البارت السادس
قعد نواف على الكنبة الي في الصالة
وفتح كتبه وبدأ يذاكر
وهو يفرفر في الصفحات انجرحت ايده وطلع دم
بس ماهتم ورجع يذاكر
دخلت نوف ولقته في الصالة ويذاكر
حطت الاكياس الي فيدها على الارض
قعدت على الكنبة جمبه
وفتحت التلفزيون
نواف:هي انتي ماتجوفيني اذاكر
نوف التفتت عليه وجافت يده منجرحة
نوف:يدك منجرحة
التفتت نواف على يده بس ابد ماهمه
نوف قامت وراحت غرفها وجابت علبة الاسعافات الاولية
وقعدت جمبه مرة ثانية
نوف:عطني يدك
نواف مارد عليها وماعطها يده
نوف:ليش انت عنيد
نواف:مثل مانتي عنيدة انا عنيد
نوف:انا بشنو عندت
نواف:لما قلت لج لا تعبثين معاه لان واحد قذر وحقير
نوف:انا مو مننوع الي يستسلم
نوف سحبت يده ونظفت جرحه الي في صبعه وهو يناظرها ويجوف كيف مهتمة لامره وبعدها طلعت لصقة الجروح وحطتها عليه
ورفعت راسها والتفتت عليه ولقته يطالع فيها
نواف بسرعة شال عينه من عليها
نواف:انتي بتستسلمين علشاني هالمرة
نوف:هههه منو انت علشان استسلم علشانه
نواف:صدقيني راح اخليش تستسلمين
نوف:انت شعلاقتك بصقر
نواف قام وراح لغرفته بدون مايجاوب على سؤالها
نوف اخذت اكياسها وراحت غرفتها
^
اخذ نواف دفتر مذكراتها وبدأ يقرا مرة ثانية:
اليوم التقيت بفارس احلامي ...في كل المواصفات الي حلمت فيها ماعدا شي واحد وهو اغروره ...مغرور لدرجة كبيرة جدا
حبيته من اول ماجفته واغار عليه من كل البنات...بس مااحب ابين هذا الشي قدام الكل
لما اكون جمبه احسن بالامان ...مع اني ساكنة وياه في بيت واحد هذي احلة صدفة
مادري ليش دايما افكر فيه ...هل هو حب او مجرد اعجاب
مو عارفة الاجابة ابدا ...رغم اني ساعات اكرهه بسبب غروره
اليوم لقيت جواب هذا السؤال...احبه موت موت
بس للاسف هذا الحب منطرف واحد
نواف في قلبه:معقولة تحبني بس اهي تبين لي هذا الشي من خلال اهتمامها
^
نوف:افف وينه انا متأكدة حاطته اهني عفست الغرفة ومالقيته
طلعت نوف من الغرفة وراحت تدور دفتر مذكراتها في الصالة
بعد ماجيكت كل الاماكن مالقت دفترها
نوف:يمكن نسيته في الجامعة بس انا متأكدة بأن دايما احمله في شنطتي بعدين احطه في الدرج ...يمكن طاح مني في مكان افف
دخلت غرفتها ودقت على امها
نوف:هلا يمة
ام نوف:اهلين حبيبتي شلونج وشلون الدراسة
نوف:الحمدالله كل شي تمام انتوا شلونكم
ام نوف:احنا بخير لا تحاتين شي
نوف:يمة وين ابوي واخوي
ام نوف:تعرفينهم دايما لاهين بالشغل
نوف:سلمي عليهم وخليهم يدقون عليي
ام نوف:يوصل حبيبتي
نوف:يلا مامي انا بسكر علي مذاكرة
ام نوف:ماشي والله يوفقج
نوف:ان شاء الله يلا باي
ام نوف:مع السلامة
سكرت نوف وقعدت تذاكر
^
(الصبــــــــــــــــاح
طلعت من غرفتها واهي بكامل الاستعداد لتقدم امتحانها
حطت اغراضها على الطاولة ودخلت المطبخ تسويلها كابجينوا
فتحت الخزانة الي فوق لتوصل لسكر ووقفت على اطراف اصابعها لتحاول تجيب علبة السكر بس للاسف بعيدة وماتطولها
وماحست اله بيد تجيب لها السكر من فوق الخزانة
التفتت عليه وعطاها علبة السكر
اكتفت بابتسامة في وجهه
راح على الصالة وقعد يذاكر اكثر للامتحان
سوت لها كابجيونوا ولنواف
راحت له الصالة ومدت لها القهوة
نواف:لي
نوف بغرور:اي بس تراك اول واحد تشرب من ايدي
نواف:وليش بذات انا
نوف:قلت مايصير انا اشرب وانت لا فقلت اسويلك معاي
نواف عرف انها تسلك
راحت واخذت قهوتها وكتبها والتفتت عليه وهو يذاكر وابتسمت على شكله الوسيم والجذاب
حس نواف بنظراتها والتفتت عليها بس بسرعة التفتت ورا وطلعت من الباب
نواف قام وطلع معاها
(في الجامعة
دخل نواف ونوف الجامعة ودخل معاهم صقر
صقر:اوه انتي اهني يالحلوة
نوف:احترم نفسك
صقر:انا محترم نفسي
نوف:اي واضح
صقر:ليش مو عاجبنج
نوف:تخسي اشكالك تعجبني انا
صقر:شنو بتسوين يالحلوة
نوف:بعلمك شلون تتكلم مع الناس بأدب
صقر مسك يدها بقوة وقال:مو انا الي تعلميني شلون اتكلم مع الناس
كل الي في الجامعة التفتتوا عليهم
نوف:اتركني وجعتني
صقر:تبيني اوجعج اكثر حاضر من عيني
نواف بسرعة راح لهم وشال يد صقر عن نوف
نواف بغضب:لا تتجرأ تلمسها مرة ثانية فاهم
صقر:ليش انت شدخلك بالموضوع
نواف بغضب:حبيبها
كل الي في الجامعة انصدموا وخاصتا نوف ومحمد الي توه داخل الجامعة وكان فرحان لان اليوم راح يعترف لنوف عن حبه لها
صقر ضحك بسخرية:حبيبتك واو ..ماشي راح انفذ لك طلبك
صقر راح وفي باله خطة
نوف واقفة وهي منصدمة حيل مادتري اذا هذا حلم او واقع
نواف:انتي بخير
نوف هزت راسها بأي
^
صقر:عمره 19 شكله:طويل وعريض شعره اسود وعينه مثل لون شعره وشفايفه حادة..عداني ويكره نواف كره شديد بسبب ابو نواف وراح نعرف السبب في البارتات القادمة
^
دخلوا القاعة ليمتحنوا
وبدت الاوراق تتوزع
وبدا الطلاب يحلون
صقر بصوت واطي:خالد عطني ورقتك
خالد بصوت واطي:اخاف يكشفنا المراقب
صقر بصوت واطي:ماعليك مابيكشفنا ولا تتكتب اسمك
خالد مد الورقة لصقر والمراقب التفت عليهم بسرعة وجافهم
المراقب أشر ليهم بأن يروحوا على مكتب المشرف وراح معاهم
بليز امبي ردود اكثر علشان اطول البارت