قصائد للشاعر فهد المساعد من غير موسيقى

[« •°عـٍـٍنــٍـٍود الــٍـٍدواســٍـٍر •° »]

مـرـاحب حبايبي

بما اني من محبي قصائد
الشاعر فهد المساعد

جبت لكم قصائده من غير موسيقى

علها تنال اعجابكم ؛



شكواي لـ(اللي) عليه الضيق وإفراجه
اللي إذا شاء..يرحمني ويرزقني
أما أنت يا أبو جبين عقد حجاجه
لا عاد تنشد "علامك ما أنت طايقني؟"
الناس كل على دربه ومنهاجه
وأنا عن الناس ما به شي يفرقني
ألا أني دايم أحب الصدق وأواجه
مخلوق..والله على هـ(الوضع) خالقني
حتى رفيقي ضماد الجرح وعلاجه
على كثر ما أتمسك فيه..صدقني
لو أدري أنه مرافقني على حاجة
لــ(أمسّكه" حاجته..وأقول"فارقني"

8

8

http://sub5.rofof.com/07vgwiy16/11.html



ماقول غير انت لامن حطـوا وشالـوا
تعـوذ برحمـه الله مــن اساميـهـم
وذكرهم ان الاعمار ان طالت وطالـوا
الخالـد الذكـر والا المـوت قافيهـم
اما انت ياقلب لو صالوا بـك وجالـوا
خلك مثل ماانت لاتشره علـى ايديهـم
الناس مـن خلقـت الدنيـا ومازالـوا
عيـال رجّـال لكـن فيهـم وفيـهـم
وذولاك من عرض ناس ٍ مالي ان مالوا
الا اني اسكت ,, واقول : الله يجازيهم

8

8


http://sub3.rofof.com/07iyjhx17/12.html


اسمعك يالليي تناديني يابو قلب خلي
بس انا ماني خلي القلب لجل اسكت واجيـــك
الخلي ماهوب قلب من هيامك ممتلي
الخلي قلب ادمي شافك ولا هام فيـــك
انت زعلان لجفاي ومادريت ان زعلي
يوم قلبك مايبيني قد ماقلبي يبيــك
حتى لو عيت همومك في غيابي تنجلي
كل هذا مايساوي لهفتي يوم احتريـــك
وان كان ماصدقت هرجي طيب اسمع مايلي:
ياحبيبي ياعسى ربـــــي يحفظــك ويهديــك
جايز انك في غيابي تقلب الدنيــــا علي
بس انا من قبل اعرفك قالب الدنيـــا عليـــك

8

8


http://sub5.rofof.com/07gwqju16/13.html



خذني افحضنك ابغفى يااااهـ مبطي ماغفيت
وان لمحت دموع عيني سو نفسك ما لمحت
خذني افحضنك وبعثر في جروحي وان قضيت
هزّ لي كتفي وقل لي عيب تبكي لو سمحت
إضحك وعلّم زماني من على ومن وين جيت
طقّ باب الحزن واصرخ فيّ لامني فتحت
وضمّني يمك وكمّل ضحكتك لامن بكيت
ودّي اذكر كيف كانت ضحكتي لامن فرحت


8

8


http://sub3.rofof.com/07xghqi17/15.html


قلبي لـه اليـوم .. ثالـث يـوم موجعنـي
وعيني لها اليوم ثالـث .. تجمـع طيوفـك
والبـال كنّـه علـى دربــك يوزعـنـي
ولسانـي ماكنـه الا خـلـق لحـروفـك
لاالنـوم نافـع .. ولا التفكـيـر نافعـنـي
انام واصحى على الباقـي مـن وصوفـك
بالله قلي .. شعـوري هـذا وش يعنـي !؟
طمنّـي .. الله يطمـن هـمّـك وخـوفـك
بيني وبينك .. ترى اللي صدق ضيعنـي ....
ان انت في اخر لقا .. شارح لي ظروفك
مدري وش اقول .. لكن تدري .. اسمعنـي
خابرك وافـي .. و أبيـك تتـم معروفـك
ان كنـت نـاوي تسافـر .. لاتودّعـنـي
بـس انتبـه .. لا تسافـر قبـل مااشوفـك

8

8
http://sub3.rofof.com/07idksf17/14.html


ضاعت احلامي وظل الحزن فيني واهتديت
للطريق اللي يوديني على دمعي ورحت
يالحزن ليتك مثل دمعي وتنزل لارقيت
بس اعرفك لو مسحت الدمع تبقى ماانمسحت
كان حلمي في وجود انسان يبكي لابكيت
وصار حلمي في وجود انسان يفرح لافرحت
كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

8

8

http://sub3.rofof.com/07cqjso17/16.html


ياكثر ما اغرقت نفسي فـي بحـور اوهامهـا
وياكثر ماضعـت بيـن أوهامهـا وهمومهـا
مـا جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا
يانديم الجـرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا
والرسالـه ردّهـا للـي زمنـهـا ضامـهـا
وقلها كلمـه .. وتفهمهـا حسـب مفهومهـا
والله أن أقـص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا

8

8

http://sub3.rofof.com/07tenuq17/17.html

نويت دمر الزمان إلي نوا دمري
بايعك يا طيبتي شاريك يا طيبي
و الدانه إلي أتغنج كنها القمري
أمنتكم بلغوها يا مناديبي
لا عاد تشفق على نخلي ولا تمري
ولا عاد تشره على قل ترحيبي
إن كان ربي عطاها لونها الخمري
الله بنفسي معوضني فقر جيبي
أمنتكم بلغوها تحتري جمري
إن كان ما فاد معها حسن تهذيبي
إن عشت والله لمشيها تحت أمري
وأحس فيها تعذب كثر تعذيبي
هذريت فيها ثلاث سنين من عمري
وإن قالها الله لخليها تهذريبي

8

8

http://sub5.rofof.com/07kxdzb16/18.html



واذكر اني رحت قبل ابـدي لـك ايّـة اعتـذار
رحت حتى قبل اطيّـب خاطـرك فـي كلمتيـن
لكن انتي عارفتني زيـن واللـي صـار صـار
سامحينـي واذكرينـي قـدّ ماانتـي تقـدريـن
اذكريني لاانتهـت للشمـس رحلـه مـع نهـار
واذكرينـي لاصحـى للصبـح ورد الياسمـيـن
واذكريني لا لمحتـي فـي ليالـي البـرد نـار
واذكريني لا سمعتـي للمطـر صـوت ٍ حزيـن
اذكرينـي واذكرينـي واذكرينـي .. بأختصـار..
اذكري حبيبــكـ قـدّ ماانتـي تقدريـن

8

8

http://sub3.rofof.com/07nmytj17/01.html

صوّت حبيبي وقبـل أقـول ياعونـك
شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسان ف عيونـك
بس انت والله كل النـاس ف عيونـي
لا صرت ربعي وداري فيّـت جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك
تطيب كل الجـروح ويختلـف لونـي

8

8


http://sub5.rofof.com/07vdkmj16/02.html


في عز ما كنت اهوجس فيك وافتحلـك
ابواب قلبـي خذتنـي رجلـي لبابـك
وجيتك وانا ما اذكر اني كنت رايحلك
بس اذكر اني كـذا لاطـول غيابـك
ياما ترددت مـدري كيـف اشرحلـك
اجيك وارجع ابيك تقـول وش جابـك
يابـن الاوادم تـرى مليـت المحلـك
انا اعزك واحبـك واعشـق ترابـك
لا ضقت اضيق ومتى ما تفرح افرحلك
ولاغبت اموت ومتى ما شفتك احيابك
ان كان ودك ترسينـي علـى كحلـك
لميت عمري وخاويتك علـى اهدابـك

8

8

http://sub3.rofof.com/07bxjfy17/03.html


اللي تركني وأنا في عـز غربالـي
بعد الشدايد وش اللي ذكـره فينـي
يبغى زماني يعود ويرجـع الغالـي
وشلون يرجع بعد ماطاح من عيني
لا الوقت وقته ولا له شي في بالـي
أنا نسيتـه مثـل ماكـان ناسينـي
ياما تمنيت نظره منـه فـي حالـي
ياما تمنيـت صوتـه لـو ينادينـي
قولوا له إني ما أحبه كثر ترحالـي
أو لا .. حرام يتضايق وإلا يبكيني؟؟
قولوا له إني أحبه .. بس من تالـي
إن راح وإلا رجع ماعـاد يعنينـي


8

8

http://sub3.rofof.com/07awyxz17/05.html


جا يشوف الحال كيفه بعد ماهزه حنينه
قبل يسألني سألته كيف حالك يالحبيب؟
قال أنا كني غريب ضيع دروب المدينة
قلت أنا كني مدينه تنتظر رجعة غريب.
قال أجل وش فيك تلعن سيرة الحب وسنينه؟
قلت أنا وشلون ما العن سيرته دامك تغيب
أنت لا من غبت حتى مرايتك صارت حزينه
كيف ما تبغاني أحزن وانت لي حظ ونصيب

8

8

http://sub3.rofof.com/07nptks17/06.html

كم تعلّم مـن شديـد البـدو وش معنـى الرحيـل
وكم تعلّم من غروب الشمـس وش معنـى الـوداع
وكم تعلّم من سحاب الصيف وش معنـى الحصيـل
وكم تعلّم من ليـال البـرد وش معنـى الضيـاع
ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع
اعتبرنـي فـي بدايـة سكّـتـك عـابـر سبـيـل
و رح وانا قلبي معك من ويـن وجّهـت الشـراع
يكفي اني لاانذكرت فـي سالفـة عشّـاق .. قيـل
عاشر احبابه شجـاع .. وفـارق احبابـه شجـاع

8

8

http://www.almusa3ed.com/fahad/voice...ion=play&id=71


تـــــــم بحمـــــد الله

[B!no]

تسلمي كثيير حلوه ..!

[Ro7,,ensanh]

يعآفييييك ربي ع الموضوع ..

وانآ من محبين قصآئدهـ ..

كل الشكر لك ..

وردي ..|

[« α3shg hBαlч »]

WoOoOoOoW

قـصـآئد روعـــهـ تــسـلـمـيـن ياالـغـلآ..

الله لا يحرمنا من موااضيعكـ الـع ــسـل..

دمـتــي كمـآ أنتي بصحه وع ـــآفـيـهـ.

[« •°عـٍـٍنــٍـٍود الــٍـٍدواســٍـٍر •° »]

منووورين يالغاليات

لاعدمت هالطله