أمل وياسر والمونديل << لاتفوتكم قصه مره روعه

[أمـــ ونص ــورة]

امــــــــــــل ويــاســـــر والمــونـديـــال



أمل :يمه الله يخليك وش فيها يعني ؟

أم أمل :وش فيها فيها ان الرجال الحين يحبون الشعر الطويل عشرين ألف وحده لما جاء خطيبها يشوفها وأكتشف أن شعرها قصير تركها .

أم نوف : مو لها الدرجه عاد ياوخيتي المشكلة انها اذا قصت شعرها بتكون مثل العيال .

أمل : وأنا ألاقيها من وين ولا وين يعني يا خالتي بدل ماتقنعينها تحرضينها علي .

أم أمل (تطالع بنات أختها ) : شوفي بنات خالتك ماظني بيوافقونك على كلامك .

نوف: هاه ....والله عاد هي بكيفها وأدرى بمصلحتها .

هاجر : أقوول أمل حاسه ان القصة بتطلع عليك جنان وبتكون مناسبة لوجهك.

أمل: صح لسانك. ........شفتي يمه.

أم أمل (بعد ما أنهد حيلها ): خلاص سوي اللي تبين .

أمل(تروح تسلم على راس أمها) :مشكورة يالغالية الحين أنا وهاجر بنروح المشغل(تطالع في هاجر ) : يلا مشينا

هاجر :يلا.(وخرجوا)

نوف :اقص ايدي اذا ماكان متفقين وحاجزين كل شي

وفعلاً هذا اللي كان ............المهم رجعت أمل بقصة شعرها الجديدة وهي طايرة من الفرحة وصراحة القصة كانت رووعة عليها مع انها بينتها ولادية شوي

نوف :أقول أمل وش رايك تنامين معنا اليوم .

أمل : وأمي مين يكلمها .

هاجر : أمك ما بتقول شي وبعدين تعرفين مافي احد عندنا اليوم اخواني كلهم مسافرين وأبوي مستلم في العمل ومابيجي الا بكرة العصر.

أمل : وهنا ماأتوقعها بترفض
وهذا اللي صار ......... راحت أم أمل وتركت امل تتمتع بقصتها الجديدة مع بنات خالتها يقضون هالليله سهر وسوالف للفجر .

هاجر :خطرت لي فكرة خطيــــــــــــــرة .

نوف : قولي يا أم الأفكار.

هاجر :تذكرين بدلة نواف الرياضية اللي كان يروح فيها النادي يلعب كورة .

نوف : أيــــــــــــه طبعا هو كان عنده غيرهـــــــــــــــــــــا.
أمل : كني فهمت وش ناويه عليه .

هاجر : وش رايك تلبسينها أتوقعها تجي مقاسك وصراحة متخيلتك فيها شي .

نوف : وناخذ لك صوره بعد .
وما كان قدام أمل إلا تلبسها

هاجر : كأنك واحد من لاعبين الكورة لا وشاب حليوة بعد إنتي لو طلعت الشارع كذا بيرقمونك البنات .

أمل (وهي تطالع نفسها في المراية): مو لها الدرجة عاد .

نوف : مين كان يتصور أمل اللي فيها كل صفات الأنوثة إذا قصت شعرها بتسير الشاب الوسيم.

هاجر: لا عاد أنا مأقدر وأتوقع نواف إذا شافك بيغار منك على إعتبار إنك واحد من الشباب.

أمل : أقول إنتي وياها فكونا بس خلوني أفصخ قبل ما تشوفني خالتي حصة .
(ونامت امل هالليلة وهي حاسة ان شكلها الجديد خلاها تحــــــــــــن لأيام الأنوثة وفي نفسها تقول ليتني سمعت كلامك يـــــــــــــمه )



في الطيارة المتجهة الى المانيا

المنتخب السعودي يستعد للعب في كأس العالم 2006 للمرة الرابعة والفريق متحمس

محمد نور يكلم حسين عبد الغني ( بصوت واطي ) : ياخي انا هذا اللاعب من يوم جابوه وأنا حاس انه يكرهني هو أنا سويت له شي.
حسين (في نفسه يقول): لا مسكين ما سويت شي .

محمد : يعني تتوقع انه يكرهني من يوم المنتجع اللي رحناه.

حسين (باستهزاء ):لا ما توقع انه يكرهك لانك دفيته في مسبح عمقه 3 أمتار ونص .

محمد : يا خي وانا أقول كذا .

الجهة الثانيه عند سامي الجابر ونواف التمياط

نواف : أنا مو مستوعب صراحة .

سامي : لا أستوعب وشوي ونكون في ملعب العدو .

نواف : تحسسني اني داخل حرب مو مباراة .

سامي : مو قصدي أخوفك بس تدري عاد أحنا الحين بعيدين عن بلدنا الاف الكيلو مترات .

نواف : أنا بفهم ليه ما يسوون كاس العالم عندنا في السعوديه .

سامي : وانت وش يفهمك انت ألعب وبس .

نواف (وكانه تذكر شي ) : إلا أقول وش رايك باللاعب الجديد .
سامي : تقصد احمد .

نواف : ومن غيــــــــره .

سامي : شــــــــــــــب كتــــير مهضــــــــــــوم .

نواف : ايه دخيلك والله (وقلب جـــــــــد)لا من جد والله أحسه متكبر ولا أنت تقول غير كذا .

سامي : يعني من أي ناحيه ؟.

نواف : من ناحية تعامله معنا كلنا أولاً : ما يحب يمزح معنا والدليل المنتجع اللي رحناه حتى انه قعد طول الوقت يطالعنا بنظارته الشمسيه .

سامي : ايه والله حتى النظارة ماينزلها الا اذا لعبنا مباراة لا ويقعد متخفي طول الوقت وما يطالع فينا .

نواف : شـــــــــفت لا والشي الثاني : اذا اجتمعنا على وجبة ولا شي احسه يتهرب مرة يقول إنه ماكل قبلنا ومرة انه شبعان .

سامي : وبعدين لا تنسى انه أصغر لاعب فينا وجديد ويمكن ما أنسجم معنا ما له كم أسبوع وجيته كانت مفاجئه .

نواف : والشي الثالث :انه أحسن لاعب (يطالع سامي نظرة إحترام ) يعني صح إنك شاطر بعد بس أنا قصدي بالنسبة لعمره في اللعب .

سامي (يهز راسه ) : ايه نعم نعم أكيد .

نواف (بإعجاب ): بعدين انت لو تشوف بس كيف يشوت الكورة أحسن من بيكهام نفسه .

سامي : شفت وهذا الشي اللي يخلينا ننسى مساوئه .

في الجانب الأخر من الطيارة .

أحمد مسكين مو قادر يعيش حياته خصوصاً وانه جالس جنب ياســـــــــر القحطاني .
ياسر (في نفسه ) : هذا من يوم جلسنا ما يبي يتكلم أنا بس ابي أعرف على وشو شايف حاله والمشكلة ان احنا ما نعرف شي عنه غير انه لاعب محترف .......... والله الفضول ذابحني .

ياسر : أقول يالحبيب أكيد أول مرة لك في كأس العالم . (يبيه يسولف )

أحمد (مرتبك )(في نفسه ) والله حاله ما مداني أفرح إنهم حطوني جنب واحد ما يسولف
( ومن إرتباكه قعد يهز راسه فوق تحت كأنه يقول نعم )

ياسر ( يبي يضحك ) : يالحبــــــــــيب هدي ما باكلك يعني ما قد رحت طيب سولفلي عنك حتى تكون العلاقة طيبة ما بينا ولا انت وش رايك .

أحمد (في باله ) ياربي الحين هذا يبيني اسولفله وش أقول طيب ....هذا اللي ما خطر في بالي أبد بعدين انا قعدت اسبوع معهم ما احد سألني هالسؤال .......... وش أقول ياربي خلصني .

الا وشوي وتجي المضيفة ( حس أحمد ان الخلاص قرب )

جـــــــــت المضيفة بوجبات الغداء أخذ يــــــــــاسر وجبته بينما رفض أحمد وجبته .

ياسر : ياخي والله ما يسير لازم تاكل بعدين احنا في وقت اشد حاجة للأكل .
طالعله أحمد بنظرة (بالرغم من انه لابس نظارة شمسية لكن حركة الراس تدل انه جواب نهائي) .

ياسر (لقط وجهه) : كيفك عاد ماتبي ماتبي .
شوي وخمس دقايق هدوء .
ياسر يبي يلطف الجو فقال يبي يسولف عن الشي اللي يبرع فيه الشباب ألا وهـــــــــو ................

ياسر : شفت المضيفة وش زينها .

هنا ولأول مرة أحمد (بكل ثقة) : أيـــــــــــــــــــــــه بــــــــس موأحلى من بنات ديرتنا .

وهنا أنصدم ياسر مو بسبب الإجابة اللي ما توقعها بس لأنه اول مرة يسمع صوته وحس انه لازم يعلم زملائه بس وشلون .
ياسر(بعد تأثير الصدمة ): عن إذنك لو سمحت .

أمل (لا تستغربون أحمد اللي نتكلم عنه من أول هو أمل بس كيف ومتى خلوا هالشي لمخيلتكم )
حست إنها تورطت فقالت أكمل اللعبة فرجعت وضخمت صوتها على نفس النبرة اللي استخدمتها أول .

أحمد (أمل ): ويـــــــــــــــــن ؟

ياسر : لا ولا شي بس دورة المياه الله يكرمك .
(ياسر وبسرعة البرق يتجه إلى زملائه سامي ونواف .)

ياسر : أقول سمعت أخر خبر .

سامي ونواف ( والاستغراب على وجيههم): خير وش صار .

نواف (برعب): ما بنلعب على كاس العالم .
سامي : أعوذ بالله منك لا تفاول.

نواف : أجل في أحد خطف الطيارة .

سامي : يووووووه هذا مين بيفكنا من حنته ... ياسر خلصنا .

ياسر( يبتسم بخبث): ماني قايل .

سامي ( ونفذ صبره ): شوفوا هذا بعد الحيــــــــــن لا أعطيك ركبة توديك الملعب .

ياسر : حشا بتاكلني خلاص بقول ..شفتوا أحمد

نواف (مستانس) : وشو خذوه .

ياسر : الله يهداك لا بس ولأول مرة في التاريخ اسمع صوته .

نواف : ايه صدقتك أقول أذلف بس.

ياسر : يعني مو مصدقني أقولك والله سمعت صوته .

سامي : طيب وش قالك ..قال شي عن نفسه .

ياسر : يعني وش أحقق معه .

نواف : ايه وش فيها خلك دبلوماسي .

ياسر : دخيل دبلوماسيتك بس تبون تسمعون اللي صار ولا

سامي : تفضل كلنا أذان صاغية .
وهنا حكى لهم عن اللي صار وتركهم على امل انه تظهر حقائق جديدة قبل ان تهبط الطائرة .

وفي قاعة المطار حرص رجال الأمن على راحة اللاعبين وسلامتهم وإدخالهم قاعة خاصة .


ويدق جوال أحمد (أمل ) الشوكلاته ....ويطلع الوالد .
الوالد : السلام عليكم هلا امولة .
أمل : هلا فيك يبه .
الوالد : توك واصلة ؟
أمل : ايه تونا واصلين ..قصدي أنا واللاعبين .... ق..قصد..ى انا والركاب يعني .
الوالد : ماشي الحال .. بصراحة أنا استغربت انك طلبتي تسافرين المانيا بس بما ان نص أهلك هناك مافيه خوف على العموم انشاء الله بيلحقك اخوك ناصر يا بكرة يا بعده تدرين زميله للان ما خرج من المستشفى بسبب الحادث الله يعين بس توصين شي .
أمل : ايه سلم على الاهل .مع السلامة .
الوالد : مع السلامة .

وهنا قرب منها الثلاثي (سامي – نواف – ياسر )
ياسر : أحمـــــــــــــــــــد وينك صاير لنا ربع ساعة ندور عليك ؟
(سامي ونواف ينتظرون جوابه على أساس يسمعون الصوت ويتأكدون من كلام ياسر .)

أحمد : لا ولا شي بس كنت أكلم أهلي ( ولاحظ علامة الإستغراب عليهم ) .
وكمل أحمد طريقه ناحية المسؤول عن الفريق يستاذن منه على انه مابيروح معهم نفس الفندق , وبعد إلحاح قدر يقنعه وراح .

اما ياسر ( ابتسم لزملائه ) : ها ماقلتلكم بس انتوا ظلمتوا الرجال وطلعتوا ستين إشاعة ناس يقولون أبكم وناس يقولون ان صوته مو حلو .
سامي : شي طبيعي نتخوف منه .

نواف (مصدوم) : أقول شباب خلونا نلحق البقية ونعيش حياتنا .
نواف (يتكلم وهو يكمل طريقه مع زملائه ): تصدقون بديت أذكر أول مرة لعب معنا وكيف انشهر بسرعة شاب حليو في أول شبابه وهداف محترف لا ومعجبينه كثير اللي أغلبهم بنات .

ياسر(بإبتسامة): بس يستحق ولا .
سامي : خلونا نصلي الصلوات اللي فاتتنا في الطيارة جماعة .
نواف : طيب وين أحمد يصلي معنا .
ياسر : أنا بروح ادور عليه .
نواف (يطالع سامي ): متى أمداه يختفي ؟
سامي (بإستغراب ): سبحان الله .

ياسر (أثناء البحث )قرر اخيراً يكلم المسؤول عن الفريق .
واخيراً لقى المسؤول
ياسر : لو سمحت استاذ.
المسؤول : خير يا ياسر .
ياسر : قاعد أدورعن أحمد بس ما لقيته .
المسؤول : أحمد دايم ما نلقاه إلا في الوقت والمكان المناسب تماماً .
ياسر : كيــــــــــــف يعني ما فهمت ؟
المسؤول : يعني ما تشوفه إلا وقت التدريب أو المباراة .
ياسر(زعلان ): بس ما يسير كذا وش معنى احنا وبعدين كلنا فريق .
المسؤول : بس أحمد ظروفه خاصة .
ياسر: ومتى نشوفه ؟
المسؤول : قلتلك وقت التدريب بتشوفونه وإ نشاء الله بكرة الساعة 6 يبدا تدريبكم .

ياسر : يصير خير .(وتركه وراح لزملائه ) .

ياسر وعلى وجهه كل علامات الإستغراب
نواف : ها بشر وين طويل العمر .
ياسر : لا بس لو سمعت الكلام اللي سمعته كان قعدت سنه ليـــــــــــــــــن تفهمه .
سامي ( وهو يضحك ): أما عــــــــــــــــــاد وش صاير لك .
وقال لهم ياسر ....................

نواف ( قام عن كرسيه ) : بــــــــــــــــــــس ما يصير .
ياسر : هذا اللي قلته .
سامي : وانتوا وش عليكم أهم شي انه بيتدرب معنا ويلعب معنا المباراة .

وراح الفريق للفندق اللي بينام فيه
واليوم الثاني ..........

سامي (وهو قايم من نومه منزعج ): ياخي أزعجتنا انت وساعتك هذي كل مرة تقومنا قبل الموعد بساعة .
نواف : يعني وش تبيني اسوي هذي هدية من الوالدة الله يخليها لي.
سامي : زين ماقلنا شي بس أضبطها على الموعد يعني عاجبك اللي تسويه فيني كل مرة .
نواف : وش رايك نقوم ياسر ومحمد خوجه ؟
ويتحمس سامي : ايه والله قم نلحق عليهم .
وهنا ياخذ كل واحد منهم طاستين مويه بارده زي الثلج .
سامي : نواف انت اول .
نواف : ليه مو انت .
سامي : يعني انت متى تبطل نذالتك هذي .
نواف : إذا بطلتها انت .
سامي : 1.........2..............3....طااااااااااااااااااا ااااااااااااااااااااش شششش.
نواف (نفس الحركة على محمد خوجه )

ياسر : هــــــــــــــــــــــــــــــــــــه احححححححححححككححح بسم الله علي من صباح الله خير وش تبون يعني هالعادة متى تبطلونها انا وش اللي بلاني فيكم .....خلاص أنا قررت أعــــــــــــــــــــتـــــــــــــزل .(وياخذ قشه يبي يدور له محل ينام فيه) .

محمد : أنــــــــــــــــــــا عادي متعود بالله هات الطاسة ثانية الله يخليك .

نواف (يكلم ياسر ) : يـــــــــــاسر وين رايح تعال عندي لك مخطط خـــــــــــــــــــطير .

(ياسر حــــــــــــــــــــس انه عرف وش في باله ) .......... فرجع للغرفة .

ياسر (يبتسم بخبث ) : كنــــــــــي عرفت .
سامي : أجل خلنا نروح نتفق .
محمد خوجه : لحظة لحظة وش وراكم أبغى افهم .
سامي: أنت خلك راقد أبرك لك .
نواف : لا ما ورانا شي .
ياسر : ليش اللقافة ؟؟؟
محمد خوجه : على العموم الله يوفقكم في اللي تبون تسونه ( ورجع كمل نومه )
أما الثلاثي فقعدوا يفكرون بمقلب يسوونه لأحمد .
واستيقظ بقية اللاعبين ونزلوا يفطرون وبعد الفطور ركبوا الباص حتى ينتقلون لمكان التدريب لأن باقي لهم أسبوع على المباريات .
وفي الباص تسائل الكل عن أحمدوليه ما حضر معهم .

لكن بعد وصولهم جاء احمد في سيارة الأجرة

محمد نور : هلا أحمد ما قلتلنا انك ما بتجي معنا .
أحمد :لا بس كنت مستعجل .
ياسر : أحمد ممكن أتكلم معك؟
أحمد(مستحي يروح مع ياسر )طبعاً تدرون ليه , المهم راح معه .
.................................................. .

يا ترى ياسر وش يبي من أحمد ؟؟؟؟؟؟

هل اكتشف حقيقته ؟؟؟؟

,,,,,,,,,,,,تابعونا في الجزء الثاني :
شوفوا ترى بسوي معكم نذاله يعني ماني مكمله الا اذا شفت ردودكم

[ناريــز]

ترى اعصابي بتنهار ياامورة إذاكان هالشيء يهون عليك لاتكملين
انت وضميرك
هههههه
هههه
اروع امنياتي
نسيم البحر

[أمـــ ونص ــورة]

بس عشان خاطرك حبيبتي (نسيم البحر) راح أحط الجزء الثاني مع إني زعلانه لأنه مافي ردود كثيره وأنا من المنتدى إلي ناقله منه القصه يمكن الردود مأخذه 10 صفحات وعشأن ماأطول عليكم تفضلوا الجزء الثاني :
الجزء الثاني

ياسر : أحمد ممكن اتكلم معاك شوي .

أحمد (مستحي يروح مع ياسر ) طبعا تدرون ليه : المهم راح معه .

ياسر ..اخذ الكورة : أحمد ابغى اشوف حركتك المميزة .

طالع فيه احمد بإستغراب ( وش قصده بحركتي المميزة لا يكون حركة معروفة عند أعضاء الفريق و ما اعرفها)ياسر (بإبتسامة ): كل لاعب اكيد عنده حركة مميزة له و أنا اقصد اللاعبين المحترفين أمثالك .

أحمد (بإرتباك ): يعــــــــــني لازم تشوفها .

ياسر : أكيـــــــــــد و يشرفنــــــــــي .

أخذ أحمد الكورة يستعد و يدور له حركة يتميز فيها و إجتمع أعضاء الفريق على شكل حلــــــــقة حــــــتـــــــــى المدرب .
وحس أحمد انه داخل تحـدي
(كل شي حول احمد صاير جماد حس انه بفضاء و حرارة جسمه ارتفعت و بدا يتعرق يا مسكين يا أحمد شلون ما فكرت بحركة .....بس القدر كان مع أحمد لأنه حس انه بإستطاعته يسوي حركة ما عرفها أحد قبله و لا حيعرفها أحد بعده ) وهنا أخذ الكورة عشان يستعد يرميها و ابتعد أعضاء الفريق مسافة تتيح له الفرصة وبالفعل رمى الكورة بحيث ارتفعت مترين فوق (يلا عاد صدقوا ) اما أحمد التف عليها بشكل لولبي و رماها للمرمى لدرجة انها كان ممكن من قوتها تخترق الشبك .
تعالى التصفيق من مسؤولين و متفرجين أجانب وسعوديين حضروا التدريب , اقترب ياسر من أحمد ليربت على كتفه لكن احمد ابتعد بحركة غريبة لفتت إنتباه الجميع فشكوا في وجود مشكلة أو خصام بين ياسر و أحمد .
و اتجه للاستراحة مبتعداً عن الجميع ........
اما ياسر حس بإحراج عمره في حياته ما حس مثله و راح لزملائه نواف و سامي .

سامي (يكلم نواف ): ما قلتلك .

نواف : أنا صراحة كنت أعرف انه محترف بس مو عاد يوصل لدرجة كابتن ماجد .

سامي (يضحك ): تذكر أول مرة شفتك وسألتك عن سبب تعلقك بالكورة قلتلي انه كابتن ماجد أنا استغربت على بالي واحد كان يلعب زمان وبعدين أعتزل و ما عرفت أنه بطل كرتون إلا يوم سلفتني الشريط مرة .

نواف (يضحك ): ايه وقلت انك تعلمت حركات كثيرة منه صح ولا .

سامي : ايه بس( ويطالع في ياسر اللي كأن أحد عطاه كف ).
سامي : ياسر خير وش فيك ؟ ما أشوفك معنا .

نواف : اللي ماخذ عقلك .

ياسر (يطالع لهم نظرة قهر ) : شفت وش سوى فيني ؟

سامي : ياخي لا تاخذها بحساسية .

ياسر : يعني أنا اللي ميت على صحبته ..... أنا الغبي اللي سمعت كلامكم ولا قال ايش ..خلنا نحرجه قدام الكل ... والله ماحد انحرج غيري .

نواف (يضحك ): والله شكلك تحفة و انت جاي تبي تحييه و يردك هو ها ههههههههاااا ....ااها (ويتردد يوم يشوف نظرة ياسر و سامي بعد ).... أسف أسف بس قصدي مو حرام عليه يحرجك كذا قدام الكل .
(يسكت نواف شوي ): ولا يهمك يالحبيب بعد شوي الغدا و أنا بوريك فيه .

ياسر : وش بتسوي يعني بتكفخه ؟؟؟؟

نواف : لا حاشا لله ما يصير كذا برضوا احنا أخوان .

سامي : أقول ياسر ما عليك أنت خلها على ابو المقالب و بتشوف اللي يسرك .

نواف ( بفخر ): شكراً لثقتك فيني .

و راحوا الشباب يتغدون في المطعم القريب منهم .....

و أول مرة يجلس أحمد يتغدى مع الكل و أعنقد انها راح تكون أخر مرة .

أحمد : كحححححححححح كح كح ( ويحمر وجهه ويصفر ويخضر ............و يلحق عليه محمد خوجة بموية )

و اخيراً يترك أحمد غداه و يقوم وهو حاس ان الثلاثي هم السبب في اللي صار له .

ياسر ( يكتم ضحكته )( بصوت واطي ) : الله يخرب بليسك يا نواف وش سويت بالرجال .

نواف (بغرور ) : عندي نفوووووووذ بعدين كلها علبة فلفل .

سامي : شفت قلتلك نواف مابيخليه ...ههههههه ...هههه( ويوطي صوته ) .

أحمد راح الحمام ( أمل تصيح بداخلها على الإحراج اللي صار لها إنشاء الله بس ما حسوا انها بنت .. يعني أنا الحين وش سويت لهم خصوصاً هالثلاثي )
وهي خارجه اكتشفت انها دخلت حمام النساء ...طالعت يمين شمال تمنت لو ما احد شافها بس كـــــــــــان .......


محمد نور ( بسرعة البرق ) : شبــــــــــاب تدرون ان أحمد دخل حمام النساء .
الشباب : ههههههههههههههه هه هههههه .
نواف (مو مصدق ) : من صدقك انت ؟

محمد نور ( متحمس ) : والله ما أكذب عليك وهو خارج قعد يطالع يمين يسار ولمل شافني تمنى الأرض تنشق وتبلعه وقعد يتعذر لي ان الحمامات بالسعوديه دايم حق الرجال يكون ياليسار بس هنا انقلبت الاحوال و أنا عاد ما قدرت كتمت ضحكتي وجاريته .

محمد خوجه : صدقوني هالرجال من يوم جاء و أنا حاس انه غريب .

ياسر ( يقوم و بكل قوة ): خلاص يا جماعة من يوم جاء أحمد و انتوا كلكلم ضده و ماخذينه نكته لكم .

جاء أحمد فتفرقوا كلهم , عرف انه كان موضوع حديثهم بعد ما سمع كلام ياسر .

حس أحمد بتأنيب الضمير على ياسر خصوصاً بعد الموقف اللي سواه اليوم معاه .

أحمد : ياسر أنا أسف .

ياسر ( يطالع بنظرة غرور ): على وشو ؟

أحمد : على اللي صار اليوم.
ياسر : ليش اليوم صار شي ؟

أحمد : على العموم أنا أسف .
وراح بس ياسر مسكه يوقفه ...أحمد التفت بخوف ..

ياسر (ابتعد عنه ) : طيب ...وش ..وش رايك تسهر معنا ...هو احنا ما بنسهر لان ورانا تدريبات بس يعني تقضي هالليلة معنا و بعد نتعارف أكثر على بعض .

أحمد (حس من نظرات ياسر انه ما يصير يرفض طلبه بس.......)
أحمد : معليش ما أقدر عندي ...

(يقاطعه ياسر ): خلاص بكيفك .....وتركه وراح .
أحمد ( في باله ) : ودي بس ما اقدر

أمل وهي راجعة السكن تذكرت ان أخوها بيجي اليوم المغرب فدقت على أبوها...

أمل : ألو السلام عليكم
الوالد : وعليكم السلام .
أمل : كيفك يبه
الوالد : بخير و انتي شلون الحال معك؟
أمل : تمام بس ناصر متى يجي ؟
الولد : والله مسكين ما يقدريجي .
أمل :ليـــــــــه عسى ما شر ( في قلبها تقول بركة ) .
الولد : صديقه اللي بالمستشفى مات وعلى بال ما يخلص العزا و نلقى حجز ثاني يكون مر اسبوعين .
أمل : الله يرحمه ..مسكين اخوي .
الوالد : ايه والله صديقه الروح بالروح من ايام المتوسط الله يرحمه الحين قوليلي وين بتروحين عند خالك سالم ولا خالك بدر ولا عمتك نورة ولا أقول ايش رايك عند سوسن بنت اخوي.
أمل : ايه خلاص بروح عند سوسن إحتمال مو أكيد .
الوالد : يلا أمل دقي علينا وطمنينا عليك ..إلا أقول وش أخبار المعهد .
أمل (مرتبكة ما ودها تكذب ) : ايه تمام .....يلا يبه مع السلامه عندي مكالمه .
الوالد : مع السلامه .
أمل : ايه مع السلامه .

مرت أربعة أيام و التدريب ماشي و زاد إعجاب المدرب و باقي أعضاء الفريق بأحمد أكثر و أكثر على حماسه في اللعب ونشاطه .
و ايضاً ازدادت علاقة الصداقة بين أحمد و ياسر بس أحمد ما كان يختلط مع ياسر الا بوجود الكل وكان أكثر كلامه مع ياسر وكل واحد يعرض مهاراته ويدربه عليها .
والجميع حــــــــــس بالصداقة القويه اللي بينهم ومرة اجتمع فيهم المدرب الإجتماع اللي قبل الأخير حتى يضع خطة اللعب أمام تونس و بالفعل اجتمع أعضاء الفريق في مكان التدريب المعتاد و تأخر أحمدربع ساعة بسبب زحمة الطرق .
المدرب (باكيتا ) (يتكلم بلغته):gtrdh oiplk ewqdfgtrb gjguytdsropip87j
المترجم: المدرب يسأل عن أحمد وينه أحد يعرف ليش تأخر .
نواف ( بقهر) : والله من يوم حطوه لحاله وهو يتأخر .
طالعله المدرب بنظرة كأنه فهم وش يقول فسكت نواف أحسن له .

ياسر : بكلمه و أشوف .
وفعلاً يدق عليه ولأول مرة في الجوال بعد ما أخذ رقمه بالقوة

ومع زحمة الطريق حست أمل ان المتصل واحد من أهلها فردت بسرعة :ألو .........(انتهى الجزء
الثاني تابعونا مع مزيد من التشويـــــــق و الإثارة).

[ناريــز]

واااااااااااااااااااااااااااااااااااااو قصة ولا في الخيال
الله يسلم قلبك امورة ونص
انتظرك لا تتأخرين
ولاتزعلين إذا ماشفتي ردود كثيرة لأن اغلب اعضاء هذا المنتدى ما يحبون قراءة القصص
يكفي انا إذا قريتها << واثقة بزيادة
ا
ر
و
ع
امنياتي
ن
س
ي
م
البحر

[أمـــ ونص ــورة]

مشكوره حبيبتي (نسيم البحر) بس صراحه شيْ يقهر شوفي عدد الزوار كثير ولاأحد يرد عموماً تفضلي الجزء الثالث .....
الجزء الثالث

ومع زحمة الطريق حست أمل ان المتصل واحد من أهلها فردت بسرعة : آلووو.

ياسر ( مستغرب ): آلو , لو سمحت اختي هذا جوال أحمد .
أمل (تداركت الموقف بسرعة) ( وغيرت نبرة صوتها ): كححكح (يعـــــني كأنها تاكل ) لا أنا أحمد .

ياسر ( بإرتياح بعد ما كان متوهم ان اللي ردت عليه بنت وانه غلطان بالرقم ): أحمد ها خير وش فيك ؟

أحمد (على بالها يسألها عن الصوت اللي أول >واللي فوق راسه بطحه يحسس عليها >)لا صوتي ما فيه شي بس كنت أكل .

ياسر(بعجله): قصدي وش اللي اخرك المدرب زعلان .

أحمد : لا خلاص قربت الحين داخل .

و خمس دقايق و يدخل أحمد وهو محرج من المسؤولين لانه اذا بيقعد لحاله لازم ما يتأخر و لأنها أول مرة (بما انه كان دايم يفتتح المكان بجيته بدررري ) تغاضوا عنه .

و جلس الجميع بإنتظار نصائح المدرب ...
قعد المدرب يشرح خطته و المترجم يترجم لهم بس للأسف الخطة اللي طرحها ما عجبت اللاعبين ولا ارتاحوا لها فاضطر أحمد انه يضيف بعض التعديلات طبعاً بطريقة دبلوماسية حتى لا يزعل المدرب ويقوول انا وش شغلتي , نالت خطة أحمداعجاب الجمييييييييييع .

المدرب (بلغته):lyrytryt ihyfhrrd tewbhy jhjuyfcs
المترجم: عظيم عظيم فكرة خطيرة انت فعلا لاعب محترف .

محمد نور(يكذب الكذبة و يصدقها ): سبحان الله نفس الفكرة اللي كانت في بالي بس انتوا ما عطيتوني فرصة.

ياسر (بإستهزاء ) : صارووووخ ...صاروووووووووخ نزل ( يعني قصده وش هالكذب ).

الشباب : ههههههههههههههه ههه ها ها هاها هيييييييييه هي هي .
وقبل ما يبدأ التدريب راح نواف لمحمد نور : تدري يا محمد التدريب شوي و يبدا و انا في بالي حاجة لازم اسويها .
محمد نور ( بحماس ): وش هي ؟؟؟

نواف : شفت الكورة اللي عليها خطوط حمرة .
محمد نور : أيـــــــــــــــــه وش فيها ؟؟؟؟؟؟

نواف : هاذي الكورة ما حد يلعب فيها غير أحمد انت جيبها و بوريك وش بسوي .

محمد نور ( بشك ): متأكد انك بتسوي شي زيييييين .

و بالفعل راح محمد و جاب الكورة و دخلوا أقرب مبنى و حط عليها نواف خلطته السريه .
محمد نور : من وين جبت هالشي اللي يلزق .

نواف : افا عليك يعني من وين يعني .
محمد نور : اسف نسيت انك راعي مقالب و كل شي نلقاه بشنطتك .
و تمت المهمه و رجعت الكورة مكانها بس ...... اللي ما يعرفه نواف ولا محمد ان محمد خوجه مر من عندهم بالصدفة و سمعهم . و راح يقول لأحمد.....

و في طرف الملعب كان أحمد و ياسر جالسين استعداداً للتدريب جاء محمد خوجه :,
خوجه : أحمد الكورة اللي تدرب عليها دايم اتركها اليوم .

أحمد و ياسر( باستغراب): ليــــــــــــــــــــش .
خوجه : نواف و محمد مجهزين لك مقلب عليها .

ياسر : متأكد أنت ؟

خوجه :أجل أكذب ؟؟؟.

ياسر ( يطالع أحمد ): تدري شلون ......من حفر حفرة لأخيه وقع فيها .
واتفق ياسر و أحمد مع المدرب ( بعد طلعة رووووووح ) ان الكورة هذي بالذات يلعب فيها نواف بدون ما يعلمونه السبب ,,,,, و طبعاً المدرب وافق لأنه حس ان طلبهم ما فيه ضرر .

بدأ التدريب و كل واحد خذا له كورة ,,, و نواف ورطه المدرب بالكورةاللي يعرفها ,, بحجة انها مميزة تنفع يسوي عليها حركاته و ما تركه المدرب حتى ضرب فيها ضربته فكااان من جراءها ان سقط على الأرض , فوقف المدرب مستغرباً و اعتقد انها من عوامل الطبيعة فتركه و راح يلبي نداء الطبيعة .

ياسر و أحمد ماتوا على نفسهم من الضحك وشاركهم سامي وخوجه .

أما نواف قعد يندب حظه وهو خايف على حذيانه الجديد.

محمد نور : لا تقول انها الكورة اللي أول .

نواف ( بحزن ) : لا مسكيييييين ما تدري .
وتركه محمد نور ( يندب حظه) ..............

ساعده أحمد و ياسر عالوقوووف , والباقين كملوا تدريبهم .

تأسف نواف على اللي حصل ( بعد ما عرف انهم كفشوه ),,,,,بس أحمد عذره لأنه معروف بالمقالب .
و تاااااااابعوا التدريبات .

وجاء اليوم المنتظر يوم الأربعاء ,,مباراة السعودية ضد تونس .
في الباص ,,, نواف : في الامتحان يكرم المرء أو يهان ,

سامي ( يواسيه ) : لا أنشاء الله يكرم ولا يا أحمد ؟؟؟

أحمد ( مسرح ) يفكر انها أول مبارة قوية من ناحية الجمهور و الخصم .
أحمد ( بقوة ): لازم نفوز .
ياسر ( بكل ثقة ) : انشاء الله
بدت المباراة و جماهير السعودية على أحر من الجمر الكل يتمنى الفوز .

و عند الأهل بالسعـــــــــــودية :,
( واحد من الشباب )___:عرب:______ فيصل : يمــــــــه وين وديتي الأريل و الصحن .

أم فيصل : والله يا ولدي ما خذتهم بعدين ليه ما تروح عند أولاد الجيران تتابع معهم .

فيصل (زعلان ) : يكوون أبرك .
وفــــــــــــي بيت أخر من السعوديه :,

توفيق : يلا يا بابا تعال تابع المبارة حتفوتك البداية.
أبو توفيق : يلا يلا جاي .

وفي احدى المجمعات بجــــــــــدة ( الكل عايش رعب _ متحمسين _ حتى البزارين ما سلموا من هالمونديال اللي استغربه و أول مرة أعرفه ان المطاوعة بعد يتابعون المبارة >اشوى ما هي حرااام > المهم نرجع لمنتخبنا السعودي ) .....حيث انتقل اللاعبين الى استاد "اليانزارينا " في ميونيخ عند 7 مساءً .

ابتدا الكل بالتحمية والاستعداد بالرغم من تقلب الأجواء __بس كله يهون

اما ياسر و أحمد استلموا الهجوووووووووووووووووووووووم و سامي انتظر للدخول بالشوط الثاني (بحيث تكون التشكيلة 4_4_2 ) ....بدأت المباراة بتمريرات سريعة من قبل الفريقين ....حتى تم

و يا للمفاجأة خلال الدقيقة الخامسة تم تسديد الهدف الأول عن طريق أحمـــــــــــــــــد
و كعادة اللاعبين يحبون يعبرون عن فرحتهم
ركضت أمل معبرة عن فرحتها و تصرخ بأعلى صوتها ولكنها نسيت أمر فريقها الذي ظل يركض خلفها ليعبر عن فرحته هو ايضا و عندما أدارت رأسها رأت ما لم تتخيله في حياتها .....كل هؤلاء يركضون باتتجاهها ...ماذا يريدون ...فأخذت تركض و تركض و يركضون خلفها و هكذا ..
(ما دروا انها ما تبغى تختلط فيهم ) و انتهت موجة الفرح العارمة و...موجة الإستغراب عندما
أحمد (وهو يركض ): يا شباب ما يصير كذا انتظروا نجيب الهدف الثاني بعدين يصير خير ...ما يصير نتفاءل مرة .
و أخذ المصورون يلتقطون الصورة بحماس .
أخيراً اقتنع اللاعبين (السعوديين ) بكلام أحمد مع انهم أول مرة ما يعبرون عن فرحتهم بالشكل المعتاد .
....استمرت المباراة وقبل إنتهاء الشوط الأول جاء الهدف الثاني على يد ياسر (هذي المرة عبروا عن فرحتهم بكيفهم ) و اكتفى أحمد بالنظر و الإبتسام لمنح الثقة لصديقه ياسر .
تمنى ياسر لو كان صديقه أحمد أول المحيين له (بس خلاص لازم يتعودعلى حركاته المفاجئه )
انتهى الشوط الأول و باكيتا مستانس حييييييييل من اللاعبين .
و استبدل ياسر بسامي اللي ظل باله مع صديقه العزيزأحمد .

ابتدأ الشوط الثاني بهدف لتـــــــــــــــــونس ... و...........هدف أخر لتونس .......و.لأن سامي ما يرضى بالتعادل ....اهداهم قبل نهاية الشوط الهدف اللي حسم التعادل و بكذا انتهت المباراة بــــــــ 3- 2لصالح السعودية .

عبـــــــــر الفريق السعودي عن فرحته للمرة الثالثة و اكتفى أحمد بالنظر و الإبتسام لزملائه

اتجه ياسر ناحية أحمد , ياسر : أحمد ؟

أحمد ( يبتسم ) : شفت شلون .

ياسر : ايه ...(سكت )....احسك زعلان في شي مضايقك ؟؟؟

الحقيقة ان أحمد خلال هذي المباراة حس بخداعه لهم و خصوصاً لياسر اللي هو صديقه ....طيب وش يقوللهم انه زور شخصيته .
سكت أحمد و بالتالي ياسر ..و رجع ياسر للفريق .. بينما انسحب أحمد و اختفى عن الأنظار .
دورو عنه ...حاول ياسر يكلمه لكن جواله مقفل ؟؟؟؟؟؟؟؟؟؟؟
خافوا لا يكون صار له شي .
ما كان قدامهم الا انهم ينتظرون حضوره يوم التدريب .
و بالفعل يوم التدريب حضر أحمد و عامله الكل بتقدير و احترام خاصة المدرب اللي تأكد من احترافه و احتفى بمهاراته .
و حاولو يستعدون للعب ضد أوكرانيا (اللي أول مرة تدخل كأس العالم ).

ياسر ( يكلم أحمد ): عجبتني يوم عطيتهم الهدف الأول مساكين ما امداهم ياخذون نفس .

سامي : ايه والله أبدعت خصوصاً انها أول مباراة لك ...حتى انت يا ياسر .

ياسر : تسلم والله كلنا أبدعنا .

نواف ( يدخل بينهم ): أحلى يا متواضع ...(ويطالع في أحمد) أحمد وينك أمس (و بإستهزاء ) الصحافة كلها تدورعليك .

أحمد( ابتسم على باله يمزح)

نواف : لا جد كانوا يبون يسون معك لقاء .

أحمد ( بعصبيه ) : بس أنا ما أسوي لقاءات .

سامي : هدي هدي ياخي مولازم إذا ما تبي انت حر .
استغرب ياسر من تصرف أحمد و فكر انه يكلمه بعدين .
وعلى الغدا أحمد ما تغدى معهم .
ياسر : أحد شاف أحمد.

محمد نور : هذا ما يندرى عنه في أي دقيقه يختفي .
كان أحمد قد خرج يتغدى في مكان ثاني وهو راجع عشان يلحق على التدريب مسكه ياسر يبي يوقفه عشان يكلمه
(وما تاب بعد اللي يصير كل مرة )
نفس الشي ابتعد أحمد بحركة لا إرادية....فتأسف ياسر و سبقه للتدريب.

و مرت الأيام ..............................................

حتى جاء يوم الإثنين و اتجه الفريق السعودي الى الأستاد الرياضي في هامبورج . للعب ضد أوكرانيا .
انتهى النشيد الوطني لكلا الفريقين و ابتدا الشوط الأول كان في الهجوم أحمد و ياسر(للمرة الثانيه ) ...أما سامي ظل في الإحتياط على آمل انه يدخل .
و بدأ اللعب بحماس بس أوكرانيا خربت عليهم بالهدف الأول خلال الدقائق الأولى و بالتعاون ما بين ياسر و أحمد و باقي الفريق ( نور و التمياط وخوجة غيرهم )....سدد ياسر الهدف الأول للسعودية لكن و قبل نهاية الشوط الأول حصل اللي ما توقعه أحد .
تصادم ياسر مع لاعب أوكراني أدى إلى رفع الحكم الكرت الأحمر في وجه أوكرانيا .

أما ياسر حاله حال المسكين أخذ له ذيك الصقعه اللي عمره ما بينساها وانسدح في اخر الملعب
ويحرك رجوله بصعوبة (وبصوت واطي ): رجولي وش دخل رجولي ؟؟؟؟؟؟
و اجتمع حوله الفريق الطبي في غضون ثواني و قرروا انه ما يقدر يلعب بسبب الإصابة الشديدة في قدمه اليسار هذا غير ضربة الراس .
باكيتا يتكلم بلغته بعصبيه "الحين مين بيلعب بدل ياسر "...ويبي يكلم سامي عشان يلعب بس....
؟؟؟؟ : لا أنا بلعب بدال ياسر .
يا ترى مين بيلعب بدال ياسر ؟؟؟؟؟؟؟؟؟
لا تقولون سامي ( احنا قلنا واحد ثاني يطلب يلعب )......
و وش ردة فعل أمل و باقي أعضاء الفريق من إصابة ياسر و عدم لعبه ؟؟؟
إلا وش ردة فعل ياسر اللي حلمه تحقيق الأهداف لفريقه ؟؟؟
و يبقى السؤال الأخير بتفوز السعودية ولا لأ ؟؟
كل هذا مع المزيد تابعونا في الجزء الرابع ؟؟؟؟؟؟؟؟؟؟؟؟