علاج للطفش طريقة تحميل صور شرح حذف الكوكيز اسباب ظهور تحذير بالمنتدى

تنبيه هـآم : يمنع وضع الصور آلنسائيه و الآغـآني في المنتدى

:bnaatcom0153:

 
 
العودة   منتديات بنات > مجالس الادب والشعر > مجلس القصص والروايات
 
 

إضافة رد
 
أدوات الموضوع
قديم 19-04-2012, 12:59 PM   رقم المشاركة : 16
معلومات العضو
BintG6r
عضو جديد
 
إحصائيات العضو








BintG6r غير متواجد حالياً

 
إحصائية الترشيح

عدد النقاط : 10
BintG6r is on a distinguished road

 

 

افتراضي إضافة رد: رواية في ناس تدري بغلاها بس تحب تستعبط .. رواية قطرية اجتماعية كوميدية درام

الــبــارت الــثــانــي عــشــر

(( انــتــهــت الــعــلاقــة*))

مرت اياام ..
بعضها كانت حلوه وبعضها مرة..
بالظبط نفس حياتنا الي تكون حلوة ومرة..
ماخلت الايام من هبالهم وعبطهم وضحكهم..
لانهم عائلة تجمع بينهم رابطة الاخوة والحب..
الحب..
كــلــ{ن} يــحــب لــكــن حــب الــعــائــلــة..
غــــيــــر....!
(BintG6r♥)
.................
ايام مرت بسرعة البرق .. ايام حلووه بالنسبه للبعض وخايسه بالنسبه للبعض........
اياام كثييره مرت وباقي 5 اياام ع موعد الرجوع للبلاد....
كل واحد ونفسيته وتفكيره..كل واحد وهمومه واحزانه وافراحه ووناسته...
مشاعل (( عايشه حياتها مع يوسف ومع عيلتها .. بعد مايرجعون اهلها قطر بتبقى 5 شهور وبتاخذ الماستر))
يوسف ((مستانس مع مشاعل وينطر اليوم الي يرجعون فيه الدوحه))
محمد((مستغررب من مريم .. يحاول يلاقي سبب بس مب ملاقي..))
مريم ((حااقده ع محمد وكل مرة تشوفه تكرهه اكثر .. اصلا ماصارت تشوفه وايد كله طالعين اوونه مشغولين بتجهيز اغراض عرس مها وجاسم))
فاطمة((تستحي لما تشوف فهد..بس تحاول تنسى السالفه..وعايشه حياتها عااادي اصلا فطوم ماتهتم ف شي .. ((طنش تعش تنتعش)) ذي شعارها))
دانة((عايشه حياتها ف لندن شرت واايد اشيا وفرحانه))
فهود((تقريبا حياته عاديه..ناطر فطوم تتخرج وهو يشتغل عشان يتزوجها..بس يحس نفسه ندمان لما قالها "احبج"..يحس انه خاان بيت عمه و ان الي سواه عيب وحرام...))
مها((تمووت من الحيا لاشافت جاسم..بس ماتشوفه وايد ومشغوله بالتجهيزات وتفكر ف حياتها مع جاسم))
جاسم ((حده مستانس وناطر الخطوبه))
............
الشباب كانو قاعدين ف مطعم
فهود : اقول جسوم متى بتكون خطوبتك
جسوم : امم ماحددنا ليحن*
عبدالله : اسمع عاد..مافي خطوبه الا بعد 5 شهور
جسوم رفع حاجب : باااال حشا ليش*
عبدالله : جي نحاسه كيفي
حمود : انت اصلا شتبي*
عبدالله رفع حاجب : خير يالأخو*
حمود ابتسم بعبط : سلامتك ولا شي
عبدالله : كيفي انا عمها وولي امرها بعد ابوها*
حمود : هااذا انت قلتها ! بعد ابوها..يعني احين انثبر مكانك مالك حق تقول شي
عبدالله : خيير حموود كنك قمت تخووورها !*
حمود ببتسامة عبط : احبك شفيك
عبدالله رفع حاجب : لا والله*
حمود : اي الي احبهم اكلمهم جي
عبدالله : زين زين اكل اشوف*
فهود : خخ وانتو كل يوم جي !*
عبدالله وهو ياكل : اي ماسمعته نحب بعض
احمد : حمود اخوي صاير عبيط بزياده
حمود : خخ اصمت يا اخي*
............
اما في شقة البنات....
مهوي : بنااات لحقو عليي
دانو : خير شفيج بعد*
مهوي : توني مستووعبه ان خطوبتي قربت
فطوم : لاااا حلفي .(ورفعت حاجب). تستعبطين انتي ؟*
مهوي : والله العظيم..يعني اكيد ادري اني انخطبت وجي..بس توني استووعبت ان باقي شوي ع الخطووبه .. لالالا خلاص مابي ارد الدوحه اخاف
مريوم : هاهاهاها تستاهلين محد قالج وافقي..اصلا يحصلج اخوي فديته
فطوم : اي والله فديته
مهوي طقتها
فطوم : اييي وجع..صج بعد ولد عمي فديته
دانو : ههههههه احلى يالي تغارين
مهوي رفعت حاجب : اي طبعا اغار شرايج يعني
فطوم : افف منج بقره طلعت الكلمه بعفويه
سارو : المههم بسكم هواش!! .. خلصو شريتو كل الاغراض ولا باقي ؟
دانو : اممم الفساتين خذناها واغراض مهوي خلصناها بس باقي شوية اغراض من الدوحه بناخذها..
مريوم : باقي 5 اياام ع الردة..مو كنه الوقت مر بسرررعه
فطوم : اييي ماامدانا نحس بالوقت الا مر*
دانو : اي سبحان الله .. بس اشتقت للدوحه ولأهلنا
فطوم بتفهي : ويي الله يهداج وين يوحشوني وكلهم مجابلين ويهي اهني
دانو : يابقره اقصد الباقين
مريوم : الا وين بنطلع اليوم ؟*
سارو : مادري بس اظن بنروح اول شي مطعم مع اخواني
مهوي شهقت : لااا يعني بشوف جسوم
مريوم بلعانه : انشااءالله تشووفينه
مهوي انصدمت : لالالالالا مستحييييل فشلله بقووو*
دانو : مها حياتي واجهي الامر الواقع ! انتي شايفته شايفته لاتحاولين تلفين يمين ويسار*
سارو : اي صح وحتى ف المطار والطياره والايام الجايه بتشوفيينه يعني عادي تيك ات ايزي
مهوي : اقوولكم احراااج يالكلاب يالي ماتستحوون
سارو : احين ليش تسبين ؟!
فطوم : هاي*اذا توترت تقط خيط وخيط
سارو : زين يلا قومو نروح عند اخواني
فطوم : زيين*
وراحو شقة عبدالله وكان الكل متجمع الا الشباب
وسلمو البنات وقعدو
سارو : ها وين بتروحون اليوم ؟*
عبدالله : بنطلع نتغدا كلنا ف مطعم سينيور ساسي*
فطوم : احللف والله اعشقه هالمطعم حده خطيير
عبدالله : هههه والله وترى بنروح هارودز بعده لانه اصلا قريب والحريم يبون يرجعونله
مريوم : زين يلا انتشروو
عبدالله : الحمدالله والشكر حتى لابغت تقلد ماتعرف..بنت اخووي ليش ننتشر عسى ماشر ..تجمعوو يلا
مريوم : هههههه عمو لازم تفشلني
سارو : الشباب بيجون ولا
بوجاسم : اي الكل بيجي
مهوي فتحت عيوونها من الصدمه
فطوم : امممم ااااا يعني كلش كلش مايصير مايجون معانا
بويوسف : ليش يعني نطردهم ؟*
فطوم : اممم لاا ااا خلاص خلاص سلااامتكم ولاشي
عبدالله : عيل قومو يلا
والكل جهز وعبدالله راح عند مهوي
عبدالله: هلا بالعرووس
مهوي بحيا : هلا فيك
عبدالله : ادري انج مستحيه من جويسم بس حاولي احين تنسين انه خاطبج واعتبريه مجرد ولد عم*
مهوي بحيا : ااا اي انشاءالله
عبدالله ابتسم : زين يلا قدامي اشوف
وطلعو البنات مع الشياب وراحو المطعم الي الشباب كانو موجودين فيه وحاجزين طاوله
فهود : هلا هلا اسفرت وانورت توو مانور المطعم
دانو : احم ادري تقصدني .. النوور نورك
فهود : يااواااثق انت*
الكل قعد
بوشعول : طلبتو شي شباب ؟*
جسوم : لا الله يسلمك .. ناطرينكم احين بنطلب
فهود : حمود الدب مانطر طلب وخلص
ام شعول : يامال العافيه ياحمود ليش ماصبرت
حمود : شدخلني انا فهود قالي
فهود فتح عيوونه بصدمه : الله واكبببر متى قلته مع هالخشم
احمد : انتو حتى اهني تتهاوشون .. جب اقول
.....
مريوم ((زطي ماينطر مافي امل يستعدل هالولد مالت عليه حمود قرد واحد))
فطوم(( فديته فهود .. الا مالت عليه..لافديته خخ الي هو خل اطلب احسن ))
دانو (( امممممم شنو اطلب << فديت برائتها ))
مهوي (( واااي واااي بمووت من الاحراج الحمدالله انه شوي بعيد .. اووف شلون باكل احين فشللله مالت شحقه قاعدين معانا ))
فهود (( ياترى حمود ومريوم ليحن بينهم شي ؟ شفيني قمت اشك ... اطلب احسن لي ))
جسوم (( ياحلاتها .. متى ارجع الدووحه بس !))
حمود (( امووت واعرف شفيها عليي !! كيف بهالسهوله تركتني ! اكيد في شي !! ))
خليفة((اوووه حدي يووعاان حشا ذيلا يحلون امتحان مب يختارون وجبه ! ))
<< الحبيب داش عرض
بويوسف : ها الكل اختار ؟*
اختارو وطلبو ...
مهوي تساسر دانو الي قاعدة جنبها
مهوي : دانوو فشللله شاسوي
دانو : قومي رقصي .. شتسوين يعني مافي شي تسوينه
مهوي : اففف مالت عليج
ولفت مهوي جهتها اليمين ع فطوم وساسرتها
مهوي : فطووم فشلله صدقيني مابعرف اكل وجسوم موجود
فطوم : الحل بسيط جدا
مهوي : شنو ؟*
فطوم : قومي واقلبي الطاوله عليهم وقولي مالت عليكم ياعيال اللذين وطلعي
مهوي : يا***ه لاتستعبطين
فطوم : مادري عنج انثبري مكانج ماعندج شي تسويينه*
مهوي : اففف فشله
خليفة : اوووه حدي يوووعااااااان*
خلود : ايييه عاد ماصارت متى بيووصل الاكل
اسما : سكتوو فضحتوونا
بوشعول : حرام عليكم تووكم طالبين ماصارت 10 دقايق !! اشله مستعيلين*
خليفة : يووووعاان لأني يوعااان
ام يوسف : قلنالك تريق عدل
طلال : اي صح تأخرو
اسما : طلال حبيبي لاتحن تونا طالبين*
حمود بمزح : فشلتوونا احين الاجانب بيقولون الخليجين ماشايفين خير !*
عووش كانت قاعده ف حظن فهوود
بدور : فهد عطني عاشة بتلعوزك
فهود : لا فديتها ساكته*
عووش مسكت الملاحه وفلعته ع حمود
حمود : ااااااي وويعه انشاءالله عااشو يال***ه
عووش ضحكت
حمود ماسك راسه مكان مافلعته
حمود : بقره اهاوشج وتضحكين .. فهميني انتي طالعه عله ع من ؟؟
احمد : مايبيلها ذكاء طالعه عله ع عمها محمد
محمد : انا مب عله
ومسك عووش من شعرها*
حمود : بقره*
فهود دز يد حمود
فهود : انت ماتستحي ! حدك ع مرتي عاد !! تهاوشها جدامي ! انا اراويك*
بدور : شباب عطوني بنتي لاتذبحونها
فهود : مب معطيها حد
ام جاسم : فهد عطها بنتها تبيها*
فهود : لالا مرت ولد عمي ماتبيها صح ام عاشة ؟
بدور : كيفك بس من احين اقولك اذا صاحت مب ماخذتها*
حمود : ماشاءالله طلع عرج النذاله بعد فيكم
جاسم : عرج نذاله ف خشمك
بومشاعل*: اما انتوو ! ماتتيمعون الا تتهاوشون
حمود بعبط : نحب بعض خخخ
مريووم تساسر سارو
مريوم : يااسخف دمه حمود*
سارو : يحليله
مريوم بخياس نفس : الا مالت عليه
...
مرت نص ساعه وجابو الاكل
مهوي تساسر فطوم : فطووم فشله ماعرف اكل جدام جسوم*
فطوم : لا تاكلين احسن
مهوي : بس يوعانه
فطوم : اكلي اكلي*
سارو : اقول وين بتروحون اليوم ؟؟
حمود : انتي اكلي اول
بويويسف : مو تونا قلنالكم ان بنروح هارودز !
سارو : اي صح نسيت
دانو : سويير شنو شاربه اليوم*
فطوم بمزح: احنا ف لندن يعني مو بعيده شاربه شي*
سارو : استغفر الله مالت عليكم
طلال : ماما شبعت
اسما : امدااك توك ماكلت شي
خليفه : حتى انا شبعت
بويوسف : من مساعة وانتو تحنوون ع الاكل وماكلتو شي وشبعتو !!
بوجاسم : اقوول خلفو وخلود وطلول الي مايخلص صحنه مب احسنله
خلفو ساسر خلود*
خلفو : ول ول ول مايسوى علينا !*
خلود : اي والله*
فطوم : سمعتكم*
خلفو : انتي جب*
بويوسف : خليفة كم مرة اقولك احترم الي اكبر منك !!*
نورة : مريوم عطيني عصيرج ابي اشرب
مريوم رفعت حاجب : ليش الشيخه ماعندج عصير
نورة : عندي بس عصيرج احلى*
مريوم : تستعبطين حضرتج ! عصيري نفس عصيرج !*
نورة : لالا مو نفس الشي عطيييينييي ابي
مريوم : يلا زين نفس الشي*
ام جاسم : مريم عطيها خليها تسكت
مريوم تأففت : اخذي اخذي*
مر الوقت وخلصو الاكل ومهوي ماكلت عدل اوونه مستحيه..
وكالعاده تهاوشو من يدفع الحساب
بوجاسم : انا بدفع عطوني الفاتوره
بويوسف : لا حشا انا !*
بوشعول : خير !! نسيتو اني انا الي عازمكم ! الحساب عليي
ودفع بوشعول
الشباب قامو
جاسم : انعم الله عليك عمي..يلا نترخص
بوشعول : فيه العافيه..وين توو الناس مابتوون معانا هارودز ؟
حمود : لا يبه بنروح بروحنا نلفلف في شوارع لندن المووقرة*
ام جاسم : حافظكم الله
فهود : يلا الى اللقاء
عووش : بااي فهوودي
فهود باسها : هههه باي حبيبتي
وطلعو الشباب
فطوم : انعم الله عليك عمي ماقصرت..اخيرا كلت ف هاي المطعم . والله اعشقه
بوشعول : هههه بالعافيه يبه..تدرون اني حاجز اهني من اسبوعين !
سارو : اما !! شدعووه*
بوشعول : اي صج..دووم زحمه حجزت من انا ف الدوحة*
مريوم : ههههه ماشاءالله..مشكوور
بوشعول : بالعافيه عليكم..يلا عيل قومو نروح هارودز
وقام الكل وراحو هارودز مشي لانه ماكان وايد بعيد
في هارودز
فطوم : احم انا والبنات بنروح صوب الحلويات شرينا شناط وذي السوالف من زمان وخلصنا*
ام جاسم: زين اخذو اليهال معاكم*
مريوم : ويييه بيلعوزونا.. زين بنوديهم
وخذو اليهال وراحو قسم الحلويات
اليهال من شافو الحلويات انفلتو ركض كل واحد ف صوب
سارو : ايييه واي واي واي مب صاحين يالهييلق شوي شوي*
فطوم : باال ذيلا وين نمسكهم احين
كانو اليهال (خالد-خليفه-طلال-حمد-نورة-عووش-سعود)
دانو : افف تعالوو*
فطوم : مافي الا حل واحد ! انتشروو ع قولة عمي عبوود وكل وحده تمسكلها واحد او اثنين
دانو : انا ماباط جبدي غير خلود وخلفو ! شكبرهم ليحن جي ! انا بروحلهم
سارو : انا بروح حق الدعله طلول
مريوم : وانا بروح حق نورو و سعود
فطوم : عيل انا عند حمدو وعووش*
دانو راحت عن خلود وخلفو
دانو : هييه انتو شبلاكم تركضون.!! ميانين الطول طول نخله والعقل عقل صخله !*
مر من عندهم واحد خليجي وسمع دانو وضحك
دانو: يافشيييلتااه مالت عليكم
سارو راحت عند طلول
سارو : طلييييل*
طلول : نعم*
سارو : شنو تبي بالظبط*
طلول : اممم ابي ذي الحلاوه
سارو : زين طلول حبيبي لاتركض قول الي تبيه وبناخذه
طلول : اووكي
سارو : فديته مؤدب
اما مريووم
مريوم : يالثوور سعود متى بتتعلم الادب انت وويهك*
سعود : اففف شتبين انتي*
مريوم : حشا ماشايف خير شوي شوي
نورو مسكت حلاوه شكبرها
نورو : مريوووم ابي هالحلاوه*
مريوم : بل بل ماخذه حلاوه طولج*
نورو : مالي خص باخذها*
مريوم : اخذيها*
وعند فطووم
فطوم : حمدوو حبيبي شوف ذي الحلاوه احلى من الي عندك
حمدو : لالا ابي هااي
فطوم : زين كيفك*
والبنات مسكو اليهال وتجمعو
مهوي : تعالو تعالو تعالو ليكون احنا بندفع ! ترى انا ع الحديده*
سارو طلعت جوالها
سارو : لا طبعا .. بتصل حق خالد اخوي*
واتصلت ع بوشعول و جاو الشياب وكل واحد دفع حق عياله
دانو : فطيييم كنج ماخذه وايد حلويات !*
فطوم : وفدييت الحلويات والكوافي ..تدرين ان الحلويات اساس الحياة ! مستحيل اعيش بدونه
دانو : هبله
بويوسف : ماشاءالله فطوم خلصتي المحل ماخليتي شي
فطوم ؛ بالعافيه عليي فديتني
ورجعو الفندق ......
مر يوم وكان يوم جدا عادي بس الي تغير ان الشباب حجزو اليوم يرجعون فيه الدوحه..ع قولتهم عندهم اشغال ! < خرطي*
وكانو متجمعين ف شقة بوشعول يسلمون ع بعض
جاسم : طبعا تعرفون بنروح فرنسا يومين او ثلاث وبعدها نرجع الدوحه
سارو : نعم نعم نعم نعم نعم !!!! فرنسا مرة وحدة !!! سمعوو انا ريلي ع ريلكم مالي خص بجي معاكم
حمود : يلا زين
سارو : ايي غش مايصير شلوون هم يروحون فرنسا واحنا لا !
حمود : احنا شباب انتو بنات*
سارو : لاتتفلسف ماله خص ! عادي بنروح مع اخواني !! تكفوووون ودي اروحها من زماان
حمود : يلا زين كل مكان رحناه قطيتو وجهكم معانا
فهود : صاادق بوجاسم*
سارو : بنروح يعني بنروح
فهود : باشوف من بيوديج !
سارو : افففف عاد خالد سلمان اي حد منكم تكفوون نبي نروح
بوجاسم : امممم مادري والله شنو راي الكل ؟
فطوم : انا عن نفسي رايي من راي سارو..ادري ان لندن تهبببل وكلش ماينمل منها..بس خلاص قعدنا تقريبا شهر وخلصنا كل الاماكن وشرينا تقريبا كل شي ! يبيلنا فرنسا
بويوسف : اصلا احنا بنرجع باجر الدوحه
مريوم : فجأة جي ! ليش ؟
بويوسف : الشركات محتاجتنا احين واحنا طولنا ف الاجازه
دانو : يبه الله يهديك احين ذي اليومين بيأثروون !*
بويوسف : اي وايد !*
سارو : اووه زين البنات بالطقاق لايجون بس انا الشباب كلهم محارمي عاادي
جاسم : امووت واعرف من عازمج !*
حمود : اقوولك رازه فيسها*
سارو كشت عليهم : ماااالت عليكم الا ماالت عليكم*
بوجاسم : حتى لو الشباب رضو احنا مابنرضى*
فطوم : خيااانه اشكره عيني عينج !! قدامنا تقولين بالطقاق يطقنا ! يطقج انتي !
سارو بدلع: احم السموحه بس خذاني الحماس
مريوم : يعله مايردج*
سعود : شدخل احين !؟*
مريوم : جب انت محد كلمك
ام جاسم تكلم الحريم
ام جاسم : ماشاءالله بناتنا ذابحتهم الرقة
اسما : هههههه حتى سارة الي كانت رقيقه شوي صارت نفسهم
مريوم : نعم نعم خير اختي شفينا احنا (وقالت بدلع) فديتنا وين تلاقون نفسنا
بدور : من ناحيه مابنلاقي نفسكم..اي مو ملاقيين نفسكم
بوشعول : يالله عيل قومو جهزو شناطكم*
بويوسف : واذا تبون تطلعون تاخذون اخر لفة طلعو توو الناس الساعه 12 الظهر
فطوم وقفت : قومو بنات ناخذ كم لفه
دانو : اي يبه بما انها اخر لفة يمكن نطوول لين الليل
بويوسف : ع هواكم..بس رجعو بدري شوي عشان يمديكم تجهزون اغراضكم !*
دانو : انشاءالله 8 او بالكثير 9 احنا عندكم..وبعد بكلم شعول تجي معانا من زمان عنها*
احمد : انا كلمت يوسف وهو ف الطريق هو وشعول بيسلمون علينا
سارو رفعت حاجب : علينا ؟ انت بتسافر مع الشباب ؟*
احمد : اي ليش ؟*
سارو : وبدور بتجي معاك ولا ؟*
احمد : لا بدور بتقعد معاكم*
ووصلو مشاعل ويوسف وسلمو ع الشباب وودعوهم
فهود وهو طالع : شوفو كلكم ! اذا صار فينا شي واحنا ف فرنسا..اعرفو انه من عين سارو
سارو : بسم الله عليي عيني مو حارة
عبدالله : هههه..يلا درب السلامه ديرو بالكم ع نفسكم
ام جاسم : ولاتنسون الصلاة
ام شعول : اي وهالله هالله بالمعوذات والاذكار
وسلمو الشباب وطلعو
عبدالله بعبط : وحشوني الشباب
فطوم : ههههه مسرع..الا عمي عبوود شرايك تتمشى معانا ؟!
عبدالله : اممم لا اليوم بطلع مع اسما نتشرى اغراض حق اليهال والبيت
فطوم : اووكيك ع هواكم..يلا نستأذن سي يووو
*ام يوسف : مع السلامه . وخلو جوالكم مفتوح اكيد بنتصل
دانو : انشاءالله
وطلعو البنات يتمشون في شارع اوكسفورد
شعول : اول شي خلونا نروح مطعم نتغدى
مريوم : ابي ارووح ماكدولندز*
شعول : زين قريب يلا
وراحو ماك وتغدو وطلعو..
دانو : امممم شرايكم نرجع محل بري مارك ؟ (premark)*







   

رد مع اقتباس
قديم 19-04-2012, 01:01 PM   رقم المشاركة : 17
معلومات العضو
BintG6r
عضو جديد
 
إحصائيات العضو








BintG6r غير متواجد حالياً

 
إحصائية الترشيح

عدد النقاط : 10
BintG6r is on a distinguished road

 

 

افتراضي إضافة رد: رواية في ناس تدري بغلاها بس تحب تستعبط .. رواية قطرية اجتماعية كوميدية درام

فطوم : اووكيك
وراحو وخمو كل شي*
مريوم : بالله احين وين بتحطون الاكياس
دانو : الفندق وايد قريب يادوب بينهم شارع .. نروح نحطه ونكمل مشي
كانت الساعه 4 العصر
راحو الفندق وفي الممر شافو خليفة وخالد
خلفو : الله اكبر انتو شسالفتكم ؟ توكم طالعين امدااكم ؟!
خلود : ولا مسوين مصيبه عشان جي راجعين بدري ! اعترفو اعترفو*
سارو : استغفر الله .. روحو زين
وطنشوهم وراحو شقتهم وحطو الاكياس ورجعو يتمشون*
فطوم : احس الي يشتغلون في الفندق يقولون من ذول المينن رايحين رادين خخ
مر من جنبهم واحد*
فطوم : بسم الله
مهوي : شفيج ؟*
فطوم : شفتو هاي الي مر ؟
سارو : اي ماشاءالله جميل كنه خليجي
فطوم : تصدقون شفته ف الطياره ومن اسبوع تقريبا شفته واحين بعد شفته !
سارو : صدفة*
دانو : اكيد ساكن في نفس فندقنا او قريب
وراحو هايد بارك (حديقة) وتمشو في وايد اماكن وقعدو يسولفون ويضحكون
شعول : اااخخ بنات ماصدق بتسافرون باجر ! تعوودت عليكم اهني .. بشتااقلكم وبرجع للملل والكئابة اليومية*
دانو : والله احنا بنشتاقلج اكثر..بس بس خلو تكدر الخاطر والصياح حق باجر خلونا اليوم نستانس
مرت ساعتين وصارت 6 المغرب والدنيا قامت تظلم
فطوم : بناات تذكرون من كم يوم لما رحنا هامليز (محل العاب) ومادخلنا لان ماكان لنا خلق ؟!
شعول : انا ماكنت معاكم..المهم شتبين؟
فطوم : تكفوون خلونا نرووح .. شفت الدباديب من برع ترى يهبلووون
دانو : اي حدهم كيوووت
مريوم : طفوله ع كبر !*
شعول : خخ اووكي يلا
ومشو لين هامليز*
ووصلو
مريوم : يلعن يوومه 4 طوابق
دانو : قولي ماشاءالله*
مريوم : الا يلعن يومه*
فطوم : اممممم شوفووو ذي الدبدوب كيووت*
دانو : تصدقون المحل مافيه وايد ناس !
فطوم : *اقولها الدبدوب كيوت تقولي مافي ناس
شعول : فطوم خلينا نروح الطوابق الي فوق يمكن فيه شي احلى*
وراحو طابق الاولاد وفطوم مسكت دبدوب
فطوم : بنات شرايكم ف هاي !؟
مهوي : حلو بس مو كنه حق اولاد ؟
فطوم : اي افكر اخذه حق حمدو
مريوم رفعت حاجب ونزلته وهي تشوف فطوم
مريوم : اخذيه حق فهود*
فطوم بخياس نفس : هاهاها قلبي ويهج ماتضحكين
شعول : المهم اخذيه حق حمدو حلوو
فطوم خذته*
فاطمة : اووكي امشو نشوف الطوابق الثانيه
راحو طابق البنات*
فجأة انطفت الكهربا وصار المكان ظلااام وفي صراخ يهال وصياحهم طبعا من الخوف والي يشتغلون ف المحل مب عارفين شنو يسوون*
شعول : ييمممممه بناات ويينكم خلوونا نطلع
دانو : مااعرف وين الباب من الخووف ضيعععت !!
سارو مسكت شعول
شعول صارخت : ااااااا مممممنن ؟
سارو : يابقرة هاي انا*
شعول : زين بناات تجمعو كلكم خلونا نمسك بعض
مهوي : انا ماسكه من ؟؟!؟
دانو : هاي انا
ملاحظة ( البنات ماكانو صوب الباب او الدرايش عشان يكون في ضوء شوي ! كانو بعاد شوي )*
سارو : ويين فطوووم ومريوووم ؟!؟!؟!
فطوم : انــ... اااااخ شنو ذي*
دانو : بسسم الله شفيج ؟؟
فطوم : ااخ دعمت عموود
دانو : وييين مريووم ؟!؟!؟
فطوم : ماادري حسبالي صوبكم !!
شعول : والله العظيم لو كانت ذي وحده من حركاتكم مب احسنلكم ! *
فطوم تخرعت ع مريوم*
فطوم : قسم بالله ماعرف وينها
مهوي بخوف : وترى مريوم ف ذي الحزات ماتستعبط يعني اكيد فيها شي
دانو : بسم الله شفيكم تخرعتو اكيد هي مني مناك وين بتروح يعني
فطوم : مريووووووووم ويييينج
شعول : مريووووم عن السخاافه ويينج ؟!
دانو : بنات امسكو بعض خلونا نطلع !
مهوي : ومريوم ؟*
دانو : وين بتطير ! اكيد هي طلعت او شي اصلا هي كانت بعيده عنا خلونا نروح اكيد بنلاقيها ف طريقنا
فطوم : زين وين الدري ! ترى انا من الخوف ضيعت كل شي
دانو : اممممم اخبر ع اليسار
شوي الا يسمعوون صوت طيحة وصراخ مريوم *
مهوي : بسسسم الله مريووم وينج
وافتحت الكهربا ولقو مريوم طايحة ع اخر الدري وطايحة فوقها حديدة و في دم !
دانو بصراخ : مريييييييييييييم*
والبنات ركضو لها ودموعهم تسبقهم*
والناس اتصلو ع الاسعاف*
وجا واحد من الي يشتغلون يتكلم انجليزي بس انا باكتبه عربي*
الرجال : لحد يمسكها*
بعدو شوي وحط يده ع رقبتها
الرجال : في نبض .. الظاهر اغماء وكسور .. انتو خلوها احين الاسعاف بيوصل
دانو وهي ميتة صياح : يالله سترك يالله سترك*
سارو وهي بعد تصيح : يارب شافيها وعافيها يارب شافيها*
مهوي وهي تشاهق : بنات نكلم اهالينا ولا
دانو : ماعرف اي لا اي شي مادري مادري
شعول ف هاي المواقف تعرف تتصرف شوي
شعول وهي تمسح دموعها الي ماقاعده توقف
شعول : لالالا بيتخرعون . انا باكلم يوسف
واتصلت ع يوسف الي كان مع اهله في الفندق
مشاعل : اول شي لاتبين انك تكلمني
يوسف تخرع بس تدارك الموقف عشان محد يشك
يوسف : هلا هلا صالح شفيك
مشاعل : يوسف تكفى الحق علينا احنا ف هامليز ومريوم طاحت من الدري واغمى عليها والاسعاف توه واصل بسرعه تعال مستشفى الـ(...)
وصكرت
يوسف تصرقع وماغابت تعابير وجهه عن اهله
ام يوسف : يوسف بسم الله عليك شفيك
يوسف قام
يوسف : السموحه بس واحد من الربع مسوي حادث قوي وهو ف المستشفى ولازم اروحله*
بويوسف : تبيني اجي معاك ؟!
يوسف : لالا سلامتكم .. مابتأخر انشاآءالله برجع فليل
وبسرعه شخط ع المستشفى ووصل وسأل عن البنات وراح لهم*
البنات كانو واقفين في الممر*
البنات اول ماشافو يوسف راحوله يضمونه و هم ميتين صياح
يوسف : بسسم الله شفييكم شصااير بالظبط وينها مرييم ؟!؟!؟؟!؟
شعول مسحت دموعها
شعول : كنا ف هامليز وانطفت الكهربا ومريم انقلبت ع الدري وطاحت والظاهر في حديده طاحت عليها
يوسف مسح دموعها
يوسف : تعوذو من ابليس انشاءالله مافي شي
وقعدو ع الكراسي القريبة من الغرفة
رن جوال دانة
دانو : ذي امي شنو اقولها ؟
يوسف : ردي عادي ولا تبينين لها شي
دانو : مااقدر صوتي يبين اني اصيح
شعول : عطيني انا برد صوتي شوي احسن
شعول ردت : هلا يمه (ام زوجها ومرت عمها)
ام يوسف : هلا هلا شعولة..وينكم حبيبتي ؟
شعول : احنا ندور واحين في محل ملابس ودانة في غرفة القياس تقيس*
ام يوسف : انزين ديرو بالكم ع نفسكم
شعول : انشاءالله تامرين ع شي ؟
ام يوسف : سلامتج..يلا مع السلامه*
وصكرت
مهوي تهز رجلها بتوتر
مهوي : تهقون شصاير ؟!؟
فطوم : اكييد صار فيها شي ولا ليش طولو !!
يوسف : فطيم لاتفاولين وتوسوسين انشاءالله خير
وطلع الدكتور*
كلهم قامو وراحوله
يوسف بالانجليزي : شخبارها ؟
الدكتور : عندها كسر ف رجلها اليمنى لانها انقلبت قلبات قوية ع الدري وغير الحديدة الي طاحت عليها..وجرح في وجها وكذا جروح بسيطة عالجناهم وانتو محضوضين ان الراس مااصابه شي لأن حسب تقريرنا انها اول ماطاحت حطت يدها ع راسها ف يدها الي تعورت بدال راسها وصادها كسر في كف يدها اليسرى
يووسف : مشكوور دكتور ماقصرت..بس بسألك
دكتور : العفوو هاذا واجبنا..تفضل
يوسف : احنا من قطر وباجر طياراتنا بنرجع..هل نحتاج ان نأجل الرحلة ؟
الدكتور : والله هي اول ماقامت سألتني نفس الشي وقلتلها انها تحتاج فترة راحة بس اصرت اني اكتبلها خروج .. ع العموم تقدرون تطلعونها بس لازم فترة رااحة وخاصة ف الطيارة لازم تحجزونلها درجة اولى او رجال الاعمال عشان راحتها ف المقعد..مثل ماتعرف مقاعدهم تكون اوسع و اريح
يوسف : اي من ذي الناحيه انشاءالله رجال اعمال
الدكتور : و اول ماتوصلون بلادكم لازم تزور المستشفى عشان تبدا علاج ويتأكدون من صحتها و اهم شي راحتها*
يوسف : مشكوور دكتور .. نقدر ندخلها؟*
الدكتور : العفو .. اي تفضلو*
وراح الدكتور
يوسف : انتو دخلو اكيد هي مو متحجبه انا بانطركم برع*
البنات ماردو عليه ع طول دخلو*
فطوم من شافت مريوم نقزت عليها تحضنها وهي تصيح
فطوم : ياا***ه خرعتيني علييج مريووم ليش تسووين جذي والله احبج*
وقامت وكل البنات حضنوها
سارو : شخباارج انشاءالله احسن ؟
مريوم بتعب : الحمدالله بس احس اني مرهقه*
سارو : متأكدة ماتبين تأجلين الحجز ؟
مريوم : لالا ابي ارجع الدوحه وهناك بروح مستشفى
دانو : بس الطريق طويـ..
مريوم قاطعتها
مريوم : دانو حبيبتي صدقيني عادي انا برتاح جذي
شعول : مريوم تغطي يوسف بيدخل يسلم
مريوم استغربت : ليكوون قلتو حق حد ؟ مابي اخرعهم
شعول : لالا بس يوسف*
وطلعت تناديه ومريوم تحجبت ودخل
يوسف : السلام عليكم سلامات سلامات بنت العم
مريوم : الله يسلمك
يوسف : اجر وعافية انشاءالله
مريوم : يعافيك..السموحه لعوزتك معاي
يوسف : شدعووه مريم مابينا هالكلام انتي اختي قبل لاتكونين بنت عمي
مريوم : تسلم*
يوسف : متى بيرخصونج ؟*
مريوم : مفروض احين بس يتأكد الدكتور من حالتي ويرخصني*
يوسف : اهاا .. عيل اخليج ع راحتج مع البنات بروح مشوار دقيقة وراجع
وطلع يوسف ومريوم انفجرت صياح
دانو : بسم الله مريم شفيج ؟!؟*
مريوم وهي تشاهق : ماكنت ابي اقولكم ماكنت ابي اقوولكم بس لاازم اقوول
مهوي : خلاص حبيبتي اجر وعافيه الحمدالله بس جروح وكسر احسن من شي ثاني..احمدي ربج
مريوم : لالا مو هاي*
وكملت صياح*
شعول : مريووم شفييج شصااير*
مريوم وهي تشاهق : انـ..ا انـ..ا*
...........
...........
دانو مسكتها من كتوفها*
دانو : انتي شنوووو اخللصي ؟؟؟؟
مريوم وهي تكمل صياحها : انا قلت حق الدكتور مايقول حق حد بس باقولكم انتو وبغلاتي ماتقولون حق حد .. ابيكم تحلفوون ماتقولون حق حد الا اذا انا قلتلكم قولو
البنات كلهم حلفو
دانو : قسم بالله مابنقول بس قوولي خرعتينا
مريوم وهي تشاهق : انـ..ا انـ..ا*
سارو صرخت عليها من الخوف : انتيييي شنووووووووو ؟؟
مريوم : انـ...ا مـ..اجـ..يـ.ب عـ..يـال (انا ماجيب عيال) < يعني صادها عقم*
شعول حطت يدينها ع راسها : لالالا مو من صجج لالا الا ذي الا ذي
فطوم طاحت ع الكرسي الي وراها وهي منصدمه
فطوم بصياح : شنو قصدج ؟!؟؟؟!!! يعني خلاص مافي مافي ...
مريوم قاطعتها بصراخ وصياح : ايي خلااااص ماجيب عيااال خلاااص مو متزووجه حيااتي رااحت رااحت
سارو انصدمت واايد بس حاولت تهدي مريوم
راحت لمتها ومسحت ع راسها
سارو : مريم حبيبتي احمدي ربج احمديه..الحمدالله ان ماصار فيج شي العن..الحمدالله ان بعيد الشر مامتي او صار فيج شي اخيس.في ناس يصيدهم شلل مايقدرون يمشون بعيد الشر..الحمدالله الحمدالله قولي الحمدالله..وبنلاقي علاج
مريوم بصياح : الدكتور قال العقم دااائم
سارو : مريوم حبيبتي الطب تطوور ومافي شي مستحيل اكيد في شي .. عادي بنسفرج المانيا او اي مكان ونعالجج
وسارو قامت تقرا عليها اية الكرسي والمعوذات
مريوم بدت تهدا شوي*
مريوم امسحت دموعها : صج الحمدالله الحمدالله يارب اني عايشه*
ودخل الدكتور وفحصها وتأكد من كل شي ورخصها
جا يوسف وساعدهم*
مريوم يدها فيها جبس وتمشي بعكاز*
خذو تاكسي .....
مريم((خلاص يعني انا مابتزوج ! يعني خلاص حياتي انتهت !!! لا ماانتهت!!! شنو يعني بعيش بدون زوج مابيصير فيني شي..الحمدالله الحمدالله يارب))
مهوي((مسكينه مريووم ياارب اشفييها فديتها ماتستاهل))
دانو((كلش ماحطينا ف بالنا ان بيصير جي !! ليش ياارب !!! .. استغفرالله استغفرالله يارب اشفيها))
فطوم((يااارب شافيها وعافيها والبسها ثووب العافيه))
سارو((مريوم ماتستاهل فديتها))
شعول((يعني خلاص من هاليوم .. علاقة مريوم وحمود رسمي منتهية..مستحيل يتزوجون اكيد مريوم مابترضى وحتى لو حمود رضى .. باجر اكيد بيتزوج عليها
...
بـدت عـلاقـتـنـا بـحـب وضـحـكه..
وانـتـهـت بـحـزن وحـسـرة..
(BintG6r♥)*
))
وصلو الفندق وكانت الساعه 9 ونص*
وصلو شقة بوجاسم و اول ماشافت ام جاسم مريم انصدمممت*
وركضت لها
ام جاسم : بسم الله عليج مريم شفيييج شصاير حبيبتي*
قالتلها مريوم السالفه وانتشرت عند العايله بس محد يدري ان مريوم عقيم غير البنات...
كانت الساعه 11 وعبدالله دخل شقة البنات وفي يده باقة ورد ملوونة
عبدالله : سلاامات بنت الاخو في عدوينج انشاءالله
مريوم باسته ع خده : مشكووور عمو ماتقصر
.................
اما في فــرنــســا ...
الشباب كانو عند برج ايفل
فهود : تدرون كنت احسب برج ايفل اطول
احمد : اي تراه مو كبير*
حمود : شباب يوعاان
جسوم : تووك ماكل
حمود : ماكل من ساعتين*
احمد : زين قومو قومو نتمشى*
..........
البنات كانو يجهزون اغراضهم وكلهم مواصلين محد نام
كانت الساعه 2 فليل والطياره 6 الصبح*
فطوم تجهز وهي تغني...
وش عيبي لاحبيته وش عيبي حلاله قلبي*
دانو : جهزتي اغراضج ؟؟
فطوم : يس وانتي ؟!
دانو : اي (تنهدت) سارو ومهوي ساعدو مريوم والكل جهز*
فطوم : اهاا .. زين متى مفروض نروح المطار؟!
دانو : اممم تقريبا 4 ونص .. تعالي الصاله البنات قاعدين
طلعو فطوم ودانو*
فطوم : هاي بنات*
البنات : هااياات
سارو : ها جهزتي اغراضج ؟*
فطوم : اي باليالله تصكرت الشنطه
وقعدو يسولفون ويطالعون فلم ويحاولون ينسون مريوم السالفه......
واتصل فيهم بوجاسم عشان يجهزون...
وجاو شعول ويوسف يسلمون عليهم..
شعول تحضن دانو : بتووحشينيييي
دانو تمسح دموعها : وانتي اكثر يالدبه
وودعو بعض بصياح
جهزو وراحو المطار وركبو الطياره
فطوم (( نامت نص الطريق والنص الثاني اسمعت فيهم اغاني وطالعت فلم))
مهوي((تفكر ف خطووبتها ونامت شوي ووايد متووتره ))
سارو((لازم تننقل رايحه راده كنها خبله))
مريوم((بس تفكر...
وتفكر*
وتفكر))
دانو((طالعت افلاام رومانسيه ونامت شوي))
ووصلو قــطــر
فطوم اول مانزلت من الطياره قالت : الله ياعمري قطر فديت ترابج
سارو: اي والله فدييت الجو الحار خخ
وخلصو الجوازات وذي السوالف وكل واحد راح بيته ... وراحو ف ساابع نومة من التعب
جا اليووم الثاني وكل وحده قامت بنشااط*
فطوم طالعه من الحمام ورايحه غرفة دانو
فطوم : هلا بالي لفاني ياهلا به عدد دقات قلبي في غيابه*
دانو : هههه اهليين صباحج قطر
فطوم : هههه وين عروستنا ؟*
مهوي دخلت : صبااح الفل*
فطوم قامت باستها ع خدها : صباح الياسمين والفل والمشموم والجوري
مهوي : يه يه شعندج اليووم
فطوم : مستاانسه مادري ليش
دانو : دووم انشاءالله ..*
ونزلو تحت وكانو ام يوسف وبويوسف طالعين
فطوم تغني : شوفولي حل لاسوي بنفسي مصيبه ياناس ابيه مقدر لحظه اسيبه
مهوي : ههههه بنعطيج اياه بس لاتسوين مصيبه
فطوم رفعت حاجب : بتعطيني من ؟*
مهوي طالعتها بنص عين : فهوود من بعد
فطوم : جب جب .. الا شخبار جويسم
مهوي صار وجها احمر : جب اسمه جاسم مو جويسم
فطوم : احلللى ! من قده جويسم صارو يدافعون عنه بعد
مهوي فلعت عليها المخده : اقوولج اسمه جاسم
فطوم : جويسم جويسم*
مهوي قامت عليها وفطوم انحاشت
فطوم وهي تركض تغني : امووت في عينك الحلوة وسكرهــ..*
توها تبي تكمل الا مهوي ماسكتها من قميصها
مهوي : ياخبلة العايله حسبالج مابصيدج*
فطوم : ههههههههههه
مهوي : الحمدالله والشكر شفيج ؟؟
فطوم : مادري ههههه بس ابي اضحك
مهوي : الله يشافيج*
دانو : ياااابقر تعالو شوي
راحولها البنات شافوها لابسه عبايتها
فطوم : خير يالأخت ع وين انشاءالله ؟
دانو : قومو لبسو عباياتكم بنروح مع السواق بيت جدي الكل متجمع هناك عشان يسلمون عليهم
مهوي : وتووج تقولين لنا ؟ وحضرتج جاهزه من مساعة ؟*
دانو : شسوي بعد حضراتكم مشغولين بمصارعتكم الحره*
فطوم : زين يلا بروح البس
وراحت فوق رككض
دانو : هههه مطيووره هالبنت
مهوي : هههه من قلب
وجهزو وراحو بيت جدهم وفي الطريق
فطوم : كوومار شغل السي دي
شغل وطلعت اغنية وش عيبي*

من مكانه طاح قلبي لما شفته طاح صج ... وين ما يمشي ابمشي و عنه لا يمكن افش وش عيبي اذا حبيته و ش عيبي حلال قلبي و طيبي ... و إذا يبي أكثر حلاله حلاله
مشاني وراه بالحب مشاني و كل الدنيا نساني ... صار بعده استحاله

مالي مفر قلبي أمر و يبقى العمر و أمشي وراه ... في هالبلد ماشفت أحد مثله أبد و لا بجماله
... أنتوا لو شفتوا عيونه تعذروني و تسكتون ... مو طبيعيه و أضني في حلاها تحلمون

ما دامي حي لا مابي شي غير إنه لي و لا سواه ... هالآدمي لو أنعمي ما أنتمي لغيره لا
لا تلموني تراني مثل حبه لم أرى قلبي بحبه عماني كلن بحالي درى*
.........
فطوم : اعششق هالأغنيه حدها تهبل
مهوي : ماشاءالله عليج ع كل اغنية تقولين نفس الشي*
ووصلو بيت جدهم و اول مادخلو احضنو جدهم وجدتهم وسلمو ع الكل وقعدو
عبدالله : الصراحه وحشتووني من زمان ماشفتكم
دانو : هههه مو كنك امس شايفنا
وقعدو يسولفون وتغدو ........
مرت 3 اياام ورجعو الشباب من باريس ..
وتحددت خطووبة مها بعد شهر
< ع فكره كان مفروض الخطوبه بعد اسبوعين بس مريوم حنت عشانها ماتبي تحضر الخطوبه بعكاز
..........





انتهى البارت الثاني عشر اتمنى عجبكم والسموحه ع التأخير







   

رد مع اقتباس
قديم 19-04-2012, 01:03 PM   رقم المشاركة : 18
معلومات العضو
BintG6r
عضو جديد
 
إحصائيات العضو








BintG6r غير متواجد حالياً

 
إحصائية الترشيح

عدد النقاط : 10
BintG6r is on a distinguished road

 

 

افتراضي إضافة رد: رواية في ناس تدري بغلاها بس تحب تستعبط .. رواية قطرية اجتماعية كوميدية درام

البارت الثالث عشر ...

{الــذكــريــآآت..الــشــي الــوحـيــد الــبــاقــي}


مرت اياام .. بسرررعه .. وجا موعد خطوبه {مـهـا وجـاسـم} :..

احلى عروس اليوم*
مثل القمر يا قوم*
فرحه وعساها تدوم*
بنيه في العالي*
والله عرف يختار*
ناس لهم مقادر*
من اول وتالي*
والله عرف يختار*
يحيمك الرحمان*
من حاسد وشيطان*
ويديمكم خلان
ويحفظكم الوالي*
والله عرف يختار*
ناس لهم مقدار*
من اول وتالي*
احلى عروس اليوم
مثل القمر يا قوم*
احلى عروس اليوم*
مثل القمر يا قوم*
فرحه وعساها تدوم
بنيه في العالي*
والله عرف يختار*
ناس لهم مقدار*
من اول وتالي*
والله عرف يختار*
على اسمها بنيه*
حلوه وحياويه*
زاد الحلا شويه*
صارت عسل حالى*
والله عرف يختار ناس لهم مقدار*
من اول وتالي*

................
اكيد ماخلا اليوم من التوتر والاعصاب ..
خطوبة {مـهـا} ...*
لووية ...

مـهـا..هل هو توتر للزفة..ولا للقاء الحبيب..
ماكانت ظابطة شعورها واحاسيسها..بس الي كانت واثقه منه..انها متووتره...
قطع افكارها صوت ...
دانو : مهووووووي*
مهوي لفت : هلا هلا شفيج
دانو : شنو شفيج انتي الي شفيج . شوفي الساعه 2 يلاا قومي جهزي
مهوي : توو النااس !!
دانو : لا شنو تو الناس !! اول شي تعالي تغدي
مهوي : لالا مالي نفس
دانو قعدت جنبها : مهوي حبيبتي فيج شي ؟
مهوي : حددددي متووترة دانو مادري شاقولج بس احس بصيييح
دانو لمتها : هههه فديتج مهوويه والله كبرتي وصرتي عروس*
مهوي ببتسامه : عقباالج يارب
دانة ابتسمت : امين .. زين يلا تعالي نتغدا
مهوي : والله مالي نفس
دانو : عشان خاطري
مهوي ابتسمت وراحت تتغدا ..*
بويوسف : هلاوالله بعروستنا
مهوي استحت : اهلين
ام يوسف : الله يوفقج مع جاسم يابنتي ويرزقكم الذرية الصالحه
مهوي : امين وياج يالغاليه
فطوم : تصدقون خساره يوسف من موجود*
مهوي : اي والله كنت ابي اخوي يكون موجود معاي
دانو : ف عرسج بيكون موجود ان شاءالله
ام يوسف : دانة متى بتجي الكوافيرة ؟*
دانو : يمه بعد شوي بتوصل*
فطوم : ماظن يمديها تخلصنا كلنا
دانو : لا شدعوه باقي وايد .. وطبعا كوافيرة مهوي غير عن كوافيرتنا
فطوم : اي صح ترى مريوم بتيي بعد
ام يوسف : حياها الله*
خليفة : يمه شنو البس اليوم
فطوم : شنو بتلبس يعني !! ثووب طبعا !!*
خليفة : مالبس دقلة ؟؟؟؟؟
فطوم : ليش مينون ؟ في حد يلبس دقلة ف الخطوبة !*
خليفة : زين زين
فطوم : اي صح يبا الملاج *والريايل بيكونون ف بيت عمي سلمان (بوجاسم) ؟*
بويوسف : اي يبا..بنملج {(بنملك)<عقد القران خخ } هناك والعشا هناك ان شاءالله
فطوم : وااااي وناااسه في خطوبة ف بيتنا
دانو : ليش اكااه يوسف تزوج قبل
فطوم : لالا لما تزوج يوسف كان غير.يعني الخطوبة ف بيت عمي خالد (بوشعول)..بس هالمرة عندنا وناسه بيتنا اكشن
دانو : ليش بنتضارب فيه احنا
ام يوسف : الله يتمم ع خير وعقبالكم فطوم ودانة وخليفة وكل عيال العيله
الكل : امييين*
وخلصو غدا ووصلت الكوافيرة ومريوم*
مريوم اول ماوصلت نقزت ع مهوي تلممها
مريوم : واااااي فديييتج مهوووي بتتزوجين يالدببببه وبتين بيتنا بعد*
ام يوسف قالت وهي رايحه الصاله : هههه عقبالج مريم*
البنات سكتو ..*
ومريوم تحولت ابتسامتها الا حزن .. بس اتسغفرت ربها وابتسمت ابتسامه باهته*
مريوم : الله كريم .. هييه تراني مو معووقه بعيد الشر (وابتسمت من خاطرها) يلااااا مانبي اليوم ينقلب نككد اليوم خطوبة اخوي واختي ويااويله الي يخرب الليلة*
سارو : اي والله يلا يلا استاانسو اليوم خطوبة الغاليين
البنات ابتسمو وكملو شغلهم
فطوم : دنووي متى بيوصلون بيت خالي وخالتي*
دانو : والله مادري*
وكان البيت لوووية تجهيزات برع ف الحوش .. المسرح كان وسيييع وعليه كووشه بيضا في شوي وردي وستايل المكان كان ابيض ووردي*
.....
شعول ويوسف اتصلو حق المعاريس يباركونلهم...
.................


.... : اقبل بـ/مها احمد الـ""" زوجة لي*
..............
..............
انتهى كلام الملاج مع الشهود والمعرس والريايل ... والكل قام يبارك ...
فهود : خشمممك يالأخو الف الف الف مبرووك وعقباالي
جسوم : ههههه الله يبارك ف حياتك واميين ان شاءالله نشوفك معرس
حمود : مبرووووك يالغالي منك المال ومنها العيال
جسوم : الله يبارك فيكم كلكم وعقباالكم ياارب*
وقام باس راس عمه بويوسف
عبدالله : الف الف الف الف الف مبروووك والله زين ماخترت فديتك انت ومهوي والله يتمم ع خير ونشوف ولدك عبدالله قولو امين
جاسم ضحك وقال امين والكل قال امين
بويوسف : الله يهنيكم ياولدي وجعله زواج مبارك وعقبال مانشوف عيالكم وعيال الكل
الجد : اي والله يابووك الله يحيينا ونزوجهم كلهم .. بالمبارك بالمبارك ياولدي
قام جاسم وحظن جده وباس راسه
بوجاسم : شوف جاسم بعد ساعتين تقريبا عدل عمرك عشان تروح بيت احمد اخوي ويزفونك وتلبس العروس الدبلة والشبكة*
جاسم : ان شاءالله
فهود سوا غترته ترمبا*
حمود : ليش سويتها ترمبا مساعه اكشخ*
فهود : لا خلاص خلصت الخطوبة خخ*
......
واتصلو حق دانو الي كانت ليحن داخل البيت ماخلصت ..*
دانو : الووو ها ملجتو ؟*
(وطلعت ام يوسف وجات عند دانة هي وفطوم)
دانو : الف الف الف الف مبرووك وصكرت التلفون
دانو (تعرف تلولش خخ ) : كللووووووووووووش املجو (وباست راس امها)
امها من الفرحه دمعت*
..........*



مشت بكل شـمـوخ وثـقـة عـكـس الي داخلها تماما..مشت وهي تبتسم بخطوات خفيفة..وابتسامه ساحره .. بفستانها الراقي بلون الوردي .. بتسريحتها الراقـيـة جـدا .. ومـكـيـاجـهـا النـاآعـم الي مـطـلعـهـا مـلـكـة..
مـشـت وهي بداخـلها توتر .. تـسـمـع صـوت قـلـبـهـا..يـدق ويدق .. رغم صوت الاغاني العالي ... تلتفت للحريم بأبتسامه..وزادت ابتسامتها لما شافت بنات عمها ...*
ثــوانـي ووصـلـت الـكـوشـة .. بـس كـانـت لـ{مــهــا} .. سـاعـات طـويلـة .. من التوتر والقلق من المستقبل او المصير المجهول .. كل بتكون سعيده معاهـ..ولا لا ...*
شافت البنات يرقصون ع المسرح .. ابتسمت لهم ابتسامه .. صوورت شوي وقعدت ع الكوشة..
وجاو البنات يسلموون .. ربعها وبنات خالاتها وخالات جاسم ...*

ستووب...!!


{{
نعرفكم ع بنات خالة جاسم او مريم ....
عندها خالة وخال ...
((خالتها بثينة .. عندها خالد 34 متزوج وعنده ولدين.. وليد 28 تووه متزوج .. 23 لولوة تووها مداومة في شركة خاصه..اميرة 16 رفيجة فطوم ومريوم وااايد ومعاهم بالسكوول..))
((خالها علي..عنده طلال 33 متزوج..هنادي27 متزوجة وعايشة ف دبي مع ريلها..عبير 21 رفيجة دانو ومعاها ف الجامعه))


نرجع...


لولوة وهنادي وعبير واميرة راحو يباركون لمهوي *..*
اميرة : الف مبرووك حبيبتي تتهنون ان شاءالله*
مهوي ابتسمت : الله يبارك فيج وعقبالكم*
لولوة : ماشاءالله عرف يختار ولد خالتي
مهوي ابتسمت بخجل ...
وقامو البنات يرقصون ولوية واغاني ..*
جا وقت دخول {جــااسم} ..
دخـل بـهـيـبتـه المعتاده .. ببتسامه .. وبانت غمازاته .. دخل وهو متوتر بس عرف يخفي التوتر .. كانت امه وام يوسف واقفين عند المسرح .. حب راسهم وجات يدته وحب راسها ومشته امه لين الكوشه .. حب راس مها الي ماتت حيا زين مافطست ..*
ولبسها الشبكه < وعرف يلبسها لأن الحبيب متدرب ع مريوم*
ولبسها الدبلة ولبسته هو بعد .. وصورو وجات خالته وصوورت .. وسارو ومريوم .. والكل ..
وجابو الكيكه وقصوها وواكلو بعض وشربو بعض عصير... مهوي من الخرعه ماعرف ذي عصير شنو يعني لو حاطلها ماي بالوعه جان مافرقت .. P;*
وقعدو شوي ... بعدها دخلو الميلس مع مريوم وام مهوي وام جسوم .. ورتبو كل شي وطلعو الامهات ..*
مريوم : مبرووك فدييتكم اخيرا تزوجتو*
جسوم : تحسسينا ان طقينا الـ50*
مريوم : خخ*
جسوم طالع مريوم ورفع حاجب
مريوم : شفيك تطالعني*
جسوم : تعالي بقولج شي
قامتله مريوم*
وطبعا مهوي طول الوقت سااكته
جسوم قالها : ماودج تفارقين يعني*
مريوم : هههه لا باقعد ع قلبك نذاله .. خخ استعبط يلا سيي يوو بعدين*
ولفت عشان تطلع*
ومهوي تصرخ بداخلها ((للااااااااااااالالالالالالا لاتروووحييين وتخيليني فشششله ماالت عليج مريووم ارااويج يابنت ال*** < لاتلومونها من الخرعه خخ ))*
ومع تصكيرة الباب .. قلب مهوي وقف من الصرقعه ..
جاسم طالعه : شخبارج مها
مهوي بصووت ياادوب ينسمع : بخير
جاسم : مبرووك عليج انا*
مهوي ابتسمت وهي منزلة راسها : الله يبارك فيك
جاسم حب يسولف معاها*
جاسم : عيل شنو قررتي تتخصصين ؟*
مهوي : ان شاءالله انجليزي
جاسم : اهاا حلو حلو .. تخيلي تشتغلين معاي عند ابوي خخخ*
مهوي ابتسمت .. وفي داخلها ((رووح زين لابو ابوك .. تبيني اجابل ويهك ف البيت وف الشغل بعد )) << البنت قامت تقط خيط وخيط...
............

نرجع للوناسه برع *
فطوم ماخلت اغنيه مارقصت عليها*
مريوم كانت قاعد وتطالع الكوشه ه وفي نفسها ((كنت متوقعه اني بقعد عليها (الكوشه) مع حمود .. اااخ بس .. الحمدالله يارب الحمدالله))*
ودانو وسارو يسولفون مع ربعهم*
فطوم مسكت الايفون واتصلت حق شعوول كاام بالسكايب وحطت السماعات
شعول : ههههه اما انتي ف الخطوبة وفاتحه كام .. طبعا صوت فطوم ماكان ينسمع ف كتبتلها (ههههه اي .. ابي اراويج المكان بس اول شي يوسف موجود ولا ؟ عشان مايشوف)*
شعول : لالا موموجود يلااا ابي اشووف*
ولفت فطوم الكام لفة ع المكان وع الكوشه ونادت البنات ودخلو داخل شوي
سارو تلف يدام الكام : شعووله شرايج بستايلي*
شعول : واااااو تهبليين .. سوير كنج قاصه شعرج ؟*
سارو : اي قصيت الاطراف ودرجته اكثر
شعول : طالعه قمممر .. وين باقي البنات
لفو الكيمرة ع مريوم*
شعول : يه يه خطييره يا اخت المعرس .. طالعه فنتك*
مريوم : هههه ادري اخجلتي تواضعي
بعدين دانو*
شعول : حبتييين اختي قممممر قمممر اكيد باجر الخطاطيب سييد يدام بيتكم*
دانو : ههههه تهقين
يوسف دخل عند شعول*
شعول : بنات يوسف جاا يبي يشوفكم
مريوم راحت ورا الكيمرة عشان مايشوفها يوسف
يوسف صفر : تهبلووون خوااتي وعمتي حركاات والله
فطوم : احم ندري خخ
يوسف : اقوول بنات يصير تودون الايفون عند جسووم ابي اطفره واكلمه بالكام
سارو : ههههه يصير .. دقيقه بوديه
وودت سارو الايفون الميلس
سارو : جااسم هاك يوسف يبي يكلمكم كاام
جاسم خذا الايفون : هلااااا والله
يوسف : هلاااا بالنسيييب .. مبروووكين مبروووكين*
جاسم : الله يبارك فيك بس ترانا زعلانين لانكم ماجيتو*
يوسف : السمووحه يالغالين بس شنسوي مشاعل*عندها امتحانات هالفتره
جاسم : مووفقه ان شاءالله
يوسف : تسلم .. الا وين العروس اختتتي*
جاسم عطاها الايفون*
مها : هلا يوسف هلا فديتك
يوسف : ييييه يييه حركاات صاارووخ اختي*
مهوي استتتتتحت من قلب خاصة ان جاسم موجود
جاسم ابتسم
يوسف: مهوي ويهج احمر هههههه
(طبعا جاسم ماكان يشوف يوسف بس يسمع صوته ف شعول طبت عند يوسف تكلم مهوي)*
شعول :ههههه فدييت المستحييين انا
مهوي : ههه فدواا فديتج*
شعول بنذاله: ها شخبار جااسم*
مهوي انفجرت حيا < ابووك يالتشبيه*
مهوي : ههه الحمدالله بخير
وفي داخلها ((هييييين شعوول والله لارااويج ياكللبه )) << اليوم شكلها بتنتقم من الكل*
وسلمو ع بعض وباركو وخذت سارو الجوال وطلعت..
جاسم : هههه يحليلهم مشاعل ويوسف الله يخليهم لبعض
مهوي : اميين*
مرت دقايق .. وتقريبا مرت ساعه ونص كانت بالنسبه لمهوي سنوات مب ساعات ..*
وانزفو المعاريس مرة ثانيه برع وسلم عليهم جاسم وطلع وتمت مهوي .. وبدو المعازيم يروحون وبنات خالاتهم راحو .. والكل راح .. والدي جي شلت شلايلها وطست .. بالعربي مابقى الا بيت بويوسف ومريوم وسارو الي بينامون عند مهوي طبعا ...
وراحو غرفة مهوي..
فطوم : وناااااسسسسسسه اليوووم عسسسى دووم الافراح *قولو اميين*
البنات : اميين
مريوم: ها شصار شسويتو شقلتو*
مهوي : عادي مافي شي يذكر*
فطوم : احم يعني ماقط كلمة غزل مني منك
مريوم : بل فطووم تووهم ماامداهم نطري شوي
دانو : عيزانه افصخ فستاني*
مريوم : الحل سهل نامي فيه*
دانو : لا شدعوه*
وقامو البنات يبلدون ولبسو بجامات ومسحو المكياج وكانت الساعه 1 ونص ..*
دانو تتمغط : اااااا .. راااحة بالبجامه*
سارو : اي والله حتى بدون مكياج تحسين راحه
فطوم : بنات لاحظتو ان باقي 3 اسابيع ع رمضان
مريوم : ماشاءالله مر الوقت بسررعه
مهوي : احلى شي شهر رمضان .. احببه
مريوم : اي والله ياريت كل الشهور رمضان
فطوم : كي دي دي خيرات رمضان طيبات رمضان
دانو : شتخربطين انتي
سارو : الظاهر من تأثير الخطوبة
مريوم : هههههه توني مستوعبه فطوم
فطوم : ههههههه شدعوه ماعرفتو ذي الدعايه الي ملوعين جبدنا فيها ف رمضان <اكيد عرفتوها خخخخ*
مهوي : بس تدرون .. لو كانت كل الشهور رمضان احس ان بيكون عاادي .. بنتعود عليه كل يوم ،، اما لما يكون جي مرة ف السنة .. كلنا ننتظره ونستانس لا جا
سارو : الا شنو بتلبسون ف العيد*
فطوم : احنا خذنا شكثثثر بدلات من لندن..نلبس اي وحدة
سارو : صح*
مهوي : بنات شعول ويوسف بيجون ف رمضان ؟؟*
دانو : يقولون بيجون اخر اسبوع من رمضان وبيروحون بعد العيد بأسبوع
فطوم : الله فله .. صح لازم نتعلم نسوي كيكات وحلويات حق رمضان*
دانو : هههههههههه انا غاااسله يدي منج خااصه بعد سالفة اخر كيكه سويتيها مع مريوم مع الكويكر ههههههه لالا تكفون مانبي نتسمم*
سارو : هههههههه اي صج ماكان لكم حل
مريوم : هههههههههه فديتنا مينن
فطوم : هههههههه جب جب تحسسون كل وحده الشيف اسامه*
مهوي : بنات الصراحه كان ودي اسههر ووناسه وضحك بس حدي مسطططله تعبانه ابي انام
فطوم : مي توو يلا خمدي
والبنات ناموو ...

..........







   

رد مع اقتباس
قديم 19-04-2012, 01:04 PM   رقم المشاركة : 19
معلومات العضو
BintG6r
عضو جديد
 
إحصائيات العضو








BintG6r غير متواجد حالياً

 
إحصائية الترشيح

عدد النقاط : 10
BintG6r is on a distinguished road

 

 

افتراضي إضافة رد: رواية في ناس تدري بغلاها بس تحب تستعبط .. رواية قطرية اجتماعية كوميدية درام

كانت واقفه ع الجبل ... تشوف النهر من تحتها .. جا وراها حد ودزاها وطاحت .....*
اول ماجسمها طاح ف النهر .. قامت من النوم مفزووعه وهي منصب عليها ماي*
فطوم : هههههههههههههههههههههه
مريوم تمسح الماي عن ويها : ياااااااااكلللللللبه*
فطوم : ههههههههههااااي تستاهلين ساعه اقوومج
مريوم بصراخ وعصبية: والله ماهدج
وقامت مريوم تركض ورا فطوم ونزلو تحت وقامو يراكضون ف الصاله
سارو : بل بل بل شفيكم
مريوم : الحيوانه فطووم كاته عليي قلاص ماي باارد
مهوي : ههههه تستاهلين اعنبو دارج ساعه واحنا نقومج
مريوم : شااسوي بعد كنت ع الجبل
كانو ليحن يراكضوون
مريوم راحت المطبخ وجابت جيك ماي*
فطوم : اييييييه ايييه شنو ذيي انا صبيت عليج قلاص مب جيك*
مريوم ركضت ووراها وهي ماسكه الجيك : كييفيييي
وقامو يراكضون
دانو : هييييه انتو بتوصخون البيييت*
مريوم : مالي دخل الا اصبه عليها*
فطوم ركضت فوق وراحت السطح ومريوم ع طوول وراها*
ف السطح فطوم وقفت ع الحافه ومريوم تشوفها
مريوم : يلا يلا انتي دووم كان خاطرج اتطبين من السطح . يلا طبي اشوف*
فطوم : لييشش اختي بايعه عمري*
عاد مريوم ماعندها وقت .. فلعت الجيك بكبره ع فطوم .. والجيك ضرب فطوم وانكت عليها الماي
فطوم صارخت : ااااااييييييييي وييييييعه ضربتي يددددي*
مريوم : احسن*
وركضت تحت وقعدت ف الصاله ولا كنها مسويه شي
سارو طالعتها وهي رافعه حاجب : مريووم
مريوم بنضرة برائة ماتليق عليها : هلا
سارو وهي ليحن رافعه حاجب : شمسوويه*
مريوم ببرائة : مامسويه شي شفيج
ونزلت فطوم وهي ماسكه يدها : يااثووره مامسويه شي هااا شحقه تفلعين الجيييك !!*
مريوم : اححم اختصر الوقت*
مهوي : بااال مريوم كسرتي يد اختي*
فطوم : اووف من صججي يدي واايد تعورني بروح المستشفى
مريوم : شدعووه عاد مو لهلدرجة*
فطوم : جب انتي بروح*
وراحت المستشفى وطلعت رضه مب كسر*
ورجعت البيت*
فطوم : طلعت رضه*
دانو : من وداج المستشفى ؟*
فطوم : ابوووي*
مريوم : قلتليه شصار بالظبط ؟*
فطوم طالعتها بنص عين : اي قلتله انج فلعتيه بالغلط
مهوي : عذر اقبح من ذنب .بالله شلون فالعته بالغلط
فطوم : شدراني عادي مشي مشي الموضوع
مريوم : احم سووري بنت عموو*
فطوم : عادي عادي توقعتج بتسوين شي العن
مريوم : اقول مرت اخوي*
سارو طالعت مريوم بعدين طالعت فطوم
سارو : اي مرت اخو بالظبط ؟*
فطوم فهمت ورفعت حاجب
مريوم : ههههه مهووي*
مهووي : هلا
مريوم تطالها بنص عين : اخوي الجميل ما اتصلج ؟
مهوي ويها قلب الوان : امس فليل اتصل يتطمن شوي وصكر
مريوم : اهاا صدقت صدقت
مهوي : شقصدج مريييم*
مريوم : هههه ولااااشي
رن جوال مريوم والمتصل جاسم
مريوم : هلااااا وغلااا بالمعرس هلا بأخوووي
مهوي فز قلبها
جسوم : هلاا فيج اختي العزيزة شخبارج وشخبار مها
مريوم طالعت مهوي : الحمدالله مها بخير تسلم عليك
مهوي فتحت عيينها بكبرها من الصدمه
جاسم : الله يسلمها .. ع العموم امي قالتلي امرج احين عشان ترجعين البيت
مريوم : تووو الناااس !*
جاسم : والله هي تقول ان عندكم مشااوير*
مريوم : اي صح .. اووكيك متى بتيي ؟*
جاسم : نص ساعه وانا عندج*
وصكرت مريوم
سارو : ههههههه حرام عليج مريووم ! شفتي عيون مهووي بغت تطيح*
مهوي : يااكللبه ارااويج مردووده هيين*
مريوم : هههههه ماامي خفت*
...............


مابي اطوول عليكم ف الايام العادية ....
يعني مرت ايام عااادية جدا .. كالعاده نفس الروتين اليوم وماصار شي يديد .. جاسم يكلم مها ع الفون اوقات .. وطبعا ليحن تستحي منه ...
البنات يحوسون ف الاسواق عشان اغراض رمضان وطبعا يحوسون ف الجمعيات عشان الفطوور .....
مرت الايام والاسابيع ....
وجا الشهر الفضيل..شهر الايمان والطاعه والرحمه...الشهر الي كل مسلم ينتظره ....

ليلة رمضان ... العائلة كلها سهرانه .. باجر اول يوم من ايام رمضان .. والكل مشتط ..*
وفطوم مسجلة اوقات المسلسلات والبرامج خخ
.......

الساعه 12 فليل ....


بيت بوجاسم ...
نيووف : بابا احنا نصووم معاكم بكرة*
بوجاسم : اي سعود خله يجرب يصوم يوم كامل واذا. قدر يكمل باقي الشهر .. اما انت بس نص اليوم لانك توك صغير
مريوم وهي منسدحة: هههه تصدقون انا احاتي فطوم*
فهود كالعاده نقز : ليش شفيها ؟*
مريوم تطالعه بنص عين : مافيها شي .. بس افكر شلون بتستحمل شهر كامل بدون اغاني
فهود : يعني هي لهلدرجة مع الاغاني
مريوم : وييي انت ماتعرف شي .. ذي طقاااقه ماخلت اغنية ماحفظتها و 24 ساعه تغني
فهود : هههههه (خبلة من يومج)
جاسم : ياحليلها*
ام جاسم جات من المطبخ : سلمان احط السحور احين ؟*
مريوم : باااااال يمممه من صجج ! شدعووه احين توو الناس .. انا ماباكل الا قبل اذان الفجر بنص ساعه او ساعه*
بوجاسم : ايي شعليه باجر اجازه .. احنا دواام*
وقام بوجاسم وراح غرفة الطعام ولحقه جاسم واليهال لانهم بينامون بدري ..*
مريوم : وانت متى بتتسحر ؟*
فهود : توو الناس بعدين*
وتمت مريوم اطقطق ف البيبي وفهود يفرفر بالقنوات...



ف بيت بويوسف*
كلهم متجمعين ف الصاله يسولفون ويطالعون فلم ..*
بويوسف : خليفة تعال معاي نتسحر احين لأنك لازم تناام*
خليفة يتثاوب : اووكي*
وراحت ام يوسف معاهم .. وبقو البنات
فطوم تكلم مهوي : تصدقين ان ان شاءالله رمضان الجاي مابتكونين معانا .. بتكونين ف بيت عمي سلمان
مهوي : اي والله كلللش مو متعوده رمضان برع البيت
دانو : يصير خير لين السنة الجاية .. بعدين روحي ونسي مريوم خخ
مهوي : وانتي دنووي ان شاءالله انتي بعد رمضان الجاي بيت ريلج
فطوم : مصختووها عاااد وانا شااسوي بروحي .. السنة الجاية بكون 16 يعني مستحيل متزووجة
دانو : هههه شفيج احنا بنتزوج مو بننقرض*



بيت بوشعول*
خلود : يبه عووش بتصووم ؟؟
بدور : هههه تبيها تصوم من الحليب ؟؟
بوشعول : ههه لاشدعوه تووها بيبي
احمدو : وانت بو وليد بتصووم ؟*
خلود : طبعا خلاص كبرت لازم اصووم*
ام شعول : اول مرة رمضان بدون شعول*
حمود : اي والله ماتوقعت مكانها ببين جي*
بدور : يالله الله يردهم بالسللامه .. ان شاءالله اخر اسبوع تكون معانا*
الكل : اميين*
حمود : تصدقين بدوور لولاج احين جان مابيتنا ماكان فيه بنات كلنا اولاد*
ام شعول : وانا شنو*
حمود : خخخ اقصد غيرج يعني
بدور: هههه صح . بس بعد شعووله مكانها محد يملاه فديتها


بيت الجد
الجده : سوير يمه تعالي ساعديني ف المطبخ
سارو : ان شاآالله يممه
الجد : سارة يابوج حطيلي السحور احين ابي اكل وانام
سارو : من عيووني

بيت عبدالله
اسما ماسكه حمد*
اسما : اقول عبدالله .. باجر الفطور ان شاءالله بيت ابووك*
عبدالله : اي كالعاده نفس نظامنا كل رمضان .. كل يوم الفطور بيت ابوي .. الا يوم السبت كل واحد يا ف بيته او ف بيت اهل مرته
اسما : اهاا

وذي نظام العائلة ف رمضان ....

الساعه 3 قبل الاذان بـ 45 دقيقة ...

بيت بويوسف..ع السحور
دانو : فطووم مب زين الفلفل ع السحوور وراج صياام*
فطوم : عاادي عادي*
دانو : كييفج

و ف بيت بوجاسم
مريوم تتسحر مع فهوود*
مريوم : اي اطففح اطففح مو كأنك بتخمد لين المغرب
فهود : بالعاافيه عليي..اصلا بيقومونا العصر..بعدين تعالي حسستيني ان انتي الي تقومين من الصبح..تراج تقومين بعدي
وتمو يسوولفون ويحشون ف خلق الله

.......

اليووم الثاني .......*
البنات قامو تجهزو ولبسو .... وراحو بيت يدهم*
كانو حاطين سفرة طويييييلة وعليها الفطوور
وكل العيله بنات اولاد شياب يهال .. قاعدين*
اذن وبدور يفطروون ..
كل مالذ وطاب كان موجود .. وكل بيت جايب اكلة ...*
بعد ماخلصو فطور وصلو ... تجمعو ف الصاله عند التلفزيوون ... وجابو انوااع الحلويات .. كل بنت تفننت .........


ايـام رمضان .. احلـى ايام يمكن يعيشها الشخص .. ايام راحه وعباده وصلاة...ايام تجمع الاهل .. وايام الضحك .....

بـس ...*
مو كل رمضان حلو .....*

اليوم اليوم الـ10 من رمضان ....*
ايام جميييله جدا ...*

كانو متجمعين ف بيت بوشعول .. كان الفطور عندهم .....*
ام شعول : افف مادري ليش محمد مايرد ع الجوال
دانو : شدعوه خالتي اكيد مشغول او مع الشباب
ام شعول : انا قلبي نااغزني*
جسوم كان يساسر فهود : اقول فهدان .. وين حمود ؟*
فهود يساسره : طالع مع ربعه يحووس.(وعلا صوته)..خالتيي توت متصلي واكاه راجع
جسوم : اهاا
فهود قام : زين استأذن بروح مشوار وراجع ان شاءالله
جاسم : ايي حتى انا بجي*
ام جاسم : جاسم وفهد لاتسرعون قلبي ناغزني
فهود وجاسم : ان شاءالله







ف لحظه .. صار كل شي بسرعه ... لحظه...

انعاد عليه شريط حياته ..*
تذكر .. امه .. ابوه .. اخته .. اخوه .. ربعه .. واهله ...

استسلم للقدر...



فطوم بصرااخ هستيري : لااااااااااااااااااااااااااااااااااااااااااااااااا اااااااااااااااااااااااااااا
وطاحت ع الارض بصدمممه وهي مستخفه*
مريوم انصدمممت لدرجه ان انربط لسانها ومانزلت دمعه من الصدممه ....!
اتسووعبت شووي ... وانفجررررت صياااح*
الجده بصياح : ولدددي ولللديييي وييين وللدي
الجد ماقدر يمسك دموعه : راح راح راح الله يرحمه راح لرب العباد ...
الكل يصيح ويصرخ بصدمه ... وهستيريه*
*((بوجاسم-ام جاسم-ام شعول-بوشعول-بويوسف-ام يوسف-عبدالله-اسما-الجد-الجده-فطوم-مريوم-دانو-مهوي-سارو-طلال-احمد-بدور-خليفه-خالد.....جاسم-فهد))*

......*
{انتقل الـى رحمة الله ...*
{مـحـمـد حـمـد الـ...}-عن عمـر يناهـز 19*


ام شعول تصرخ بهستييريه ع ولدها : وللللللدي ابييي ولدي جيبوولي ولددي اقوولكم ابييييييييه وين ويدتوووه وللدي محمممممد وييينك ياايمه يابعد اهلي مححححمممممممممممممد
وصادها انهيار عصبي .. واغمى عليها وودوها المستشفى .......*



راح••
* *وهــو تــاركـ اثــر فــي نــفــوس الــكــل
راح••
* *وهــو يــامـا اســعــد نــاس واضــحــكـ نــاس ...
راح لــربــه لــرب الــعــبــاد لــرب الــنــاس وهــو مــســتــانــس وتــاركـ نــاس يــبــكــون وراهـ...
بــس مــاراح مــن قــلــوبــهــم طــول اعــمــارهــم بــيــبــقــى هــو ولــدهــم واخــوهــم ورفــيــجــهــم..
مــاراح يــنــســونــه لأنــه كــان كــل شــي فــي دنــيــتــهــم او كــان دنــيــتــهــم كــلــهــا..
راح وهــو تــاركـ حــبــيــبــتــه..الــي تــمــنــاهــا تــكون زوجــتــهـ..راح وتــركــهــا مــكــســوورهـ .. تــعــيــش فــي ذكــريــاتــهـ..
{ذكـــريـــاتـــه} هــو الشــي الــوحــيــد الــــي بـــاقــــي مـــنـــهـ..
(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))


عبدالله يمسح دمووعه وهو حاظن اخوه بوشعول
عبدالله : ترحم عليه ادعييله وانا اخووك .. ماشاءالله توفى ف رمضان وتووه مصلي التراويح وتشهد بعد .. يابخته .. ادعيله ادعيله
بوشعول وهو يصيح : يارب ترحمه برحمتك يارب
فهود ماقدر يحبس دموعه ... التفت ع فطوم ..*
شافها ليحن تصيح بطريقه هستيريه هي ومريوم ...*
هم فقدو شخص جدا غالي عليهم .. فقدو محمد .. كان ملح العايله .. كان هو الي يسوي جو .. فقدو اخوهم وولدهم وحبيبهم ... فقدووه للأبد ........~~

ام شعول ردت البيت ... هي حرمه شوي قوويه .. حلفت ان محد يغسل ولدها الا هي ...
تجاوزت موضوع الصياح شوي .. لانها حرمه مؤمنه بقضاء ربها .. واستانست من قلب لما درت انه تشهد وان قبل لايموت .. صلى ..

كانو العيله ف الصاله .. الكل ويهه منتفخ من الصياح ...*
جابو محمد ....*
وحطوه عشان يسلمون عليه قبل لايدفنونه
مريوم (مالي حياة من بعدك مالي حياة من بعدك..ادري انك عمرك مابتكون لي لاني عقيم..بس يكفي اني اشووفك ف دنيتي..يكفي اني اشوفك مستانس (تنهدت وهي تصيح) الله يرحمك الله يرحمك)*
فطوم شهقت بصيااح ورجعت لحالتها الهستيريه..من الصدممه*
ومهوي ودانو يهدون فيها مع ان حالتها ماكانت اقل من حالتهم ...*
فطوم تتكلم وهي تشاهق : تووه امس امس قاعد معاما يسولف ويضحك .. ياربي شلوون شلووون الله يرحممك الله يرحمممك*
فهود تقطع قلبه ..*
فهود راح عند محمد وباس راسه ويده وبدا يكلمه
فهود : كنت كل شي بدنيتي .. ومازلت كل شي .. انت اخووي انت صديقي ! حموود شلون تروح وتخليني قوول !! انا رفيج عمرك تخليني وترووح !!!! حموووود احبك..بالله عليك احين من بيلعوز عووش نفسك وبعدها انا اقوم عليك واقول هدها ذي مرتي !! حموود محد بيااخد مكاانك..وعد مني عمرري ماراح انساك (ماقدر يمسك عمره) ..< شنو شعوركم لاشفتو اغلى الناس .. جثه امامكم (الله يخليكم لاغلى ناسكم ويحفظكم)*
جاسم راح عند حمود وباس راسه : محمد الله يرحمك .. الله يشهد انك كنت اكثر من اخو .. بشتاق لك واايد .. بس اوعدك ماراح اقاطعك .. حتى وانت تحت التراب ... بشتاق لك*
جاسم مسك يد فهود وقومه ...
احمد راح عند اخوه
احمد : اخووي .. اغلى ناسي ... ماعرف شاقولك .. بس بشتاق لك .. بشتاق حق نجرتك معاي ف البيت وضحكنا لاطلعنا البر او البحر .. وسوالفك .. وضحكك .. كلهم بيوحشوني ياخوي .. ياسندي .. (دمعت عيونه وباس راس اخوه وقام)*
الجد والجده جاو .. وسلمو .. والكل سلم .. باقي البنات ..
فطوم اتجهت له .. بخطوات باارده .. مومصدقه الي تشووفه ..
فطوم : حمووود يالددب .. (وبدت تصيح) انت عمرك ماعرفت غلاك عندي .. انت اخووي ..طول عمري احسك رفيجي..محد مسوي جو ف العيله غيرك .. حمود احبك يالدددب بتووحشني والله ... بتوحشني ياخووي .. يالغالي بتووحشني
وقامت وطاحت ف حظن امها وهي مييته صياح مع امها ..
مهوي ودانو قامو ..*
مهوي وهي تصيح : طول عمرك خبل وذي احلا شي فيك .. (قامت تشاهق) انا انـ..ا انا ماتخيل عيلتنا بدوونك .. ماتخيل اروح بيتكم وماشوفك موجود تلعوزنا .. بتوحشني يالغالي .. نلتقى ف الجنه ان شاءالله*
دانو بصياح : احببك ياخوي الصغيير والله اموووت عليك .. دوم كنت تلعوزي وتينني هههه بس وجودك ف حياتي شي ثااني .. وجودك واايد مهم .. مادري شلون بعيش بدوونك .. اصلن ماقدر*
مريوم جات وهي تشاهق : حمود .. مادري شلون بنعيش بدونك..تعودنا عليك..خلاص صرت شي مهم واايد ف حياتنا ... حمود حمود تكفى لاترووح ..
ونزلت شوي وهمستله : احبك..صدقني مافي حياة من بعدك .. انا خلاص ميته*
وقامت وهي تصييح .. وراحو الشباب يدفنون محمد ...


انــدفــنــت تــحــت الــترآب ..*
و دفـنـت روحـي وقـلـبـي ويـآآكـ..
فـهـمـنـي!..وشـو فـايـدة جـسـد بـلا قـلـبـ{ن} و روحـ{ن} بـداخـلـهـا..~*
احــبــكـ وبــظــل احــبــكـ .. ~*

دفنوه .. خلاص .. تحت التراب .. انتهت حياته ..*
الشباب ماستحملو الموضوع وقعدو يصيحون ......*
الكل يصيح..
ايام العزا كانت ايام بطــيــئــة ....*
مرت اياام حزن ع الكل .... كل مايقعدون ع الفطور .. محد ياكل .. ومالهم خلق شي ..
الكل متغيير ...*
البيوت هاادية .. مافي .. صراخ .. هواش..ضحك .. وناسه .. مافي ...

جا القرنقعووه (القرقيعان) ... بس ماحتفلو فيه ... ولا كنه في شي .. الكل زعلااان وحزييين ع فقدان الغالي محمد ..... الكل مهمووم .. ويتذكر .. ذكريات .. ذكريات ماتغيب عن بالهم .....


كـثـرو مـن الـجـلـسات مع خـلانـكـم وحـبـايـبـكـم..
مـردهـا بـتـصـيـر ذكـريـاآآت ... ~*


انتهى البارت الثالث عشر .. وابي ردود =))*







   

رد مع اقتباس
قديم 28-04-2012, 05:57 AM   رقم المشاركة : 20
معلومات العضو
« ذآت النـَقّـاء »
ممٻڒة

مبدعه

 
الصورة الرمزية ذآت النـَقّـاء
 

 

 
إحصائيات العضو








ذآت النـَقّـاء غير متواجد حالياً

 
إحصائية الترشيح

عدد النقاط : 1559
ذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant futureذآت النـَقّـاء has a brilliant future

 

 

افتراضي إضافة رد: رواية في ناس تدري بغلاها بس تحب تستعبط .. رواية قطرية اجتماعية كوميدية درام

اّّبّّدّّاّّع
حّّقّّيّّقّّيّّ

تّّقّّبّّلّّيّّ
مرّّوّّّرّّي

(جوهرة الامل)

تّّسّّلّّمّّيّّن






التوقيع





يا قلبي نهووره تسلمييين ..~






گمْ هُوَ مؤلِمٌ ؛








أنِگَ لآ تعِرْفُ مَآذِآ بگگَ …






سسِوْىَ أنَگَ || فَآقِدُ لّ ششَيئْ ’






تعِجًزُ عَنْ وصِفِـہُ






-








يــآآهم .. مـآآضـآآق خ ــآآطركــِ من تفـآآصيلي ..َ
[ مشآركـه بمـسآإبقـة مـبـدعـة المـنـتـدى ]

   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

منتديات بنات
الترحيب و الاجتماعيات - دردشة - فضفضة و تجارب - المنتدى الاسلامي - اناقة و موضة - ميك اب و تسريحات - العناية بالشعر - العناية بالبشرة - تزيين العروسة - منتدى الرشاقة - صحة المرأة - قصص وروايات - مسنجر وتوبيكات - كمبيوتر وانترنت - الاعشاب و الطب البديل - الطبخ - وصفات الطبخ - وصفات الحلويات - جاليري الفنون - الاسره - التدبير المنزلي - الاعمال اليدوية - قسم الديكور - صور و اخبار و طرائف - المنتدى الادبي - العاب و مسابقات - المكتبة
سيدات طبخ قمصان فساتين منتدى بنات تسريحات حلويات العناية بالبشرة المراة اسماء بنات العاب بنات كروشيه العاب موقع بنات ستائر قصات شعر 2009 مطابخ الموضة اعمال يدوية الديكور رجيم مطبخ العائلة العاب فلاش صور منتدي منتديات بنات انتريهات صور اطفال ملابس طرائف ميك اب bnaat مفارش الحياة الزوجية لفات طرح محجبات مطبخ منال لانجيري مسكات وصفات اكلات حواء خلفيات ورسائل للجوال حل مشاكل الكمبيوتر والانترنت صور مسنجر

الساعة الآن 04:49 PM.


privacy-policy

Powered by vBulletin Version 4.2.0
Copyright ©2000 - 2019, Jelsoft Enterprises Ltd .