رواية دعيني اقول بكل اللغات التي تعرفين ولا تعرفين أحبك انتِ / بقلمي

[الكاتبة دانيا]

البارت الثالث

الرياض - بيت نادر
الساعة 2:15 الظهر
كانت امل مجهزة الطاولة وحاطة شموع
ولبست فستان أصفر قصير يوصل لنص الفخذ ولبست كعب أسود عالي واستشورت شعرها اللي يوصل لنص ظهرها ولبست اكسسوارات ذهبية وحلق صغير دائري ذهبي وخلخال ذهبي وحطت بلاشر ورسمت عيونها باي لاينر وكثفت الماسكرا وحطت روج أحمر ورشت نفسها بعطر
وجلست تنتظره
جات الساعة 3:30 ولسا نادر ماجا
امل: اوف ليه تأخر؟ باتصل اشوف وينه
رد عليها نادر: الو
امل: اهلين حبيبي ، وينك؟ تأخرت وبدأ الاكل يبرد
نادر: اوه نسيت ، تغديت في العمل ، كنت بتصل عليك بس انشغلت ، اسف
امل بصدمة: ....
نادر: يلا تبين شيء؟
امل ولسا مصدومة ونزلت دموعها: نسيت؟
نادر: امل بعدين اكلمك مشغول. وسكر
امل جلست على الكنبة وهي تبكي: ليه كلما احاول اتقرب منك تبعد؟ وبصراخ: لللللييييييهههههه؟ للليييههه ماتحبنننني ليييهههه؟ انا لازم انساك واكرهك لازم
قامت لطاولة الطعام ورمت الشموع ودخلت الاكل
وقامت بدلت ملابسها ولبست بيجاما ودخلت الحمام الله يكرمكم غسلت وجهها
وانسدحت على الارض وهي تبكي ونامت بدون ماتحس

الرياض بيت ابو فيصل
الساعة 4:00 العصر
كانو فهد واريج يتغدون
ابو فيصل"فهد" :اقول اريج
ام فيصل "اريج": عيونها
ابو فيصل : اخ ياقلبي مو معذبني غير عيونها
ام فيصل بضحكة: سلامت قلبك ياروحي انا
فيصل وهو نازل من الدرج: الله الله ايش هالرومانسية ايش هالحركات
ابو فيصل بضحكة: اعوذ بالله الواحد مايتهنى مع مرته .. الا اقول فيصلوه
فيصل بضحكة: هلا يبه
ابو فيصل: افكر ازوجك وارتاح منك عشان اقعد مع زوجتي مثل ماابي
فيصل: هههههههههههههههه قدام
تولين: مساء الورد والسكر وكل شيء حلو
ابو فيصل: ياهلا ياهلا بدلوعتي ، مساء الخير
ام فيصل: مساءالنور ياقلبي
فيصل باستهبال: اي جات دلوعتكم ونسيتو ولدكم المسكين
ابو فيصل: اي اكيد ، ذي دلوعتي ، تقارن نفسك بها؟
تولين جلست جنب ابوها ومدت لسانها لفيصل
فيصل: هئئ ماهقيتها يبه منك
ام فيصل: تعال ياقلبي انا جنبي، ماعليك منهم
فيصل ضم امه: وفديت امي حبيبتي
ابو فيصل بمزح : ياولد شيل ايدك عن زوجتي ترا اغار
تولين بضحكة: حركات وسرنا نغار من عيالنا على زوجتنا
ابو فيصل: اقول فيصل وين مشعل ياخذك من هنا ويريحنا؟
دق الجرس وقام فارس يفتح الباب
مشعل: السلام عليكم
الكل: وعليكم السلام ورحمة الله
ابو فيصل بضحكة: جبنا سيرة الأوط ، قانا ينط
مشعل بمزح: افا كنتو تحشون فيني؟
فيصل : اي شفت يااخوي ، ابوي من شاف تولين قلب علي وقال كله من مشعل هذا بعد عنه
ابو فيصل ضحك: والله خويك يامشعل صديق سوء ، انصحك وانا ابوك توخر عنه
فيصل بضيق: خسارة تنصدم في ناس فرشنا الدرب لخطاهم
تولين: هههههههههههههههههههههههههههههه ياحبيبي يافيصل خلاص رحمتك
مشعل: اي والله تولين صادقة ، صاير كأنك فقير ويتيم وحالتك حالة
فيصل: اقول قم بس
فيصل ومشعل قاموتولين بضيق: على وين؟
فيصل كان عارف انها تبي تجي معاهم بس يبي ينرفزها:مكان مخصص للشباب فقط
مشعل فهم قصده وكتم ضحكته
تولين بضيق: لاتكفون ، مشعل خليك وخلي هالدب يروح لوحده ، والله طفشانة لوحدي
مشعل رحمها : نمزح معاك ، قومي البسي يلا
تولين بفرح: صدق؟ وراحت ضمته: احبك مشعل. وراحت تلبس
فيصل بتكشيرة: ياخي والله انك .. مادري ايش اقول مافي اي كلمة توصفك
مشعل بضحكة: حرام عليك ، طفشانة ولحالها بالبيت
نزلت تولين: يلا؟
مشعل بابتسامة: يلا
وطلعو وبقي ابو فيصل وام فيصل
ابو فيصل: اخيرا ياقلبي صرنا لوحدنا
ام فيصل بحيا: فففههد
ابو فيصل بضحكة: قلب فهد
ام فيصل: ابي اطلب منك طلب
ابو فيصل: تامرين انتي
ام فيصل: تسلم لي يابعد عمري ، نبي نروح عند اهلي ، من زمان ماشفتهم
ابو فيصل: اي والله انا بعد ابي اشوف عمي ، شرايك نكلم عمي واخواني والعيال واخوانك وكمان سمر بالطريق جاية ونروح بكرا نشوي ع البحر؟
ام فيصل بحماس: اي والله فكرة حلوة ، خلاص بكلمهم وبقول لهم
ابو فيصل قام: يلا حبيبتي انتبهي لنفسك وقفلي الباب ، بروح للشركة شوي بعدين بامرك عشان نروح السوبرماركت ونشتري اشياء للشواء
ام فيصل قامت وباسته بخده : ربي مايحرمني منك قول امين
ابو فيصل بابتسامة: امين
توطلع ابو فيصل وراحت ام فيصل تكلم اهلها

في بلد اخر بعيد عن السعودية
فرنسا - شركة الجد سعود وخالد
الساعة 3:30 الظهر
...: قول لي وش اسوي ياناصر؟
ناصر يتنهد: يوسف اهدا
يوسف بضيق: شلون اهدا علمني؟ هم اعطوني امانة وانا خنت الامانة ، انا مو قد الثقة اللي اعطوني هي
ناصر: صل على النبي واستهدي بالله ، وربك يحلها
يوسف: اللهم صل وسلم عليه. وبعصبية: لازم نمسكهم ال*****
ناصر: واحد من اخوياي يشتغل في الاستخبارات ، بكلمه واخليه يعرف من اخترق الحساب
يوسف: ياليت والله ، بكون لك شاكر
ناصر: افا ، مابيننا هالكلام ، احنا اخوان ، يلا قوم نروح نتغدا ، حدي جوعان
يوسف : يلا قمنا ، انا بعد والله جوعان

الرياض - بيت نادر
الساعة 10:00 الليل
رجع نادر للبيت واستغرب البيت هدوء
نادر بنفسه: وينها؟ غريبة ، ناداها: أممل .. امل
دخل وشاف الشموع بالارض والمطبخ محيوس ، راح لغرفة النوم لقاها منسدحة بالارض
خاف يكون صار فيها شيظ ، ركض لعندها وحط يده عند رقبتها يبي يشوف فيه نبض
تنفس براحة يوم عرف انها نايمة ولاحظ على وجهها احمر والكحل سايح على خدودها و عرف انها كانت تبكي ، حس بالذنب وراح لها شالها وحطها بالسرير وغطاها وجلس عندها يتأملا ، وانسدح ونام

اليوم الثاني
جدة بيت سامية الساعة 7:00 الصباح
سامية صحيت وخذت لها شور ولبست فستان هادىء باللون الوردي الفاتح وعليه ورود وفتحت شعرها وحطت بلاشر وماسكرا وروج وردي ولبست اكسسوارات فضي وعطرت نفسها وراحت جهزت الفطور لزوجها
سامية: حبيبي .. حبيبي يلا قوم الساعة 7 ، عزوز
عبدالعزيز بصوت كله نوم: عيون وقلب عزوز ، ايش الصباح الحلو ذا؟
سامية بدلع عفوي: احبك ، يلا قووم
عبدالعزيز ذاب بدلعها: لا لا شكلي اليوم بهون ومابروح العمل
سامية بضحكة: قوم بس ، توك راجع من اجازة
عبدالعزيز: افا ياذا العلم ، يعني ماتبيني؟ خلاص خلاص زعلت
سامية باست من خده وبهمس: قوم حبيبي خذ لك شور والفطور جاهز. وهربت
عبدالعزيز بضحككة وصوت عالي عشان تسمعه: تبين تجننيني انتي ? .. ابتسم وبهمس: الله لايحرمني منك
وقام خذ له شور ولبس ثوبه وشماغه وراح الصالة وقبل مايجلس ، قامت سامية تسكر ازرار ثوبه والكبك حقه
عبدالعزيز بهمس: قولي لي بس ايش اسوي فيك؟ تجننيني بدلعك ولبسك وحركاتك وتبيني اروح العمل ، اخ منك بس انا اوريك بعد ماارجع
سامية بعد ماخلصت حوطت يدينها على رقبته وبدلع: بشتاقلك
عبدالعزيز مسكها من خصرها وباسها: ياويل حالي ، شكلي صدق بهون
سامية ضحكت وسحبت يده وجلسته: يلا افتح فمك
وجلست سامية تأكله
عبدالعزيز طالع ساعته وقام: يلا ياقلبي بروح عشان مااتاخر
سامية باسته وقامت توصله للباب: طيب حبيبي انتبه لنفسك ولاتسرع
عبدالعزيز: من عنيّا ، اي صح تجهزي على الساعة 4 بنروح نتغدى برا
سامية : اوك حبيبي ، استودعتك الله
عبدالعزيز: قفلي الباب ولاتفتحين لاحد ، انا لو جيت بادق عليك وانزلي ، مع السلامة
راحت سامية تكلم اختها سمر بعد ماقفلت الباب: السلام عليكم
سمر: وعليكم السلام
سامية: كيفك ؟ اخبارك واخبار عيالك؟
سمر: طيبين الحمدلله ، اليوم بنسافر الرياض بنطول هناك انتي شلونك؟
سامية : زينة ، جد؟ يلا كويس ، بكلم عزوز اليوم يجيبني ، الصراحة اشتقت لجمعاتنا
سمر: وانتي الصادقة من زمان ماتجمعنا وضحكنا
وجلسو يسولفون بعدين كل وحدة سكرت عشان سمر تبي ترتب اشياءها وسامية راحت تشغل نفسها باي شيء

الرياض - قصر الجد خالد
الساعة 1:00 الظهر
الجد خالد ( ابو اريج "ام فيصل" واخو الجد سعود الكبير ، متزوج فرنسية اسمها اماندا ، تعرف عليها لما كان يشتغل بالشركة في فرنسا وحبها وتزوجو ، عنده 4 اولاد وبنت وحدة ، طيب وحنون وعلى نياته ، عكس اخوه سعود اللي احياننا يكون صارم )
الجدة اماندا ( ام اريج ، طيبة وحنونة مرا زي زوجها ، بيضاء وشعرها اشقر وعيونها بحرية ، بنتها اريج طالعة عليها ، ماكانت تعرف عربي بس الجد يعلمها وسارت تتكلم عربي مكسر )
احمد ( الولد البكر ، عمره 40 يشتغل في شركة ابوه ، رزه وثقيل ويحب زوجته ويحترمها
زوجته: هلا طيبة وتعامل ام زوجها زي امها لان امها توفت وهي صغيرة ورباها ابوها بعدين مات ، عادية بيضاء وطويلة وشعرها ناعم " ، عنده 3 بنات وولد : ليالي : عمرها 18 ، طيبة وحبوبة ، تحب بنات ولد عم ابوها "تولين وملاك ورتيل وريوف" ودها تصير دكتورة نفسية ، على نياتها ، طويلة وشعرها بني طويل وناعم ، بيضاء زي بياض جدتها وعيونها عسلي زي ابوها " لبينة ولبنى توأم عمرهم 15 يشبهون بعض مرا ماتقدر تفرق بينهم ، عيونهم وسيعة وبيض وعيونه، زي جدتهم بحرية شعورهم قصيرة مايلة على الاشقر ، خفيفين دم وطيبين بس عندهم جرأه بحدود ، مايحبون احد يغلط على اهلهم سواء جدهم او ابوهم او اخو جدهم "الجد سعود"
خالد : على اسم جده عمره 13 ، بس شخصيته اكبر من عمره بكثير ، يحب جده خالد وجده سعود ويشبهه في صفاته كثير ومايرضى على اخواته)
ابراهيم ( عمره 27 ، يدرس طب بكندا ، طويل ووسيم ، ابيض وشعره ناعم اشقر وعيونه وسيعة مثل ابوه ولونها بحري مثل امه ، خفيف دم ، طيب ويحب سحر بنت عمه وناوي يخطبها بعد مايرجع )
حمود وحمد ( توأم عمرهم 16 ، دايم مع لبينه ولبنى مناقرة وهواش بس يحبون بعض ، يشبهون اخوهم احمد في الشكل ، يحبون يهبلون ف امهم )

في الصالة كانو جالسين الجد خالد والجدة اماندا وحمود وحمد يتفرجون تلفزيون
دق التليفون ، وقام حمود يرد
حمود: الو
اريج: اهلين ، حمود ولا حمد؟
حمود بمكر غير صوته: مين تبين اختي؟
اريج باستغراب: مين انت؟
حمود: متصله علينا وتقول مين انت! عجيب
اريج عرفت ان واحد من التوأم يستهبل عليها: اي حابة اتعرف
حمود: انا متزوج يامره ، وخري عني
الجدة باستغراب: همود مين تكلم؟ ايش متزوج وايش هادا خرابيط؟
اريج ماتت ضحك: امي فضحتك ، هات اكلمها بس يالمتزوج
حمود بتكشيرة: عاجبك كذا يمه؟ كان خليتيني اطقطق عليها ذي الخبلة
اريج: هئئ انا خبلة ياللي ماتستحي؟ انا اوريك بس هات امي
حمود مد لامه التليفون: ايوا اريج
اريج: هلا يمه
الجدة: ايش كيف انتي؟
الكل فطس ضحك على كلمتها حتى اريج
الجد: اماندا ياقلبي ، قولي كيفك مو ايش كيف
الجدة: whatever ارابي صعب = مو مهم ، العربي صعب
اريج بضحكة: بخير يمه وانتي كيفك؟
الجدة: قود = بخير
اريج: اسمعي يمه ، اليوم بنطلع البحر نشوي ، وقال لي فهد اقولكم تيجون معانا
الجدة مافهمت شيء: اريج ، talk to your father = كلمي ابوك
اريج ضحكت وعرفت ان امها مافهمت شيء: طيب يمه
الجد اخذ التليفون : ايوا يابنيتي
اريج بضحكة: لزوم نعلم امي عربي
ضحك الجد: لا والله حلاتها بالعربي المكسر
اريج: المهم يبه احنا طالعين البحر مع عمي سعود والعيال كلهم بكرا وقال لي فهد تيجون معانا ، بنشوي هناك
الجد: زين يمه ، بس متى رايحين؟
اريج: والله يمكن ع المغرب
الجد : زين حبيبتي ، يلا بروح اقول لاهلك ، تبين شيء؟
اريج: سلامتك يبه ، بضحكة: والله يعينك تفهم امي
الجد: يازينها حبيبتي ، لو تبي بفهمها من هنا لبكرا ونبطل نجي معاكم
اريج ضحكت: يخليكم لنا ويخليكم لبعض
الجد بحب: امممين ، يلا بروح لحبيبة القلب ، مع السلامه
اريج: فمان الله
حمد: يبه وين لبينه ولبنى؟
حمود: اي والله وينهم!
الجد: راحو عند اهل امهم
حمد بطفش: افف هي الحين مين نضارب؟
الجد بضحكة: نعبو داركم ، انتو رجاجيل روحو تمشو
حمود: اي والله يايبه انا اشهد انها فكرتن زينة
وطلعو
الجد ضحك: وانا اشهد انهم مهابيل
الجدة: كالد ، ايش مهابيل؟
الجد: عيون خالد ، it's mean like crazy = زي المجانين
الجدة: اااا ، بسم الله على اولادي
الجد ضحك على كلامها المكسر وضمها: يلا نقوم ، حدي تعبان
الجدة: اوك بايبي
وقامو ينامون

الرياض - قصر الجد سعود
الساعة 2:30 الظهر
كانت الجدة جالسة لحالها والجد راح للشركة وسحر نايمة وفارس مع ابوه
دق الباب
الجدة: ميري ، سوياتي روحو شوفو مين عند الباب
وراحو الخدامات يشوفون مين
سمر: احم احم يااهل البيت
الجدة بفرح: سممر؟؟؟ ياهلا ببنيتي ، تو مانور البيت ياقلبي
سمر بضحكة: بوجودك يمه
وراحت تسلم على امها
رتيل وريوف: السلام عليكم يمه
الجدة : وعليكم السلام ، ياهلا ياهلا
رتيل وريوف سلمو على جدتهم
الجدة: وش هالمفاجأه الحلوة؟ والله كنت ناوية ناخذ انا وابوك وسحر كم يوم في الشرقية ونسلم عليكم
سمر: زين اننا جينا
الجدة: وين بدر ونواف وسامي؟
سمر: يطلعون الاغراص يايمه
دخل بدر: السلام عليكم ورحمة الله
الكل: وعليكم السلام
الجدة: حيا الله وليدي بدر ، وينك يايمه ماتنشاف ، ماتقول نسلم على جدتي ولا شيء
بدر بضحكة: يايمه تونا واصلين وجيتك اسلم عليك
الجدة بنص عين: انت تدري وش قصدي يالدب ، ماتتصل ولا شيء
بدر: والله مشغولين يايمه بالشركة وحوسة ، ولاتزعلين من يوم ورايح بازعجك باتصالاتي
دخلو نواف وسامي: السلام عليكم
الكل: وعليكم السلام
سلمو على جدتهم وجلس نواف بجنب جدته
نواف باستهبال: اي واخبارتس ياام فهد؟ من زمان عنتس
الجدة: طيبين نسأل عنكم
نواف: الا اقول ام فهد ، ايش الحلاوة ذي ، وين ابو فهد عنك؟
الجدة ضربته بالعصا: نعنبو دارك ماتستحي
نواف غمز لها: لاتصرفين يامزتي
الكل مات ضحك على نواف
سمر بضحكة: نوافوه سيب امي بحالها لاتهبل فيها
نواف: افا تبين ابو فهد ينحرني؟
هرب نواف من عصا جدته اللي كانت تبي تضربه
نواف بضحكة: خلاص خلاص توبة
الجدة: اقول ياسمر ، متاكدة ان ذا "تأشر على نواف" ولدك؟ اشوف بدر وسامي وش زينهم ، الا ذا
نواف بحزن مصطنع: افا يايمه ، هذا وانا اقول لجدي حرام تعرس عليها ، جدتي ماتستاهل ، ماهقيتها منك
الجدة ضحكت وبثقة: جدك مايقولها ، لو يلف الدنيا كلها مايلقى مثلي
الجد وهو توه داخل: وانا اشهد، والتفت على نواف: الحين انت تبي تفرق بيني وبين حبيبتي ، انا اوريك
جا الجد بيضربه بس نواف مسك ايده وسلم عليه و هرب
الكل ضحك عليه
جلس الجد وسلمو عليه سمر وعيالها
الجد: تو مانورت الرياض
سمر: بوجودكم يانظر عيني
الجد: الا اقول كلكم فهد على طلعة البحر بكرا
سمر: اي يبه
الجد : زين ، الا وين زوجك؟
سمر: والله يايبه جينا مع بدر ، زوجي عنده عمل وماقدر يجي ، بس يسلم عليكم والله
الجد والجدة : الله يسلمك ويسلمه

نهاية البارت
ابيكم انتو هالمرة تكتبو لي توقعاتكم

[هنوده الامورة]

تجنن استنا البارت الرابع

[« صْدّقُ آلغَلآإ ~ »]

صرآآحتنَ الروآآآيةةِ , رووووعةةَ

مع اني شوي اعانيَ و أنا احفظ فيهممَ

بس بجدَ مرةةَ حلوةة , تحمستت ل نآآدر و امل

و اعرف قصةة نآآدر , و ل ملااك و نواف بعددَ

انتظر البارت الراابععععععععع

♥♥ ♫

[« Zaina Al3wami »]

جمييييييييييييييل جدآ
آنتظر البآآرات الجآيهـ بلهههفهـ :) >> ما تحسى ان البارات انتهن
تقبلى مرووورى :)

[« ❦أميرهـ الـاحسآس❦ »]

گملي تگڤييين

روايهه خقق