر ...الووو
المتصل ..لحظة صمت ..السلام عليكم
بدر ..وعليكم السلام والرحمه
المتصل ..عفوا اقدر اكلم ريوف
بدر ..لحظه
ويناظر بدر ريوف ويعطيها السماعه وشكله واضح انه ماهو راضي عن المكالمه لان الساعه كانت عالواحده
ريوف ..مين .؟؟
بدر ..مااعرف كلمي وقولي لي ..!!
ريوف ..شافت الرقم وقالت هلا والله رغوده
بدر عرف منو رغوده اكيد بنت عمه لكن استغرب من اتصالها بهالوقت وتم واقف عند الباب بمكانه ومع كأس العصير وسمع اخته
ريوف ..اتصلت على جوالك مارديتي لاني ماتوقعتك نايمه قلت اسألك عن الاختبار (تكذب عشلن بدر واقف والا هي بتسولف )
رغد..لا عيوني مانمت بس كنت عند عبدالله ورجعت وشفت رقمك اكثر من مره واتصلت مارديتي قلت اتصل عى البيت بس من الي رد علي سعود عندكم للحين (هي شاكه انه بدر بس تتأكد)
ريوف وهي تحاول تخي ابتسامتها ..لا هذا بدر مو سعود
رغد سكتت ..وضحكت ريوف ماقدرت.. بدر على باله قالت رغد شئ عنه وضحكت ريوف
وقال .. تصبحون على خير ..
طلع بدر وظلوا البنات يسولفون شوي وعقب سكروا وراحوا ينامون