علاج للطفش طريقة تحميل صور شرح حذف الكوكيز اسباب ظهور تحذير بالمنتدى

تنبيه هـآم : يمنع وضع الصور آلنسائيه و الآغـآني في المنتدى

:bnaatcom0153:

 
 
العودة   منتديات بنات > مجالس الادب والشعر > القصص والروايات > الروايات الكاملة
 
 

الروايات الكاملة خاص بعرض الروايات الكاملة والطويلة

إضافة رد
 
أدوات الموضوع
قديم 19-07-2013, 09:17 PM   رقم المشاركة : 1
معلومات العضو
الكاتبة دانيا
عضو جديد
 
إحصائيات العضو








الكاتبة دانيا غير متواجد حالياً

 
إحصائية الترشيح

عدد النقاط : 10
الكاتبة دانيا is on a distinguished road

 

 

افتراضي رواية دعيني اقول بكل اللغات التي تعرفين ولا تعرفين أحبك انتِ / بقلمي

السلام عليكم ورحمة الله وبركاته..
طبعا هذي اول رواية اكتبها .. اتمنى تعجبكم
حاولت بشدة تكون فكرة روايتي غير عن جميع الروايات .. اتمنى تدعموني بما انها اول تجربة لي في عالم الروايات وعلى فكرة انا من عشاق الروايات..
واتمنى اي احد ينقلها يكتب اسمي ( الكاتبة دانيا ) ماابيح ولا احلل لي ينسبها لنفسه
وبأذن الله راح يكون كل جمعة بارت جديد
نبدأ بسم الله..
البارت الأول :
الرياض - قصر ابو فيصل
يوم الخميس الساعة 11:00 بالليل
كانو جالسين يتفرجون فيلم رعب..
فيصل ومشعل وبينهم تولين اللي اصرت تجلس بالنص بحكم ان معاها البوب كورن وهي ف الحقيقة خايفة =))
كان البيت هدوء وام فيصل وابو فيصل طالعين .. وفجأة طلع واحد يصرخ بالفيلم ..
تولين اللي كانت ماسكة المخدة تغطي شوي من عيونها عشان اذا جا شيء يخوف صرخت ورمت الصحن وانكب البوب كورن ونطت بحضن مشعل اللي خاف وصرخ يوم نطت عليه فجأة..
اما فيصل اللي ماكان خايف ذاك الزود لان قد شاف الفيلم
مات من الضحك على اشكالهم ..
فيصل: هههههههههههههههههههههههههههههههههههههههههههههههههه هههههه فا ههههههههههههه فا..فاتكم ماشفتو اشكالكم. ااخ
فيصل من الضحك طاح عالارض
اما مشعل وتولين وهم على وضعهم فطسوا ضحك على فيصل.
تولين: اه يابطني .. شفت كما تدين تدان.. ضحكت على اشكالنا وطحت عالارض ياحبيبي هههههههههههههههههه
مشعل بعد مادف تولين بقوة عنه: ههههههههههههههههههههههههه اقول تولين قومي بس تراك عورتيني يالفيل
تولين وهي طايحة بالارض من دفت مشعل: هئئئ!!! انا فيل يالدب!! طيب طيب انا اوريك. وقامت
مشعل وهو يضحك: فيلين بعد مو فيل.. وش بتسوين ها؟
تولين وهي ماشية وبخبث: الحين اوريك
فيصل بهمس لمشعل: اقول مشعل..
مشعل بهمس: هل... هئئئئ!!!! تو..تول..تولييييييين!!
طبعا ما امدا مشعل يكمل لان تولين راحت جابت سطل فيه مويا باردة وكبته على مشعل
تولين وهي ميتة ضحك: ها مين الفيل الحين؟ مسكين ماعندك ملابس واك واك.
فيصل وهو يضحك على شكل مشعل المبلل: هههههههههههههههههههههههههه كفو اختي
طالع فيه مشعل بنص عين: اقول ورا ماتنطم؟ ولف لتولين: وانتي حسابك مو الحين.. انا اوريك يالفيل اصبري علي
تولين وهي تضحك: مسكين ماتقدر تسوي شيء.. جرت على غرفتها يوم شافته قام يبي يمسكها وقفلت على نفسها
فيصل بعد ماشاف تولين راحت بخبث: اقول مشيعل.. شرايك نسوي فيها مقلب؟
مشعل: اي والله ابي ابرد حرتي فيها .. يااني بمرض على هالمويا الباردة بس دقيقة بروح اخذ لي لبس من عندك وانت فكر على بال مااجي. وقام
رجع مشعل: ها لقيت شيء؟
فيصل: لا وانت؟
مشعل بتفكير: اممم اقول فصيل
فيصل وهو مكشر: كم مره اقولك لا عاد تناديني فصيل كأني محل خياط
مشعل بضحكه: اجل ليه تناديني مشيعل؟ المهم اسمعني نبي نخوفها
مشعل وفيصل جلسو يخططون.
بنوقف شوي عشان نعرف عن ابطالنا:
اْبو فيصل ( فهد عمره 38 .. حنون وطيب ويحب عياله ويعز مشعل كثير ومعتبره اخو لفيصل وتولين .. تزوج بنت عمه اريج عن حب .. مهتم بعياله كثير ولزوجته ويشتغل بشركة ابوه وعمه خالد "ابو اريج" ، ابو فهد "سعود" واخوه ابو احمد " خالد" صح انهم اغنياء ومن كبار التجار .. بس فيهم من التواضع كثير ولا فيهم غرور وتكبر ابدا)
ام فيصل ( اريج عمرها 30 تحب زوجها كثير ومدلعه عيالها .. طيبة وحنونه ومهتمه بشكلها واناقتها وتحب تتابع الموضة .. تولين وفيصل طالعين عليها بجمالها وكل شيء )
فيصل ( توأم تولين عمره 18 طويل ووسيم حنطي اللون ، شعره مايل عالأشقر وعيونه وسيعة لونها بحري على رمادي على جدته ام امه الفرنسية خشمه حاد وطويل وجسمه رياضي ابتسامته تجبرك على انك ترد له الابتسامة.. يحب اخته حيل حنون بس اذا عصب يتغير 180 درجة.. طيب وكل حياته اهله واخته وصديقه الروح بالروح مشعل اللي من يوم فتح عيونه ع الدنيا وهم مع بعض)
تولين ( توأم فيصل .. عمرها 18 .. متوسطة الطول مو طويلة ولا قصيرة ، بيضاء شعرها ناعم وطويل ومايل ع الاشقر ، تشبه فيصل بكل شيء حتى بلون عيونها و وسعها ماعدا بنية الجسم طبعا ، لو قصت تولين شعرها زي فيصل مستحيل تقدر تفرق بينهم سبحان الله .. دلوعة امها وابوها واخوها طيبة لدرجة كبيرة تحب الكل وتحب بنات عماتها واعمامها وخالاتها .. تغار على اخوها ماتبي احد ياخذه منها وبس تتدلع عليه.. تحب اخوها فيصل حيل وتعتبر مشعل اخوها الثاني دايم معاهم وتناقرهم .. تحب عمها فارس موت وتعتبرها صديقها مو عمها وتقول له كل شيء .. صديقتها الروح بالروح نجود وراح نتكلم عنها بعدين)
مشعل ( صديق فيصل الروح بالروح عمره 18 .. اهل فيصل يعتبرونه اخو فيصل واهل مشعل يعتبرون فيصل ولدهم .. دايم مع بعض ولازم اذا شفت فيصل تشوف مشعل جنبه والعكس ولامرة مشو بدون بعض .. وسيم ، طويل ابيض بس بياض عادي .. شعره اسود وكثيف وناعم ، حواجبه مرسومة يلبس نظارات .. عنده غمازات قوية بخدوده )
بغرفة تولين
تولين تكلم نفسها: غريبة البيت هادي .. لا يكون طلعو وخلوني؟ ياماما والله يسويها مشيعل :( بنزل اشوف وينهم.
نزلت تولين وشافت النور مطفي ومافي اي صوت..
تولين وهي خايفة: مشعل؟ .. ففيصل؟ وينكم؟
بعدت الستارة تبي تشوف سيارة فيصل موجودة.. لقتها موجودة
تولين: غريبة وينهم؟
تولين حست بشيء يمسك كتفها لفت الا تشوف اثنين لابسين اسود ومعاهم سكين.
تنحت بعدين استوعبت وصرخت: فففففففففففففيييييييييصصصصصصصصصلللللللل!!! مششششععععععععععععععل! ااااااااااااا الحقوننننننني .. نزلت دموعها ورجفت وهي تشوف الرجالين يقربون منها
تولين وهي تبكي: تككفون لا تسون لي شيء والله اعطيكم فلوس واللي تبون ..واسوي لكم اكل ومااعلم احد انكم جيتو وسرقتو ..الله يخليكم وكل يوم تعالو اذا تبون اعطيكم مصروفي تكفون .. اسوي لك sحلا وشاهي وقهوة وكل شيء.
مشعل وفيصل ماقدرو يستحملون وماتوا ضحك على كلامها: هههههههههههههههههههههههههههههههههههههههههههههههههه هههههههههههههههههههههههههههههههههههههه اه بطني هههههههههههههههههههههههههه
تولين وهي مصدومه: فيصل! مشعل!
فيصل وهو ميت ضحك: هههههههههههههه حسبي الله على ابليسك ياتولين .. احد يقول لحرامي كذا؟ قهوة وشاهي وحلا بعد؟ هههههههههههههههههههههههههههههههههههههههههههههه واكل كمان؟
مشعل من الضحك مو قادر يتكلم: اخ بطني
تولين توها استوعبت .. نزلت دموعها: كذا؟ كذا تخوفوني؟ تخيلو جاني سكتة قلبية ها؟ صدق تخلف.. وراحت تجري لغرفتها..
مشعل:يوه فويصل .. شكلها زعلت
فيصل: هههههههههههههههههه بس كان عليها شكل..
مشعل: قوم نراضيها حرام
فيصل: قوم راضيها ونزلها مافيني اطلع لها هالدلوعة.
مشعل: طيب. طلع لغرفتها ودق الباب بس محد رد ودق مرة ثانية بعدين قال: توليني ترا بدخل. ماسمع منها رد
دخل وشافها منسدحة وتشهق.. كسرت خاطره
جلس عندها على حافة السرير: توليني.. والله كنا نمزح ماتوقعناك بتزعلين.. بس كنت ابي اردها لك
تولين وهي تشهق: كن..كنتو بتطيحون قلبي وتقولو..تقولون نمزح؟
مشعل وهو يمسح على شعرها: وبسم الله على قلبك .. خلاص توليني يلا روقي .. ووعد مااكررها كله الا زعل دلوعة قلبي
تولين وهي لسا تبكي زي الاطفال: ماابي.. وخر ماحبك لا انت ولا فيصل
مشعل سدحها وقام يدغدغها
تولين وهي ميتة ضحك: هههههههههههههههههههههههههههههههههه مش..مشعععل ههههههههههههههههههههههههههههههه خل خلاا خلاص.
مشعل وقف يدغدغها وهويضحك على ضحكها: ها بترضين ولا شلون؟
تولين: ماابي
مشعل رجع يدغدغها: اجل لما ترضين قولي لي عشان اوقف
تولين: هههههههههههههههههههههههههههههههههههههههههههههههههه ههه خ خلاص خلا خلاص رضيت ههههههههههههههههههههههه
مشعل بضحكة: اي ادب.. يلا انزلي معاي
تولين وهي تتدلع: ماابي
مشعل: شكل عجبتك الدغدغه؟
تولين نقزت ع السرير بخوف: لا لا خلاص خلاص نازلة معاك
مشعل وهو يضحك : خوافة .. يلا قدامي
نزلت تولين ومشعل عند فيصل
فيصل اول ماشافها قام يغني باستهبال:
الله يــا زين الــزعــل في محيـــاك
من شاف زينك ما تمنـاك ترضيـــن
كـلك حـلا لكن زعل وجهك احـــلاك
مـا احـلاك من بعد الزعل يوم تهدين

مـا شفت غيرك يشبـهك فـي مزاياك
و مـا شفت مثـلي حـايرٍ بين حــالين
حتــى ظــلالك خـــايفٍ مــا تعـداك
كنــه تهوض خطــوتك يــوم تمشين
تولين وهي مسوية زعلانة على فيصل: اوص ولا كلمة انا زعلانة
فيصل جلس بجنب تولين وهو يبوسها بخدها وباستهبال: افا ياذا العلم.. حبيبة قلب فيصل زعلانة ؟ ومين مزعلها قولي لي عشان ادفنه هنا.
تولين وهي تناظره بنص عين: لا بالله؟ مسوي بريء؟
فيصل وهو يضحك: والله مايهون علي زعل دلوعتي انا.. لو طلعتك انا ومشعلوه نتمشى ترضين علي؟
تولين وبفرحة كأنها طفلة: جد فصول؟ ياي من زمان ماطلعت معاكم
مشعل وهو يضحك على تولين: ياربي ذي البنت ماكأن عمرها الا 10 سنين
تولين تناظره بنص عين: لا والله تراني كبرك يالدب
فيصل وهو يضحك عليهم :يلا قومي البسي عشان نطلع
تولين ووهي تنقز راحت لاخوها ومشعل وباستهم بخدهم :احبكم يااحلى اخوان


الرياض - بيت العم نادر
أمل تطالع ساعتها وتمشي ف الغرفة رايحة جاية قلقانة على نادر
امل وهي تكلم نفسها: يارب طمني عليه.. ليه مايرد علي؟
رجعت اتصلت .. هذي المره المليون اللي تتصل فيها عليه ومايرد
خافت وجلست تبكي وتفكر ليه مايرد عليها.. هو بالعادة يجي قبل الساعة 12 بس الحين الساعة 1
سمعت صوت الباب ينفتح وقامت تجري لعند الباب.. شافته يسحب المفتاح من الباب وشكله مهموم .. راحت لعنده وشالت عنه شنطة العمل ودخلت غرفة النوم وحطتها .. شافته بيبدل ملابسه
امل بضيق: نادر ايش فيك اتصل عليك ماترد والله خفت عليك.. خفت لايكون صار فيك شيء
راحت لعنده وضمته من وراء
امل تكمل: نادر انا احبك افهمني والله احبك مااتخيل حياتي بدونك .. تكفى طلبتك لاتخوفني عليك مره ثانية.. اقلها طمني بمسج
نادر التفت لها وببرود: ان شاءالله
امل وهي تتأمله وتكلم نفسها:"ليه انت بارد معي كذا يانادر؟ ليه معاملتك لغيري احسن مني؟ ايش سويت لك؟ والله احبك.. ليه ماتحبني؟ ايش فيني ناقص عشان ماتحبني؟"
وعت على صوته: انا بروح انام قوميني 10 عشان عندي اجتماع..0
امل بصوت مخنوق: ماتبي تتعشا قبل؟
نادر وهو منسدح ومغمض عيونه: تعشيت بمكتبي
امل بضيق: طيب تصبح على خير ياروحي
خفضت الاضاءة وطلعت وسكرت الباب
امل تكلم نفسها: نفسي افهمك يانادر بس مو قادره.. تعبت وانا اجهز لك العشا وبكل برود تقول لي تعشيت؟ كان ودي اصرخ بوجهك واقولك انا تعبت!! حس فيني!! اتصل على الاقل عشان مااتعب نفسي واسوي شيء.. بس انا ضعيفة قدامك ..
انسدحت ع الكنب وهي تطالع تلفزيون ودموعها تنزل ، نامت بدون ماتحس
" قهد لما تشوف انسان تحبه وتضحي براحتك وتسوي له كل شيء عشان تسعده ويعاملك ببرود.. الكثير بيتسائل ليه نادر يعامل امل كذا؟ مع الايام بتعرفون"
نادر ( اخو فهد "ابو فيصل" عمره 35 يشتغل بشركة ابوه وعمه مع فهد .. عصبي وقاسي على زوجته )
امل( زوجة نادر .. طيبة وحنونة مرا وتحب زوجها نادر وفي بالها ان نادر تزوجها بالغصب لانه يعاملها ببرود ولا يوم حسسها انها زوجته وبنعرف السبب)

الرياض - قصر الجد "سعود"
يوم الجمعة الساعة 8:00 الصباح
طبعا كل جمعة لازم كل العائلة تتجمع في بيت الجد سعود وتفطر هناك وتتغدى وتتعشى
نبدا نعرف بالجد والجدة :
الجد "سعود" ابو فهد ( حنون ووسيع صدر وفلة والكل يحبه بس وقت الجد جد وكلمته مسموعة عنده 3 اولاد و4 بنات .. مهتم بعياله واحفاده ويعشق شيء اسمه ام فهد "سارة" عنده شركة كبيرة ومعروفة بكل مكان حتى في الدول الاوروبية ولها فروع عديدة)
الجدة "سارة" ام فهد ( طيبة وحنونة تحب الكل والكل يحبها .. مهتمة بنفسها وشكلها يدل على انها اصغر منهج عمرها بكثير من اهتمامها لنفسها.. اذا واحد من احفادها يبي شيء يكلمونها عشان تتوسط لهم عن ابائهم وامهاتهم لانهم يدرون انهم مايرفضون لها طلب)
كانت ام فهد عند الطباخين تقولهم ايش يسوون ع الفطور والغدا والعشا .. بعدها راحت جلست تتفرج مسلسل في الصالة الكبيرة اللي تطل على الحديقة ويطغى عليها اللون البني الفاتح والكنب البيج المرسوم عليه ورود باللون الوردي والسكري والاخضر ..
سمعت صوت الجرس ونادت ميري الخدامة يفتحون الباب
الجدة: مين ياميري؟
..: مااشتقتي لي يمه؟
الجدة بفرحة : فارس؟ يابعد قلبي ياوليدي وشلون مااشتاقلك قول لي؟ تعال يابعد عمري
فارس بثقة: احم احم كنت داري بس يقال اني بشوف غلاي عندك
فارس ( العم الفلّه .. عمره 24 وميانة مع عيال اخوانه واخواته .. يحب تولين بشكل مو طبيعي وكل اسراره عندها .. يدرس طب .. وسيم طويل وعيونه وسيعة وسودا ، شعره كثيف لونه بني .. اسمر وحلو سماره ، عنده غمازة وحدة بخده اليسار وطالعه عليه تجنن ساكن مع امه وابوه بس فارس كان مسافر مع اخوياه البحرين يومين وتوه راع )
جلس جنب امه بعد ماسلم على راسها ويدينها
فارس: شلونك يمه؟
الجدة: بخير ياوليدي انت شلونك؟ وكيف رحلتكم؟
فارس: زين يمه ، والله ياان الجو خطير ، ثاني مرة نتفق مع اخواني واخواتي وعمي وعياله ونروح كم يوم
الجدة: اي ان شاءالله
فارس: الا يمه .. محد جا من اخواني واخواتي؟
الجدة: ل...
توها بتتكلم الا دق الجرس
قام فارس يشوف مين عند الباب
فتح الباب: ياهلا ياهلا بوخيتي القاطعة..
..: هههههههههه والله مالقاطع الا انت .. بدال ماتقول والله مسكينة سمر ماتقدر تجينا الا وين وين ورا ماروح لها بدل هالفرفره مع اخوياك؟
فارس بضحكة: ولا تزعل وخيتي ، المرة الجاية اجي عندك واجلس اسبوع وش تبين بعد اكثر من كذا ؟ ادخلي حياك
الجدة: يمه فارس منو جا؟
فارس: سمر يايمه
الجدة: ياهلا ببنيتي وحبيبة قلبي انا .. تعالي خل اشوفك، من زمان ماشفتك ، اشتقتللك يايممه
سمر راحت لها وضمتها وسلمت عليها براسها ويدينها .. وجلست جنبها
سمر: دقيقة يمه بروح افسخ عبايتي واجيك
الجدة: الا وين عيالك يايمه؟
سمر: جايين .. رتتتتيل .. رررريوف تعالو يايمه سلمو على جدتكم ونادو اخوانكم
دخلو رتيل وريوف وبدر ونواف وسامي
بدر ( البكر عمره 25 .. رزه وثقيل وعاقل وهادي وحكيم .. يشتغل مع اعمامه بشركة جده سعود وخالد ، طويل ومعضل ، حنطي اللون ، ملامحه عاديه ، بس الشيء الوحيد الملفت فيه حواجبه المرسومة والثقيلة اللي تبرز رجولته )
ريوف ( عمرها 23 تدرس بالجامعة تخصصها إدارة اعمال ، طويلة ، ملامحها ناعمة ،شعرها اسود وطويل يوصل لخصرها ، هادية ، تحب امها وتعتبرها صديقتها )
نواف ( ولد مرجوج لابعد درجة صديق عبدالرحمن ولد خالته عمره 20 .. يحب بنت خالته سعاد "ملاك" بس محد يدري غير صديقه الروح بالروح وولد عمه ماجد ، متوسط الطول ، جسمه رياضي ، يهتم لكشخته كثير ، شعره ناعم وكثيف، الكل مايمل من جلسته وهباله مع فيصل ومشعل )
رتيل ( عمرها 18 ، نعومه مرا ، قصيرة وشعرها يوصل لرقبتها وناعم واسود ، نحيفة وتحب تهتم بنفسها ودلوعك امها ، تحب اخوها بدر ، وبدر يهتم لها كثير ، تحب فيصل ولد خالها ومحد يدري غير بنت خالتها وصحبتها الروح بالروح ملاك وتحب عمتها سحر بزيادة )
سامي ( اخر العنقود عمره 15 عشقه البلايستيشن والكورة .. هادي ويحب اخته ريوف ويعتبرها امه الثانية ، مدلع )
دخلو العيال وسلمو على جدتهم وعمهم فارس
وجلست تسألهم عن حالهم
رتيل: يمّه وين سحر؟
( احفاد الجدة يحبون ينادون جدتهم يمه ، وعمهم فارس وعمتهم سحر مايحبون احد يناديهم غير باساميهم )
الجدة: والله نايمة بغرفتها
رتيل: طيب يايمه بروح اصحيها
الجدة: اي الله يرضى عليك ، الله يصلحها البنت ذي بس نوم واكل وسهر
قامت ريتال لغرفة سحر.
سحر ( اخر العنقود عند ابو فهد وام فهد عمرها 20 .. تحب بنات اخوانها واخواتها وتحب رتيل وتعتبرها اختها مع انه فرق بينهم سنتين ، متوسطة الطول وشعرها طويل وناعم وكثيف ، عيونها واسعة ورموشها كثيفة وبيضاء )
دقت رتيل الباب بس ماسمعت رد
دخلت ، وحست بقشعريرة من برودة الغرفة
رتيل بنفسها: ياويلي ايش ذا البرد
رتيل وهي تصحيها: سحر ، سحري قومي! انا جيت ، اففف قومي والله طفشت
سحر وصوتها كله نوم: ابي انام ، خلوني شوي
رتيل : لو ماقمتي بجيب ماي واكبه عليك! بعد لما 3 .. 1 ، 2 ، 3 ، قمتتت
راحت رتيل وجابت كوب ماي بارد وكبته عليها
سحر قامت وهي تشهق: هئئئ ... بررررردددد .. والله اوريك يارتيلوه
هربت رتيل وهي تضحك
قامت سحر اخذت لها شور وفرشت اسنانها ،ودهنت نفسها ب لوشن بريحة الفراولة ولبست جينز وتي شيرت وردي فاتح عليه ورود ، ولبست عليه حلق ذهبي فيه لؤلؤ وحطت بلاشر وردي ورسمت عيونها باي لاينر وكثرت ماسكرا وحطت مرطب لابيلو بالفراولة ورشت نفسها بعطر قوتشي وشيكت على نفسها بالمرايا ونزلت تحت
شافت اخواتها كلهم ووعيالهم واخوانها وعيالهم وابوها وامها
سلمت على ابوها وامها وعلى اختها سمر وسعاد وسامية واخوانها فهد ونادر وفارس والبنات والاولاد
نعرفكم على اخوات سحر:
سعاد ( متزوجة من محمد ، فيها شوي غرور ، غير عن اخواتها ، تحقد وماتهتم غير بشكلها وماهمها عيالها )
محمد زوجها ( طيب وحنون ويحب زوجته مرا وعياله يشتغل في البنك )
سعود ( ولد صايع ومغزلجي درجة اولى عمره 25، يكلم نص بنات الرياض ، ماهمه احد وطول الوقت برا يفرفر بالشوارع .. وسيم ، طويل ومعضل ، اسمر وعيونه وسيعه وعنده غمازات ، يشتغل دكتور اسنان )
عبدالرحمن ( عمره 20 يحب ولد خالته نواف ودايم معاه ، طويل وجسمه عادي ، ملامحه عادية خشمه حاد وطويل واسمر شوي ، مرجوج ويحب الفّله واذا تضايق مايحب يبين لاحد)
ملاك ( وحيدة امها وابوها ، مرجوجة عمرها 18 تحب بنات خالتها رتيل وريوف وبنت خالها تولين ، تحب نواف بس محد يدري عنها ، صديقتها الروح بالروح بنت عمتها "حنان" ، طويلة ونحيفة ملامحها حلوة وهادية ، شكلها كيوت وناعم بس هي مرجوجة بقوة ، صوتها حلو لما تغني )

اختها سامية ( متزوجة سامر وتحب زوجها وهو يحبها ، ماعندها عيال ، طيبة والكل يحبها )
زوجها سامر ( طيب ويحب زوجته ويهتم لها ، وده بعيال بس ماوده يضايق حبيبته وينتظر الفرج من ربه ، يشتغل مدرس علوم )

جلسو وافطروا بعدين قامو الرجال للمجلس والحريم فكو حجابهم لان الحريم بس يتحجبون عن الرجال و جلسو بالحديقة يسولوفون والبنات جالسين لحالهم
تولين: اقول بنات
البنات: قولي
تولين باستهبال: لا لا خلاص بطلت
ملاك بعربجية: والله ان ماتقولين لاقوم عليك واقطعتس يابنت فهد
تولين بخوف: ياماما ، لا لا خلاص بقول
ضحكو البنات من خوف تولين
كملت تولين بحماس: ودي نسوي مغامرة كذا
سحر: اي والله صدق بس انتظروا لليل عندي فكرة خطيرة
البنات بحماس: وش قولي؟
سحر:......
ملاك: تعالي تعالي ابوس راسك على هالفكرة
سحر: هههههههههههههههه حسبي الله ياملاك بديت اشك انك بنت ، ورا ماتقلبيت اسمك عبدالملك؟
ملاك بتكشيرة: لا عاد مو لهدرجة يامال العافية
تولين ورتيل: الا صادقة عمتي
سحر ناظرتهم بنص عين: تعمعمت شياطينكم ، كم مره قايلة لكم لا تكبروني!
البنات: هههههههههههههههههههههههههه

قامو الرجال والشباب لصلاة الجمعة

عند الحريم في المطبخ يجهزون الغدا
ام ريوف: اقول ايش رايك يمه الجمعة الجاية نروح الثمامة نخيم هناك؟
الجدة: والله فكرة ماهي شينة ، نكلم ابوك ونشوف وانتو كلمو رجالكن
ام تولين: يسلم لي هالمخ ، فكرة حلوة ، نبي نغير جو وانا اختك
ام ملاك: انا عن نفسي مابجي معاكم
سامية: وليه ياام سعود؟
ام ملاك بغرور: انا بنت سعود ال... اروح الثمامة؟ وليه؟ عشان اتوسخ وارجع بيتنا؟ لا حبيبتي مستغنية عن الروحة واصلا عندي زواج لازم احضره
الجدة: انتي وزواجاتك ذي ماخلصت؟
ام ملاك تفشلت: يايمه الله يهديك من زمان مارحت زواجات بعدين ذا ولد صديقتي وهو البكر ، فشلة مااحضر
الجدة بتكشيرة: اي زين بس خلي عيالك يجون معانا وانتي روحي زواجك ذا
ام ملاك: بكيفهم ، اذا يبون يروحون معاكم يروحون
ام تولين: بتصل على ابو فيصل بشوف يبون الغدا الحين ولا شوي، عن اذنكم

راحت ام تولين لمجلس الحريم عشان تكلم زوجها وكان فاضي
ابو فيصل اول ماشاف اتصاله ابتسم وطلع الحديقة عشان يكلمها براحته
ام فيصل: هلا حبيبي
ابو فيصل: ياعيونه انتي
ام فيصل بحيا: اشتقت لك
ابو فيصل ذاب بحياها: ياويل حالي ، هذا ولنا سنين من تزوجنا وانتي للحين تستحين؟ وبهمس: ارحميني يامره ترا ماقدر على حياك
ام فيصل بضحكة: مشكلتي ماقدر ، استحي منك غصب عني والله ، المهم حبيبي
ابو فيصل: ياقلب حبيبك
ام فيصل بحيا: نسيت ايش كنت بقول وكله منك
ابو فيصل: هههههههههههههههههههههه وفديتهم
ام فيصل: يفداك كلي ، المهم تبون الغدا الحين ياروحي؟
ابو فيصل: اي والله حدي جوعان
ام فيصل: افا ، يخسي الجوع ، الحين اروح طيران واحطه
ابو فيصل بحب: الله يخليك لي ومانحرم منك
ام فيصل بحيا: امين يارب

في المطبخ
ام ملاك بحقد: اقول ذي راحت ولا رجعت كل ذا تكلم اخوي!
ام ريوف بضحكة: ههههههه وانتي ايش عليك منها؟ زوج وزوجته يكلمون بعض
ام ملاك بكره: الا مالت ، وش كبرها وللحين عندها حركات المراهقين ذي!
سامية: الحب مو حركات مراهقين، ليه منقهره؟ روحي كلمي زوجك ترا محد بيقول لك شيء
انقهرت ام ملاك وطلعت
الجدة بضيق: الله يهديها مدري لمين طالعة ، حقودة وماتحب الخير لغيرها
ام ريوف: ماعليك يمه ، ادعي لها ، ولاتكدرين على خاطرك

وحطو الغدا وتغدو وكل واحد راح جناحه يريح ، طبعا الجد مسوي ف قصره جناح لكل واحد من عياله وبناته عشان لا جو عنده

بالليل الساعة 9:00
البنات تجمعو بغرفة واحدة
تولين: ها سحر جبتي اللي بالي بالك؟
سحر: اي يلا نغير
وغيرو البنات .. طبعا كانت فكرة سحر انهم يلبسون ثياب ويروحون يستهبلون على العيال
خلصو وجلسو يضحكون على بعض كأنهم خكارية
طلعو من الباب الخلفي وراحو عند العيال ودقو الجرس
طبعا الرجال نامو وبقيو الشباب

عند الشباب
نواف ، فيصل ، مشعل ، عبدالرحمن ، سعود ، بدر ، فارس
كانو يلعبون بلوت ماعدا سامي كان يلعب بلاستيشن
فيصل: والله انك غشاش
نواف بضحكة: عشان بفوز قلت اني غشاش؟
فيصل ناظره بنص عين: اي هين
نواف : وهييييييييييه فزت ، يلا يلا هاتو كل اللي بمحافظكم
لفو الشباب عليه بصدمة
نواف بضحكة: اي شفيكم ؟ مو قلتو اللي يفوز يطلب اللي يبي؟
حقدو الشباب عليه وجو يطلعون محافظهم الا دق الجرس
فارس باستغراب: مين بيجينا بهالوقت والكل نايم؟
قام فارس وفتح الباب انصدم بالشباب اللي شافهم قدامه وحس انه يعرفهم
فارس باستغراب: هلا شباب ، بايش اقدر اخدمكم؟
سحر ماقدرت تمسك نفسها وضحكت: فويرس يالدب هذا احنا
فارس طالعهم بصدمة
سحبوه البنات واخذوه عند الحديقة وقالو له انهم يبون يستهبلون ع الشباب وانهم طفشانين وترجوه انه يساعدهم
طبعا وافق وقال بقول انكم اخوياي بس كل وحدة تختار اسم بسرعة
واختارو ، ملاك=عبدالملك
تولين=طلال
سحر=سلمان
رتيل= راكان
ريوف=نايف

عند الشباب استغربو وين راح فارس
قام نواف يبي يشوف وين راح فارس وسمع كل شيء وابتسم
دخل فارس ومعاه الشباب "البنات"







   

رد مع اقتباس
قديم 19-07-2013, 09:17 PM   رقم المشاركة : 2
معلومات العضو
الكاتبة دانيا
عضو جديد
 
إحصائيات العضو








الكاتبة دانيا غير متواجد حالياً

 
إحصائية الترشيح

عدد النقاط : 10
الكاتبة دانيا is on a distinguished road

 

 

افتراضي رد: رواية دعيني اقول بكل اللغات التي تعرفين ولا تعرفين أحبك انتِ / بقلمي

نهاية البارت
توقعاتكم :
ايش بيصير مع البنات ؟ هل بيكشفونهم ولا ؟
ونواف بيفضحهم ولا بيسكت ؟
امل ونادر وسبب بروده معاها ؟






   

رد مع اقتباس
قديم 19-07-2013, 09:37 PM   رقم المشاركة : 3
معلومات العضو
« *بنوتهـ توتهـ* »
ممٻڒة





 
الصورة الرمزية *بنوتهـ توتهـ*
 

 

 
إحصائيات العضو








*بنوتهـ توتهـ* غير متواجد حالياً

 
إحصائية الترشيح

عدد النقاط : 1298
*بنوتهـ توتهـ* has much to be proud of*بنوتهـ توتهـ* has much to be proud of*بنوتهـ توتهـ* has much to be proud of*بنوتهـ توتهـ* has much to be proud of*بنوتهـ توتهـ* has much to be proud of*بنوتهـ توتهـ* has much to be proud of*بنوتهـ توتهـ* has much to be proud of*بنوتهـ توتهـ* has much to be proud of*بنوتهـ توتهـ* has much to be proud of

 

 

افتراضي إضافة رد: رواية دعيني اقول بكل اللغات التي تعرفين ولا تعرفين أحبك انتِ / بقلمي

فصراحة رواية مرهـ حلوهـ أنا راح أكملها كلها بإنتظارك عزيزتي وكنت اتمنى لو كانت ياللغة العربية الفصحى يكون أحسن ومن غير هيك البارت الأول كثير حلو ومشوق وأحدث روعهـ وأتمنى من البنات ماينكشفو عشان تكون إثارة أكثر ويارت أعرف ليش نادر يعمل مع أمل هيك والله حيرني وتقبلي مروري .






التوقيع




   

رد مع اقتباس
قديم 19-07-2013, 09:47 PM   رقم المشاركة : 4
معلومات العضو
الكاتبة دانيا
عضو جديد
 
إحصائيات العضو








الكاتبة دانيا غير متواجد حالياً

 
إحصائية الترشيح

عدد النقاط : 10
الكاتبة دانيا is on a distinguished road

 

 

افتراضي رد: إضافة رد: رواية دعيني اقول بكل اللغات التي تعرفين ولا تعرفين أحبك انتِ / بقلمي

اقتباس:
المشاركة الأصلية كتبت بواسطة *بنوتهـ توتهـ* مشاهدة المشاركة
فصراحة رواية مرهـ حلوهـ أنا راح أكملها كلها بإنتظارك عزيزتي وكنت اتمنى لو كانت ياللغة العربية الفصحى يكون أحسن ومن غير هيك البارت الأول كثير حلو ومشوق وأحدث روعهـ وأتمنى من البنات ماينكشفو عشان تكون إثارة أكثر ويارت أعرف ليش نادر يعمل مع أمل هيك والله حيرني وتقبلي مروري .
حبيبتي انتي ، ماتدرين ايش كثر فرحت لما شفت ردك
بأذن الله اذا خلصت ذي الرواية ، الرواية الثانية بتكون بالعربي الفصحى






   

رد مع اقتباس
قديم 20-07-2013, 05:47 AM   رقم المشاركة : 5
معلومات العضو
هنوده الامورة
عضو نشيط
 
الصورة الرمزية هنوده الامورة
 

 

 
إحصائيات العضو








هنوده الامورة غير متواجد حالياً

 
إحصائية الترشيح

عدد النقاط : 47
هنوده الامورة is on a distinguished road

 

 

افتراضي رد: رواية دعيني اقول بكل اللغات التي تعرفين ولا تعرفين أحبك انتِ / بقلمي

يلا والله اتحمست والله الرواية خيال







   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
معالـ منتدى افضل شقلآطه السوالف والفرفشة 4 08-07-2013 05:15 AM

منتديات بنات
الترحيب و الاجتماعيات - دردشة - فضفضة و تجارب - المنتدى الاسلامي - اناقة و موضة - ميك اب و تسريحات - العناية بالشعر - العناية بالبشرة - تزيين العروسة - منتدى الرشاقة - صحة المرأة - قصص وروايات - مسنجر وتوبيكات - كمبيوتر وانترنت - الاعشاب و الطب البديل - الطبخ - وصفات الطبخ - وصفات الحلويات - جاليري الفنون - الاسره - التدبير المنزلي - الاعمال اليدوية - قسم الديكور - صور و اخبار و طرائف - المنتدى الادبي - العاب و مسابقات - المكتبة
سيدات طبخ قمصان فساتين منتدى بنات تسريحات حلويات العناية بالبشرة المراة اسماء بنات العاب بنات كروشيه العاب موقع بنات ستائر قصات شعر 2009 مطابخ الموضة اعمال يدوية الديكور رجيم مطبخ العائلة العاب فلاش صور منتدي منتديات بنات انتريهات صور اطفال ملابس طرائف ميك اب bnaat مفارش الحياة الزوجية لفات طرح محجبات مطبخ منال لانجيري مسكات وصفات اكلات حواء خلفيات ورسائل للجوال حل مشاكل الكمبيوتر والانترنت صور مسنجر

الساعة الآن 08:18 AM.


privacy-policy

Powered by vBulletin Version 4.2.0
Copyright ©2000 - 2024, Jelsoft Enterprises Ltd .