البارت الرابع
خلصت شغلها في المطعم وطلعت وفتحت المظلة وراحت تتمشى رايحة البيت تحت المطر
لما وصلت دخلت الشقة وهي تدور نواف
دورت في صالة بس مالقته راحت المطبخ ومالقته ودورت بس مالقته حتى في غرفته
قعدت على الكنبة وهي تفكر وين بيكون
دخلت غرفتها وراحت اخذت لها شور سريع ولبست لها البيجامة بلون الازرق وطلعت بس لقته للحين مو موجود
نوف في قلبها:وين بيكون راح يعني...انزين ليش احاتيه افف
اخذت دفتر مذكراتها وبدت تكتب
مادري ليش دايما افكر فيه ...هل هو حب او مجرد اعجاب
مو عارفة الاجابة ابدا ...رغم اني ساعات اكرهه بسبب غروره
وماحست اله بالدفتر ينسحب منها ولقت الي ساحبنه نواف
نوف:نواف عطني
نواف:ودي اقرا الي مكتوب
نواف يرفع الدفتر فوق ونوف تحاول توصل له بس ماتقدر
نوف:نواف قلت لك عطني
نواف رجع ورا وطاح بسبب الكرسي وطاحت عليه نوف
نوف غمضت عينها وهي متمسكة بتيشرت نواف
نواف يطالع وجها الي يجذبه دوم بس مايدري شنو السبب
نوف فتحت عينها وجافت نفسها ماسكة نواف من التيشرت وطايحة عليه
بسرعة اخذت دفترها وقامت من عليه وراحت غرفتها وسكرت الباب
حطت يدها على قلبها وهو ينبض بسرعة
راحت انسدحت على السرير وتفكر في الي صار
ومثل الحالة نواف منسدح على السرير ويفكر ليش لما يكون قريب من نوف نبضات قلبه تتسارع بسرعة
بعد تفكير كل واحد منهم ناموا الاثنين
(الصبــــــــــــــــــاح
تجهزت نوف بتطلع للجامعة وكذلك نواف
فتحت باب غرفتها بتوتر ولقت نواف بعد فاتح باب غرفته ضلوا يناضرون بعض خمس ثواني وهم يتذكرون احداث امس
مشى نواف بيطلع من الشقة وراحت وراه نوف
وهم يمشون وقف نواف وقفت نوف يوم جافته وقف
التفت عليها نواف وراح لها
نواف:اعتبري انه ماصار شي امس
نوف:اصلا نسيته من زمان وادري كنت بتقول لس هذا الكلام
نواف:اي زين فهمتي توقعت انج ماتفهمين بسرعة
نواف لف عنها وكمل طريقه
نوف انقهرت من كلامه وراحت تمشي
ركبوا الباص وبعد جم ساعة وصلوا الجامعة
ودخلوا الاثنين
التقت نوف بصديقاتها في امام المبنى
نوف:هلا بنات
البنات ماعدا مها:اهلين
نوف:مها شفيش ماتردين
مها:مو لازم ارد
خلود:اقول نوف انا اجوفج كل يوم تدخلين مع نواف بنفس الوقت انتي تركبين معاه بنفس الباص
نوف:اي
شهد:بنات ترا المحاضرة بدت الحين تعالوا ندخل
دخلوا البنات وبعدها دخلوا نواف وفهد ومحمد وراهم
دخلوا القاعة
نواف قعد في الوسط ولما جافته مها راخت قعدت جمبه
طالعتها نوف بس ابدا ماستغربت انه ليش راحت قعدت جمبه
نواف طالع مها ومها تطالعه بس نواف بسرعة التفت على فهد وكان يسولف معاه
قعدوا بنات ورا نواف وربعه
بس نوف ماقعدت جنبهم راحت اخر القاعة وقعدت لوحدها
دخلوا الطلاب ودخل الدكتور بعدها
وبدأ يلقي المحاضرة
ونوف كل شوي تلتفت على نواف ومها
وكان في ولد قاعد جمب نوف وكل شوي يلتفت عليها
نوف حست بنظراته بس ماحبت تلتفت عليه
الدكتور:Please write to written on the board
(الترجمة:رجاءا اكتبوا المكتوب على السبورة )
وبدأ الطلاب يكتبون
مها:لو سمحت انا نسيت قلمي ممكن تعطيني قلم من عندك
نواف:اي طبعا
نواف عطاها قلمه
مها:شكرا
نوف في قلبها:اهي عندها قلم ليش تطلب منه
بعد انتهاء المحاضرة طلع الكل من القاعة
نواف طلع من المبنى وراح للحديقة الموجود في الجامعة وهناك المكان هادئ جدا
انسدح على الاعشاب وغمض عينه
مرت نوف من الحديقة وجافت نواف
راح جمبه وبدت تطالع ملامح وجهه
مدت يدها ومسحت على شعره
حست بحركته بسرعة قامت وتخبت تحت الشجرة لما حست انه للحين نايم قعدت تحت الشجرة تقرا روايتها
جات مها الحديقة وجافت نواف
مها:نواف
نوف التفتت عليهم
نواف مارد عليها
مها:نواف ممكن اكلمك
نواف حمل كتبه وشنطته وراح
لحقته مها
مها:بس بغيت ارجع لك القلم
نواف:اخذيه وروحي عني
مها:بس وقف ابي اكلمك
نواف وقف
مها راحت وقفت قباله
نواف:شنو تبين
مها بتوتر:انا احبــ ....احبك
نواف:وبعدين
مها:انا اقولك اني احبك وتقول لي وبعدين
نواف ببرود:اي شنو المطلوب مني
مها:ابغي رقمك
نواف عطاها الرقم وراح
مها ابتسمت ابتسامة عريضة
نوف كانت وراهم وسمعت كل شي
نوف:معقولة يعطيها رقمه ..طيب ليش
نوف راحت لمها
نوف:اجوفج فرحانة ليش
مها:مالج دخل ولا تتدخلين في شي مايعنيش
مها تركت نوف وراحت
نوف دخلت المبنى وهي تمشي اصتدمت في واحد وطاحت على الارض
نوف:شفيك انت ماتجوف
صقر:انتي الي ماتجوفين
نوف وقفت وقالت:انت الي اصدتمت فيني وتقول ماتجوفين
صقر:شفيج تتبلين علي اقول وخري خلني اطوف
نوف:اول اعتذر
صقر ضحك بسخرية:شكلج ماتعرفين من انا
نوف:مو هامني اعرف من انت لان يبين انك حثالة
صقر:حثالة ههههه ماجفتي روحج بالاول ..اقولج بعدي
نوف:ماببعد اول اعتذر
جاء نواف ومسكها من يدها وراح عن صقر
نوف:اتركني ايدي
وصلوا للحديقة وترك يدها
نوف:ليش جايبني اهني
نواف:لا تحاولين تعبثين مع صقر
نوف:ليش ومن يكون اصلا
نواف:انا قلت لج لا تعبثين وياه وبس فاهمة
نوف:وليش مهتم اذا عبثت وياه او لا
نواف:مو اهتمام بس تحذير لا تفهمين الموضوع غلط ماشي
نوف:من قال اني راح افهمه غلط ومابيك تحذرني انا اعرف شنو اسوي وشنو مااسوي
نواف:ماشي
نواف راح عنها ونوف راحت محاضرتها
دخلت القاعة والمحاضرة بدت
نوف:Sorry for the delay Dr
)الترجمة:اسفة على التأخير دكتور)
الدكتور:Go ahead,enter
(الترجمة:تفضلي بالدخول)
دخلت نوف وركبت فوق المدرجات بتروح اخر المقاعد وجافت نواف وهي تركب وكملت طريقها وهي تفكر بكلامه
قعدت على الكرسي وبدت تسمع المحاضرة
انتهت المحاضرة وطلعت راحت الكفتريا
وطلبت لها وقعدت على الكرسي
جات لها شهد
شهد:هاي نوف
نوف:اهلين...انتي وينج مالج حس هالايام
شهد:تعرفت على بوي فرند
نوف:حلفي
شهد:تتوقعين منو
نوف:مادري
شهد:فهد صديق نواف الوسيم
نوف زادت نبضات قلبها اكثر يوم سمعت اسم نواف
شهد:تصدقين وايد حلو هالفهد
نوف:اي
شهد:وين البنات ماجفتهم من امس
نوف:يمكن عنهم محاضرات
دخل نواف الكفتريا وقعد على الطاولة الي جم طاولة نوف وشهد
وطلب له عصير برتقال
ودق على محمد
نواف:محمد انت وينك
محمد:انا في المبنى الحين طالع انت وينك
نواف:انا في الكفتريا تعال لي
محمد:يلا ماشي الحين جاي
نواف:اقولك وين فهيد
محمد:مادري عنه
نواف:يلا انا ناطرك
محمد:اوكي
سكر التلفون والتفت على نوف الي كانت تناضره بس بسرعة شالت عيها عنه يوم التفت عليها
وصل محمد الكفتريا وعيونه على نوف
^
^
^
الاسئلة
شنو بيصير في الكفتريا؟
ليش نواف حذر نوف من صقر؟
هل مها بتتصل لنواف؟