علاج للطفش طريقة تحميل صور شرح حذف الكوكيز اسباب ظهور تحذير بالمنتدى

تنبيه هـآم : يمنع وضع الصور آلنسائيه و الآغـآني في المنتدى

:bnaatcom0153:

 
 
العودة   منتديات بنات > مجالس الادب والشعر > مجلس القصص والروايات
 
 

إضافة رد
 
أدوات الموضوع
قديم 25-11-2010, 01:03 AM   رقم المشاركة : 1
معلومات العضو
سعوديه عز وفخر
عضو جديد
 
إحصائيات العضو








سعوديه عز وفخر غير متواجد حالياً

 
إحصائية الترشيح

عدد النقاط : 10
سعوديه عز وفخر is on a distinguished road

 

 

افتراضي مذكرات فتاه جريئه

مذكرات فتاه جريئه
مدخل
لاني انسانه اكره الروتين فاول شي اكرهه المقدمات المزخرفه
عشان كذا احب ارحب في كل العيون للي تقراء مذكراتي
راح اكتب لكم عن تجربه شخصيه عشتها لحظه بلحظه
ارتويت من كاسها بحلوها ومرها
مذكرات جريئه ممكن تلاقي من يقبلها واكيد فيه للي بيكرها
وبيقول انني بنت متحرره كل انسان بيشوفها من وجهة نظره
لكن تاكدوا اني بنت سعوديه ابا عن جد الجد وافتخر بديني
وبعض عاداتنا واكره كثير من هالقيود للي مالها علاقه في ديننا
الاسلام دين حب وسعاده وليس تعاسه وشقاء
ع فكره انا كتبتها لاني متاكده ان فيه كثير من البنات مروا في بعض ظروفي
احبهم يعرفوا ان الحياه مهما كانت قاسيه فالبنت اقوى منها
بارادتها وطموحها
راح اكتب بالعاميه مع اني اقدر اكتب بالفصحى وبجداره
بس حتى تكون قريبه من كل السعوديات بكتبها بلهجتي النجديه الشرقيه الغربيه وبعض الشماليه وياليت الجنوبيه
مذكرات جريئه خطوه لتحرير الروح وانطلاقه للحياه الافضل
الى هنا وصل من يقراء معاي لموقف محايد من هالكتابه
راح ابدا احكي لكم من الاول
اول شي بعرفكم بنفسي
في بيت نجدي قديم ولدت في اسره متوسطة الحال ابوي رجل كبير ضيع عمره في خدمة اخوه الاكبر
وفي سن الاربعين قرر يتزوج فكنت انا اصغر ابنائه
عندي ثلاث اخوان وثلاث خوات
طبعا علاقتي فيهم مو شي لسبب بسيط هو ان خواتي البنات كانوا اكبر مني بوايد
كبروا وتزوجوا وانا لسى في الصفوف الاولى
تربيت وانا احسد كل للي عندهم خوات كنت ابي اخت لما ارجع من المدرسه احكي لها واشكي لها بس ماعندي فجوت العمر كانت حاجز كبير مع اني احبهم وايد بس من بعيد لبعيد
فكان الاقرب لي في العمر اخواني الشباب
من اول ماعرفت الدنيا وامي عندها قانون
ان العيال كل شي لهم ومهما صار منهم يبقون رجال والرجال مايعيبه شي

طبعا مو انا للي بس سمعت هالكلام اكيد كثير من البنات سمعه
امي طيبه جدا حياتها لعيالها وبيتها لها معاناه كبيره في حياتها
تزوجت ابوي وهي صغيره وتحملت كل الظروف تحب كل عيالها الا انها تميل بشكل كبير للذكور عند امي العيال افضل لانهم عز لاهلهم بعكس البنات للي همهم للممات
عانيت كثير من الضغوط النفسيه وانا صغيره من تفرقه كبيره بيني وبين اخواني
كانت امي دائما تقول عني اني اكثر وحده من بناتها تعبتها واني عنيده جدا
كثير اشياء كنت انضرب عشانها لاني مااحترم قانون التفرقه وابين انه ماهمني
الضرب وبعد مااروح لغرفتي ابكي وااايد وانام ع دموعي
من الذكريات الحلوه لايام طفولتي انه كانت قريبه من بيتنا جمعيه صغيره
كانت اجمع مصروفي البسيط واروح اشتري فيهم بعض القصص ومجلات الاطفال
ليلى والذيب الاميره والاقزام مجلات بسام وماجد كثييير نسيت اسمائهم
واخواني كانوا يشترون بمصروفهم حلاوه وعصير
لما نرد للبيت تطالع فيني امي وتقول ايش تبين في هالاوراق
من هالوقت بدت علاقتي بالكتب او ورق مثل ماتسميه امي
دخلت المرحله المتوسطه وكانت فتره صعبه عليه مع اني شاطره في دراستي
بس كانت مرحلة حرجه يمكن الشي الحلو في هالمرحله
اني عمري ماكنت اطالع للي اعلى مني بالعكس كنت مااطلب شي من امي
لاني اعرف ظروفنا الماديه
ابوي كان دائما يسافر ويطلب رزقه فكنت بهالعمر جدا افتقده
فيه موقف مره كان يؤالمني ورغم كل السنين للي راحت عليه الا انني مانسيته
عندنا في بيتنا غرفه بالحوش كان ابوي حاطها مشب يعني ديوان بسيط يسوي فيه القهوه ع حطب الارطاء ومايستعمله الا في فترة الشتاء
صحيت في يوم الصبح وتجهزت للمدرسه
وقفت بالحوش استنى الباص حتى مايروح ويتركني وكنت مصريه احب المدرسه ومااغيب كان ابوي وقتها في المشب شافني وخاف عليه من البرد
ناداني الريم تعالي اجلسي عن البرد
كنت احب اجلس معاه وايد وفعلا جلست بجنبه اخذ ايديني وقربهم من المدفاء
بعدها بدقايق جاء الباص وطلعت وطبعا ماراح احكي لكم ايش صار لما ركبت
كانت ريحة الارطاء في ملابسي سمعت همسات سخريه وضحك من البنات وحرمت اكرر هالشي مره ثانيه
ثاني يوم ناداني ابوي عشان اتدفاء بجنبه بس اعتذرت منه واني بجلس اذاكر بالحوش ع مايجي الباص
بعدها ماقال لي تعالي عن البرد بس بقى هالموقف مؤالم بقلبي
كنت اول مره ارفض لابوي طلب لاني كنت غبيه
مرت السنين وفي ثاني ثانويه مرض ابوي وبقى يعاني من هالمرض
اصعب شي ع البنت انها تشوف احب الناس لها مريض وماتقدر تسوي شي
في مرحلة الثانويه صرت اميل للنزعه الدينيه والتزمت تركت الاغاني واحرقت كل المجلات للي جمعتهم من سنين واحرقت معاهم دفاتر مذكراتي للي ندمت بعدها ع احراقهم
تخرجت من الثانويه ودخلت قسم اسلامي رغم ان معدلي كان يدخلني احسن تخصص بس كانت النزعه الدينيه هي المسيطره عليه

وفي اول سنه توفي ابوي ومن وقتها حسيت اني خسرت سندي في هالدنيا
صحيح ابوي ماكان يبقى معنا كثير لظروف شغله بس كان لما يكون موجود
محد من اخواني يتجراء ينظر فيني وبعد ماتوفي بدات السيطره تظهر
وطبعا انا الاخت الصغيره المتمرده للي ماتسمع الكلام وتجادلهم
كملت دراستي في الكليه واول ماتخرجت كان يوم الفرج بالنسبه لاخوي الكبير
لانه كان منتظر اني اخلص دراستي وبعدها يقدر هو يتخلص من مسئوليتي
جاب لي العريس للي بيقدر يلين راسي
وهالعريس كان ولد عمي عدوي للدود من يوم كنا صغار
مو بس كنت اكرهه الا حتى شوفه يجيب لي الهم
لما كنا صغار ويجي يلعب معنا ولانه كان بنفس عمري كان يحب السيطره ع المجموعه للي تلعب معاه فكانوا كلهم يسمعون منه الا انا ماكان يقدر عليه
ولما كنا في فترة المراهقه كثير تحرش فيني بس ماقدر يوصل لشي
كان يقول وين بتروحين مصيرك لي
كرهته وكرهت كل مافيه

في عاداتنا مايسمح للبنت تاخذ اي حد دام ولد عمها يبيها
حاولت افهمهم انه مايناسبني بس وين تفهم هالعقول
ووين المشكله اذا كانت اختي الكبيره عند اخوه وهم عايشين مبسوطين
كنت اقول لهم اني غير عنهم بس محد معطيك اي مجال تناقش
وفعلا انخطبت لابن عمي البغيض وتزوجته بعد ثلاث اشهر من تخرجي
اقنعت نفسي انني غلطانه وانه تغير اكيد واني لازم ابدا صفحه جديده وانسى كل ذكرياتنا القديمه
في الزفاف جلس بجنبي ع الكوشه واول كلمه قالها لي
التفت لي بابتسامته الساخره وقال مو قالت لك زمان نهايتك لي
بلعت هالغصه وبلعت معها كل كرهي له
ماادري كيف اوصف لكم حياتي معاه
كل مااحاول اتقبله يكرهني فيه زود من ثالث يوم من زواجنا طلع مع ربعه للقنص وتركني وبعد اسبوع كانت فيه عزيمه عند اخوي ع اساس حفله لزواج اخته للي بايده دخلها الجحيم
جلست مع ضيوف امي وسمعت همسات الحريم وحده تقول
كيف يسافر ويتركها وهم لسى في اول اسبوع لهم

والثانيه تقول شكلها ماعجبته
والثالثه تقول والله حرام للي يشوفها قبل زواجها مايشوفها الحين في اسبوع انقلبت حالتها شوفوا كيف ذبلانه ووجهها اصفر

بلعت كلامهم وكاني ماسمعته
عشت معاه اسواء ايامي مهما كنت اسوي له كان ينتقده ويعلق بسخريه عليه
بعد مارجع من سفره قال لي اخوي يقول سافروا شهر العسل
ابتسم وكمل بس انا قلت له ماله داعي والا ايش رايك
قالت عادي ماله داعي
استمريت في زواجي 7 اشهر حملت في هالفتره وسقطت وفرحت اني سقطت لاني كنت بكل لحظه اكرهه زود وماابي شي يربطني فيه
باختصار كان محسسني اني ولاشي بحياته واني مثلي مثل الكرسي كل للي المفروض اسويه اني اطبخ له وانظف له وفوق هذا كله لازم بوقت النوم اكون مثل مايبي طبعا مريضه او مو مريضه نعسانه او اي سبب في الدنيا كله ماله قيمه بالوقت للي حضرته يقرر ياخذ حقوقه الزوجيه لازم اكون تحت امره وجاريته المطيعه وفوق كل هذا بعد ماينتهي يقول لي بكل وقاحه اني بارده

سبع اشهر وانا بس ابي سبب اقدر اعتذر فيه عند اخوي عشان اطلع من هالجحيم وفعلا بيوم لقيت هالفرصه واغتنمتها وتركت له البيت
قوم اخوي الدنيا ولاجلسها ولاول مره امي وقفت معاي وساندتني لانها حست بالضيم للي عشت فيه والقهر للي اخذته من هالزواجه للي كلها غلط من اولها

بقيت في بيت ابوي سنه واخوي ساكت ماطلب لي الطلاق وبعد سنه فشلت كل محاولات العائله وقرر زوج اختي انه ينهي هالزواج للي ماقدر انه ينجحه ولانه يعرف اسلوب اخوه السيئ في معاملتي وحاول كثير يعدل منه بس ماقدر
خلال هالسنه للي بقيتها في بيت ابوي توظفت والحمدلله ماصرت محتاجه لا لاخوي ولالغيره
كانت هالزحمه في حياتي ماهي الا بدايه لدربي الطويل
راح اكمل لكم الباقي في وقت ثاني
بس اتمنى للي بيتفلسف ويعلق يعرف ان البنت سواء اختك او زوجتك انسان له مشاعر واحساسيس وان الكبت والقمع عمره ماينفع وكل للي كتبته واقع يعيشه كثير من البنات في مجتمع ماهو قادر يفهم البنات
الى للقاء







   

Facebook Twitter Google+ Instagram
رد مع اقتباس
قديم 25-11-2010, 01:05 AM   رقم المشاركة : 2
معلومات العضو
سعوديه عز وفخر
عضو جديد
 
إحصائيات العضو








سعوديه عز وفخر غير متواجد حالياً

 
إحصائية الترشيح

عدد النقاط : 10
سعوديه عز وفخر is on a distinguished road

 

 

افتراضي إضافة رد: مذكرات فتاه جريئه

بعد سنه من زواج تحت وقف التنفيذ حصلت ع حريتي
كانت امي واختي جالسين يتكلمون عن سوء حظي وامي بيدها ورقة الطلاق
لما دخلت واخذت لي فنجان قهوه قالت لي امي
هذي ورقة طلاقك ابو عبدالعزيز ,زوج اختي , وصلها لنا هالخسيس حتى ماكلف ع نفسه يجيبها لك
ابتسمت وكملت قهوتي وارتشفت لقب مطلقه مع قهوتي المره
واه من هاللقب في مجتمع الخليج
الحمدلله اني ماعانيت مثل غيري من ويلات للقب مثل مااسمع من بقيت زميلات موكب الطلاق
لكن يبقى اسم مطلقه عندنا يعني فاشله في مجتمع للاسف يشوفون ان البنت الناجحه هي للي تصبر وتتحمل اهانات زوجها هذي هي الناجحه للي عندها بيت وعيال هي الصح والباقي غلط وفاشلات
يعني صيري انسانه مالك كرامه ويقدرك مجتمعك
بس ع مين مو انا للي يطبق عليها هالكلام انا عزتي بالدنيا ومافيها ولا انخلق للي يذلني
صحيح انظلمت كثير وتالمت كثير بس مااستسلم مو ذنبي انهم مايقدروني اهم شي انا اقدر نفسي عدل
نسيت احكي لكم عن اخوي الشرير
هذا حكايه ثانيه عندي اخو لله لايبلى البنات في مثله انسان مريض نفسي بالشك
عنده ان البنات كلهم منحرفات وانه لولاه بكون داشره وتربيت شوارع وحضرته للي محافظ عليه
طبعا طلعاتي ودخلاتي محسوبه بموافقته مع انه اصغر اخواني لكن تدخله بحياتي بشكل مايوصف
خصوصا وامي لله يسامحها معطيته الخيط والمخيط
ايش احكي لكم عنه وايش اخلى هذا ثاني رجل اكره بحياتي
للي اعرفه ان الاخوه يعني حب ورحمه وتكافل بس كله ماحسيته مع اخواني
اخوي الكبير مشغول بدنياه وكل همه الفلوس ولايدري عن غيرهم
والاوسط مسالم جدا وطيب ع نياته وماله بمشاكل اخواني الباقين
حتى لما جاء يتوظف اختار قريه بعيده عن مدينتنا حتى يبعد عنهم ومالومه
كذا صار التحكم كله بيد اخوي المريض بالشك
اول ماتوظفت اشتريت لي موبايل مثلي مثل باقي زميلاتي
كان راح يرتكب جنايه فيني اخذت منه كم كف واخذ معاه جزء من شعري
بس خبيت الجوال عنه ولاقدر ياخذه وامي ياقلبي واقفه بينا ماهي قادره تطلعني
من بين ايدينه جعلهم الكسر
بعد حرب ضروس نجا موبايلي من ايدينه ومشى الوضع عادي
مغامراتي معاه كثيره ماتنعد ولاتنحصى بس بوقتها بحكي لكم للي اتذكره
قبلها بقول لاي واحد من الشباب اياكم والشك باهلكم صدقني قد ماتشك فيهم راح
تخليهم يسوون للي عمرهم مافكروا فيه
بعد سنه من طلاقي الميمون تقدر لي خطيب جديد
وياسلام ع للي سمعته عنه
مدرس ومثقف ومتدين يعني ع خلق ودين
طبعا هالعريس متزوج وعنده اعيال بس ايش يعني ع راي امي احمدي ربك ان فيه حد بياخذك وانتي مطلقه همست لي امي بينها وبين نفسها وعيونها ع الباب
"وافقي يابنتي وتوكلي ع الله الرجال ماينعاب وعدو عينك يعيش مع اخوانه"
في هالوقت تعذبت كثير من اخوي الشرير وصارت نفسيتي سيئه من كثر مراقبته لي
اخترت الهروب للمره الثانيه من جحيم اخواني الى مصير مجهول
تزوجت وكانت دخلتي ع بيت زوجي الثاني بطريق افضل من سابقتها ع الاقل ابتسم بوجهي
وقال لي امي وخواتي قالوا لي عن جمالك بس ماتصورتك احسن من الوصف
ابتسمت في قلبي وقالت يارب تكون نهايتي عذابي
لكن وين انا والنهايه وطريقي كله بدايه
بعد نص ساعه من جلسته معاي في شقتنا الصغيره رن عليه موبايله خرج من الغرفه وسمعته يتكلم بصوت منخفض طيب طيب ان شالله بكره بمر عليكم
بعض كلامه يوصلني والبعض يضيع

فهمت انه يكلم زوجته الاولى
رجع وحاول يجلس بس وين رجع موبايله يتصل ويطلع يرد

ماراح احسب لكم كم مره رن عليه
جلس واعتذر وقال ماعليه ولدي الصغير تعبان وامه مشغوله عليه
قالت له مايشوف شر بس تقدر تسكر موبايلك اذا يضايقك
قال لامااقدر يمكن يحتاجون شي
سكت مارديت عليه
,,اعتذر مقدما عن الكلمات الجايه ممكن ماتكون ملائمه لفوق ال 18,,
لان مذكراتي جريئه وواقعيه راح اكتب للي اتذكره
وقف زوجي المثقف وقال لي يلا ماتبين تبدلين
رددت بيني وبين نفسي ,عمي بقلبك حتى ماطلبت لي عصير ها ها ها ,
وبالنسبه لزوجي انا مطلقه يعني شي اسمه مداعبه ورومانسيات مايحتاج وليلة الدخله هي فرد للعضلات وحق كامل للرجل
همسه في اذن اخواني الرجال ترى البنات كائن حساس جدااااا لاتحسسهم انهم جسد فقط لمتعتكم الحيوانيه
بعد هجوم همجي من زوجي لكن كان خاسرا جدااا من قبله رايت في وجهه كل الصدمه والخيبه
حاول انه يبعد التهمه عنه بكل رجولته
نهض من السرير ومن الجسد الذي اشتراه بخالص ماله
وهو يسب ويشتم ويقول ايش فيك انتي مااصدق انك مطلقه انتي مسويه لنفسك شي
قالت له لا ايش مسويه
قال بلاكذب مو وقت لعب معايه
بلعتها مثل غيرها وقالت له ماعليه انت اعصابك متوتره من الحفله مو لازم لليله ارتاح
قال ليه مو لازم ليكون جايبك اتفرج عليك
ساعتها حسيت اني اكرهه اكثر من الاول
لما تشعر ان زواجك متعه خاليه من اي شي ثاني ماراح اقول لكم ايش يصير بس بيعرفها للي جربها
بعدهاا لبس ملابسه وطلع وقبل مايطلع قال لي مايحتاج اغتسل صح
قبل الفجر رجع كنت مسويه اني نايمه كتمت صوت بكائي واخفيت دموعي بمخدتي
نام بجنبي وادار ظهره لي
بالنسبه لي ماصدقت يطلع الفجر عشان اقوم من السرير
حس فيني قال وين رايحه
قالت بصلي الصبح وانت ماتبي تصلي
قال بعد شوي ع الساعه 8 صحيني وكمل نومه نامت عليه طوفه
اول يوم عاملني عادي شفته اول ماصحى ووقت الظهر رجع ونام
وباليل رجع وكرر محاولاته الفاشله وسمعني كم اهانه من لسانه الوصخ
واني انسانه مريضه ولازم اتعالج وكيف زوجي الاول قدر يعاشرني
قال لي بوقاحه :متاكده ان زوجك الاول عاشرك
قالت اظن نسيت اني مسقطه والا هذي تجي من الهواء
قال لي بهدوء معناته مثل ماقلت لك انتي مسويه شي بنفسك
الى هنا وماتحملت باقي اهانته تركت له الغرفه وبقيت في الحمام ابكي ع حظي العاثر
بعد اسبوع ماقدرت والله ماقدرت ع نذالته زوجي الاول ماكان بحاقرة هذا
انسان شهواني الى ابعد حدوده بنظره المرأه للمتعه مثلها مثل اي .....
اتصلت ع اختي وقلت لها عن حالتي لما سمعت باللي حكيته لها قالت اسمعي لاتجلسين عنده ولادقيقه قولي له بتروحين عند امي وانا اشوف مصيبته
لما رجع من بيت زوجته جلس وبمقدمات سخيفه تكلم اخيرا وقال لي
ترى عادي كل انسان يمرض وكل مرض له علاج وانتي مريضه ولازم تتعالجي
انصدمت من كلامه رديت عليه من قال لك اني مريضه حتى اتعالج
ارجع ظهره ووضع ايدينه خلف رقبته ,ياعلها الكسر , قال انا اقول انك مريضه وعاجزه ولازم تتعالجي ترى ماجبتك اتفرج ع زينك او لبسك
الى هنا ومابقى لي كرامه ولو بقيت دقيقه كنت بقتله واشرب من دمه
قالت له ممكن توصلني بيت امي ابي اشوفها
قال طيب وبالمره اساليها عن طبيبة نساء زينه
وصلني لبيت اهلى وسكرت باب سيارته بعنف وانا اكرهه عدد ماخلق ربي من رجال
اول مادخلت عند امي مرضت واصبت بانهيار في حالتي النفسيه وكاني كنت في معتقل جوانتانامو
حرب نفسيه لمدة اسبوع وتحطيم من اول ليله مافيه اصعب من انك تطعن الانثى بانوثتها
طبعا اخوي هالمره ماناقش في شي لان هالحقير بمجرد ماوصلني لبيتنا اتصل ع اخوي وطلب يقابله بعيد عن بيتنا وقال له ان اختك مريضه نفسيا وانها حتى ماتركتني اقرب منها ومثل مادخلنا بالمعروف نطلع بالمعروف
رجع اخوي من عنده وهو يقول لامي الرجال مايبيها مالها رجعه له *** ولازم يتربى انخدعنا في لحيته للي مثل لحية ..... تكرمون
,احب اهل الدين بس من وقتها كرهت اي شخص متدين الا ابن عثيمين ,
وماانتهت الاحداث ثاني يوم دخل عليه اخوي الشرير وكنت مريضه ع السرير حتى عدوي وهو عدوي يرحمني من حالتي النفسيه ماهو من حبي له بس من كلام الناس للي راح ينقال عني
دخل عليه وسالني ايش تسوين هنا ليش ماتروحين لبيت زوجك
قالت له انا في بيت ابوي ومالك كلمه علي
دفع باب غرفتي بعنف واخذ موبايلي للي مرمي ع الكومودينه بجنبي وضربه بالجدار
وقال انقلعي من بيتنا انا ماصدق افتك منك ماارتحت الا لما انقلعتي عنا
وقعتها كان اخوي الكبير بالصاله وسمع كل للي قاله وللي سواه
من المواقف للي ماانساها لاخويه انه مسكه وضربه ضرب بالعقال خلاه مايقدر يتحرك وجلس ع طرف السرير وانا ابكي وقال لي ماعليك منه هذا بيت ابوك وطول ماانا عايش ماراح يلمسك ولايقرب منك
وقتها كنت اتمنى شي واحد
تمنيت الدنيا ترجع لي ابوي لو ساعه بس ابي اضمه لي وابكي على صدره اقول له شوف الدنيا ايش سوت فيني بعدك يالغالي

طلعت من غرفتي ابي اشرب ماء يمكن اخفف من هالمراره للي تحيط فيني
كانت امي واختي يتكلمون عني وهي تقول لامي اكيد الرجال زوجته مسويه له شي عشان مايقرب منها بناخذها للشيخ الفلاني يفك عنه
وابتدات حكايتي مع زوجي الثاني فاكهة المجالس
بعد اسبوعين انتهت اجازتي للي المفروض تكون اجازة عروس
ورجعت لدوامي عانيت كثير من نظرات زميلاتي وفيها من الحزن لحالي والعطف وعيون شامته في الخفاء
لكن قدرت اتجاوز هالازمه وبعد شهر استرديت صحتي
وبدا اخوي في اجراءات الطلاق لكن بثمن
وهو فيه شي بالدنيا بلاثمن
حتى الاخوه صارت بثمن
قال لي زوجك يبي فلوسه ورافع قضيه عليك انك ناشز
قالت له خلاص انا بجيب له فلوسه
قال عندك
قالت مو مشكله بدبرهم
كان عندي ذهب من زوجي الاول بعته بالسعر للي جاب وكملت الباقي دين من اختي
وحطيت المبلغ عند اخوي قلت عطه اياه وفكني منه
قال لا ماياخذهم بالساهل الا اسحبه في المحاكم عشان يعرف بنات الناس مو لعبه عنده
كان كل مايجي وقت الجلسه اخوي باعتباره وكيلي الشرعي يطنش ومايروح
وبعد كم شهر عرف اخويه يلعبها صح ويستغل حاجتي له
قال انا حطيت كل فلوسي بالاسهم وخسرتهم وابي اعوض بتجارتي محتاج اخذ لي قرض بس مايعطوني مابقى ع خدمتي الا اربع سنوات اخذي لي قرض باسمك وانا كل شهر احول لك القسط
كنت اعرف انه ينصب عليه لانه يموت بشي اسمه فلوس
بس غصب عني وافقت لاني محتاجه له محد بيكمل لي اجراءات الطلاق غيره ومحد بيحميني من هالشرير غيره
وافقت مرغما اخاك لابطل
ياصعبها لما يكون الطرق مغلقه بوجهك
اخذته وبمجرد مااستلم المبلغ من بعدها باسبوع جاب لي ورقة طلاقي
يعني دفعت لاخوي ودفعت لزوج الندامه

والى الان وانا في تسديد الديون للي مااخذت منها ريال

نسيت اقول لكم اني قبل اخذ ورقة طلاقي كان لازم اروح للقاضي حتى يسمعني شخصيا اطلب بالخلع
اوصف لكم قاضينا المبجل اول مادخلت عليه
قال لي حتى من غير مايرفع راسه
انتي ياحرمه ايش اسمك
قالت له فلانه الفلاني
قال وايش اسم زوجك
والله العظيم اني وقتها سكت نسيت اسمه
قالت فلان
قال كملي الاسم
قلت مكتوب عندك وانا بالحقيقه مااعرف مايمدي حتى اعرف اسمه
قال وليش بتتطلقين من هالرجال الخير
ورفع راسه وهو يبتسم لطرف الاخر الذي ينظر بشماته
وقتها كرهت النفاق في المطاوعه
ماادري ليش بس القاضي المفروض يكون انسان محترم لما يجيه حد المفروض يحترمه مو لانها مرأه يعني شخص ناقص
الرسول الكريم قدر المرأه وقضاتنا للاسف الا من رحم ربي مايعرفون هالشي
واسالوني عن هالمعامله
وقف اخوي الكبير هالمهزله وقال ياشيخ خلصنا اوراقنا كامله وحنا متفاهمين
وفعلاطلعنا من المحكمه وبعد يوم اخذت ورقة طلاقي
واصبحت مطلقه للمره الثانيه
والقافله تسيييييير

لي معكم لقاء باذن الله
بنات لاتتشائمون عادي ترى الرجال للي مايعجبك ارميه مالهم علينا دستورد
ههههههههههههههههه
اشوفكم ع خير







   

Facebook Twitter Google+ Instagram
رد مع اقتباس
قديم 26-11-2010, 09:13 AM   رقم المشاركة : 3
معلومات العضو
patchi /~
عضو مشارك
 
إحصائيات العضو








patchi /~ غير متواجد حالياً

 
إحصائية الترشيح

عدد النقاط : 14
patchi /~ is on a distinguished road

 

 

افتراضي إضافة رد: مذكرات فتاه جريئه

حبيبتي بجدك قصتك مره موثره بس اللي عجبني فيك انك امراه صبوره ومثابره في طريق النجاح والله يوفقك في حياتك الدنيويه والاخرويه وتقبلي مروري







التوقيع

   

Facebook Twitter Google+ Instagram
رد مع اقتباس
قديم 26-11-2010, 01:06 PM   رقم المشاركة : 4
معلومات العضو
سعوديه عز وفخر
عضو جديد
 
إحصائيات العضو








سعوديه عز وفخر غير متواجد حالياً

 
إحصائية الترشيح

عدد النقاط : 10
سعوديه عز وفخر is on a distinguished road

 

 

افتراضي إضافة رد: مذكرات فتاه جريئه

اقتباس:
المشاركة الأصلية كتبت بواسطة :)MeMe(: مشاهدة المشاركة
حبيبتي بجدك قصتك مره موثره بس اللي عجبني فيك انك امراه صبوره ومثابره في طريق النجاح والله يوفقك في حياتك الدنيويه والاخرويه وتقبلي مروري
مشكوره حبيبتي

الحمدلله ربي عطاني شي مهم بحياتي اني مااقبل الاستسلام

ودائما اتعلم كثير من تجاربي

ماننحرم منك يالغلا







   

Facebook Twitter Google+ Instagram
رد مع اقتباس
قديم 26-11-2010, 05:50 PM   رقم المشاركة : 5
معلومات العضو
« خواطر أنثى »
عضو مـتـمـيز

 
الصورة الرمزية خواطر أنثى
 

 

 
إحصائيات العضو








خواطر أنثى غير متواجد حالياً

 
إحصائية الترشيح

عدد النقاط : 400
خواطر أنثى is just really niceخواطر أنثى is just really niceخواطر أنثى is just really niceخواطر أنثى is just really niceخواطر أنثى is just really nice

 

 

افتراضي إضافة رد: مذكرات فتاه جريئه

تسلمين ياغلا
جزاك الله خيراا







التوقيع

استغفر الله العلي العظيم واتوب اليه

   

Facebook Twitter Google+ Instagram
رد مع اقتباس
قديم 30-11-2010, 09:42 AM   رقم المشاركة : 6
معلومات العضو
سعوديه عز وفخر
عضو جديد
 
إحصائيات العضو








سعوديه عز وفخر غير متواجد حالياً

 
إحصائية الترشيح

عدد النقاط : 10
سعوديه عز وفخر is on a distinguished road

 

 

افتراضي إضافة رد: مذكرات فتاه جريئه

خواطر اشكرك يالغاليه







   

Facebook Twitter Google+ Instagram
رد مع اقتباس
قديم 16-12-2010, 07:53 AM   رقم المشاركة : 7
معلومات العضو
سعوديه عز وفخر
عضو جديد
 
إحصائيات العضو








سعوديه عز وفخر غير متواجد حالياً

 
إحصائية الترشيح

عدد النقاط : 10
سعوديه عز وفخر is on a distinguished road

 

 

افتراضي إضافة رد: مذكرات فتاه جريئه

صباحكم حب وسعاده
نسيت اني كتبت لكم جزء من مذكراتي واليوم افتكرتها
المسامح كريم لاتعصبون مني
طبعا كل للي بيقراء للي فات بيقول وين الجرائه
بالنسبه لي اشوف ان مواجهة الحياه اكبر جرئه
احم احم وين وصلنا
ايوه عند المحكمه حصلت ع طلاقي الثاني ومعاه اخذت عهد ع نفسي
مابيوم اترك حد يحدد لي حياتي لامن قريب ولامن بعيد
في هالفتره كانت ظروفي الماديه الحمدلله طيبه رغم الاقساط للي عليه
والثمن للي دفعته عشان احصل ع حريتي بس كله يهون
في هالوقت هربت من صعوبة الحياه لعالم خيالي لايعرفك فيه احد
حيث الكل اثرياء وسعداء عالم الانترنت وماادراك مالانترنت
في البدايه فتحت ع الدردشات دخلت كتابي وفتحت صوتي كنت اسمع بس وهم يسولفون ويسبون بعض ويطمرون ع المايك ووولكم باااك ع الفاضي والمليان
مااعجبني الوضع معاهم تركتهم واتجهت لطريق ثاني
جلست احوس في النت وفي المنتديات للي نفس الشي مالفت انتباهي شي معين
وفي يوم لقيت في واحد من المنتديات اعلان عن توفير زوج وزوجه بالمسيار
جلست اضحك ياسلام ع الحياه صار الزواج بضغطت زر
تخيلوا وحده مثلي معقده من الزواج وسيرته تضغط ع الوصله الاعلانيه
يمكن فضول ويمكن حب الاكتشاف للي من يومي املكه
طبعا لقيته دخلني ع زواج مسيار
سجلت في بينات وهميه ودخلت اشوف نهاية هالعالم
لقيت العجب العجاب ناس تعرض وتوعد بالاحلام الورديه
سكرته ونسيت انني مسجله فيه بعد شهر تقريبا لقيت اعلان للموقع
قلت ادخل اشوف مين للي خطبني
ههههههههههههههههههه
وياسلام ع الخطاب اشكال والوان وكل واحد هو الفارس المقدام
كل واحد محد قده وطبعا اهم شي الزواج بالسر محد يدري
كان هالشي هو المشترك بينهم جميعا
الا شخص واحد كاتب انه مهندس ويحب زوجته كثير ويرغب في زوجه ثانيه لهدف خاص
شدني كلامه وتحرك الفضول عندي ايش الشي الخاص
ارسلت له وسالته عن الخاص فرد عليه برساله اذا انتي جاده بكلامك هذا ايميلي وماعندي وقت للنت وتضييع الوقت
اخذت الايميل وماادري ليش اخذته
كان عندي ايميل اسجل فيه بالمنتديات ثبت المسنجر وهذي اول خطواتي لعالم صعب الخروج منه اضفته
كنت افتح النت والمسنجر تلاقيا يفتح

لقيته موجود اون لاين
سلم عليه ورديت عليه
في هالوقت اخر شي ممكن افكر فيه هو الزواج ولااموال قارون تقنعني فيه
بكل صدق كان هالانسان انسان بكل ماتحمله الكلمه من معنى
بعد كل هالسنين تعرفت ع اكثر من الف شاب ولاواحد فيهم ربع اخلاقه
لو سالتوني عن الصراحه بقول لكم انها كانت منهجه بحياته وتعامله معاي
نرجع لفارسنا القادم
تعرفت عليه وكلمني عن زواجه وحياته وانه مافكر يتزوج الاعشان هالسبب
وكيف انه تربطه بزوجته علاقة حب لكن اهمالها له وحبها للماده تركته يفكر بحياه ثانيه تملئ عليه الفراغ العاطفي للي يحسه
اجبرتني صراحته ع ردي الاقوى صراحه منه
قالت له كلامك حلو تبي الصدق انا دخلت هالموقع استهبل ولا افكر بيوم اتزوج
قال طيب لاترفضي من البدايه يمكن يكون القادم احسن انا راح اعرفك بنفسي وانتي فكري وماراح اضغط عليك وصدقيني انتي مو اول وحده اعرض عليها الزواج عرضت ع كثير ومالقيت للي تفهمني وقبل كل شي انتي ماتبين تكررين تجاربك الفاشله وانا ماابي اكرر زواج ويطلع نفس الاول
قلت طيب لكن تاكد انني ماافكر بالزواج بس بمشي معاك لاخر كلامك
طبعا المسنجر ماكان يكفي لانه مشغول عن النت
اشتريت بطاقه بدون اسم وكلمته نفس الشي بعد هالوقت كلمت كثير من الشباب وكلهم اول مايكلمونك يقولوووون انهم يموووتون فيك وانت محبوبهم الاوحد وكل واح نصاب في نصابيييين
الا هالانسان كان يتكلم بكل اخلاق واحترام اغلب مكالماته كان يكلمني عن نفسه وحياته وكيف الانسان لازم يختار طريقه بنفسه سولف لي عن اهله وتربيته من ام غير عربيه ويمكن هالشي كان واضح في لغته القويه وعن مغامراته في السكن الجامعي مع البنات وحيل الشباب مع البنات تعلمت منه كثيييير واستفدت منهم في المستقبل
حكى لي بيوم قصته مع ربعه انهم كانوا طالعين يرقمون بنات وكيف كان حظ اصحابه قوي جدا في اصطياد المطلقات سكت لما عرف انه دااس ع الجرح واعتذر بشده
قال اسف ع كلامي بس هذا واقع مؤالم بنظرت الشباب للمطلقه

قلت عادي كمل كمل كل انسان يمثل نفسه
كمل لي هالقصه وكل مره يسولف عن شي جديد
كان هالانسان جدااا ذكي وعنده نفس الافكار للي اؤمن فيها
تصدقون لو قلت لكم انني بهالعالم كان هو النص الثاني للي كنت احتاجه
مو مشاعر طائشه الدنيا علمتني كثير وكل ماتمر السنين ابقى مقتنعه انه كان نصفي الثاني
مابي اكذب عليكم واقول لكم اني حبيته كانت مشاعري اكبر من الحب
كل واحد منا كان يبحث عن شخص يكمله والقدر حطنا بطريق بعض عشان ندرك اننا بيوم لقينا للي يكملنا
انا من الناس للي يؤمنون ان كل انسان مقسوم بالنص وكل انسان له نصف اخر
ممكن يجتمع معاه وممكن يموت ماشافه

اجمل شي في هالفارس انه كان صريح الى ابعد حد
فتح لي حياته وكانه كتاب ع مصراعيه ينتظر اقراء واختار
عطاني اسمه وعنوانه وقال اسالي بنفسك وتاكدي
كان يسكن في منطقه بعيده عني
لكن للي يبي الهدف يوصل له قدرت اسال عنه بطريقتي وعرفت كل حياته مثل ماحكاها لي
في هالوقت عرض عليه يتقدم ليه
اسهل مافي الحياه تدمير حياة انسان كل ذنبه انه في ذمتك
طبعا الخطوبه كانت صعبه علينا
صحيح انا اقتنعت فيه ميه بالميه وحسيته الانسان للي ربي بيعوضني فيه عن كل شي عشته وعن كل دمعه نزلت من عيني
عشقت كل شي فيه عطاني حلم حياتي ورسم معايه كل حياتنا سوا من اصغرها لاكبرها كنا نخططها سوا اخترنا والله العظيم خططناها صح ورسمناها صح عشناها باحلامنا قبل واقعنا كل مره كان يقول لي اننا راح نكون فريق ناجح مع بعض
""متاثر بوظيفته الاداريه "

كانت اصعب مرحله هي الخطوبه واقناع اهلي فيه وكيف اقدر احكي لهم عنه وووين عرفته ومن قال له عني وهو من ديره وانا بديره ثانيه
كان ذكي جداا جلس يخططها ويرسمها
كان فيه عقبه كبيره جداا بالنسبه لنا وهي انه كان حضري وانا قبليه
وفي تقاليدنا ممكن الشاب يتزوج من الحضر بس العكس محرم بالثلاث
لاول مره بحياتي اوقف واطالب بحقي
حبي له وللحياه للي رسمناها سوا خلاني انسانه قويه جدا
كلمت امي وقالت لها انه فيه وحده من زميلاتي خطبتني لواحد من اقاربها
وانه حاب يتقدم عشان يكلم اخويه عني
ردت امي عليه طيب مافيه مشكله بس شنوا اسمه وايش قبيلته ووين ساكنين
للحق امي وقفت معايه وقفه صحيح كانت ضعيفه بس ع الاقل قالت بكلم اخوك
اخويه اول ماكلمته امي قال ايش ايش ايش حضري يعني ماله اصل اخرتها انا ازوج اختي من واحد صانع قولوا لهم مالهم نصيب ولايفكر حتى يكلمني ولا اشوف رقعت وجهه

وتحيا العصبيه القبليه

كلمت اختي الكبيره وقلت لها تساعدني تقنع اخويه
ردت عليه بكلمه مرت سنين وسنين مااقدرت انساها رغم اني احب اختي بشده
بس كلمتها بقت بقلبي تجرحني كل مااتذكرها
قالت لي حتى لو اخوك وافق راح تتطلقين انتي مريضه نفسيا وماتقدرين تعيشي مع الرجال
في هالليله ماقدرت انام بكيت وبكيت ليمن جف دمعي ومابقي الا صوت مقطوع من القهر
صعب جداااا ان اهلك يدمرونك للمره الثالثه
كان هالفارس انسان عقلاني جداا لما عرف بموقف اهلي قرر ينسحب بهدوء
وقال بقى حل واحد اذا تحبي تهربي معايه انا مستعد اخذك ومحد يعرف طريقك وراح اعيشك حياه مابيوم تندمي عليها
قالت له اهلي لو يدمروني ويوقفون بطريق سعادتي مابيوم بنزل رؤسهم للارض
كمل حياتك وانا لي رب ماينساني
رد عليه وقال لي والله العظيم انهم مو بس ظلموك الاظلموني معاك
ربي يكتب لك السعاده بكل خطواتك وادعي لي بالخير
رحل الفارس ومعاه اللغيت شي اسمه زواج من حياتي للابد
كان هو الحلم للي بيوم ممكن يحقق لي سعادتي واخويه فضل قبيلته ع سعادة اخته
انتهت علاقتي فيه وكسرت شريحتي دفنت حلمي وزرعت عليه من دموعي كل شواهد ظلم الاهل
دائما وابدا انا انسانه تهرب من الواقع الى عالم بعيد عن البشر
احلم بالحريه وانا مقيده بكل اثقال الوجود
سامحني ياربي رغم كل ذنوبي الحياه مابيوم رحمتني

الي يقراء مذكراتي لايقولوا اي كلمة عزاء او مجامله او نصايح ع الفاضي لاني اكتفيت منهم
ابي تشجيع اني اكمل لكم الاوراق الباقيه من حياة بنت سعوديه ترفض الظلم







   

Facebook Twitter Google+ Instagram
رد مع اقتباس
قديم 16-12-2010, 08:43 PM   رقم المشاركة : 8
معلومات العضو
العاصفة
عضو فعال
 
الصورة الرمزية العاصفة
 

 

 
إحصائيات العضو








العاصفة غير متواجد حالياً

 
إحصائية الترشيح

عدد النقاط : 10
العاصفة is on a distinguished road

 

 

افتراضي إضافة رد: مذكرات فتاه جريئه

طرح رائع ارجو التكمله







   

Facebook Twitter Google+ Instagram
رد مع اقتباس
قديم 17-12-2010, 01:55 PM   رقم المشاركة : 9
معلومات العضو
سعوديه عز وفخر
عضو جديد
 
إحصائيات العضو








سعوديه عز وفخر غير متواجد حالياً

 
إحصائية الترشيح

عدد النقاط : 10
سعوديه عز وفخر is on a distinguished road

 

 

افتراضي إضافة رد: مذكرات فتاه جريئه

العاصفه اسعدني مرورك يالغلا







   

Facebook Twitter Google+ Instagram
رد مع اقتباس
قديم 17-12-2010, 03:32 PM   رقم المشاركة : 10
معلومات العضو
« احساس راقي »
ممٻڒة
 
إحصائيات العضو








احساس راقي غير متواجد حالياً

 
إحصائية الترشيح

عدد النقاط : 626
احساس راقي is a name known to allاحساس راقي is a name known to allاحساس راقي is a name known to allاحساس راقي is a name known to allاحساس راقي is a name known to allاحساس راقي is a name known to all

 

 

افتراضي إضافة رد: مذكرات فتاه جريئه

سلمت يداك حياتووووووو







التوقيع

   

Facebook Twitter Google+ Instagram
رد مع اقتباس
قديم 24-12-2010, 04:16 AM   رقم المشاركة : 11
معلومات العضو
patchi /~
عضو مشارك
 
إحصائيات العضو








patchi /~ غير متواجد حالياً

 
إحصائية الترشيح

عدد النقاط : 14
patchi /~ is on a distinguished road

 

 

افتراضي إضافة رد: مذكرات فتاه جريئه

تسلمي تسلمي تسلمي بجد قصه تحزن مع ذالك انتي فتاة رائعه حبيبتي استمري على طريقكك ولا احد يصدك ياحبيبتي تقبلي مروري
واتمنى انك تكملي لنا مذكراتك وراح نكون شاكرين لك







   

Facebook Twitter Google+ Instagram
رد مع اقتباس
قديم 27-12-2010, 02:49 PM   رقم المشاركة : 12
معلومات العضو
ميامي ملاك
عضو فعال
 
إحصائيات العضو








ميامي ملاك غير متواجد حالياً

 
إحصائية الترشيح

عدد النقاط : 11
ميامي ملاك is on a distinguished road

 

 

افتراضي إضافة رد: مذكرات فتاه جريئه

مسسموووووووحهــ وع العموم شكراا







التوقيع

مُو ڪلْ مًـ سمُؤهـآ "مريـُم " تطلَع مثلُي

.|.|.
أنـآ دوؤُم فالعَآلـيِ.,.مـآ تهْزنيِ ريحْ =)

   

Facebook Twitter Google+ Instagram
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

منتديات بنات
الترحيب و الاجتماعيات - دردشة - فضفضة و تجارب - المنتدى الاسلامي - اناقة و موضة - ميك اب و تسريحات - العناية بالشعر - العناية بالبشرة - تزيين العروسة - منتدى الرشاقة - صحة المرأة - قصص وروايات - مسنجر وتوبيكات - كمبيوتر وانترنت - الاعشاب و الطب البديل - الطبخ - وصفات الطبخ - وصفات الحلويات - جاليري الفنون - الاسره - التدبير المنزلي - الاعمال اليدوية - قسم الديكور - صور و اخبار و طرائف - المنتدى الادبي - العاب و مسابقات - المكتبة
سيدات طبخ قمصان فساتين منتدى بنات تسريحات حلويات العناية بالبشرة المراة اسماء بنات العاب بنات كروشيه العاب موقع بنات ستائر قصات شعر 2009 مطابخ الموضة اعمال يدوية الديكور رجيم مطبخ العائلة العاب فلاش صور منتدي منتديات بنات انتريهات صور اطفال ملابس طرائف ميك اب bnaat مفارش الحياة الزوجية لفات طرح محجبات مطبخ منال لانجيري مسكات وصفات اكلات حواء خلفيات ورسائل للجوال حل مشاكل الكمبيوتر والانترنت صور مسنجر

الساعة الآن 06:18 PM.


privacy-policy

Powered by vBulletin Version 4.2.0
Copyright ©2000 - 2019, Jelsoft Enterprises Ltd .