البارت الثاني
في الجامعة
فجر راحت على محاضرتها الي متأخرة عليها
فجر دخلت القاعة
فجر:اسفة دكتور تأخرت
دكتور خالد:كلعادة دايما متأخرة
فجر:اسفة ممكن ادخل
دكتور خالد:تفضلي
فجر:شكرا دكتور
صعدت الدرجات الين ماوصلت لاخر القاعة وعيون الجميع عليها من جمالها الي يشتت الانتباه وقعدت في اخر الكراسي
قعدت وهي تناظر دكتورها الي معجبة فيه وبجماله واناقته ماشالت عينها من عليه
قطعت عليها حبل افكارها البنت الي قاعدة جمبها
البنت:لو سمحتي ممكن تعطيني قلم من عندك
فجر:اي تفضلي (مدت لها القلم)
البنت اخذته:شكرا
فجر:عفوا
**
دكتور خالد:عمره 25 سنة،طويل وجسمه حلو شعره اسود وعينه كذلك سود،يحترم الجميع ويحب يساعد الناس، له سنتين يدرس في الجامعة،والبنات خاقين عليه لان وسيم وطبعا فجر تحبه ومعجبة فيه .
**
في الشركـــة
السكرتير:الوالد طالبك على مكتبه
وليد:خبره بأني مشغول
السكرتير:بس طال عمرك يبيك ضروري
وليد:خلاص قله الي قلتلك عليه وخلاص
السكرتير:على امرك
وليد:تفضل على مكتبك
السكرتير طلع من مكتب وليد
**
ضاري:من صجك
فارس:اي هي قالت تبي رقمك
ضاري:لا اكيد تمزح
فارس:ليش امزح
ضاري:مو انت كلة جدي تمزح وياي في القصص
فارس:تحبها شكلك
ضاري:ليش احبها انت جفتها كلها تركيب
فارس:يحقلك تقول جدي مو البنات خاقين عليك
ضاري:اسكت بس دابحيني يبون رقمي
فارس:مو كأنك زودتها شوي
ضاري:تغار
فارس:على شنو
ضاري:جمالي
فارس:الله والجمال مهند احلى منك
ضاري:لا عرفت الحين انك تغار
فارس:قلت لك مااغار
ضاري:لا تغار اعرفك فروس
فارس:يااخي حل عنا اروح مكتبي احسن لي
ضاري:زعلت
فارس:لا
فارس قام وهو مسوي روحه معصب وزعلان وراح مكتبه وهو فاطس من الضحك
**
فارس:عمره 23 سنة،طويل ومعضل شعره اسود وعيونه كذلك سود شفايفه فراولية وخشمه سلة سيف،طيب ودايما يمزح مع ضاري اصدقاء في الشغل وبرا الشغل ودايما مع بعض وحياتهم عايشينها بسعادة.
**
فجر:انتهت المحاضرة ماكان ودي تنتهي احس هذي المحاضرة بالذات قصيرة
شوق:لا احسها طويلة
فجر:هذا رايش بس رايي غير
شوق:مو هذا حبيب القلب اكيد بيصير الوقت معاه قصير
فجر:اتمنى يوقف الوقت لما اكون معاه احبه احبه
شوق:درينا انج تحبينه بس روحي اعترفي له بحبج
فجر:خايفة
شوق:من شنو
فجر:انه يرفض حبي له ويقول لي انتي مجرد طالبة عندي لا اكثر ولا اقل
شوق:بس اجوف يهتم فيج وخصوصا لما تتأخرين يدخلج مع انه مايدخل اي طالب متأخر
فجر:تصدقين ودي اعرف ليش بذات انا الوحيدة الي يدخلها
شوق:مو بس انتي الوحيدة الي تبي تعرف كل الطلاب يبون يعرفون
فجر:تهقين شنو السبب
شوق:يمكن يعزج او انتي من طلابه المتميزين
فجر:بس في طلاب غيري متميزين ليش انا ودي اعرف السبب
شوق:روحي سأليه
فجر:من صجش
شوق:اي شفيها مو انتي بتموتين تبين تعرفين السبب
فجر:كلشي بوقته حلو
**
شوق:عمرها 22سنة،شكلها:طويلة وجسمها حلو شعرها بني غامق وعيونها سود شفايفها بلون التوتي وخشمها سلة سيف،صديقت فجر من يوم كانوا صغار،تحب فجر وفجر تحبها واهي اعز صديقة لها ويدرسون مثل التخصص هذا كان حلمهم انهم يدرسون مثل التخصص ويدرسون مع بعض بنفس الجامعة.
**
فواز:لا ابوي مهددني مااسبب مشاكل وانت تبيني اروح معاك لالا
فهد:من متى تسمع كلام ابوك
فواز:تصدق مادري خخخ بس خايف ياخذ سيارتي العزيزة
فهد:وانت كلة خايف على سيارتك
فواز:اي حبيبتي هذي مافي احلى منها
فهد:اقول فواز
فواز:ها
فهد:هذي البنت من طلعنا من المحاضرة وهي لاحقتك تعرفها
فواز التفت على البنت
فواز:لا ماعرفها وبعدين عادي مو اول بنت تلاحقني
فهد:ضبط لي وحدة حلوة
فواز:ادري ذوقك مو حلو في البنات من جدي طلبت مني اضبط لك
فهد:يعني الحين ذوقك الي حلو
فواز:طبعا
فهد:اكا البنت جاية لك
فواز:وليه فهود تفاهم وياها
فهد:فهود اصغر عيالك وعناد فيك مابوخرها عنك
فواز:بس لو مو انت رفيجي جان دفنتك في الارض
فهد:فيك خير سوها
فواز:شكلك تبي تموت
فهد:لا شكرا عساك تموت قبلي
فواز:لا بدبحك انا اليوم
البنت جت لعند فواز
البنت:فواز ممكن اكلمك في موضوع
فواز:من وين تعرفيني علشان اكلمج وشلون عرفتي اسمي
البنت:ومن مايعرفك
فواز:اسف مااكلم بنات
فهد:علينا فوازو
فواز راح عنهم وهو معصب
**
فهد:عمره 22،طول فواز وشعره دايما سبايكي لون شعره بني غامق وعيونه بنية غامقة شفايفه حادة بلون الفراولي وخشمه سلة سيف،دايما مع فواز وكلة المشاكل يسونها مع بعض مايتخله عن فواز ابدا ودايما معاه.
**
في غرفة الاجتماع
ابو وليد:انتهى الاجتماع
الكل قام بيطلع
ابو وليد:وليد بغيتك
وليد:عندي شغل أجل كلشي لبعدين في البيت
الكل طلع من غرفة الاجتماع
ابو وليد بغضب:ليش تتجاهلين مو انا ابوك مو المفروض تحترمني
وليد:مو مكان مناسب نتكلم فيه
وليد طلع من الغرفة مهموم مو قادر ينسى الي سواه ابوه يتمنى ان ماصار الي صار
**
انتهى البارت
الاسئلة؟
شنو بتكون ردة فعل ابو وليد من تصرف وليد؟
وشنو الموضوع الي يبي يكلمه فيه؟
وهل فجر راح تسأل دكتور خالد؟