علاج للطفش طريقة تحميل صور شرح حذف الكوكيز اسباب ظهور تحذير بالمنتدى

تنبيه هـآم : يمنع وضع الصور آلنسائيه و الآغـآني في المنتدى

:bnaatcom0153:

 
 
العودة   منتديات بنات > مجالس الادب والشعر > مجلس القصص والروايات > مجلس الروايات الكاملة
 
 

مجلس الروايات الكاملة خاص بعرض الروايات الكاملة والطويلة

إضافة رد
 
أدوات الموضوع
قديم 23-05-2015, 02:17 PM   رقم المشاركة : 16
معلومات العضو
زهرة الورود
عضو فعال
 
إحصائيات العضو








زهرة الورود غير متواجد حالياً

 
إحصائية الترشيح

عدد النقاط : 57
زهرة الورود will become famous soon enough

 

 

افتراضي رد: رواية قدري انتي!! بقلمي

البارت الرابع

في صباح جديد مشمس رياح خفيفة
قعدت من نومها مو مثل كل صباح هالمرة قعدت بوقت مبكر على الجامعة
لبست


وقعدت على التسريحة حطت لها ميك اب خفيف ورشت لها عطرها الي انتشرت ريحته في كل مكان في الغرفة
نزلت تحت
ولقت امها تحضر الفطور
ابتسمت ابتسامة عريضة
فجر:صباح الخير يا اغلى ام في الدنيا
ام عادل:صباح النور اليوم قاعدة من الصبح شنو السالفة
فجر:لا سالفة وله شي بس شبعت نوم
ام عادل:عيارتج يلا قعدي افطري دامج قاعدة امبجر
فجر:يلا قاعدة
قعدت على طاولة الطعام ووحطت لها عصير برتقال
نزل ابو عادل وقعد على الطاولة
ابو عادل:صباح الخير
ام عادل وفجر:صباح النور
ابو عادل:ام عادل هذي فجر او اتخيل
ام عادل ضحكت وهزت راسها بــ أي
فجر:يبة هذي انا فجر شفيك
ابو عادل:لا بس مو من عادتج قاعدة مبجر
فجر:يعني ماتبوني اقعد امبجر اروح اكمل نومتي عادي
ابو عادل:لا لا خلج عليج بالعافية
فجر:الله يعافيك
ابو عادل:فجر بعد ماتردين من الجامعة بغيتج بموضوع
عادل بفضول وهو نازل من الدرج:شنو الموضوع يبة
فجر:يالملقوف ليش تحشر روحك
عادل:سكتي لا اعلم ابوي عليج
فجر:علم خوفتني عاد
عادل قعد على الطاولة
ابو عادل:شنو شصاير
فجر:طردته من الغرفة وزعل يازعم
ام عادل:مايصير تطردين اخوج
فجر:يمة انا قلت له ممكن تتفضل برا بس اهو رفض وفهم غلط
عادل:برري برري
ابو عادل:خلاص انت وياها دايما مناجر
ابو عادل:اسف يبة بس المفروض تحترم اخوها الكبير
فجر:افف شنو بتعطيني محاضرة اليوم خربت مزاجي
عادل:احسن
فجر:يلا انا ماشية مع السلامة
الكل:مع السلامة
طلعت من البيت ركبت سيارتها
اتصلت على صديقتها شوق
فجر:هلا وينج
شوق:في ستار بوكس
فجر:اوكي تعالي الجامعة بعد ماتخلصين
شوق:اوكي
**
كان يجهز نفسه بيروح الشركة رن جرس الجناح
جاف على الشاشة فواز
ضغط حبة الرد
فواز:صباح الخير بغيت اخبرك ابوي يبيك ضروري وشكله معصب يلا تعال بسرعة
وليد:ماشي روح جاي الحين
فواز:اوكي
سكر وليد الجرس رش له عطره المفضل الي تفضله امه وتحب تشم عليه ريحة العطر
طالع نفسه في المنظرة وراح
**
طق الباب
ابو وليد:تفضل
فتح الباب ودخل
وليد:بغيتني
ابو وليد:اي تعال اقعد وريم خلينا بروحنا
قعد وليد بكرسي بروحه
ريم:حاضر
قامت وطلعت وسكرت الباب
ابو وليد:تعال اقعد جمبي
وليد:مرتاح اهني قولي الموضوع علشان بروح الشركة
ابو وليد:انت الحين كبرت ولازم تتزوج
وليد:قلت لك من قبل مابي اتزوج ابي اعيش حياتي بدون زواج
ابو وليد:هذا طلب امك مو بس طلبي
وليد وقف:الله يرحمها بس ماله داعي تنفذ الي طلبته امي منك هذا وانت ماعرفت تقدرها
ابو وليد عصب وقام وعطى وليد كف قوي
وليد:كلامي صح مو
وليد طلع من البيت وهو معصب
ريم بسرعة راحت لابو وليد جافته طايح على الارض
ريم:ضاري فواز لحقوا علي ابوكم اغمى عليه
ضاري وفواز بسرعة جوا وحملوا على المستشفى
**
يسوق بشكل جنوني ويتذكر كف ابوه وتلفونه يرن بس مايرد عليه
وصل للبحر ووقف ونزل من السيارة
اخذ له حصى وصار يرميها في البحر كل مايتذكر مواقفه السيئة مع ابوه
قعد على الرمل وحط راسه بين رجليه
............:وليد
**
دخلت الجامعة وكان بنفس الوقت داخل دكتور خالد
ابتسمت وراحت له
فجر:صباح الخير
دكتور خالد:صباح النور
فجر:شلونك دكتور
دكتور خالد:بخير وانتي
فجر:الحمدالله
دكتور خالد:يلا استأذن
فجر:دكتور لحظة
دكتور خالد:نعم في شي
فجر:اي دكتور انا في درس ماحضرته ممكن تشرح لي اياه
دكتور خالد:اي تعالي لي بعد المحاضرة
فجر:اوكي شكرا دكتور
دكتور خالد:العفو
دكتور خالد راح عنها وهي فرحانة وشوي تطير من الفرحة
**
فيصل:وليد شفيك
وليد رفع راسه
وليد:تعبت من هالدنيا يا فيصل
فيصل:لا تقول جدي وبعدين مهما يكون هذا ابوك ويحبك ويعرف مصلحتك
وليد:ابوي الي قتل امي ابوي الي تزوج عليها وخلها تموت اي ابو هذا الي يسوي في عياله جدي
فيصل:وليد اهدأ وكلشي بيصير اوكي
**
في المستشفى
طلع الدكتور من غرفة العمليات
ضاري:ها دكتور طمنا شفيه ابوي
الدكتور:هالمرة عدت على خير ودقات قلبه طبيعية بس الله يعلم المرة الثانية شنو بيصير اتمنى مااتضايقونه بشي علشان صحته
فواز:انزين الحين شنو وضعه
الدكتور:حالته مستقرة وماعليه شر ان شاء الله
ضاري:مشكور دكتور
الدكتور:العفو
**







   

Facebook Twitter Google+ Instagram
رد مع اقتباس
قديم 24-05-2015, 08:37 PM   رقم المشاركة : 17
معلومات العضو
سمااهر
عضو جديد
 
إحصائيات العضو








سمااهر غير متواجد حالياً

 
إحصائية الترشيح

عدد النقاط : 10
سمااهر is on a distinguished road

 

 

افتراضي رد: رواية قدري انتي!! بقلمي




أعجبتني كثير الرواية استنى البارت الجاي بكل شوق








آخر تعديل بواسطة سمااهر بتاريخ 24-05-2015 الساعة 08:38 PM .  

   

Facebook Twitter Google+ Instagram
رد مع اقتباس
قديم 25-05-2015, 05:18 AM   رقم المشاركة : 18
معلومات العضو
الناعسه
عضو مـتـمـيز
 
الصورة الرمزية الناعسه
 

 

 
إحصائيات العضو








الناعسه غير متواجد حالياً

 
إحصائية الترشيح

عدد النقاط : 1100
الناعسه has much to be proud ofالناعسه has much to be proud ofالناعسه has much to be proud ofالناعسه has much to be proud ofالناعسه has much to be proud ofالناعسه has much to be proud ofالناعسه has much to be proud ofالناعسه has much to be proud ofالناعسه has much to be proud of

 

 

افتراضي رد: رواية قدري انتي!! بقلمي

ماشاء الله

تتابع ممتاز وطرح جميل

متابعه







التوقيع

   

Facebook Twitter Google+ Instagram
رد مع اقتباس
قديم 25-05-2015, 06:38 PM   رقم المشاركة : 19
معلومات العضو
روآآآبي
عضو ماسي
 
الصورة الرمزية روآآآبي
 

 

 
إحصائيات العضو








روآآآبي غير متواجد حالياً

 
إحصائية الترشيح

عدد النقاط : 565
روآآآبي is a name known to allروآآآبي is a name known to allروآآآبي is a name known to allروآآآبي is a name known to allروآآآبي is a name known to allروآآآبي is a name known to all

 

 

افتراضي رد: رواية قدري انتي!! بقلمي



طرحك رهيب ماشاء الله عليك تسلمي حبيبتي







التوقيع

   

Facebook Twitter Google+ Instagram
رد مع اقتباس
قديم 06-06-2015, 04:16 PM   رقم المشاركة : 20
معلومات العضو
زهرة الورود
عضو فعال
 
إحصائيات العضو








زهرة الورود غير متواجد حالياً

 
إحصائية الترشيح

عدد النقاط : 57
زهرة الورود will become famous soon enough

 

 

افتراضي رد: رواية قدري انتي!! بقلمي

البارت الخامس
دخلت محاضرة الدكتور خالد وبعدها دخل وراها الدكتور
قعدت في المرتبات الامامية
دكتور خالد:السلام عليكم وين وصلنا اخر محاضرة
فجر:دكتور وصلنا لصفحة 55
دكتور خالد:شكرا فجر
فجر:العفو*
دكتور خالد:يلا نبتدي المحاضرة
الدكتور صار يصرح وكالعادة فجر تتأملل فيه
**
رن تلفونه بس مارد عليه
فيصل:شفيك رد على التلفون*
وليد:مالي خلق
فيصل:يمكن يبونك في شي ضروري
وليد:شنو الشي الضروري هاا
فيصل:لا تسوي في روحك جدي وقوم رد الشركة*
وليد:ماخذ اجازة
رن التلفون مرة ثانية
فيصل:يأخي رد على التلفون ترا صرعنا
وليد:رد انت
فيصل:اوكي
اخذ التلفون وجاف ضاري رد عليه
ضاري:الو وليد انت وينك
فيصل:انا فيصل مو وليد خير شصاير
ضاري:ابوي طايح في المستشفى اتمنى تخبر وليد
فيصل:شفيه عمي وبأي مستشفى
ضاري:سكتة قلبية ومستشفى ............
فيصل:ماشي الحين جايين
سكر فيصل بسرعة*
فيصل:وليد قوم ابوك في المستشفى
وليد بخوف:ليش
فيصل:سكتة قلبية
وليد:يلا بروح اجيب المفتاح وجاي*
فيصل:بسرعة لا تتطول
**
خلصت المحاضرة وطلع الدكتور
شوق راحت لعند فجر
شوق:فجر
فجر:نعم
شوق:الحين الايميل عندج اياه شنو بتسوين
فجر:بكلمه منه
شوق:من صجش
فجر:اي
شوق:واذا رفض يكلمج
فجر:الله لا يقوله يلا باي بروح له
شوق:ليش
فجر:بخليه يشرح لي الدرس
شوق:يشرح لج والله تقعدين معاه*
فجر:الاثنين
شوق:مابتبطلين حركاتج
فجر:شوق يلا باي بكلمج لما اخلص
شوق:اوكي
فجر طلعت من القاعة راحت لغرفة الدكتور خالد
طقت الباب
الدكتور خالد:تفضلي فجر
دخلت فجر وسكرت الباب
فجر:شلون عرفت اني انا
الدكتورخالد:انتي قلتي بتجين وتوقعتش
فجر ابتسمت
الدكتور خالد:تفضلي قعدي
فجر:شكرا دكتور
قعدت فجر على الكرسي
**
وصل المستشفى وراح ركيض دخل المستشفى سأل عن غرفة ابوه في الاستقبال وركب الدرج وراح على جناحه
وقف عند باب الجناح متوتر يفتح الباب او لا
فتح الباب ودخل لقى ابوه في السرير فاقد الوعي بينه اجهزة كثيرة*
مشى بخطوات بطيئة رايح لسرير ابوه
وقف عند السرير وهو يطالع ابوه ويتذكر شلون امه ماتت بسببه*
لف بيطلع حس بأيد تمسكه*
التفت وراه لقى ابوه ماسكه*
ابو وليد:وليد لا تروح
وليد:اسف بس عندي شغل
ابو وليد:ابيك تتزوج وتنفذ طلب امك
وليد:ليش يهمك الي تطلبه امي ليش*
ابو وليد:امك عزيزة علي
وليد بغضب:لو كانت عزيزة عليك ماتزوجت عليها وخليتها تموت
ابو وليد:انت فاهم غلط
وليد:انا فاهم كل شي صح وزواج ماراح اتزوج
طلع من الجناح مكسور قلبه*
مايدري شنو يسوي مع ابوه*
**
دكتور خالد:اتمنى فهمتي شرحي
فجر:اي شكرا دكتور تعبتك معاي
دكتور خالد:لا تعب وله شي احب اخدم طالبة مثلج*
فجر:دكتور ممكن سوال بس لاتفهمني غلط
دكتور خالد:اي تفضلي
فجر:ءء انت تعاملني بطريقة غير عن بقية الطلاب ممكن افهم ليش
دكتور خالد:احترم الطلاب مثل مااحترمج اتمنى ماتفهمين غلط واذا على التأخير اليومي اسامحج لان انتي من الطلاب المتميزين ومابي تطوفج دروس بسبب التأخير لا اكثر ولا اقل
فجر بحزن:شكرا دكتور اظاهر فهمتك غلط اسفة*
قامت وطلعت وهي مجروحة نزلت دمعتها وبسرعة مسحتها
**
ضاري:يبة جا وليد
ابو وليد:اي*
ضاري:ليش بسرعة راح
ابو وليد:عنده شغل
ضاري:وهذا دايما مشغولة مايقدرك انت ابوه تقعد معاه بالمستشفى على الاقل
ابو وليد:خلها على الله
ضاري:يبة انت بخير
ابو وليد:اي الحمدالله وطمنت امك اخاف للحين خايفة علي
ضاري:اي طمنتها
ابو وليد:متى اطلع من المستشفى مليت*
ضاري:يبة اول خلك تطيب بعدين تطلع
ابو وليد:مااحب المستشفيات وابي اطلع بسرعة*
ضاري:بكلم الدكتور وبقوله*
ابو وليد:اي قله بأقرب وقت
**
رن تلفون فواز
فواز:رقم غريب
فهد:رد عليه
فواز:اوكي
رد فواز
فواز:الو*
.............:فواز انا عبير*
فواز:اي عبير
عبير:عبير الي كلمتك في الجامعة امس
فواز:اي المعجبة شنو بغيتي
عبير:ابي اكون معاك علاقة
فواز:عفوا بس مابي اكون علاقات بهالشكل
عبير:ليشم اتحاول تفهم اني احبك
فواز:وانا مااحبج ومرة ثانية لا تدقين على هالرقم تراب تجوفين شي ماجفتيه
سكر فواز بوجها
فهد:منو
فواز:المعجبة
فهد:شتبي
فواز:تبي نكون علاقة*
فهد:انزين جان قبلتها ترا البنت حلوة ماتنعاف
فواز:تبيها خذها*
فهد:عندي بنت احلى منها
فواز:بس عجل اسكت
فهد:مابتطلع اليوم مع الشباب
فواز:لا وين ابوي في المستشفى مااقدر
فهد:عسى ماشر
فواز:سكتة قلبية
فهد:مايجوف شر
فواز:الشر مايجيك يلا بروح
فهد:وين
فواز:البيت بعد وين
فهد:توها الناس اقعد
فواز:بروح انام تعبان من الصبح في المستشفى
فهد:اوكي نوم العوافي
فواز:باي باي ولا تكثر حجي
**
انتهى البارت ادري انه قصير بس للاسف مااجوف تفاعل







   

Facebook Twitter Google+ Instagram
رد مع اقتباس
قديم 06-06-2015, 04:49 PM   رقم المشاركة : 21
معلومات العضو
كلام نواعم
عضو ماسي
 
إحصائيات العضو








كلام نواعم غير متواجد حالياً

 
إحصائية الترشيح

عدد النقاط : 1034
كلام نواعم has much to be proud ofكلام نواعم has much to be proud ofكلام نواعم has much to be proud ofكلام نواعم has much to be proud ofكلام نواعم has much to be proud ofكلام نواعم has much to be proud ofكلام نواعم has much to be proud ofكلام نواعم has much to be proud of

 

 

افتراضي رد: رواية قدري انتي!! بقلمي

احب اهنيك على طرحك الشيق


ششششكرا جزييييلا







التوقيع

التغذية والرجيم والصحه
القصص والروايات
عــــلاجـــك بــالــطــبـيـعـه
الاخبار المثيرة والغريبة
أبتكارت وحلول المنزل المنظم
الصور الغريبه والطريفه
العنايه بالشعر
العنايه بالبشرة والمكياج

الله اكبر كبيرا والحمدلله كثيرا وسبحان الله بكرة واصيلا

   

Facebook Twitter Google+ Instagram
رد مع اقتباس
قديم 08-06-2015, 01:11 AM   رقم المشاركة : 22
معلومات العضو
روآآآبي
عضو ماسي
 
الصورة الرمزية روآآآبي
 

 

 
إحصائيات العضو








روآآآبي غير متواجد حالياً

 
إحصائية الترشيح

عدد النقاط : 565
روآآآبي is a name known to allروآآآبي is a name known to allروآآآبي is a name known to allروآآآبي is a name known to allروآآآبي is a name known to allروآآآبي is a name known to all

 

 

افتراضي رد: رواية قدري انتي!! بقلمي

رائعة جدا روايتك

متابعين لك بصمت

استمري وننتظر البارت الجاي حبيبتي







   

Facebook Twitter Google+ Instagram
رد مع اقتباس
قديم 10-06-2015, 12:06 PM   رقم المشاركة : 23
معلومات العضو
زهرة الورود
عضو فعال
 
إحصائيات العضو








زهرة الورود غير متواجد حالياً

 
إحصائية الترشيح

عدد النقاط : 57
زهرة الورود will become famous soon enough

 

 

افتراضي رد: رواية قدري انتي!! بقلمي


البارت السادس

دخل فواز البيت وجاف وليد على يشتغل على لابتوبه
راح لعنده
فواز:شنو انت مارحت لابوي
وليد وعيونه على الابتوب:رحت
فواز:وليش ماضليت معاه
وليد:عندي شغل
فواز:ليش الشغل اهم من ابوك
وليد سكر الابتوب بقوة وحمله بيده وقام
وليد بغضب:اي الشغل اهم منه
راح وليد عن فواز وهو معصب
**
شوق:فجر شفيج من رجعتي من عند الدكتور خالد وانتي ماتكلمتي
فجر ماردت عليها
شوق:قالج شي يزعل صح ..كنت عارفة وقلت لج من البداية لا تروحين له بس انتي عاندتي ورحتي
فجر بغضب:خلاص سكري الموضوع انا فاهمة غلط
فجر قامت وطلعت من الكفتريا
شوق:فجر ..فجر
**
ريم:الحمدالله على سلامتك ماتشوف شر ان شاء الله
ابو وليد:الشر مايجيش
ضاري:يبة الدكتور قال لازم ترتاح جم يوم في المستشفى وترتاح من الشغل
ابو وليد:انا ابي اطلع الشركة بحاجتي
ريم:الله يهديك بس وضاري وين راح اهو بيقوم بالشركة
ابو وليد:لا انا لازم اطلع باجر
ضاري:خلاص يبة انا بقول للدكتور
ريم:يعني لازم تطلع باجر ضل اهني احسن لك
دخلت ندى ملهوفة وخايفة على ابوها وبسرعة راحت لعنده
ندى:يبة فيك شي انت بخير
ابو وليد:انا بخير لا تحاتين
ندى حضنت ابوها بقوة من شدة خوفها عليه
ابو وليد:خلاص ندى انا مافيني شي
ندى رجعت على وراها
ندى:متأكد
ابو وليد:متأكد
ندى:والله كنت خايفة عليك وجيت على طول اهني
ضاري:من جابك
ندى:السايق
ريم:ليش داخلة جدي حتى سلام ماسلمتي
ندى طالعتها بحتقار وقالت:اسفة مانتبهت انج موجودة
ابو وليد:ماعليه البنت كانت خايفة علي ونست
**
تسوق السيارة وهي تتذكر كلام الدكتور خالد وهي تبجي
فجر في نفسها:انا الغبية الي رحت سألته وشلون احب دكتوري في الجامعة هذا اكبر غباء اكيد يعتبرني مجرد طالبة لا اكثر ولا اقل ولازم ماافهم غلط مرة ثانية وانسى كل الي صار
مسحت دموعها وقررت تبتدي بداية جديدة وماتفكر بدكتور خالد
وصلت البيت بندت السيارة ودخلت لقتهم قاعدين على السفرة ناطرينها
ابو عادل:يلا فجر تعالي اكلي
فجر راحت وقعدت
ام عادل:فجر عطيني صحنج
فجر اخذت الصحن ومدته لامها وحطت لها
فجر تاكل بهدوء مو مثل كل يوم تتناجر مع اخوها
عادل:اقول فجر
فجر:نعم
عادل باستغراب:نعم
فجر:اي نعم
عادل:يمة يبة متأكدين هذي بنتكم
ضحكوا عليهم
فجر:ليش شنو قلت
عادل:لا بس عادتج تقولين ها لما اناديج
فجر:يعني عيب لما اقولك نعم افف اسكت بس
ابو عادل:فجر لما تخلصين الغذى تعالي بكلمج بالموضوع الي حاجيتش فيه
فجر:ان شاء الله
**
ضاري:يلا يمة ندى قوموا روحوا البيت
ريم:انا بقعد اهني مابروح
ندى:وانا بعد بقعد
ضاري:يبة كلمهم
ابو وليد:ضاري معاه حق يلا ردوا البيت وبعدين مروني
ضاري:اي يلا
ندى:اوكي يلا مع السلامة يبة ودير بالك على نفسك
ريم:لا تنسى دواك واذا احتجت اي طق الجرس وراح يجونك
ضاري:يبة لو انا المريض ما سو لي جدي
ريم:سمله عليك يمة
ابو وليد ضحك عليهم
ندى:ضاري يلا
ضاري:انزين شفيج مستعيلة
ندى:بروح لوليدو
ضاري:ليش
ندى:مو شغلك
**
خلصوا الغذى وركبت فجر لغرفتها وغيرت ملابسها ونزلت
كان ابو عادل قاعد في الصالة
راحت لعنده وقعدت جمبه
فجر:امرني يبة شبغيت
ابو عادل:ما يآمر عليج عدو ..الموضوع ومافيه انه رفيجي خاطبج لولده
فجر باندهاش:انا
ابو عادل:اي انتي ليش متفاجأة
فجر:بس يبة
ابو عادل قاطعها:ابيج تفكرين بالموضوع زين وتردين لي شنو قررتي
فجر:بس انا مابي اتزوج الحين
ابوعادل:يبنتي انتي في سن زواج والخطاب يجون لج ودايما ترفضين بس هالمرة غير ابيج تفكرين زين وولد رفيجي مدير اعمال وطبعا اهو رفيجي من عمر وعارفه زين وصدقيني اذا انكتب لج وياه نصيب انا بطمن عليج لانج بين ناس انا عارفهم
فجر:يبة راح افكر في الموضوع ورد لك خبر
ابو عادل:اخذي راحتج
فجر:عن اذنك يبة
ابو عادل:تفضلي
فجر صعدت غرفتها وهي بالها مشوش ماتعرف شنو تسوي تقبل الولد الي تقدم لها وتنسى الدكتور خالد او انها ترفضه لانها تحب الدكتور خالد ويمكن في امل الدكتور خالد يرجع لها
قعدت تفكر اي القرار الصح بنسبة لها
وهي تفكر جت على بالها شوق الي عصبت عليها وهدتها في الكفتريا
اتصلت عليها
فجر:الو شوق
شوق:هلا فجر
فجر:اسفة شوق على الي صار اليوم صدقيني ماكنت اقصد بس كنت معصبة
شوق:لا عادي احنا خوات ونفهم لبعض
فجر:شوق ابيج تساعديني
شوق:آمريني
فجر:ماينفع في التلفون ابي اجوفج
شوق:اوكي وين
فجر:تعالي مجمع*...............* الساعة 7
شوق:اوكي تبين شي ثاني
فجر:سلامتج
شوق:باي
فجر:باي
**
دخلت البيت وبسرعة راحت على جناح وليد
طقت الجرس مرة ومرتين وثلاث
ومارد عليها
نزلت تحت الصالة
ندى:فواز
فواز:ها
ندى:وين وليد
فواز:وينه بعد في جناحه
ندى:مو في الجناح
فواز:وانا شدراني
ندى:قاعد في البيت وماتدري بشي
فواز:ندى روحي عني مالي خلقج
ندى:عاد انا الي خلقك
فواز:احسن
**
انتهى البارت اتمنى
الاسئلة
منو هذا الولد تتوقعون الي خاطب فجر؟
هل بتوافق فجر على الزواج؟
وين بيكون راح وليد؟
**************************







   

Facebook Twitter Google+ Instagram
رد مع اقتباس
قديم 15-06-2015, 06:33 PM   رقم المشاركة : 24
معلومات العضو
روآآآبي
عضو ماسي
 
الصورة الرمزية روآآآبي
 

 

 
إحصائيات العضو








روآآآبي غير متواجد حالياً

 
إحصائية الترشيح

عدد النقاط : 565
روآآآبي is a name known to allروآآآبي is a name known to allروآآآبي is a name known to allروآآآبي is a name known to allروآآآبي is a name known to allروآآآبي is a name known to all

 

 

افتراضي رد: رواية قدري انتي!! بقلمي

منو هذا الولد تتوقعون الي خاطب فجر؟
اتوقع ابو وليد خاطبها لولده وليد
هل بتوافق فجر على الزواج؟
لا مااظن انها بتوافق
وين بيكون راح وليد؟

اتوقع انه راح يزور ابوه بالمستشفى ويوافق على الزواج

كملي حبيبتي متحمسسسه للبارت الجاي







   

Facebook Twitter Google+ Instagram
رد مع اقتباس
قديم 14-07-2015, 04:58 PM   رقم المشاركة : 25
معلومات العضو
وعد الرشيد
عضو فعال
 
الصورة الرمزية وعد الرشيد
 

 

 
إحصائيات العضو








وعد الرشيد غير متواجد حالياً

 
إحصائية الترشيح

عدد النقاط : 55
وعد الرشيد will become famous soon enough

 

 

افتراضي رد: رواية قدري انتي!! بقلمي

منو هذا الولد تتوقعون الي خاطب فجر؟
اظن الدكتور خالد
هل بتوافق فجر على الزواج؟
اتمنى
وين بيكون راح وليد؟
يمكن عند واحد من أصحابه او في الشركه







   

Facebook Twitter Google+ Instagram
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

منتديات بنات
الترحيب و الاجتماعيات - دردشة - فضفضة و تجارب - المنتدى الاسلامي - اناقة و موضة - ميك اب و تسريحات - العناية بالشعر - العناية بالبشرة - تزيين العروسة - منتدى الرشاقة - صحة المرأة - قصص وروايات - مسنجر وتوبيكات - كمبيوتر وانترنت - الاعشاب و الطب البديل - الطبخ - وصفات الطبخ - وصفات الحلويات - جاليري الفنون - الاسره - التدبير المنزلي - الاعمال اليدوية - قسم الديكور - صور و اخبار و طرائف - المنتدى الادبي - العاب و مسابقات - المكتبة
سيدات طبخ قمصان فساتين منتدى بنات تسريحات حلويات العناية بالبشرة المراة اسماء بنات العاب بنات كروشيه العاب موقع بنات ستائر قصات شعر 2009 مطابخ الموضة اعمال يدوية الديكور رجيم مطبخ العائلة العاب فلاش صور منتدي منتديات بنات انتريهات صور اطفال ملابس طرائف ميك اب bnaat مفارش الحياة الزوجية لفات طرح محجبات مطبخ منال لانجيري مسكات وصفات اكلات حواء خلفيات ورسائل للجوال حل مشاكل الكمبيوتر والانترنت صور مسنجر

الساعة الآن 10:18 AM.


privacy-policy

Powered by vBulletin Version 4.2.0
Copyright ©2000 - 2018, Jelsoft Enterprises Ltd .