مسموح ياللي ملكت القلب والروح

[بنت الخفجي]

نوف



يا هلا وغلا فيكِ
نورت الصفحة




ولك التكملة

[بنت الخفجي]

الجزء الثالث

أم سعود أخذت موعد من ام عاشق وكان اليوم الاحد الصبح الساعه عشر
أم سعود وهي داخله:السلام عليكم
أم عاشق: وعليكم السلام ورحمه الله وبركاته
ام عاشق: ياهلا غلا بام سعود...........تو ماتبارك البيت ياوخيتي
أم سعود: مبروك باهله .......كيف حالك وكيف العيال والبنات
أم عاشق: بخير ونعمه
وجلسن شوي يتقوهن وأم سعود بتفتح الموضوع
أم سعود: اقول اختي تهاني ..........كيف الجوهرة انشالله بخير.
أم عاشق باستغراب: الحمدلله بخير وتسلم.
ام سعود: والله مادري ايش اقولك يام عاشق.
أم عاشق تفضلي ياوخيتي ولاتستحي.
أم سعود: تعرفين بناخك عماد.........
أم عاشق وكيف ماعرفه هذا ولد الغاليه
أم سعود: قال لابوة انه بيتزوج وشاوروني وقلت مانلقى احسن من بنتنا الجوهرة له.
أم عاشق : هذي الساعه المباركه والله
أم سعود:بس ياوخيتي ودي قبل لاتقولي لها ويصير الموضوع رسمي انه يشوفها .
ام عاشق : حقه وانا خالته( عندنا يمكن النظر دون علم العروس حتى اذا لم يكن هناك نصيب لاتؤذي مشاعرها)
أم سعود: طيب ايش رايك تزوروني الخميس انشالله عقب صلاه العصر انشالله
أم عاشق: صار خير انشالله والله يتمم لهم على خير قولي آآآآآآآمين
أم سعود: آمين.
أم سعود: يلا من رخصتك يام عاشق.
أم عاشق : وين وين تو الناس تغدي عندنا:
أم سعود بضحكه: ههههههههه وفريق كره القدم اللي عندي من يطالعه ........انا اتغانم الصبح محد عندي وآخذ راحتي
أم عاشق : الله يكون ف عونك سلمي على سعاد
ام سعود: ياصل انشالله.
أم سعود طبعا فرحت وخصوصا انها شافت صورة الجوهرة على الجدار وعجبتها مرة وراحت تتصل على عماد على طول

ام عاشق
ام لعيله تعتبر في مجتمعنا نموذجيه
الاب عاقل جدا ويعتبر اولاده اصحابه ماخذ بالمثل اللي يقول اذا كبر ابنك خاويه
وبنتها الكبيره اللي تسير بخطى ثابته لتحقيق كيانها وذاته المستقله وكانت صبورة جدا هذي البنت لانها ساعدت امها على تربيه اخوانها لكنها لسى ماجاها نصيبها وامها بتفكير العجايز خايفه على بنته من كلمه (عانس)
وعاشق : اللي باقي له سنتين ويكمل مشواره التعليمي ويبدا الحياه العمليه وهو انسان هادي لابعد الحدود اصدقائه محدودين ومعروفين ويزورونه في البيت وهاذ اللي مخلي ابوة يكون متريح منهم
والجوهره اللي مثال الرقه في البيت والكل يحبها ويعتبرها صغيره البيت كله

بعد ماوصلت ام سعود لبيتها دقت على عماد..
عماد تو طالع من النادي وشاف الرقم واستغربه لانه مو مخزن رقم عمته: ألووووووووو؟؟
ام سعود:هلا والله بوليدي القاطع ماتعرف تقول لي عمه اقولها الو........
عماد: عمتي مريم؟؟؟؟؟؟؟؟
أم سعود: لا ابو الهول؟؟؟؟؟؟؟؟؟كم عندك عمه ياولد؟؟؟؟؟؟؟
عماد :هههههههه سامحيني عمتي كيف حالك
عمته: الحمدلله ياوليدي ............زين وشلونك وشلون خواتك؟؟؟
عماد : كلهم بخير ويسلمو.........
العمه: وينك ماتزورني ياوليدي.......
عماد تعرفي عمتي وقتي مزحوم على الاخر وماافضى(عماد خلص ثلاث مشاريع تجاريه ويشتغل في اثنين ثانيات )
العمه : الله يعينك ياوليدي لو مايقولي سعود اخبارك ماكنت اعرفها.
أم سعود: اقول عماد .............عاد مافيه............. لازم تزورني.........
عماد : انشالله عمتي اول ماافضى بازورك وحق واجب علي.
ام سعود: لالالالالا يوم الخميس بعد صلاه العصر انشالله تكون عندي.!!!!!!!!!
عماد مستغرب: ليش عمتى الخميس بالذات؟؟؟؟؟؟؟؟؟
ام سعود: عماد.......مااخبرك تهذر واجد ...........تجيني الخميس بدون أسئله.
عماد باستسلام: تامري عمتي الخميس عندك انشالله.
أم سعود: خلاص ياوليدي كلمه اكيده الخميس وانا باتصل فيك يوم الخميس الصبح اذكرك.
عماد خاف: خير عمتي ايش صاير؟؟؟؟؟؟؟؟؟
أم سعود: ماصاير شي ياوليدي لاتخاف.
عماد: أكيد؟؟؟؟؟؟؟؟
ام سعود: أكيد ..........يالله فمان الله ياوليدي.
عماد :فمان الله عمتي.
عماد استغرب من عمته وليش الخميس بالتحديد لكن قال أن الخميس قريب وأن غدا لناظرة قريب.
ويوم الثلاثاء العصر زياد كان قاعد في الحديقه رجع من المسجد وماشاف احد وجلس على الكراسي الخشب اللي في الحديقه وشاف هايدي والخدامه داخلين.
هايدي : السلام عليكم
زياد : وعليكم السلام ..........هلا وغلا هايدي.......سلامات ايش فيك تعبانه.
هايدي: أي والله ضرسي يألمني
زياد: لا الف سلامه ماتشوفي شر ........أوديك المستشفى
هايدي: مالا داعي رحت جارتنا وعطتني دوا قبل ماتدوام.
زياد: مستغرب: ليش جيرانا اطباء؟؟؟؟؟؟؟؟
هايدي: لا بس أم عهود طبيبه اسنان وعطتني مسكن
زياد قلبه بدي يدق بقوة:أي بيت ؟؟؟؟؟؟؟؟؟قال يمكن ابو عهود ثاني هذا؟؟؟؟؟؟؟
هايدي وهي تأشر على بيت عهود: هذا ك البيت اللي كله جبس.
زياد مو مصدق: والله!!!!!!!!!والله رحتي لهم؟؟؟؟؟؟؟؟؟
هايدي مستغربه: ايه ايش فيك رحت يمهم وجيت.
زياد مابغى يفضح عمره: لا .........لا ولاشي!!!
زياد: وليش ام عهود ماعندها اولاد؟؟؟؟؟؟؟
هايدي: مسكينه ماعندها غير عهود.
زياد قلبه وقف....حس انه دايخ(في خاطره):ياقلبي عليها ماعندها الا هالجرح...........ياويل حالي انا
هايدي تشوفه سرحان:هيييييييييييه وتاشر بيدها هييييييييييييييه!!!!!!!!!!!!!!!!
زياد ........أنتبه : ها ويش فيك
هايدي: اللي ماخذ عقلك؟؟؟
زياد: لا سلامتك
هايدي: لكن بيتهم مرة جميل نافورتهم احلى عن نافورتنا كثير.
زياد: واكيد بنتهم الحين دلوعه؟؟؟؟
هايدي: لا حرام عليك تظلمها ..........وربي حليله وطيبونه .......أنا وهي طول بعض( هايدي رغم انها صغيره طويله على والدها)
زياد: لكن اكيد مهي حلوة؟؟؟؟؟؟؟؟
هايدي فهمت انه يبي يعرف شكلها:أي اخوي انت قلتها مهي حلوة بنوب. (هههههههه تشره اوصف لك بنت ............خبله انا)
زياد فتح عيونه: معقوله؟؟
هايدي ضحكت من نيتها: أي ابد مهي حلوة أمها احلى منها كثير.
زياد: غريب ابوها حلو
هايدي اتورطت: تلقاها طلعت على احد من اهلها مهو حلو
زياد : يمكن
هايدي: يمكن............اخوي
زياد: سمي!!
هايدي: سم الله عدوك اخوي .......بغيت اروح انا والدادا لليورومارشيه المغرب
زياد: ليش يعني
هايدي أنحرجت: باجيب شويه أغراض لي وهي بتجيب للبيت(وكانت حبات العرق تنزل على جبينها وهي كذا دايما لمن تنحرج)
زياد فهم: أنشالله خير خلاص روحن وانا فاضي باروح معكم.
قامت هايدي وسلمت وهو ناظر لها ليمن دخلت وقال من خاطرة( الله يرحمك يايماااااااا)
طبعا هايدي من عمرها 10 سنين توفت امها...........وهذا السن الحرجه لاي بنت او ولد.......يعني ماحست بحنان الام ولا بغضبها ولا باي شي وهذا اللي مخليها اكثر وقتها حزينهوماعندها صاحبات فكانت الوحده والحزن ملازمين لها دايم..........وان كانت ماتحب تبين هاذا الشي قدام احد وخلى اللي يشوفها يحسها اكبر من عمرها بكثير
هايدي دخلت وطاحت ع السرير صياح ودخلت عليها المربيه اللي حسبه امها من توفت امها
المربيه: شو هيدا ليش البكي؟؟
هايدي: مافيني شي خليني لحالي
المربيه: شو هيدا اتركك لوحدك مستحيل ( وتمسح على راسها) ليش البكي انا زعلتك بشي ؟؟
هايدي رفعت راسها على طول وبراءه: لاااااااااطبعا
المربيه ابتسمت ولعبت عليها: لا زعلانه مني اكيد اليوم ماحاكيتيني
هايدي :لاوالله يادادا مو زعلانه منك صدقيني.
المربيه بابتسامه: أجل شو مزعلك
هايدي: أتذكرت امي واتمنيتها عندي.
المربيه حضنتها على طول: هي أللي الله كاتبو بيصير يابنتي مالنا الا ندعي لها.
هايدي: أدري بس
المربيه: لابس ولا شي هلأ بدك تستعدي منشان نروح المول خلاص وباشتريلك كل اللي بك ياه وماتستحي مني ابدا انا اللي ربيتك ع إيدي.
هايدي نزلت راسه مستحيه: أنشالله دادا
المربيه طلعت وهايدي تناظرها وقالت: يالله يادادا لو ماكنتي هنا ايش كان بيصير لي؟؟؟
ورفعت يدينها ( الحمدلله رب العالمين على النعمه اللي عندي واللي غير فاقد لها)
كانت طيبه وقنوعه ماتذمرت ولا حزنت وشكرت ربها لانها تدري ان غيرها مو فاقد حنان الام وبس يمكن كان فاقد الاب او حتى ماعندها المكان اللي يسكن فيه وهذي حاجه طيبه في هايدي.

واليوم الخميس موعد أم سعود مع ام عاشق
ومن الصبح ام سعود تتصل في عماد
أم سعود:وراه مايرد هذا على الجوال؟؟؟وتدق مره ثانيه
عماد: نايم ويالله وصل للجوال: .........الو؟؟
ام سعود:الو عماد الله يهداك وراك ماترد على تليفونك؟؟
عماد : نايم عمتي
أم سعود بعصبيه : صليت؟؟؟؟!!!!!!!!!
عماد :لاو الله لين الحين ليش كم الساعه؟؟
ام سعود: الا يامسود الوجه ........قم صل نايم بعد.......مزامير الشيطان على اذانك اليوم ماقمت
عماد عمتي شوي شوي ويناظر للشباك: الساعه كم
ام سعود بعصبيه: 6ونص !!!!!!!
عماد طاح ع السرير : عمتي الشمس ماطلعت للحين وربي هبلتيني
ام سعود: بعد بتنتظر لين تطلع الشمس.........بتغير نظرتي عنك
عماد : خلاص عمتي اسمحي لي باوضي واصلي.
أم سعود: خلاص
عماد .قبل لاتقفل تذكر: الا عمتي انتي ليش داقه؟؟؟؟؟؟؟؟؟
ام سعود : شفت جيت انسى الموعد .
عماد : أي موعد عمتي
ام سعود: (أفاااااااااااااااا) والله نسيت موعد العصراليوم؟؟
عماد: أي والله صادقه ماعليه عمتي تو ماقمت من النوم
ام سعود بعصبيه: أيش نسيت والله لازعل
عماد وهو مو فاهم شي: لا لا عمتي خلاض باكتب ورقه واعلقها عشان ماانساه
ام سعود: سو اللي تبغى المهم لاتنسى
عماد: خلاص فالك خير انشالله
ام سعود: مع السلامه
ام سعود: مع السلامه.
وقام يتغسل وياخذ دوش عشان يصلي وهو مستغرب من اصرار عمته الغريب على زياره لهم اليوم ولاااااااااا بعد صلاه العصر؟؟
ويوم جت الساعه 4 الا شوي كان بالسياره متجه لبيت عمته ويأذن المذن نزل يم مسجد عمته ووضأ ودخل يصلي وهو طالع صادف سعود ولد عمته
سعود يسلم على ولد خاله:هلا والله وينك من فتره مو شايفك.
عماد: الله يسلمك تدري مشاغل هالدنيا ........عاد الواحد مايدري كيف ياصل اهله.
سعود: وانت الصادق .......اقول ايش عندك تحوم حولنا اليوم؟؟؟؟؟؟؟؟عسى ماشر...
عماد يناظر له باستغراب: الوالده ماقالت لك؟؟
سعود لا والله ماقالت لي
عماد:من الاسبوع اللي فات وهي تركز على اليوم لازم ازوركم وبعد صلاه العصر بعد
سعود مستعجب:غريبه والله......ايش تبغى منك؟؟
عماد : مااااااااادري
سعود:يالله مشينا
عماد: وسيارتي
سعود: يارجال خل ( راجا ) يوصلها للبيت والله المشي يرد الروح
عماد : وانت قلتها
وقعدو يمشوب يم البيت وهم يسولفون ويتذكرون ايام زمان ومابقى عن البيت الا كم متر ومرت سياره بجنبهم (بنز فخمه)لونها اسود ودخلت يم بيت سعود.....
سعود يناظر لعماد: مين جاينا اليوم؟؟؟
عماد: علمي علمك...
ودخلو مع البوابه الرئيسيه والسياره وقت قدام الدرج اللي يودي لداخل البيت ونزلن منها حرمتين وع طول سعود نزل راسه لانه خجول مرة
وعماد يطالعه: مين هذولا؟؟؟؟؟؟؟؟؟
ماكمل كلامه الا وحده جايه صوبه
............:هلا والله بعماد ماتسلم وماتقول لي خاله اشتاق لها.
عماد ع طول عرفها:وراح حب على راسها هلا والله بخالتي شلونك وكيف حالك
أم عاشق: بخير وعافيه ياولدي ....تناظر لسعود.......أنت اكيد سعود.......كيف حالك ياولدي انشالله بخير
سعود ناظر وهو مستحي: الحمدلله خالتي بخير وعافيه.
أم عاشق: سعود وين امك؟؟
سعود: داخل حياكي خالتي
(كل هذا والجوهره تراقب الموقف وهي واقفه عند السياره ماراحت يمهم ومستحيه ومن سلمت امها على عماد مارفعت عينها عليه وتقول في خاطرها: ماشالله عليه كبر وصار رجال من كم سنه ماشفته تغير مرة....ولا بعد مملوح مثل خالتي الله يرحمها.)
عماد من جهته : مين اللي مع خالتي صديقه لها ولا بنتها ولا مين؟؟
هنا طلعت ام سعود من البيت وتناظروشافت الموقف : الحمدلله سهلو على المهمه كثير
أم سعود : هلا والله بام عاشق وهلا (بصوت عالي)بالجوهره بنتي حياكي حبيبتي ليش مادخلتي
عماد: ماشالله هذي الجوهرة صارت مره
وهنا مشت الجوهرة وكانت لابسه عباه راس مخصرة وشافها عماد وهي دخلت بدون ماتناظرولحقتها ام عاشق
وأم سعود تقول لسعود: حيي بولد خالك خليه يقلط بالمشب وقهوه
والمشب (بيت من الشعر مبطن من الداخل وثلاث ارباع بيوت السعوديه عندهم وغيره مجلس داخل البيت ومقلط)
ودخلن الحريم البيت اللي كان على اليمين مجلس رجال وجنبه مقلط والمطبخ متصلات بابواب ودرج لغرف النوم ويسار الصاله حقت الحريم كبيره وغرفه طعام
ودخلت ام السعود: وي يام عاشق وراك ماتريحتي للحين اتفضليوانتي يالجوهره اتفضلي وجلستها على كنبه مقابل شباك المطبخ تمام
وقهوتهن وقالت : عن اذنك ام عاشق دقايق وراجعه
وهي طالعه شافت بنتها نازله: وين سعاد خلك فوق
سعاد مستغربه: منو عندنا
الام وهي مستعجله: خلك فوق لين ماارسل لك الخدامه
سعاد : طلعت وهي تتحرطم :شفيها امي من جاينا الحين يعني؟؟
وداخل ام عاشق تكلم بنتها: أقول الجوهره.
الجوهره : هلا يما
الام : حبيبتي لا ترمين طرحتك (شيلتك)
الجوهرة باستغراب: ليش يعني؟؟
الام...ماحبت تبين لبنتها لانه يمكن مايجي نصيب:انتي تعرفين البيت مليان شباب ممكن احدهم يدخل فجأه
الجوهرة : ان شالله يما

[القـناص_20]

يعطيج الف عافية بنووتة الخفجي

<< طيب عشاني كملي القصة وربي دشيت وياها وياليت تنزلينها مررة وحدة

لاني ما احب القصة اذا جت اجززززاء

وانتي براحتج خيتووو

<< حبيت زيااد عشان انة هلالي بس هع

تحياتي لج وونتظر الباقي حجيـــــــــــة هع

دمتي بود

[بنت الخفجي]

الجزء الرابع

في بيت ام سعود دخلت على الأولاد بالمشب
أم سعود: يامرحبا الف ومرحبا هيل عد السيل ياولدي
عماد : ماتغيرين هاللغه
سعود: والله لغه الابهاويين مافي احلى منها
عماد : وانت الصادق
ام سعود: اقول عماد تعال شوي
عماد : ابشري عمتي
سعود: وانا وين رحت؟؟؟؟؟؟
ام سعود: انت اقعد الحين يرجع لك عماد
سعود بجد: يماااا في شي صاير شي؟؟
ام سعود: لا مافي شي خلك هنا مرتاح ولاتجيني شوي ويجيك عماد
سعود وكل علامات الاستغراب بوجهه:خلاص خلاص
ومسكت ام سعود عماد من يديه وخذته من باب المجلس على القلط على الباب اللي يودي للمطبخ كلها متصله ببعض
وهي داخله المطبخ : عماد اوصصصص
عماد مستغرب حس انه يسوي جريمه:....وبهمس: ليييييش؟؟؟
ام سعود ماردت :زاحت ستاره المطبخ وقالت :أيش رايك؟؟
عماد : يناظر لعمته راي بايش؟؟
ام سعود تأشر ع الشباك ناظر وبس؟؟
وهنا عماد ناظر.....حس ان قلبه بيوقف كانت الجوهرة تلاعب حمودي ولد ام سعودوتشيله وتحطه على ركبتها
ام سعود: خلاص وخر.
عماد : ....................
أم سعود: عماد.......عماد
عماد : ................
ام سعود وخرته بالقوة : ماينفع معاك
عماد: عمتي ايش هالملاك؟؟
ام سعود: أيش رايك اعجبتك؟؟
عماد:اكيد عمتي مرة مرة
ام سعود بفرح: يعني نخطبها لك انشالله
عماد : طبعا عمتي.هذا مايبي له كلام
ام سعود: الحمدلله ياربي ومبروك عليك انشالله.......أنت روح الديوانيه .
عماد: خليني شوي
أم سعود: لا والله هذا اللي باقي يلا روح بسرعه ودفعته وهو يترجاها وتربست باب المطبخ بالمفتاح حتى مايرجع
عماد دخل على سعود وجلس
سعود: عماد ......هااااااااا ايش صار
عماد:.........................
سعود: عماد؟؟؟؟؟؟؟؟؟؟؟؟
عماد: ......................
سعود يعلي صوته: عماااااااااااد عمووووووووووودي وبصريخ عمااااااااااااااااااااااد
عماد: هااااااا ايش فيك جرحت طبله اذني
سعود: لا ولاشي اجرب صوتي بس
عماد بصدق: جرب صوتك على غيري مو علي.
سعود: هيه انت صدقت اقول من صباح الله خير ايش فيك موراد على ولا حتى معطيني وجهه
عماد وهو سرحان: شفت لي شوفه
سعود: بسم الله عليك ايش شفت؟؟
عماد وبعده هيمان: شوفه خير مو شر
سعود :يلا صدق احاكيك ايش شفت
عماد انتبه على حاله: هااااااا لا ماشفت شي
سعود: عمود تراك جننتني
عماد: لا ياخوي مو شي بس كنت انظر النظره الشرعيه لبنت باخطبها انشالله
سعود بزعل وقرب على عماد: انت صاحي تناظر لاختي
عماد بضحك: لو مافي الكون غير اختك مااخطبها
سعود :عااااااااااااادي اخبرك ماتريدها وهي ماتواطنك بعيشه الله
عماد: بس والله جميله لو هي هاديه بس
سعود وبعدين مااسمح لك اختي هاذ
عماد : خلاص كنت اشوف بنت خالتي لكن ايش بنت الا قمر
سعود: هيه بس هاذي اكبر منك
عماد : لا ياخوي هذي الجوهرة
سعود ماشالله خبري بها صغيره لكن الشوق آآآآآآآآآآآه
عماد: ليش آآآآآه
سعود: ماتذكرها جمالها مو صاحي
عماد: الا والله وانت الصادق سبحان رب خلقها
سعود: تصدق مجود اخوي بغى ينجن يوم جانا لابها
عماد: صدق ليش عااااااد
سعود: انهبل على الشوق وكل شوي يذكرها تو مانساها شكله حب بطفولته
الكل :هههههههههههههههههه
سعود: الا كيف الجوهره تشبهها
عماد وهو يعطيه كف خفيف انت صاحي اوصف لك مرتي
سعود: وبعد صارت مرتك بعد
عماد : انشالله
سعود: خلاص خلاص الله يبارك لك الحين
عماد: آآآآآآمين
وبمجلس الحريم
أم سعود: اقول الجوهرة تري سعاد صاحيه اذا بتطلعين لها
الجوهرة ياريت خالتي...وخذت حمودي وطلعوا
ام عاشق: ها ياويختي ايش صار
ام سعود: ماصار غير الخير انشالله.........انتي شاوري ابو عاشق والبنات واحنا من يرجع ابو عماد نحدد لكم يوم نزوركم فيه
ام عاشق: الحمدلله رب العالمين
الجوهره دخلت على سعاد
الجوهره : السلام عليكم
سعاد: هلا وغلا والله ولوت عليها تحبها
الجوهرة : كيفك وايش اخبارك
سعاد: الحمدلله تمام ........بس الدراسه أأأأأأأأأأأأخ قرف
الجوهرة تضحك : ههههههههههههههههه ليش
سعاد: دكاترتنا يرفعون الضغط.............
الجوهرة ليش ايش سوو لك؟؟؟؟؟؟؟؟؟؟؟؟
سعاد: يكثرون الكلام وكل شي يبونا نكتبه والطامه الكبرى الاكتحان ربعه من الكتاب والمقرر والباقي من اللي قالوة بالحصص...............
الجوهرة: وانتي الصادقه يعني اللي مو مصحصحه معهم من اول السنه بتضيع.............
سعاد: لا مو تضيع لكن تلخذ مواد وهي طالعه
الجوهرة: فال الله ولافالك
سعاد:هههههههههههههههههههههه
وتمن يسولفن لين روحوا
وثاني يوم العصر ( الجمعه)
كان زياد جالس يم باب السياره وهي فاتحه وقاعد يدندن اغنيه بالوقت اللي عهود وخدامتها رايحين السوبر ماركت وطبعا الا يمرون من الرصيف اللي قدام بيت ابو عماد
عهود ماشيه ومو منتبه للسياره ان فيها احد وفجأه سمعت صوت دندنه ولمى قربوا شاقت رجلين واحد لاكنها كملت ماالتفت وزياد ماانتبه الا وهي معديه زياد قلبه قاله انها هي وقف وطالع الخدامه وهي معديه وعرف انها عهود...........خلى السياره مفتوحه وكأن احد يسحبه لحق عهود للسوبر ماركت
عهود لمى دخلت: سلام عليكم عم حمدي( بائع بالسوبر ماركت كبيرالسن)
حمدي: اهلا وسهلا يابنتي ازيك وايه اخبارك
عهود: الحمدلله
حمدي:اتفضلي المحل كلو تحت أمرك
عهود: تسلم الله يخليك عم حمدي
ودخلت عهود ..........وزياد دخل وتم يطالعها لين ماشافها وكانت رافعه عن عيونها:
زياد: ماشالله عيونها خضر وساع وحلوات هالعيون لازم صاحبتهن تكون حلوة.........اجل كيف تقول هايدي مو حلوات؟؟

اخذ زياد عصير وقعد يشربه برا وحس عليهن بيطلعن راح السياره عند بيتهم وظل واقف وهن شوي ومرن من جنبه زياد قعد يطالعهن وقلبه قايد نار لاشعوريا (مسك صدام السياره ورفعه شوي وبعدين لمى راحت قوته نزل الصدام وبتنهيده حااااااااره)

عهود لاحظت اللي سواه واستغربت : اشفيه هذا مهو صاحي؟؟
زياد في خاطره:آآآه يانار الشوق اللي فيني......متى اتخرج بس واتوظف ........واعرس ياربي متى؟؟
وهنا طلع اخوة عماد:السلام عليكم
زياد: وعليكم السلام والرحمه
عماد: ايش فيك ياخوي عسى ماشر؟؟
زياد: لا ماشر ياخوك بس مرهق شوي
عماد: ادخل طيب وارتاح شوي ماله داعي الوقوف هناك
زياد بخاطرة: وين ارتاح والجرح مر:مافي شي الحين ادخل ياخوك
ودخلو مع بعض
زياد طار على غرفته ومسك جواله ودق
قبل حتى كلمه الو
زياد: باموووووووووووووووت ..........الحقي على شاكر
شاكر كان مسترخي على التلفزيون ومن سمع هالكلام فز قايم : زياد .....سلامات ايش صاير ......مسوي حادث وينك انت؟؟؟؟؟؟؟؟؟؟
زياد انتبه انه خرع صاحبه : ههههههههههههههههههههه فهمتني غلط...............
شاكر مهو مستوعب: زياد انت طيب؟؟؟؟؟؟؟؟؟؟؟؟؟
زياد : الحمدلله واقف على حيلي..............
شاكر طاح على الكنبه وتراخي كل جسمه : يارجال قلبي وقف................
زياد: ماتشوف شر يالحبيب؟؟؟؟
شاكر: علامك علي تو..................خليتني مثل المهبول...............
زياد وبتنهيده حاره : آآآآآآآآآآآآآآآآه................ويش اقولك؟؟؟؟؟؟؟؟؟؟؟
شاكر استوعب : أهااااااااااااااااااا..............دام فيها آآآآآآآآآآآه .................اكيد فيها شوق ولوعه وخوف بعد
زياد : والله يالغالي باموت.............ان ماتكلمت بيصير فيني شي...............
شاكر : ياخوك تعال عندي وسولف...........
زياد : انت تعرف اني استحي بيتكم كله بنات...........
شاكر : ومن قالك انا بنقعد بالبيت .............بتجلس معاي بالملحق ..........
زياد خلاص دقايق وانا عندك..........
شاكر : وانا باسوي احلى كابتشينو..........
في بيت ابو عهود نفس التوقيت مادخل عماد وزياد
عهود دخلت على ابوها وامها بالصاله
عهود: السلام عليكم
الاب والام: وعليكم السلامه
عهود: شلونكم يبا يما انشالله بخير
الاب: الحمدلله بنيتي بخير وعافيه
الام: الا وين كنتي
عهود: رحت السوبر ماركت اشتري شوي اغراض
الام: ليش عنك شي؟؟
عهود: أي يما عازمه صديقاتي وقلت اجيب كيكه ومكسرات واشياء ثانيه
الام: الله يهداك كان قلت لي اساعدك
عهود: ومن قال اني باسويها انا بس باقطعها
الاب: احم احم يعني انا مطرود
عهود: اذا مافيها كلافه عليك
الاب: لا عادي باروح النادي
الام: بسم الله عليك ابو عهود اليوم جمعه.........
الاب يستدرك: ايو الله صادقه اشلون الجين
الام: ايش رايك نروح الحديقه وبعدين نتعشى برا تراه راي سنع
عهود: والله فكرة وحنا بنطلب عشى من برا
الاب : صار ام عهود نصلي المغرب ونطلع وانتي يابنتي اذا احتجتي شي دقي على
عهود: انشالله يبا.

في بيت شاكر
وصل زياد ودخل مع باب الملحق
عماد : ياعرب ..........ياهوووووووووو
شاكر من داخل: ادخل ادخل...........اللي يسمعك يقول الدار كلها حريم........
عماد : السلام عليكم .............مادري عنك يمكن وحده من بنات خالك تكون هنا..........
شاكروهو واقف يسوي الكابتشينو : وعليكم السلام...............انا قلت لهم انك جاي وراحن............ولا هن ميتات يلعبن على البلايستيشن..........لان اخوانهن يطرودهن
زياد : والله انك قلبك عليهن............
شاكر: طبعا مو اخواتي
زياد: والله مادري ويش كنت بتسوي لو انهم مو اخواتك بالرضاعه...........
شاكر : قول الحمدلله..................كنت من الحيا يمكن ارجع لحايل..............
زياد : على طريا حايل ............بتزورني ياها لك نهار
شاكر : صار انشالله...............الخميس اللي جاي نروح...........
زياد : بس مو برد عندكم؟؟؟؟؟؟؟؟؟؟؟؟
شاكر: الا البرد جانا من شهر هنا كمان شهر ويجيكم البرد هههههههههههههههههههه
زياد :وبناتها كيف؟؟؟؟؟؟؟؟؟؟؟؟؟
شاكروهو يجلسه ويقدمه له كوبه: ان جيت للحق...............الجمال عندنا مكوم...............لكن ماتشره عليه وانا اخوك.........
زياد بضيق : وليه عاااااااااد؟؟؟؟؟؟؟؟؟؟؟
شاكر بضحكه : لانك ...............خلاص قلبك عطيته وكاله شرعيه للي شغلته........
زياد ويناظر تحت بحزن: ياويل حالي انا ..............ويحط ايديه على قلبه............احس انه بيوقف بس من طرياها اجل كيف لا شافها
شاكر وبحركه كوميديه يحط يده على قلب خويه : ايه .............تربق تربق.............قلبك عنده حاله طوارئ............المستشفى ياناس............
زياد يدزه بضيق : والله حرام عليك..........
شاكر: ياناس ...........اموووووووووووت باللي يستحون انا...............
زياد بعصبيه : تراك ترفع ضغطي بها السواه................حشى تقول ولد يغازل له بنت........؟؟؟؟؟؟؟؟؟؟؟
شاكر: هههههههههههههههههههه .....................ترى اللي يشوفك يقول تقل بنت .............يغازلها ولد.......ههههههههههههههههااااااااااااي........... ...ويمسك بطنه من شكل عماد المنحرج
زياد ويقوم خلاص انا ابغى اروح
شاكر يقوم وبجديه : يابن الحلال ................خلاص عنك الزعل طردناه...................واحنا نبي نوسع صدرك وانت تضيقه ............ويقعده .........يلا تكلم ...............فضفض
زياد وقعد : آآآآآىىه .....ويش اقول .....وايش اخلي.............لين شفتها قلبي يوقف عن النبض..............واحس الدنيا تدور فيني..............وتجيني قوة رهيبه.....................واحس اني ابس اكلمها............بس يوقف لساني عن الحركه...............ولين اختفت............اقعد الوم بحالي ليش مااتكلم وليش وليش...........
شاكر ويحاول يكون جد وهو يبغى يفرط من الضحك: طيب ليش ماتكلمها ............تحاول تشرح لها؟؟؟؟؟؟؟؟؟؟
زياد كيف اكلمها عيب................
شاكر: دامها بنت خالك ولا قريبتك عادي سولف معاها(في الشمال عند بعض العائلات ماتغطى البنت عن ولد العم او الخال ويعتبر بحسبه الاخ لها )وشاكر من هالعائلات
زياد يطالعه لان بعايلتهم البنت تغطى عنه ولاتكلم معاه: هيه انت اشلون تقول هالكلام...........
شاكر: ليش عااااااادي.............
زياد : بنت عمي ...........اسولف معاها؟؟؟؟؟؟؟؟؟؟
شاكر : ايش فيك الله يهداك.............عادي لين سولفت معاها ؟؟؟؟؟؟؟؟؟؟؟
زياد : انتم عندكم عادي؟؟؟؟؟؟؟؟؟؟؟
شاكر: انا بنات عمي وخالاتي وبناتهم كلنا في بيوت تحيط فيها سور واحد ومن حنا صغار مع بعض .............حتى الحين مع بعض ولا يتغطن عنا واخواتي مايتغطن عن عيالهم.........بالعكس اكثر ايامنا مع بعض ............والسهرات والطلعات والتخييم مع بعض.............
زياد وبغرابه: يعني لو جتك بنت خالك اللي عمرها عشرين مثلا ..............وقعدت عندك ماتكون متغطيه؟؟؟؟؟؟؟؟؟
شاكر : ههههههههههههههههه انا اجيهم واسهر عندهم لين وحده بالليل عادي بس يكون لافت الطرح على روسهن.............اما الكبيرات اللي عمرهن 23 او اكثر حتى طرح مايلبسن معتبراتني اخوهن الصغير ..........
زياد بغيره : ياحظك................ول عندنا نعولهن تسبق لسانهن لو دخلت عليهن فجأه............الا غير اقح ويروح صوتي ليمن يسمحوا لي بالدخول............
شاكر : ههههههههههااااااااااي.................ترا عندنا الناس على الفطره وقلوبهم نظيفه..............اما عندكم ياساتر..............
زياد : والله................وليش ياساتر...............
شارك وحب يوريه : طالع الخبر هذا ................وش يقول
زياد يقراة............كان الخبر عن طفل في السابعه خطف من قبل مجموعه شباب ووجد مرميا في مكان مهجور وهو في المستشفى بين الحياه والموت.........(حقيقه)
زياد : ياساتر..............ايش هذا
شاكر :لحظه بعد شوي ............ومسك جريده ثانيه وفتحها على صفحه ووراها زياد
خبر يقول فتاه في التاسعه عشر من عمرها اختطفت واعتدى عليها ووجدت مقتوله(حقيقه ومصورة بالبلوتوث)
زياد : يارب سترك...............وين حنا عايشين ,..........شيكاغو؟؟؟؟؟؟؟؟؟؟
شاكر وبحسرة : للاسف بالرياض................وتلوم على الناس يوم تشدد................ياشيخ الناس عندكم ماعادت مثل اول ..........انا حتى يوم اروح لهلي افكر يمكن عندنا وحوش مثل اللي عندكم..............بس اذكر الله واقول نسبه الحوادث عندنا اقل ...........وكل مارحنا للشمال النسبه تقل (حقيقه كل ماتعمقنا داخل الشمال ............سكاكا..........عرعر.............القريا ت ...........نسب الحوادث والسرقات تقل..........وكل مادخلنا بالمدن تزيد)
زياد : ايش اللي يخلي المدن اكثر؟؟؟؟؟؟؟؟؟؟؟؟
شاكر : بجد مادري...........يمكن هذا ضريبه التمدن والحضاره..............يمكن الناس قلوبهم قست؟؟؟؟؟؟؟؟؟؟؟ويمكن ان الشمال فيه بداوة للحين ويخلي الرجال عندهم شهامه ونخوه اكثر من اهل المدينه اللي نستهم السنين والماديه والحياه كثير من الصفات اللي تجري بعروقه.............ويمكن ان الشمال بعد كم سنه بيصر كوبي عن هالمدن ..............سبحان الله
زياد : لا اله الالله
شاكر يحاول يغير الموضوع : ها ماقلت لي عن غلاتك ويش اخبارها؟؟؟؟؟؟؟؟؟؟؟؟؟
زياد وهو متكدر من الكلام اللي من قبل : أي غلاه..............دخيلك مالي نفس اسمع شي ...............وشغل زياد التلفزيون وقعدوا يطالعوه ليمن اذن المغرب وتوضوا وراحوا للصلاه

في بيت ابو عهود
وصلى الاب والام صلاه المغرب وطلعو ا لسهرتهم وعهود انتظرت نص ساعه ولا صديقاتها جايات
دخلن منال وهند: السلام عليكن
عهود وهي تحبهن: وعليكم السلام ورحمه الله وبركاته ..........هلا وغلا بالقاطعات اللي لهن سنه مازارني!!!
هند وهي تحبها: حرام عليكي شهر ماكملنا يالظالمه.
عهود: وشهر تشوفنه شويه!!!!!!!!
منال: خلاص عاد اعذرينا
هند: من يعتذر مسموح لو كان غلطان.................وشلون لاصرتي تساوين عينه
عهود: خلاص خلاص دام الشاعره نطقت عذركم مقبول
عهود وتمد ايدها للصالون: اتفضلن ليش واقفات
منال: وين خلينا بغرفتك احسن........اخاف الوالد يمر ولاشي
عهود: لاتخافن الدار امان حبيباتي الوالد والوالده طلعوا يجددوا ايام الخطوبه بروحهم
الكل : هههههههههههههههههههه
هند: اكيد كنتي كابسه على نفسهم
عهود تضربها بالمركى الصغير: حرام عليك.
هند: ماشالله بينكم حلو مرة اول مرة اتفرج عليه براحه.
عهود: لكن خساره ساكنه انا لحالي فيه
هند: ايه صدق ليش مالك اخوة واخوات
منال تنغز هند: ماعليك منها عهود تمزح.
عهود: لا مافيها شي عادي انا سألت امي مرة عن هالسالفه
منال وهند باهتمام ..........ها ويش قالت؟؟؟؟؟؟؟؟
عهود: قالت انها يوم تزوجت ابوي صغيرة وتدرس وحملت فيني فجأه بدون تخطيط وتعبت مرة فيني ولان دراسه الطب صعبه وطويله اتفقت مع ابوي انها تاخذ مانع وتمت ست سنين وبعدها تركته لكن ماحملت وراحو الطبيب قال مافي أي موانع وهذي كتبه رب العالمين
هند: الحمدلله على كل شي
منال : الله يرزقا انشالله
هند: يااارب
عهود تغير الموضوع: يلا عاد خلن نجيب الكيكه
منال وهي في المطبخ : شرايكم بنات نجلس بالحديقه
هند: واو احلى كثير خصوصا ان البرد خف
وطلعن برا
منال : عهود انتي اللي سويتي الكيكه
عهود: عاااااااااد احتريي اني انا اللي سويتها بصدق.
منال: الله يخلي لك عمو حمدي
عهود : وانتي الصادقه كان اضيع بدونه
الكل : ههههههههههههههههههههه
وتمن سوالف وضحك

زياد توه واصل البيت...........وماله خلق يدخل جلس بالحديقه وشاف انوار حديقه بيت ابو عهود مضويه والسياره مو هنيا استغرب.............وجاله فضول يرسل بلوتوث.............دور وشوي حصل بلوتوث حلو ارسله (لزهره الياسمين)
وفي اللحظه عهو د جاها البلوتوث اللي رنته وصلت لمسامع زياد وابتسم مايدري ليش
عهود وهي تفتح: مين اللي بيذكرنا الحين
منال وهند يطالعن: اهاااااااااااااا كمشناكي
عهود : ايش فيكن
منال : ايه الرقم الغريب دا يابنتي
هند: ماعرفش يامامي اسألي خالتو
عهود: مالت عليكن حتى المصريين يستعرو من كلامك
هند: لا صدق احاكيك من الرقم هذا
عهود: مادري كذا مرة يرسل لي بلوتوث
والبلوتوث كان قلب كبير بداخله ( لو الشمس تنسى المغيب .......ماانساك ابد)على خلفيه موسيقى هاديه
هند: لكن البلوتوث رهيييييييييب مرة
عهود: ؟؟؟؟؟؟؟؟؟؟؟؟؟؟؟؟
هند: يعني فيه ناس غزلنجيين هنا
عهود: هو هالرقم اللي انا مااهتم فيه اصلا
هند: لييييش حرام يكسر الخاطر
عهود بعصبيه: هنووووووووود ويش ورا راسك؟؟؟
هند: هههههههههه أمزح امزح وربي عقدتي نونتك على يماااااا انا اخاف من ظلي
وزياد زي مااتوقع انها تطنشه .........ابتسم ودخل داخل
والبنات هناك تمن يسولفن وتجاهلن الرقم وبعد الساعه 11 بشوي روحن بيوتهن

ثاني يوم ( السبت) في بيت ام عاشق
على الغدى
ام عاشق: اقول الجوهرة لاتروحي غرفتك بعد الغدى ابيك شوي
الشوق : خير يما صاير شي
الام: سلامتك ياعمري بس في خطيب جاي لاختك وباشاورها قبل ماارد عليهم
ابو عاشق وعاشق: نننننننننننننعم؟؟؟؟؟؟؟؟؟؟؟
الام: بسم الله ايش فيكم بغيت اغص وتكح
الشوق بسرعه تعطي امها الما بسم الله عليك..........وتناظر لهم .......شوي شوي عليها
ابو عاشق: ياسيده المنزل اليس من الواجب اخباري بهذا الموضوع
الام: تكلمت زين اول..........انا ماقلت بارد عليهم طوالي باشاور البنت اذا وافقت باقولك طبعا
عاشق: ياسلام وانا مالي شور
الام: الا ياولدي الشور كله لك
والكل ناظر في الجوهرة اللي ساكته ماقالت شي
الشوق:ياناس يهبلون اللي يستحيون
الجوهرة: مو مستحيه ولاشي وبعصبيه مو موافقه من الحين
الكل باستغراب: لييييييش
الجوهرة قامت: من دون ليش مو موافقه وخلاص!!!!!!!
وطلعت لغرفتها
الام قالت انتو كملوا غداكم وانا باشوفها
ولحقتها الام ولقتها تصيح
ام عاشق: ايش فيك يابنتي ليش رافضه انك تتزوجي بشكل عام.........احد مكلمك احد قايل لك شي
الجوهرة وهي تجلس مقابل امها: لا يايما لكن ماابي اتزوج وبس
الام: اقنعيني وانا معاك على طول
الجوهرة : لاتحرجيني يما
الام: حلفت غير تقولي ليش
الجوهرة : كيف تبيني اتزوج و..........الشوق بعدها!!!!!!!!
الام: الحين هاذا اللي مخليك تصيحين والله طيحتي قلبي على بالي شي كايد
الجوهرة : وليه مشاعر اختي شويه
الام: لا ياعمري اختك مشاعرها اهم شي لكن اختك متعلمه وومثقفه وفاهمه ان هالامور قسمه ونصيب دايما وان مافيها شي لو تزوجتي قبلها
الجوهرة اكيد يما
وهنا دخلت عليهم الشوق: اكيد ياعمرى اللي يسمعك يقول اني معقده ولا متخلفه ياعمري صدقيني فرحي من فرحك واذا جا النصيب بيكتب رب العالمين
وراحت حضنت اختها وهي تقولها: مبروك ياعمري
الجوهرة تذكرت شي: صحيح يما مين اللي متقدم
الشوق والام:ههههههههههههههههههه
الجوهرة استحت: يما صدق احاكيك
الام:عماد ولد خالتك الله يرحمها
الجوهرة استحت وفرحت بنفس الوقت
الام قالت يلا انشالله الاسبوع الجاي بيخطبون....وكأنها تساسرهم (طبعا بعد رضا وزاره الخارجيه ومعاونه)
البنات :ههههههههههههههههههههههه


وجا يوم الثلاثاء

اللي وصل فيه ابوعماد من السفر ونزل ودخل وارتاح والعصر كان عند عياله
ابو عماد: ماشالله ياولدي بتخطب وتصير رجال
عماد يعني انه مستحي: الشور شورك يبا
ابو عماد: والله البنت اللي اختارتها ام سعود زينه البنات وماعليها قصور
عماد: هاااااا يبا متى بتخطب؟؟؟؟؟؟؟؟؟؟؟
الاب: هههههههههههه ليش مستعجل اصبر على عمرك شوي
عماد زاد حيا:يباااااااا انا اقول ملكه احسن!!!
الاب: ولللللللللللل مرة وحده ملكه اصبر للخميس الجاي
عماد فتح عيونه: ايش الخميس...........واستحى.........بكرة الخطبه والاثنين الملكه
الاب يصير خير انشالله لكن ليش الاثنين
عماد: لاني احب هاليوم مرة
الاب : على بركه الله وهنا أذن المذن وقاموا للصلاه
ويوم رجع عماد راح يدور على هايدي
عماد: هاااااااااايدي وينك
هايدي: انا فوق تعال لي
ودخل لقاها على النت
عماد : هااااااا شقاعده تسوين
هايدي :بالمنتديات ايش اسوي يعني واحمل اغاني بعد
عماد انتي ماتملين
هايدي : رجعنا على طير يلي...........احمد ربك لا ادخل شات ولا مواقع غلط كلها منتديات واغاني والعاب
عماد ....فتح عيونه: ول 13 سنه وتعرف الشات
هايدي: ايوا عيوني وتراني مو صغيره ...........لكن اقول بدري ع الشات خل يصير عمري 20 سنه وبااشوفه
عماد ...بتهديد: ان دريت انك تفتحين الشات
هايدي تقطع عليه: هيه انت شايفني خبله ولا مدمغه افتح الشات لا اخوي ادري ان هالشي مهو زين ولو مو انت تشوفني ربي يشوفني
عماد ابتسم ومسح ع راس اخته:ماشالله عليك اختي ويتمم لك على خير انشالله
هايدي: ولا يحرمني منك يارب..........الا صحيح انت ليش جاي؟؟
عماد ذكرتيني : جهزي حالك بنروح نخطب لي انشالله بكره
هايدي ......بصريخ والله قول الصدق؟؟؟؟
عماد: لا امزح هههههههههه هالسالفه مافيه مزح حبيبتي
هايدي وهي تحضن اخوها: مبروك الف مبروك
عماد : شوي شوي باطيح
وتمت تضحك عليه بدخله زياد
زياد: اشفيكم ايش صاير
هايدي: تعال احضن اخوك بالقوة
زياد ماكذب خبر: راح التوى على اخوة ليما طاحوا الثنين ع السرير
عماد وهو يتأوه : حرام عليكم كسرتو ضلوعي
زياد وهو يتعدل من الطيحه: ها هايدي حضنته ايش فيه بعد؟؟؟؟؟؟؟
هايدي: اخوك بيعرس
زياد فتح عيونه: صدق؟؟؟؟؟؟؟؟؟؟
عماد: أي وربي بكرة باخطب
زياد وقف وصفن شوي
عماد قعد: هيه ايش فيك؟؟؟؟؟؟؟؟؟
زياد: حتى انا باخطب!!!!!!!!
كلهم :هههههههههههههههههه حتى ابوهم اللي واقف وراهم
وكلهم انبهو واستحوا
الاب:ههههههههه ماشالله بتخطب زياد
زياد صار مثل الليمونه
الاب : هههههههههه لازم تخطب مو بعدك جاهل هههههههههههههه
زياد انحرج: خلاص يبا
الاب: انت خلص الثانويه والجامعه وانا بخطب لك
زياد يحسب على يده: ولللللللللل 5 سنين باقي يالله اخطب
الكل انفجر ضحك : ههههههههههههههههههههههههههههههههههههههههههه
عماد : يامسكين العمر قدامك ههههههههههههه
هايدي: انا باعرف ليش مستعجلين ع الزواج؟؟؟؟؟؟؟؟؟؟
الكل سكت واستحى
الاب: يابنتي اكبري وبتعرفين ان الزواج سنه الكون
زياد : ايوا ........صح يبااااااااا...........بغيتك بموضوع مهم؟؟؟؟؟؟؟؟؟؟؟
الكل قعد يناظر له باهتمام........؟؟؟؟؟؟؟؟؟؟؟؟؟؟؟؟؟؟؟

[بنت الخفجي]

الجزء الخامس

زياد يناظر للكل لانهم انتبهو له: ايش فيكم ماراح اجرم.........
عماد : خير ايش بغيت ........شكلك قلقان؟؟؟؟؟؟؟؟؟
زياد يناظر لابوه: اقول يبا ............طلبتك لا تردني..........
الاب يطالع لزياد بحذر: على حسب الطلب............
زياد وهو خايف يرفض ابوة: خويي شاكر بيروح لحايل بكرة وعزمني امشي معه.........
الاب : بس؟؟؟؟؟؟؟؟؟؟؟
زياد يطالع : بس ..............
الاب : ههههههههههههههههه اللي يشوف شكلك بيقول انك بتعترف انك شراب دخان..............ياولدي عادي هماهو صديقك اللي يزورك هنا دايم؟؟؟؟؟؟؟؟؟؟؟؟
زياد : الا
الاب: خلاص روح معاه .............واتصل علينا صار
زياد والفرحه ماليه قلبه : صار يااحسن ابو في الدنيا
الكل: ههههههههههههههههههههههههه
هايدي: والله انك ورع يازياد............
زياد ويضربه على راسه : ورع فعينك ههههههههههههههه
واتصل زياد بشاكر وخبره ان اهله موافقين وقاله شاكر بكرة الساعه سبع الصبح يمر عليه وطنشو دوام الاربعا الشباب
اليوم الاربعاء
الساعه 7 الصبح
زياد واقف على الباب ويالله يفتح عيونه من كثر النعاس..........وماسك بيده ثوب ابيض وشماغ وشنطه صغيره بها فرشاه ومعجون وبدله رياضيه وملابس داخليه احتياط يعني
وقفت سياره الاجره عند الباب وطلع شاكر من السياره
شاكر : يلا زياد تأخرنا............ويناظر للملابس...............يابن الحلال ليش ماحطيتهن بشنطه
ويناظر زياد : وانت ليش ماجيت بسيارتك؟؟؟؟؟؟؟؟؟؟؟
شاكر :لاني حجزت بالنقل الجماعي اسرع واريح ..........ونزل وفتح الدبه وفتح شنطته وبسرعه حط شماغ وثوب زياد بطريقه مرتبه وقفلها وحط شنطه زياد وشده بسرعه للسياره وهو يقول ....بسرعه بيروح علينا الكرنك(الباص)
وطلعوا بسرعه وفعلا كان بيمشي عنهم الباص ........وظلوا ساعتين ونص بالباص وضيف شاكر زياد على فطور سفري وجاب له شاي وكان كريم معاه وليمن اقبلوا على حايل
شاكر : اقول زياد ارفع الستاره............
زياد كان توه قعد من غفوة ...........: خير ويناظر ..............شاف جبل ..........زياد عادي هذا جبل..........
شاكر: هذا اللي يسمونه أجا.............وشوي بيطلع جبل سلمى وبعدها بتشوف اول مدينه حايل...........زياد حس بالاثاره لانه ماعمره اصلا شافها
زياد : صحيح..............الا هي كيف شكلها كبيره صغيره؟؟؟؟؟؟؟؟؟
شاكر: لاتخاف الرياض اكبر منها ...........بس بتشوف فيها خضار كثير
ودخل النقل المدينه
زياد يناظر لها على انها مدينه حلوة بينما شاكر يوريه مبني الصحافه اللي من معالم المدينه والمتحف الاقليمي وحاجات مثل كذا(يعذروني اهل حايل مازرتها غير مرتين وهذا اللي اعرفه عنها )
ووصل زياد وشاكر لشارع رئيسي وقت النقل
نزل شاكر وهو يلتفت
شاكر: حماد...............هيه
زياد : وين من تنادي؟؟؟؟؟؟؟؟؟؟؟؟
شاكر : ولد خالي حماد
وجاهم ولد كبير باواخر العشرينات وفيه لمحه من شاكر ولو ان شاكر افتح منه بشره
حماد : السلام عليكم.........
شاكر وهو يحبه على طريقت اهل حايل : هلا والله ...........بالسند والغالي
حماد : ارحبن به ...........بديرته وعشيرتيه............يابعد حيي اركبن خل نمشي
شاكر: وين وين .............ماودك تسلم على خويي.........
حماد : انا ولد ابوي ...........يالفشله...........ماخبرتن انك معك عشير (خوي)
شاكر: خليتها لكم مفاجأه..............
حماد وهو يسلم على زياد بعفويه : ارحبن به.............حايل يابعد حيي ترحبن بك .............وتهلي .........
زياد ارتبك ع الاخر مايعرف يسلم مثلهم كان سلامهم الواحد يوقف مقابل الثاني واليدين على الكتوف ويقربو بدون مايحبه وعلى اليسار نفس الحكايه وكثير من كلامه مو مستوعبه : المهلي مايولي...........هو كان وده يصافحه بس .........لكن اهل الكرم على نياتهم ...........وطيبتهم.
وخذ حماد الشنط وحطهن بالسياره اللي هي تويوتا موديل سنتها غمارتين..........وزياد عمره ماركبها ههههههههههههه
شاكر وهو يرحب فيه حياك تفضل ..............
زياد استغرب ان فيه بحوض السياره جراكل كبيره مره مليانه مي وقدور كبيره مره يعني تبع ذبايح ودبات غاز؟؟؟؟؟؟
زياد يهمس باذن شاكر : اقول ............ويش ذا كله؟؟؟؟؟؟؟؟؟
شاكر ابتسم وقال اركب بس حياك.............وحلف على زياد الا يركب قدام مو ورا وشاكر ورا............وكان الجو ربيع في حايل والزرع والعشب لونه اخضر ...........وهو مايعرف طرق حايل لكنه استغرب انهم كأنهم تركوا البلد وراهم ...............وشاف لوحه مكتوب عليها بقاء كذا كيلو متر
زياد يلتفت لشاكر ومنخرع : شاكر ................ويش السالفه؟؟؟؟؟؟؟؟؟؟؟
حماد يرد عليه : لاتخاف بعد حيي..............العربان خيمت برا هالاسبوع.............ورحيمي قالي عنك ..........قات وعيباه انا حماد ولد ابوي.............ماارحبن بضيف رحيمي ............بس ماقلت للاهل ..........خبرتن انك بتيجي من روحك...........
هنا شاكر نقع من الضحك...............عارف ان زياد اكثر الكلام ماكول عنده وصاير مثل الاطرش بالزفه وشوي ليمن راحت الضحكه ومسح دموعه .........:يقولك يازياد انا مخيمين هالاسبوع ورا بقعا وبتكون ضيفي هناك ويقولك انه ماهان عليه رحيمه اللي هو انا الا يرحب به وبيك
زياد : ولللللللللللللل................كل هذا قاله..........
هنا شاكر ماتحمل ............ومسك جنب السياره وهو فاقع ضحك .................
وشوي سمع كلام من مكان التسجيل اللي بالسياره وشاف حماد يضغط زر ومسك شي زي اللي يمسكوة رجال الشرطه يوم يبلغوا عن الحوادث وشاف حماد يتكلم من الميكرفون انا الحين نجي
زياد ياشر على الجهاز: ويش ذا؟؟؟؟؟؟؟؟؟؟؟؟؟
شاكر ماسك الضحكه: هذا الله يسلمك جهاز استقبال نخبر بعضنا وين حنا فيه.............
زياد : الكل يستخدمه؟؟؟؟؟؟؟؟؟؟؟
شاكر: اللي يطلعون للتخييم يركبونه والبدو دايم على سيارتهم
زياد:وبدون شي يتكلم معهوم؟؟؟؟؟؟؟؟؟؟؟
شاكر: جهاز لاسلكي وهم الحين على بعد ساعه زفلت ونص ساعه صحراوي........
زياد : بنمشي صحراوي بعد؟؟؟؟؟؟؟؟؟؟؟
شاكر: ولا ليش ماجبت سيارتي معي يعني؟؟؟؟؟؟؟؟؟؟
ظلوا حوالي ساعه ونص يعني وصلوا المخيم 11 الا ربع
كان الجو غيم ودافي ............وكانت المخيمات في مكان نفوذ رمال ناعمه يعني
كانت في ثلاث خيام واسطين عند بهض على شكل مثلث ومحوطه بشراع عرف زياد ان هاذي خيام الحريم وعلى بعد كام متر فيه خيمه كبيره مشرعه يعني مهي مقفوله مثل الباقيات وشاف قدامها كوم حطي ونار مشبوبه ودلال عرف ان هذا مكان الردال خصوصا ان في ثمان سيارات مابين جيوب ودداسن وصالون كلها محوطه الخيمه هذيك فعرف انها اكيد للرجال
طبعا مايحتاج تعرفون شعور زياد ........مرتبك وحالته حاله وكانه اول مره يشوف ناس سعودين
وقفت السياره ونزلوا وراحوا للرجال اللي من شافوا السياره مشوا يمها وطلعوا عن الخيام ومن نزلوا استسمح منهم حماد وودى السياره يم الحريم

جاهم رجال كبير له لحيه طويله اللي يشوفه يعرف انه مطوع
............:ارحبن وهلن............بقعدتي وشيخي...........وجا يم شاكر
شاكر: ياهلا والله بالحلا والدار ..........يالله تحيه ابوي وتاجي..........وقعد يحب ابوه على راسه وبعده يده ونزل لمستوى رجله وابوه يقومه استغفر الله ياوليدي
زياد كان متأثر مره ...........صح يحب ابوه اكثر شي على راسه ونادرا على يده ولا مره على رجله..........وحس ان شاكر دايما يسلم على ابوة كذا
ابو شاكر : ارحبن بالضيف............ياهلا والله...............يالله ان تحيه...........وسلم على زياد اللي لاشعوريا حب على راس ابو شارك
يارجال حيو بضيفك
واحد من الشباب بسرعه راح لسيارته وخذ كليشن واطلقن عيارين بالهوا والرجال يحيوة والبنات يصرخن من الخوف
زياد : بسم الله ..........ليش سوا كذا صاحبكم
شاكر وهو مايخفي ابتسامته: تراحيب بك يالحبيب ...........على كثر مااغيب ماعمره حيوني برصاص
زياد: وي..............لي ................اقول الله يرحمني برحمته لايصير فيني بلا قبل مااوصل اهلي.........احس قلبي وقف تو
شاكر بس يضحك من الصبح.............
وهنا جا رجال كثيرة وشباب يسلمون وكان شاكر يترجم لزياد وهو ناقع من الضحك على زياد
ويوم خلصوا سلام لاحظ ان مجموعه من الرجال مشو
زياد وين راحوا الرجال؟؟؟؟؟؟؟؟؟
شاكر: لاتخاف هذاك هم.............
التفت زياد ولا الرجال واقفين عند حاشي واحد منهم متحزم بشبريه والباقين رافعين ثيابهم على خصورهم وغترهم على شكل عمايم لافينها على راسهم دليل على الشغل ةالجهد
شوي ولا صاحب الشبريه طلع شبريته وسم بالله وكبر ونحر الحاشي
زياد منخرع : الحق...........الحق...........ذبحوه ...........دبحوه
شاكر منخرع : مين .......ويش ........ايش وشاف على وين ياشر زياد وزاد ضحك على ضحكه والرجال كلهم قاموا يضحكو...........
زياد استحى
شاكر: لاتضحكوا عليه .......ماعمره شاف احد يذبح...........
ابو شاكر: والله ياولد داريين.....اعذرن واسمح لن .............
زياد : مسموحين ............
ابو شاكر:قال لهم تفضلوا ...............
زياد يهمس باذن شاكر: انا .........اذا وصلت البيت وانا سليم معافى............تبشر بسعدك..........(الاخ ميت خوف )
لا تسألوا عن حال شاكر يحس مو قادر يتنسم من الضحك والادهى انه ساكت محترم الشيبان اللي عنده
ودخلوا الخيمه وشاف زياد عجوز كبيره بالعمر جالسه قريب من النارو معاها مركاد ومتعصبه ولابسه مدرقه سود...........وعلى وجهها تحت شفايفها بالنص خط اخضر ناعم لتحت وعلى جوانبه نقط كبيره..........وعلىجبتها بمفرق الحجتين بالضبط نفس الخط على شكل هلال نازل لتحت وطاله منه خيوط كأنها اشعه الشمس باللون الاخضر.(هذا يسمى وشام )...........يوم شافها شاكر ..............راح لها
شاكر: السلام ياجدتي............وشعلومن ...............عساك طيبن؟؟؟؟؟؟؟؟؟؟؟قالها وهو يحب على راسها
العجوز: بخير .............من انت من ولد؟؟؟؟؟؟؟؟؟؟؟؟
شاكر: انا شاكر............ولد منيرومشعان................ماعرفتن؟؟؟؟؟؟؟؟؟
العجوز: الا عرفتن..................ارحبن بوليد الغالي..............وتضربه بالمركاد برفق............وين انت............ماشفتن من شهور.................
شاكر بضحكه: ادور لك ياجدتي شايب...............بس كلهم شاردين
العجوز تضحك: الله يغربلن ..........شياطينك.............ماتبطلن اللقافه ياولد منيره .........هااااااااااااااا
شاكر انتبه لزياد : اقول ياجدتي ............خويي جاين يسلم..............
شاكر يناظر لزياد : هذي جدتي ام ابوي مشعان
العجوز وهي تناظر .: ارحبن به..............اقرب ياوليدي...............
وجا زياد وهو منحرج وسلم عليها وحب على راسه........: كيف حالك ياجده
العجوز وهي تناظر له مستغربه: يامرحبا به.............وتناظر لشاكر ..............منهو من عربه .............ياوليدي
شاكر: من قوم العربان الفلانيه
العجوز: يامرحبن بهم من اولهم لتاليهم
وقعدوا الرجال يحيون في زياد وكلهم محتفين به على الاخر وجابن الحريم تمر وزبده
شاكر وهو يتلذذ بها كأنه من زمان ماكلها:سم يازياد ...........ليش ماتاكل؟؟؟؟؟؟؟؟؟؟؟؟
زياد ماعمره بحياته شاف زبده الغنم : لا مشكور عليك بالصحه والعافيه............(الاخ خايف منها هههههه)
شاكر : يارجال ..............جربها والله بحياتك ماراح تندم..............
زياد : يابن الحلال عليك بالعافيه ...........ولاقدر يحطها باثمه
ابو شاكر: اقول ياولد ..............لاتغصبن عشيرك على شين ...........مايقدر عليه...............
وهنا صوت عليهم واحد من الرجال :ياشباب الهمه الهمه..............وكانوا يبون يجزرون الحاشي ويقطعونه وكل الرجال قامت .............واستسمحوا من زياد اللي خلوا عنده شاكر
زياد : اقول شاكر وين راحوا الرجال؟؟؟؟؟؟؟؟؟؟؟؟
شاكر وحاول يرفع ضغط زياد ويخوفه: راحوا يسوو جريمه مخيفه...............راحوا يسوون مصيبه ..........وبصوت مخيف ........ياهاهاها..............
ام مشعان : لاتصدقن ياوليد............الرجال بيسلخون الحاشي ويجون...............
زياد زاغن عيونه : أييييييش؟؟؟؟؟؟؟؟؟؟؟؟
شاكر خلاص اليوم بينزل كم كيلوا من الضحك بس: ههههههههاااااااااااااااااااااااااااااااايييييييييي يي
يابن الحلا حرام عليك...............البنت ماتسوي سواتك........؟؟؟؟؟؟؟؟؟؟؟؟
زياد : اقول اسكت عني..........انا مادري وش اللي خلاني اقبل هالجيه من اصلها
شاكر: ههههههههههههاااااااااااااااااي..............ي ارجال بطني تعورني بعد...............خلاص اسكت
زياد : انا احسن لي اتصل على ابوي اطمنه على ...........ويلمس جيبه ............ولا مالقى جواله...........شاكر شكلي نسيت جوالي بالسياره..............
شاكر :لحظه لعاد باروح اجيبه
ام مشعان : ساندني ياول ..............ابغن اروح اشوف العيال (الرجال)
وطلع شاكر وهو يساند جدته وراح للسياره وكانت ورا خيمه الرجال ..........سمع صوت ينادي
..........:يابنا ت........يايمه...........شاكر هنا تعالوا
الفضول شد زياد يوايق مع فتحه الخيمه اللي كانت جنبه.........شاف حريم كثيره مرره ثلاث حوامل والباقي بنات ويمكن ثلاث حريم كبار ميزهن بمدارقهن ...........كلهم جوا حبوة على راسه واستغرب زياد من هالشي وشوي شاكر يدور بالسياره
شاكر: اقول حماد............
حماد: سم يابعد حيي............
شاكر: جوال خويي بالسياره ماشفته؟؟؟؟؟؟؟؟؟
حماد : لاوالله ماشفته
وحده من البنات ردت : وغربالي...........شاكر يابعد حيي .............هاذن مو جوالك؟؟؟؟؟؟؟؟؟؟
شاكر: لاوالله...........جوال رفيقي..........
البنت: يافضيحتن..............كلمتن رفيقتن بجوال الرجال..............
شاكر: هههههههههههههههههه.............تستاهلين ...........هلي خلاك تاخذين جوال مهو بلك مين؟؟؟؟؟؟؟؟؟
البنت : شفت الجوال قلت ............جوال حماد ولا جوالكن............مافكرت بغيركن..........وانا جوالي مافيه رصيد
شاكر: هههههههههههههههههه خلاص صار خير انا اقوله
حماد يقرص اذنها من فوق الطرحه: جزاك الطوشه للبيت الحين.............مار البيت محد حوله............يلا طسي جوا...........
وراحت البنت وهي تبي تصيح
دخل شاكر: السموحه الحبيب........البنات مكلمات به .........يحسبنه جوالي..........
زياد لانه مافرقت معاه: لا عادي اخوي...........ماشالله كل ذولا اخواتك؟؟؟؟؟؟؟؟؟؟
شاكر: ههههههههههاي..........اليوم بتذبحنى بالضحك.............لو ذولا كلهم اخواتي كان مت..........
زياد : اجل منهم؟؟؟؟؟؟؟؟؟؟؟
شاكر: شوف يالحبيب...........ثلاث اخواتي وكلهن متزوجات لاني قعده البيت..........زوالباقي مابين بنات خالي ابو حماد وبنات عمامي وخمس بنات خال امي
زياد : ماشالله كل ذولا سلمن عليك؟؟؟؟؟؟؟؟؟؟؟؟
شاكر: ايش فيك هماانا خبرتك ان محد يتغطى عن أحد.................
زياد : وليش يحبنك على راسك؟؟؟؟؟؟؟؟؟
شاكر بنص عين : وانت ويش دراك؟؟؟؟؟؟؟؟؟
زياد وهو مرتبك : ها.........ا...........أ...........أنا لمحتهن مع الفتحه
شاكر: لانه كل ولد كبير وخط شارب يحبنه البنات كبار وصغار على راسه ...........عندنا عيب حبه الخد لو للاخو................والابو ............يعني اللهم ماند ر
( عند بعض العائلات توجد هذه الظاهره)
زياد :سبحان الله............ ومن كل هالبنات مالقيت وحده خشت قلبك؟؟؟؟؟؟؟؟؟؟؟
شاكر: ....................................
وهنا وقفت سياره كانت صالون وموديل سنته
شاكر من شاف السياره زفر زفره حاره
جو الشيبان وهم مغيرين ملابس الشغل اللي كانت عليهم وحيوا باللي دخل وسلموا عليه وجلسوا يتقوهو ..........والولد اللي جا جلس قبال ابو شاكر
ابو شاكر: وكيف الدوام معاك ياقهد!!!!!!!!!
فهد: بخير وعافيه ياعمي الله يسلمك...........ويناظر لشاكر: كيفك ياشاكر انشالله بخير؟؟؟؟؟؟؟؟
شاكر وبدون نفس : بخير وعافيه الله يسلمك
فهد يناظر لخويه : والاخو انشالله انبسطت؟؟؟؟؟؟؟؟؟؟
زياد : الحمدلله انبسطت...........وبصوت واطي .......خصوصا الرصاص اللهم ياكافي........
هنا شاكر ابتسم
الولد مبين عليه طيب ويبتسم للكل ويتودد لهم ...........هالشي خلا زياد يستغرب ليش مايدانيه؟؟؟؟؟؟؟؟
فهد: اسمحوا لي بروح اسلم على امي والبنات...........
الكل: تفضل ..........دربك
وهنا شاكر قعد يتمتم بكلام مو اضح اللي سمعه زياد: الله يجعلك تنكسر قبل ماتاصل.............يعل العقرب تلسعك وماتخليك.............يعل البين يجك...............حسبي الله عليك...........ومن هالكلام
زياد فتح عيونه : ايش بلاه هذا يدعي عليه ............تقول سارق حلال ابوه: شاكر علامك ............ويش فيك الله يهداك...........
شاكر ناظره نظره غريبه خوفت زياد: مالك شغل...............زين؟؟؟؟؟؟؟؟؟؟؟؟؟
زياد سكت وحز بخاطره
وشوي سمع التحيا من الحريم فيه والبنات يضحكن عليه غير لمى صرخ رجال كبير انك ياحريم اسكتن يالله سكتن............ولكن الكل فرحان فيه
مرت ساعه طويله على زياد تمنى انه معاه سياره يروح فيها: ياحليك يازياد تروح من حالك..........والله غير تضيع بين هالجبال والرمال...........وتاكلك الذيابه والضبعان...........بلشه ماعندهم لوحات ارشاديه هههههههههههه
شاكر كان متكدر على الاخر خصوصا ان فهد اخذ اكثر من نص ساعه عند الحريم ...............بعدين راح الصالون وخذ اكياس تمر وفواكه وخضرة ونزلهن عند الحريم وفيه بنات يساعدنه.........وزياد لاحظ انه شاكر بينفجر من الغيظ على فهد................خصوصا انه وقف عند السياره شوي يطلع الاغراض وكانت عنده بنت وحده لابسه دراعه على درجات البني والبيج ومتغطيه لان الرجال يشوفو ا الحريم وهن جايات ورايحات ...........وشكلهم يتكلمون مع بعض...............استغرب زياد من شاكر اللي دايما يضحك ويسولف؟؟؟؟؟؟؟؟؟؟؟الحين الغيظ ينطق من وجهه بدون مايتكلم...........
وراح ابو شاكر واذن..............وصلوا الرجال جماعه
وشوي على الساعه 2 كان الغدى جاهز وهو لحم الحاشي اللي قبل شوي...............زياد كان متكدر اصلا من شاكر ........وبعدين مستحيل ياكل لحم الحاشي اللي شافه ينذبح قدام عيونه
ابو حماد : ارحبوا يالله حيهم على كيس الله ثم المعازيب...........
زياد : ابقاك الله...............وسموا واكل زياد من اللي موجود لكن ماقرب للحاشي ابد.........
حماد : انا ولد ابوي..............يالنشمي وراك ماتسمي وتاكل..............
زياد : الحمدلله هذا انا قاعد اكل...............لكن لحم البل اعذروني........أنا مااكله ابد.................(مو من قلب بس مايتحمل ههههههههههههه)
وتغدوا الرجال وراحوا يقيلوا ............وزياد شاف شاكر قام .............ظل هو قاعد لحاله ...........شوي دخل عليه فهد
فهد: وراك يالنشمي قاعد بروحك؟؟؟؟؟؟؟؟؟؟؟؟؟
زياد : مادري عن خويي ........مشى وخلاني...............
فهد: تفضل معاي انا بالتمشى شوي ..............حياك
زياد كان فعلا زهقان من حاله: يالله توكلنا.............
فهد وهو يمشي: ماتعرفنا بالاخ...........
زياد: انا زياد ولد محمد الفلاني...............اخر سنه ثانويه عامه.........من اهل الرياض..........
فهد متفاجئ: انت ولد السفير ؟؟؟؟؟؟؟؟؟؟؟؟؟
زياد: سابقا ............وبابتسامه ايوا انا هو...........
فهد بحراره: والله حياك ............الفخر لنا انك صاحب خوينا (يقصد شاكر)
زياد اتفاجئ بطيبته: طيب ماتعرفت بك؟؟؟؟؟؟؟؟؟
فهد: انا فهد........خريج جامعه الملك فهد للبترول......ومتوظف بارامكو
زياد : ماشالله اللي يشوفك يقول صغير..........
فهد بضحكه : يارجال.......طوفنا الست وعشرين من زمان.............ههههههههههههههههه
زياد فعلا اتفاجئ..............طيب انت توك تاصل...........
فهد: أي والله توني واصل وبارجع بكره انشالل...............
زياد الله يعينك..........وهنا شافوا بنات من ورا الحزم راجعات واستحى فهد يوم شافهن
فهد: اسمح لي زياد شوي..........
زياد : مسموح
فهد راح للبنات وقالهن يلفن ويجن مع المكان الثاني وبها الوقت زياد شاف شاكر مستند على صخره كبيره وراح له
زياد : السلام عليكم............
شاكر: عليكم السلام ........بدون نفس..........
زياد: ممكن يخبرني الجميل .................شو مالوا؟؟؟؟؟؟؟؟؟؟؟؟؟؟؟
شاكر ....................................
زياد: أفااااااااااااا...............هذا وانا صاحبك اللي غاثك بهمومي..............مستكثر علي اني اشيل شوي من همومك.............
شاكر بعد سكوت طويل : ............ماااااااااااااااااااااااااااااااااا... ...........أدانيه
زياد بتلقائيه: فهد؟؟؟؟؟؟؟؟؟؟؟؟؟؟؟؟
شاكر: أي نعم..............
زياد: لازم يكون في سبب؟؟؟؟؟؟؟؟؟؟؟؟؟؟؟؟؟
شاكر: ..................................
زياد : شوف ................أنك ماتدانيه والسلام مايصير.............الولد طيب وقمه بالاخلاق................
شاكر: ادري..................مااااااااااااااا............ .......ادانيه................
زياد: لازم تقول السبب؟؟؟؟؟؟؟؟؟؟؟؟؟؟؟؟؟؟
شاكر: لانه بيعرس قريب.....................
زياد: طيب الف مبروووووك..................انت ايش خصك...................وسكت شوي...................لايكون؟؟؟؟؟؟؟؟؟؟؟؟؟؟؟؟؟ ؟؟؟
شاكر سكت وحزن اكثر......................
زياد: لا ياشيخ؟؟؟؟؟؟؟؟؟؟؟؟؟؟؟؟؟؟؟؟؟؟
شاكر : وبيملكون بعد مايرجع من الحج هو وأهله...................
زياد وهو يواسيه: الله يصبرك ياخوي......................
شاكر: من دريت انه خطبها بغيت اموت................ليش ياربي اصغر منه بكثير ...................كيف يفكر لها اصلا...................هو تصلح له وحده فوق العشرين.................مالقى غير مها.............
زياد : ليه هي كم عمرها.................
شاكر: اصغر مني بثلاث سنين...............
زياد متفاجئ: معقوله........................16سنه بس...............
شاكر: هاذا اللي ذابحني..................اشوف فيها الخير والحب..............ويجي يخطبها حضرته على البارد المستريح..................
زياد: انت لمحت للبنت شي؟؟؟؟؟؟؟؟؟؟؟؟؟
شاكر بكل استنكار: لاوالله...............هاذا اللي باقي...............تبغى اهلنا يذبحونا..............
زياد: ولييييييييش..................كان لمحت لها.................
شاكر: مستحيل .........حنى ماتربينا على هالسوالف ............وهي خلاص بدت تحبه وتعلق فيه.............انت ماشفت كيف يسولفوا عند السياره قبل شوي...............ويناظر ف البنات اللي واقفات عند فهد ويضحكن ويعلقن..........وتشوفها الحين كيف تناظر له...................احس اني باموت................
زياد : طيب ليه هو مافكر بوحده اكبرمنها؟؟؟؟؟؟؟؟؟؟
شاكر يفكر :..................وبعد ابتسامه.............ههههههههههه.................تد ري توني انتبه ان اكثر بناتنا الكبار متزوجات.............
زياد : واللـــــــــــــــــــــــــــه؟؟؟؟؟؟؟؟؟؟؟؟؟؟؟؟؟؟ ؟
شاكر وبجديه: حنا للاسف في عوايلنا البنت من تصير بالثانويه يجوها الخطاب وتتزوج وبعضهن اللي تبقى للكليه نادرا مايجيها عريس لانهم يعتبرونها كبيره وعنست..............للاسف............اخواتي في العشرين واولادهم بدو يدخلوا المدرسه تصدق(واقع)
زياد يربت على كتفه بحنيه : وتلوم فهد الحين............؟؟؟؟؟؟؟؟؟؟؟؟؟؟؟؟؟
شاكر: لا انا ماالومه.....................ويأشر باصبعه على قلبه................أنا الوم هالمضغه اللي هنا..........مهي براحمتني ليمن ارجع الرياض.................
زياد سكت وتذكر: صح انا زعلان عليك مااكلمك.............ودار وجهه غاد عنه
شاكر يحب على ظهر زياد : لا الزعل ممنوع ولا ترا اخليهم يحيوك بكم طلق الحين...............
زياد: لا انا داخل بعرضك..............لا زعلان ولاشي ..............حبيبي شكوركله ولا الرصاص........اهلي محتاجيني..............
وراحوا للاهل في الخيام وكانوا لسى ماقاموا لصلاه العصر..............فهد عزم على زياد وشاكر بناموا فسيارته لكن رفضوا...........وظلوا صاحيين لين ماذن المطوع وقاموا للصلاه