علاج للطفش طريقة تحميل صور شرح حذف الكوكيز اسباب ظهور تحذير بالمنتدى

تنبيه هـآم : يمنع وضع الصور آلنسائيه و الآغـآني في المنتدى

:bnaatcom0153:

 
 
العودة   منتديات بنات > مجالس وناسه و العاب > السوالف والفرفشة
 
 

السوالف والفرفشة [• المشـآركات غير محسو بـہ•]

إضافة رد
 
أدوات الموضوع
قديم 28-07-2007, 02:21 PM   رقم المشاركة : 1
معلومات العضو
صديقة الجميع
عضو نشيط
 
إحصائيات العضو








صديقة الجميع غير متواجد حالياً

 
إحصائية الترشيح

عدد النقاط : 10
صديقة الجميع is on a distinguished road

 

 

افتراضي ساحة الاقلاع yash raj films

كثـير ماواجه ناس ماهي معترفه بالسينما الهنديــه
ولو غلطت وسألت سؤال هل تحبون الأفلام الهنديه ؟
ألاحظ موجة ضحك وتهكمات وسخريــه وكالعاده
ايه أشوف أفلام هندي اللي البطل فيها يطيح من فوق عماره ومايموت
ولا واحد يحب وحده غنيه مره ولا هو غني مره وكذا
أستغرب صراحــه هل اللي أشوفه مايشوفونه ولا وش القصه بالضبط
في أفلام هنديه أو خط أنتاجي خاص بالسينما العالميــه كلها
في كذا فلم على أمتداد السنين من عام 1994 الى هاليوم
أعتبرهم أساطير في عالم السينما وقصص الحب
الشي اللي ينذكر لبوليوود قوتهم في المشاعر والتركيز في أدق التفاصيـل
الوضوح والسهولـه والرومانسيــه اللي تشع من عيونهم اثناء التمثيــل
فموضوعي اليوم هو عباره رحلــه تبدا بكره (( جهل )) للسينما الهنديه
وان شاء الله أنا واثقه لو تشوفون الأفلام اللي بأنصحكم فيها
راح يتحول هالكره (( الجهل )) لحب وأدمان قوي
متأكده من هالشي لأني مجربته عملي في الناس اللي حولي
ومتأكده ايضاَ لأني انا بنفسي أنسحرت بهالعالم من بعد ماتابعت فلم هندي واحد
عام 94 غير نظرتي عن السينما العالميه ككُل
وماذكر أني عرفت شخص شافه وماحبــه بالعكس ممكن تشوفونه مرات ومرات متكرره بدون ماتملون لكثرة مافيه من تفاصيــل ومتعه ..

yash rajــــــــــــــــــــــــ




أول فلم أحب أنكم تشوفونه في بداية هالرحلــه ..



Dilwale Dulhania Le Jayenge
come ..fall in love...all over again
أنتاج
عام 1994
أخراج
Aditya Chopra
بطولة
Shahrukh Khan بدور Raj Malhotra
Kajol بدور Simran Singh
القصه رومانس
هذا الفلم يعتبر انطلاقه حقيقه للمثل شاروخ خان تقريباً هالفلم حطه في أعلى هرم الممثلين في السينما الهنديه
لدرجة ان الكثير شبهوه بأميتاب باتشان أسطورة السينما في الهند
الفلم من انتاج yash أبو المخرج هو بنفســه كان مخرج ..

أحداث الفلم


raj شاب توه تخرج من الجامعه في لندن طايش مع أصحابــه غني والأبن الوحيد لأب مدلــعه
simron فتاه ملتزمه مجتهده ابنة عائله محافظه بتقاليدها في الهند أبوها رجل صارم وهي كمان تخرجت هالسنـه
sim فتاه رومانسيه حالمه أملها في الحياه انها تتزوج عن قصة حب ..
تبداً أحداث الفلم لما يطلبون صديقات سيمرون منها تجي معاهم في رحله في كذا مدينه اوربيــه بالقطار
وتروح معاهم بعد ماقنعت ابوها اللي ماكان موافق بالأول
راج بنفس الوقت أتفق مع اصحابه يطلعون بنفس الرحلــه يرفهون عن أنفسهم بعد التخرج



يلتقون بالصدفه في البدايه سيمرن تكره راج لأنه بنظرها صايـع وهو تمسك معه الا يضايقها دايم ويعمل لها مقالب يعصبها زياده


تستمر المقالب والكره الين يروح القطار عليهم وراج وسيمرن يفوتهم فيضطرون يباتون بهالمدينه لوحدهم ..
يجي الليل وينزل الثلج وماكان مع سيمرن ملابس برد فتبرد يعرض عليها راج الشراب وماترضى
قال لها يدفيك شرب منه شوي ونام صحى لقاها سكرانــه طينه صار يلاحقها وينتبه لها ..
لما جى الصباح صحت وهي في سرير وعليها بس قميص راج وهو دخل الغرفه ومعه فطور وجلس جنبها يعاملها بحنيه ورومانسيــه هي انفجعت وخافت انها سوت شي وهي سكرانــه راح تندم عليه طول عمرها راج كشف عن صدره اللي مليان بوسات بروجها وقتها هي انصدمت وهسترت وصارت تبكي بقوه وتصارخ راج انتبه ان هالمقلب بايخ صار يهديها ويقول انه مقلب وهي مو راضيه تصدقه يطلع الروج من جيبه هذا روجك انا رسمت البوسات ماصار بينا شي وهي مي راضيه تصدق وتصارخ
بالأخير مسك وجهها بيديه وقالها بصوت حازم أنا مهما عشت في اوروبا أبقى هندي وماراح أقرب من بنت بدون رضاها وأستغلها .. وقتها بس ارتاحت .. وكانت بداية هدنه بينها وبينه



بعد مايقضون هاليوم لوحدهم ينتبه راج أنه ممكن يكون معجب في شخصيتـها بس مايقول
جلس معاها يستنى القطار وهم يسولفون قالت له أنها انخطبت من أبن صديق ابوها في الهند



استغرب منها لأنها لها حلم خاص بطريقة زواجها قالت له أنها مجرد أحلام ماتتحقق
بعد ماتوادعوا بنهاية الرحله مع اصحابــهم راح معاها لداخل محطة القطار علشان كل واحد فيهم ياخذ قطاره ويرجع لبيتــه ومدينته
أول ماتوادعوا حسوا بشي وكل واحد راح لطريقــه ماعرفوا أنهم يحبون بعض الا لما أفترقوا
جلست سيمرن تحكي امها عنه وكيف أنه حلم حياتها وكيف تتمنى تتزوجه هو مو ولد صديق أبوها
وبالصدفه سمعها الأبو فيقرر يسفرهم ويسرع بزواجها عقاب لها ..
راج يرجع يدور بيتها ويقولون له انهم في الهند علشان زواج سيمرن يقرر انه يسافر لها علشان يقول انه يحبها



تشوفه في الهند ويعترفون لبعض بالحب وتقول له انو مافي حل غير انها تهرب معه
لكن هو يقرر ماياخذها بهالطريقه هو يحبها ويبي ابوها يرضى يزوجها اياه وهو راح يخليه يعطيه اياها بيده .. من هنا جت تسمية الفلم (( راح اجيك للبيت واخذدك كعروسه ))
يدخل بيتهم بعد ماتعرف على العريس بطلعة قنص وقدر يلعب عليه علشان يخليه يبات عندهم كم يوم



يستغل وجوده ويتقرب من امها وأبوها وأهلها بكل الطرق
يحبونه لدرجة انهم فكروا يزوجونه أخت العريس ..
تتشابك الأحداث بشكل رائع اثناء مراسم خطبة سيمرن وهو معاها ..
الى ان يكتشف الأب هالعلاقه السريــه فيقررون يطردونه ..



والنهايــه أتركها لكم


yash rajــــــــــــــــــــــــ





الفلم الثاني



Dil To Pagal Hai
Someone somewhere is made for you...
أنتاج
1997
أخراج
Yash Chopra
بطولة
Shahrukh Khan بدور Rahul
Madhuri Dixit بدور Pooja
Karisma Kapoor بدور Nisha

قصة الفلم رومانس وأستعراض
من أنتاج المخرج نفسـه
الفلم وقت صدوره حقق نجاحات في السينما
وأيرادات كبيره حطمت أي ايرادات مرت على سينما بوليود




أحداث الفلم
راهول ونيشا عندهم فرقه راقصه مشهوره ومحترفه يقيمون حفلات وكنسيرات حول العالم على مستوى عالـي ..
راهول ونيشا بيست فرند وعايشين مع بعض تقريباً في مبنى التدريب مع باقي القروب بس نيشا تحب راهول بدون ماتقول له وراهول يعتبرها أهم وأقرب صديقه له ..
تتعرض نيشا لحادث اثناء التميرن وتنكسر رجلها فتضطر تعتذر عن الحفله لكن كذا بتصير مشاكل كثيره وهم محتاجين نجمه تجي في مكانها مع راهول ..
بهالوقت تدخل بوجا في القصه بوجا راقصه هنديه محترفـه بريئه خجوله ..
شافها راهول بالصدفــه وهي تتمرن وأنبهر وأنسحر بجالمها وحبها من أول لحظه وعرف انها الحب اللي مرسله الله له
لأن هو عنده قناعه ان الله كاتب لكل أنسان شخص واحد في العالم علشان يحبه وماراح يقدر يحب شخصيـن ..
تتطور الأحداث ويتعرف عليها ويطلب منها انها تشاركــه الحفله وتاخذ مكان نيشا ..
نيشا في البدايه كانت موافقه بس لما شافت راهول يبعد عنها شوي شوي وينشغل مع بوجا ويستغل اي لحظه علشان يكون معاها تبدى تغير وتزعل وتحاول بأقصى ماتقدر ترجع ترقص علشان تقدر تطردها وتسترجع مكانها في الفرقه وفي قلب راهول ..
لكن حتى بوجا تحب راهول بس معتبرته حب مصيره الفشل لأن ولد خالتها يحبـها وخالتها هي اللي ربتها مع ماماتوا أهلها وماراح تقدر تزعلهم كذا وتترك ولد خالتها اللي يحبها من هم صغار ..
تتطور الأحداث وتصير مواقف تشدك في كل مراحل الفلم ..
كيف راح ينجح هذا الحب بين راهول وبوجا بوجود نيشا الصديقه المقربه من راهول اللي تحبه ومن ولد خالة بوجا اللي يحبها ويبيها زوجه له ..؟ ؟


yash rajــــــــــــــــــــــــ





الفلم الثالث



Kuch Kuch Hota Hai
you know you are in love when
انتاج
1998
أخراج
Karan Johar
بطولة
Shahrukh Khan بدور Rahul Khanna
Kajol بدور Anjali Sharma
Rani Mukherjee بدور Tina Malhotra

قصة الفلم
رومانس حائز على جوائز عده في كل مهرجانات الافلام في الهند
من انتاج yash

أحداث الفلم
راهول وانجلي أصدقاء في الجامعه وصداقتهم مشهوره في كل الجامعه لدرجة انهم لو يتخاصمون ينتقل هالخبر في كل الجامعه كالصاعقه
راهول شاب cool يحب البنات دايم يغازل وماينتبه لدروسه
انجلي بنت مسترجله ماتهتم بنفسها ولا عمرها تحط ميك أب ولا عمرها لبست سكرت كله بناطيل وطول الوقت تلعب باسكت بول
تينا بنت المدير مدلعه تنطق أنوثه كانت عايشه في لندن بس رجعت تكمل دراستها عند أبوها ..
أول مايشوفها راهول ينبهر بجمالها وتسرق قلبــه ..
أنجلي طول الوقت تعتبر ان راهول جست فريند ومو هو الشخص اللي ممكن تحبه وتتزوجه بيوم من الايام اصلاً هي ماتفكر انها ممكن تتزوج بيوم وتأسس عائله
بس لما تدخل تينا حياتهم وينشغل راهول فيها تبدا تحس بالغيــره وتحس ان راهول ماهو مجرد صديـق
يزيدها تأكيد كلام راهول في محاضرة الأدب الانقليزي لما تسأله الأستاذه عن ماهو الحب ياراهول
فيرد عليها يقول أن الحب هو الصداقه لو ماحبيت من هي صديقتك مالها معنى مشاعرك
انجلي تظن انه يقصدها بهالحكي بس هو كان يقصد تينا لانه في الصباح قبل المحاضره عرض عليها تكون صديقته وهي مارضت فحب يتقرب لها بهالطريقه



بس انجلي تعيش بعالم ثاني وتبني قصور في الهوا تقرر تخربها وتحط ميك أب وتلبس سكرت قصيره وشوز كعب وتجيهم في الجامعه بس أول ماشافوها أنقلب الموقف لضحك هستيري لكل من يشوفها في الجامعه لأنه غريب عليها حتى راهول مات من الضحك والمشكله ان تينا كانت موجوده معاهم بس ماضحكت راحت انجلي بعيد عنهم وظلت تبكي لحقتها تينا تطيب خاطرها وهي تتكلم معاها جى راهول وكلمها قال لها انها ماتحتاج ميك اب علشان تبين جمالها هي جميله بدون ميك اب هو كان يقول لها الحكي علشان يطيب خاطرها وهي فهمت انه يحبها ..
تقرر تعترف له بحبها وهو يقرر يقول لأنجلي عن حبه لتينا بنفس الوقت ويصير أحلى مشهد في الفلم لما تجي تقول له انها تحبه بس يسبقها يوقولها عن حبه لتينا وينزل عليها كلامه مثل الصواعق وتكتم حبها في خاطرها وتقول له روح اعترف لها اكيد بتحبك .. ويروح
تقرر تترك الجامعه وتسافر بالقطار لمدينتها يزعل راهول منها ومايقدر يتخيل الجامعه بدونها بس هي تصر وتروح بس بعد مالمحت لتينا انها سرقت قلب راهول منها ..
يتزوج راهول من تينا بعد مايتخرجون وتحمل وتجيب له بنت لكن الولاده تسبب لها نزيف وتموت بس بعد ماتسمي بنتها أنجلي
هي كانت عارفه ان ولادتها ممكن تكون خطيره فكتبت رسائل لكل عيد ميلاد لبنتها ..
وبعد ثمان سنين يجي عيد ميلاد انجلي الصغيره وتفتح رسالة امها بهالسنه وتقراها ..
تقول لها امها انها كبرت واكيد راهول ماتزوج لانها تعرفه ماراح يفكر بنفسه وتقرر تحكي لبنتها قصة راهول وانجلي صديقته وفي النهايه تطلب من بنتها انا تدور انجلي لانها الوحيده اللي ممكن تأثر في ابوك وتخليه يتزوجها خصوصاً وتينا تقول ان حب راهول لأنجلي هو الحب الحقيقي وانا أعترضت هالطريق ..
تقول انجلي الصغيره هالحكايه لجدتها وجدها ابو تينا اللي يعرفون انجلي زمان بس هم ماسمعوا عنها خبر من تركت الجامعه
يقررون يدورونها وبعد البحث يلقونها تجهز لمراسم خطوبتها لصديقها ..
لكن يتافجئون بشكل انجلي الجديد أنوثه وشعر طويل وميك أب وتصرفات بنات
تتطور الأحداث وكيف راح يقدرون يقنعون راهول بحب أنجلي وكيف راح يقدرون يقفون زواجها حتى تتزوج راهول .. ماراح أحرق عليكم قصة الفلم لأن احداثه الأخيره من أروع مايمكن ..




yash rajــــــــــــــــــــــــ





الفلم الرابع



Mohabbatein
some love stories...live 4 ever
أنتاج
2000
اخراج
Aditya Chopra
بطولة
Amitabh Bachchan بدور Narayan Shankar
Shahrukh Khan بدور Raj Aryan Malhotra
Uday Chopra بدور Vikram Kapoor/Oberoi
Jugal Hansraj بدور Sameer Sharma
Jimmy Shergill بدور Karan Choudhry
Shamita Shetty بدور Ishika Dhanrajgir
Kim Sharma بدور Sanjana
Preeti Jhangiani بدور Kiran
Aishwarya Rai بدور Megha

قصة الفلم رومانس وعائليه
من أكبر انتاجات السينما الهنديه حيث بنوا مدينه خاصه لتصوير احداث الفلم
غير استئجار قصر عريق في لندن لتصوير مشاهد الجامعه
انتاج yash

أحداث الفلم
راج اريان مالهوترا طالب في جامعى غوركل الشهيره والعريقه اللي اشتهرت بالأنظمه الصارمه والمدير الصارم ناريان شانكر
راج اريان يحب بنت المدير وهو طالب مع انه هذا الشي ممنوع حسب تقاليد ومعتقدات الجامعه برئاسة مديرها ..




لكنه مايهتم ويحب ميغها ميغها بنت نارينان الوحيده تهتم فيه وهي كل عالمه بنت ناعمه بريئه حالمه ورومانسيـه تعيش احلى قصة حب مع راج بدون ماتقول لبوها لكن في يوم اضطرت تكذب على ابوها بصراحه علشانه وماقدرت تتحمل وراحت لبوها تعترفله بحبها لراج ..
مايتحمل ناريان ان بنته تحب وتحب مين طالب في جامعته يطلع من عندها معصب وفي اليوم الثاني يجيها حتى يقول لها انه قام بطرد راج مالهوترا بدون مايشوفه حتى وكتب عنه مذكره سيئه
في كل الجامعات ودمر مستقبله
ويطلب منها ماعاد تفكر فيها لأن الحب مجرد مهزله وماله وجود ..
تسكت وماترد عليــه .. لكنه تخليه ينام بعدين تكتب له رساله تقول له فيها أنت حطيتني في موقف اختارك يا اختار حبي لراج لكن انا احبك واحب راج وماقدر اعيش بدون واحد فيكم اتمنى يكون اللي صار علمك ان الحب ماهو مهزله الحب له وجود ..
وانتحرت وماتت ..
بعد سنين تبدا سنه جديده في جامعة غوركل ويجي شخص اسمه راج اريان يقدم اوراقه كمدرس موسيقى ويطلب من المدير يعطيه فرصه يعلم الطلاب الموسيقى .. بطريقه معينه قدر يقنعه ..
راج اريان هو راج مالهوترا بس أخفى اسم مالهوترا عن ناريان شنكر حتى يقدر يتقرب منه وينفذ خطته ..
في هالوقت في ثلاث طلاب في الجامعه شباب سمير وفيكي وكارن
يستغل راج أنهم يفكرون بثلاث بنات في الفلم ويقرر يساعدهم لتحقيق حبهم
لكن يواجهه أعتراض من الطلبه الثلاثه لانهم سمعوا بقصة طالب في غوركل حب بنت المدير وعرفوا وش صار له وكيف تحطم مستقبله ومايبغون يصير لهم نفس الشي
لكن قدر يقنعهم لما قال لهم أنه يحب وحده وكل يوم يزيد حبه لها وكل يوم يشوفها ويجلس معاها ومايقدر يعيش بدونها ولما سألوه منهي قال ميغها
بس هي ميتــه ..
فمافي شي يمنعني من حبها حتى وهي ميته وانتوا تبون مدير يمنعكم تحسون بهالمشاعر ..
تتطور الأحداث وبعدين يعرفون انه هو الطالب المطرود ويزيد تعلقهم فيه
بعدين يعرف ناريان منهو راج ويقرر يحاربــه ويتفق معه على ان هالثلاثه ماراح يحبون البنات وراح يفضلون دراستهم على مشاعرهم
وراج يتحداه بأن المشاعر والحب أهم من أي شي بالعالم ..
يمر الوقت ويقدر يقنع الثلاث شباب بقصصهم وتنجح علاقاتهم الثلاث لكن ناريان يقرر فصلهم من الجامعه مثل مافصل راج قبل ..
يحزن راج ويروح له في بيته وهو واقف تحت صوره معبره لميغها وهي تضحك ويصير بينهم موقف يقلب احداث الفلم كلها ..
هالمشهد لو أشوفه مليون مره راح أبكي مثل اول مره
أخليكم أنتم تشوفون الفلم ونهايتــه



yash rajــــــــــــــــــــــــ





الفلم الخامس



Veer-Zaara
a love legend
انتاج
2005
أخراج
yash shopra
بطولة
Shahrukh Khan بدور Veer Pratap Singh
Preity Zinta بدور Zaara Hayaat Khan
أحداث الفلم رومانس
الفلم حقق نجاحات عالميه وأستقبلوا في كان طاقم الفلم وعملوا له عرض أول في كان
وفي استراليا قرر التلفزيون عرض أفلام هنديه بسبب هالفلم والأصداء اللي حصلت عند الشعب لما شافوه

أحداث الفلم
فيير كابتن طيار في السلك العسكري الهندي
زهره بنت باكستانيه من عائله عريقه أبوها سياسي معروف في باكستان



تموت مربية زهره الهنديه وتقرر تروح قبل حفل خطوبتها تدفن رماد مربيتها حسب امنيتها قبل الموت في قريتها في الهند
هناك تتعرف على فيير بالصدفه ويقرر يساعدها بعد عدة مواقف
ولأنها ماتعرف في الهند اي مكان راح معاها لقرية مربيتها ونفذوا وصيتها وهم راجعين طلب منها بما انها ماتعرف شي بالهند تخليه يوريها معالم الهند وقريته وأمه وأبوه توافق ويروحون قريته وتقضي معاهم يوم كامل مع عائلته تصير فيه احداث كثيره
يحبها فيير ويقرر يعترفلها بحبه وبأنه يبي يتقدملها ويتزوجها طول وقت الرجعه ماقدر يتكلم الى ان وصلوا المحطه ولما جى يقول لها تتفاجيء بوجود خطيبها في المحطه ينصدم فيير بأنها مخطوبه ويتحطم يوقف يسلم على خطيبها ويقول له قدام زهره اتمنى انك تنتبه لها هي غاليه وتستاهل تعيش بسعاده
يستغرب الخطيب بهالحكي ويقول له لو ماني واثق في زهره كان قلت انك تحبها
يرد فيير بكل ثقه انا شخصياً ماعرف ماهو الحب لكن لو ان الحب اني اهتم لها وابيها تعيش بسعاده للأبد فنعم انا احبها



طول الوقت وزهره مصدومه من كلام فيير وتحس بشي داخلها تجاهه بس ماتتكلم
يتفاجيء خطيبها بكلام فيير بس مايدقق ويقول يالله زهره هذا قطارنا يروح بيشتري تذاكر ويترك زهره مع فيير يوقف فيرر مواجهها يقول لها تأكدي أنه مهما طال الوقت او مهما صار هناك رجل على حدود بلادك مستعد يضحي بحياته علشانك .. وراح وتركها تايهه بكلامه ..
ترجع بيتها وهي كل تفكيرها في فيير وكيف سيطر عليها لدرجة انها صارت تشوفه بكل مكان شافتها شغالتها بهالحاله ركضت لها زهره وحضنتها وهي تبكي تقول قولي له يتركني بحالي قولي له يروح يرجع لا يجي بكل مكان اشوفه ..
ماتستحمل الشغاله منظر زهره فتقرر تتصل في فيير وتقول له وكان لازم يجي باكستان
لكن وبسبب الظروف والحرب بين الدولتين كان لو يبي يروح باكستان يستقيل من الطيران لأنه ممنوع دخول اي عسكري للدوله ..
ضحى بوظيفته وراح للمجهول بس كل تفكيره انه يروح ويرجع بزهره
تتطور كمان هنا الأحداث ويعرف خطيبها اللي له منصب سياسي كبير فيدبرله قضيه ويدخله السجن خصوصاً وهو هندي يعني مشبوه .. هالقضيه ماكان احد بيطلعه منها الا شهادة زهره لكنه ماراح يقدر يخاطر بزهره ويخليها تشهد علشان يطلع لانها كذا راح تنفضح وتروح سمعتها وهو وعد امها يتركها ويرجع الهند ..
يسكت فيير ومايطلب دفاع ويرضى بالسجن
يقنعون زهره ان فيير مات في حادث صار على الحدود
وتمر 22 سنــه
تمر محاميه بالغلط على ملف فيير الساكت وتقرر ترفع له محاكمه وترجعه لدولتــه خصوصاً بعد ماخلصت الحرب
تصير أحداث كبيره ومفاجــئه .. وش اللي حصل بعد 22 سنه ؟؟ وين زهره ؟؟ ومن هي هذي المحاميه؟؟
وهل راح يرجع فيير لدولتـه ..
الفلم يجسد بشكل رائع قصة حب هندي وباكستانيه بدلالات سياسيــه
طول الفلم وهم يحاولون يوضحون ان الهند وباكستان يتشابهون بالناس بالارض بالمباديء لكن فرقتهم السياسه
فلم راــئع أنصحكم تشوفونـه


yash rajــــــــــــــــــــــــ




كذا أكون عرضت لكم أفضل خمس أفلام عرفتها في تاريــخ السينما الهنديه
خمس أفلام لو تشوفونها كلها أظمن أنكم بتصيرون من عشاق الأبداع البوليودي
لكن في كم نصيــحه قبل تشوفون أي افلام غيرها ..
أي انتاج لشركة yash يكون قوي سواء في قصص الحب او الأكشن أو السياسه
المخرجين Aditya Chopra و Karan Johar وجودهم يظمن لكم فلم رائــع ..
المبدع Shahrukh Khan لو أتواجد مع أحد الأسماء الثلاثه اللي ذكرتها تأكدوا أنه فلم أسطوره



yash rajــــــــــــــــــــــــ




فلم رائــع قادم





Fanaa

انتاج
Aditya Chopra
بطولة
kajol بدور zoni
aamir khan بدور rehan
القصه رومانس







   

رد مع اقتباس
قديم 29-07-2007, 11:22 AM   رقم المشاركة : 2
معلومات العضو
صديقة الجميع
عضو نشيط
 
إحصائيات العضو








صديقة الجميع غير متواجد حالياً

 
إحصائية الترشيح

عدد النقاط : 10
صديقة الجميع is on a distinguished road

 

 

افتراضي إضافة رد: ساحة الاقلاع yash raj films

ولو في اسم شاروخان مع كاجول , راني و المخرج كرن جوهر بيكون اكيد فلم حلو







   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

منتديات بنات
الترحيب و الاجتماعيات - دردشة - فضفضة و تجارب - المنتدى الاسلامي - اناقة و موضة - ميك اب و تسريحات - العناية بالشعر - العناية بالبشرة - تزيين العروسة - منتدى الرشاقة - صحة المرأة - قصص وروايات - مسنجر وتوبيكات - كمبيوتر وانترنت - الاعشاب و الطب البديل - الطبخ - وصفات الطبخ - وصفات الحلويات - جاليري الفنون - الاسره - التدبير المنزلي - الاعمال اليدوية - قسم الديكور - صور و اخبار و طرائف - المنتدى الادبي - العاب و مسابقات - المكتبة
سيدات طبخ قمصان فساتين منتدى بنات تسريحات حلويات العناية بالبشرة المراة اسماء بنات العاب بنات كروشيه العاب موقع بنات ستائر قصات شعر 2009 مطابخ الموضة اعمال يدوية الديكور رجيم مطبخ العائلة العاب فلاش صور منتدي منتديات بنات انتريهات صور اطفال ملابس طرائف ميك اب bnaat مفارش الحياة الزوجية لفات طرح محجبات مطبخ منال لانجيري مسكات وصفات اكلات حواء خلفيات ورسائل للجوال حل مشاكل الكمبيوتر والانترنت صور مسنجر

الساعة الآن 09:38 AM.


privacy-policy

Powered by vBulletin Version 4.2.0
Copyright ©2000 - 2024, Jelsoft Enterprises Ltd .