روآيتي (حائرهـ آي آسلوب ينفع لتلك الفتآة!!) بقلمي /»• Sώέέt Ĝiяℓ •«

[»• Sώέέt Ĝiяℓ •«]

بسم آلله آلرحمن آلرحيم

روآيتي حائرهـ آي آسلوب ينفع لتلك الفتآة بقلمي انا سويت قيرل

آلسلآم عليكم ورحمة آلله وبركآته


شخبـآركم بنـآت ؟؟؟

وآنآ لآول مرة أألف رواية هنآ في منتدى بنات ..

ولآ احلل النقل دون ذكر اسم المؤلف !!

آتمنى يالغوآلي تنآل آعجابكم وآسفه لو قصرت بشي


الآن سأبدأ بتعريف الشخصيات الاساسية اللاتي بالرواية احبتي ..:

شموخ / فتآة جميلة ذا اخلاق طيبه وهي تدرس في الجامعه من صفاتها التطنيييش تعتبره سلاحها ولكن في بعض المواقف التي لا تستحق التطنيش ماتسكت..شعرها طويل لونه اسود ناعم .. رشيقة ..تحب اللون الأحمر والأبيض والأخضر .. معززه مكرمه غنيّه لدرجة المدرسات يغارون منها ..=)
لـيــنــا / صديقة شموخ الوفيه تحبهآ وتعتبرهآ آختهآ واكثر .. يحبون بعض من سادس ابتدائي ولم يتفرقوا حتى وصلوا الجامعه الآن .. وهما بنفس التخصص ..شعر نص ظهرها بس اقصر من شموخ لونه اشقر تشارك شموخ بكل شيء بس التطنيش ما اتصفت فيه والغنى موغنيه زي شموخ لا حالهم متوسط وعادي كأي ناس بالكرة الارضيه ..
الهنوف / بنت تغآر من شموخ وتحقد عليها ..قصيره وشعرها قصير اسود على بني ..تحب اللون الاسود والالوان الغامقه وهي بعد نفس تخصص شموخ ولينا..تحب المشاكل خاصة ل شموخ
سلوى / صديقة الهنوف تحب تشعل غيرتها وحقدها على شموخ تساعدها بكل شيء ..سلوى ثرثارة .. احياناً الهنوف تزعلها بس تراضيها
منيرة / صديقة الهنوف ماتحب تتدخل بكلامهم دايم تبتعد عنهم ..لانها تعرف انها بتفشل ودايم الهنوف تطنشها ..هاادئه بكل شيء بمشيتها وبـ...الخ ماتتكلم كثير وهي يقولون عنها غامضة مايدرون وش وراها وهي تضحك على كلامهم ..
والشخصيات الاخرى راح اقول اسماءهم بس وهم ..:
عبدالله اخو شموخ
ماجد ابو عبد الله وشموخ
ام شموخ وعبد الله واسمها ساره
سلمان وفيصل اخوان لينا وزملاء عبد الله
سوّاق شموخ

طبعاً يعني ما كأني اعرفكم بالشخصيات هع هع

عموماً أبدأ بالبارت الأول ..:

دخلت شموخ الجامعه وصادفت صديقتها لينا ..
شموخ : اهليين حبيبتي لينوو كيفك ؟؟؟
لينا : بخير عساك بخير ..
شموخ : كيف عطلة هاليومين معك ؟؟ تحسنت يدك اليوم ؟؟؟
لينا : ايه الحمد لله راجعت الطبيب وقال لي نصايح وانا قاعده اتبعها ..
شموخ : ايه لاتصيرين مثلي يوم كنت صغيره ههههههههه
لينا : هههههه اقووول بس مين الشخص الي بيسوي مثل سواتك يومك صغيره يوووه بس لاتذكريني ..
شموخ ماتت ضحك :ههههههههههههههههههههههه
لينا : هيه شموخوه ..
شموخ : هلآ آمري ..
لينا : ما يأمرك عدو ان شاء الله .. بس اقول ماصار شي بغيابي ..؟؟
شموخ : لآ عادي بس صار شيء لي ..
لينا بتوتر !: و ..وش صار ؟؟
شموخ : آشتقت لك وآفتقدتك حييييل يا روحي ..
لينا : يوووه خليتيني اخااف ..
شموخ : هذا جزاي بعد ..
لينا : يسلمك ربي استهبل عليك بس يعني تعبيراتك خوفتني ..
شموخ : جد !!!
لينا : اقول بس .. ماقالوا ان الاختبارات راح تبدأ ..
شموخ : تصدقين !! ماقالوا لنا مع ان هالفترة المفروض اختبارات !
لينا : غريبه والله ..
شموخ : فلـّه صراحة ..
لينا : ايه طبعاً يالمجتهده ..!
شموخ : ههههههه طفشت من الاجتهاد هذا ..
لينا : هههههه اياك عاد لاتفكري هالتفكير ..
شموخ : وش شايفتني بالله !!..اكيد وش يخليني افكر هالتفكير بس امزح ..يوه ماتعرفي المزح انتي ؟؟
لينا : الا اعرفه ..
شموخ : يلا بنتأخر عن المحاضرة اسبقيني طيب !!!
لينا وهي تناديها بصوت شبه عالي: ماتبين اشتري لك مويه معي ؟؟
شموخ ترد عليها بنفس النبره: لآلآ اشتريلك انتي بس ..
لينا : آووووك ..
( وتمر الهنوف من عند لينا )
الهنوف باستهزاء: شخبارك يا حلووه ؟؟
( لينا لفت ولا ردت عليها )
الهنوف : يوه ليه التطنيش ذا كله ؟؟؟
لينا بتأفف: انتي وش تبين مني الحين ؟؟؟؟ بتأخر عن محاضرتي باااي اففف..
الهنوف بزعل: هه ..طيب .. ماشفتي شي يا شموخووه انتي ولينووه ..
( ولينا سمعتها بس طنشتها .. وقالت لينا بنفسها : يعني وش بتسوي لنا هالنملة ذي !! ويع ياكرهي لهااااا )
وخلصت المحاضرة .. وقبل لا تطلع الدكتورة قالت للبنات ..
الدكتورة : يابنات جهزوا حالكون(حالكم) الاسابيع المقبله راح تبدأ الاختبارات .. بالتوفيئ أيلكون(بالتوفيق لكم) ..
شموخ تهمس للينا : موقلت لك بس هم نسوا وذكرونا اليوم ..
لينا : اوك طيب سمعتها ..
شموخ : بس طولت المحاضرة اشوي .. خمس دقايق ..
لينا : ماشالله توي ادري انك مهتمة بالوقت وتعدّينه ..
شموخ : اعدّه !!..اقول بس ظفي قشك (لمِّي اغراضك^_^)وخلينا نطلع ..
لينا : هههههههههههه طيب طيب ...يؤ يؤ طولت صوتي !!!
شموخ : غبيه انتي اوزني صوتك ..طلع لبرا ..
لينا : ههه طيب ..
( طلعوا شموخ ولينا من القاعة )
شموخ : هذا سواقي جا .. هو يدق علي ويقطع الخط بقصده انه جا وتعودت على حركته خخخ ..
لينا : ياحظك سواق وحركات ..
وظربتها شموخ على ظهرها
شموخ : قولي ماشالله ياااا حمااااره ..
لينا : آخخ اشوي اشوي .. ماشالله ماشالله ماقلت شي يا بنت !
شموخ : حماره تراك تسوينها ....
لينا : لااااا بسم الله علي .. انا ما انظل اقووول بس تأخرتي انتي ووجهك ..
شموخ لبست عبايتها وطلعت ..
وببيت شموخ
نزلت شموخ من السيارة وتوجهت ل باب البيت ..
ونزلت عبايتها وسلمت على امها وابوها وباست راسهم واكتفت بالتحية لأخوها ..
عبد الله باستهبال: ورا عاد بس تبوسين امي وابوي وانا لا ..!
شموخ : منتب كفو !!
عبد الله : افااااا ورااه !!
شموخ : اقول بلا استعبااط انت وخشتك .. رحت لجامعتك يا شاطر ؟؟
عبد الله : ايه رحت .. بس ليش الست شموخ متأخره ؟؟؟
شموخ : مدري عن دكتورتنا طولتها وهي قصيره ..
عبد الله باستهبال: صدق !!
شموخ : يوووه مالي خلق لك ..
عبد الله : ورااه ؟؟
شموخ : اسأل نفسك وفي احد طايق لك .. وبعد كلامها راحت فوق لغرفتها ..
عبدالله وهو يكلم ابوه : يبه ...وراها شموخ اليوم ؟؟؟
ماجد : شكلها ماكان لها خلق لأستهبالك ..
عبد الله : اففف مدري ليش كذا وانا احاول اونسها ..تعرف مالي غيرها هي اختي الوحيدة..
ساره : تعرف هي بس مو وقت استهبال يا عبود ..
عبد الله : اوك طيب ..وش الوقت المناسب ؟؟؟؟
ماجد : وراك حريص على الاستهبال ؟؟؟؟
عبد الله وساره : ههههههههههههههه
عبد الله : يا يبه احس من زماان ما استهبلنا .. على روتيننا اليومي الي مافيه استهبال ..
ساره : .. لآه ! ..اعد لك كم مرة استهبلت الاسبوع ؟؟؟
عبدالله : ههههههه لالا يمه مشكورة ..
ساره : طيب يلا روح فوق خذ الشنطة وودها لغرفتك مو هنا ..
عبد الله : طيب ..
وعلى طلعت عبدالله نزلت شموخ ..
عبد الله : شموختي .. عسى مازعلتك بس كنت احاول اونسك ..
شموخ : لآلآ عادي مازعلتني ولا شي .. بس ماكان هذا وقته ..
عبدالله : بس وش كان معصبك اجل !!عادتك تطنشين يا ام التطنيش ..
شموخ : مجرد الاختبارات جت وتوترت اشوي ..والتطنيش خصصته لنوع من الناس ..
عبد الله : خصصتيه ؟؟؟؟..اقول بلا الغاز وش قصدك ؟؟
شموخ : قلت لك خصصته لنوع من الناس وبس ماهو لغز ولا شي ..
عبد الله : طيب طيب لاتزعل شمشم علينا ..
شموخ نزلت وبعدين وقفت وقالت لعبدالله : ع فكرة حلوه شمشم ..مشكور ..
عبد الله : واخيراً اول مرة تتقبل كلام مني ..اليوم ماعمرها تقبلت !!..
شموخ تأففت : اففف طيب كمل مشوارك وتعال نتغدى ..
عبد الله : طيب ..
وفي وقت من المغرب كان عبد الله مشغول بجواله وراحت شموخ وجلست جنبه ..
شموخ : الله ياعبود وش هالالقاب الحلوه !!لمين مسجلها ؟؟؟
عبد الله : ست الكل ماما وشمشم انتي وعزوتي ابوي لا وانتم الوحيدين الي ملقبكم كذا..
شموخ رافعه حاجب وقالت : أكيد ولا !..
عبدالله : وش تقولين انتي يعني اكذب عليك ؟؟
شموخ رافعه حاجب : لالا مو قصدي يلا لايكون اشغلتك .. من تدور عليه من العصر !!؟؟
عبد الله : ادور رقم يبيه صديقي ويقول اني مسجله من زمان بس عجزت اعرف اسمه وناسيه بالمرة !!
شموخ : اممممم حق وشو هالرقم طيب ؟؟؟
عبد الله : حق حلاق ..
شموخ بثقه: ههههههه تقصد الجنوبي !
عبدالله : يممه عليك اشلون حافظته !!
شموخ : وش الي يمه قل ماشالله بس ...ووشلون حاافظته ماحفظته انا بس شفته هنا بالصفحة ذي تحت هالاسم !!
عبد الله : يخرب بيتي شلون ماششفته !! يمممه عليك ..
شموخ : هيييييييييه ماتعرف تذكر الله انت !!
عبد الله : هههه ماشالله لااله الا الله .. ارتحتي !!
شموخ باستهبال: انفث علي ..
عبد الله : لا يا شيخه .. بعد انفث ..
شموخ باستهبال : وراه مو حرام تراه ..
عبد الله : بدأ الاستهبال !!يعني جا وقته صح !!
شموخ : شايفتك مستانس !!ايه جا وقته ياسعادة البيه ..
عبدالله وشموخ :ههههههههههههه
عبدالله : دوم الضحكة خيتوو ..
شموخ : ياخي ترا يحمر وجهي من هالكلمات ..
عبد الله : أحلفي !
شموخ تأففت : ...عفكرة ليش حاطه عالصامت ؟؟؟
عبد الله : ماحطيته عالصامت ..
شموخ : شف شف جوالك بس وتعرف ..
عبد الله : هذا خويي يكلم !! بس غريبه ليش عالصامت !!
شموخ : عبووووود رد بس احسن لك ..
ورد عبدالله على خويه .. وقالت شموخ بصوت واطي !
شموخ : قال ايش قال غريبه ماحطيته عالصامت !! الاخ رايق ماوده يعترف !! عالعموم لو ماعترف وش بيصير يعني مايصير الا خير .. ابشووف هالبرنامج احسن لي ..
وخلص عبدالله من مكالمته وهم على نفس جلستهم وحالتهم ..
شموخ وهي تشوف التلفزيون : الاخ طول بالكلام ..
عبدالله : هو راعي الكلام الكثير وتعودت عليه ..
شموخ : ياصبرك عليه ..
عبدالله : تعودت عليييه وش ياصبري !
شموخ : اها طيب .. دام اليوم الاربعاء طلعنا نتمشى ..
عبدالله : وابوي مو فاضي ؟؟؟
شموخ : خييير كل شيء على ابوي خله يرتاح .. وانت ساعده اشوي ..
عبدالله سكت اشوي وقال : ....آييه صح اليوم بطلع مع اخوياي ماقدر أطلعكم ..
شموخ : لا !! طيب طلعنا بعدين روح معهم !
عبدالله : الحين بروح !!
شموخ : تراي افهم حركاتك هذي .. قل ماتبي تطلعنا وخلااص بدون كذب !!
عبدالله لف عنها وسكت ..
......: هذاك مانكرت كلام اختك .. وعلشان كذبتك طلعهم الاسبوع ذا كله ..
عبدالله : يبه !!؟!!
ماجد : من غيري !!!
عبد الله باندهاش : سمعت كل كلامنا !!!؟؟!
ماجد : ايه سمعته كله ..!
شموخ ناظرت نظره انتصار : أجل ياعبيد تجهز تودينا الاسبوع كلـــه ياحظي ياسعدي ..
ماجد : ههههه.. عبود لاتزعل بس محد قالك تكذب !! وتعرفني ما احب حد يكذب والا يلقى جزاه وانا اعرف الكذاب من عيونه وتعابير وجهه.. !
عبد الله بعد كلام ابوه استسلم ..وقال : والنعم يبه .. خلاص ماني زعلان ولا شي ولا راح اكذب مرة ثانية ..
شموخ : ابروح اعلم امي ..هي تقول بتروح معي .. يمه ! نزلتي !
ساره : لا طلعت !!
شموخ : هههههه .. لا بس ماتوقعت .. حتى انتي سمعتي السالفه يمه؟؟..
ساره : ايه مافي شي يخفى عن الوالدين !..
شموخ : ياحبيلك طبعاً .. اجل بروح اتجهز اوكيه !!
عبدالله : لا تتأخرين تعرفيني عاد انا وتصرفاتي !!
شموخ : لا تخاف اقل من خمس دقايق ان شاء الله ..
عبد الله : اوك نشووف يالغزاله !!
شموخ تحب زي هالمسميات فأحمر وجهها واسرعت بمشيها بالدرج ..
عبد الله : هههههههه يبين الاحمرار بوجهها سبحان الله !!
وسمع صوت شموخ من فوق تقول : أنــــــــــطــــــــــم !!!!!!!
عبد الله ارتعب من صوتها ما توقعها سمعت كلامه !!
ماجد ضحك بصمت ..
.....
اذا رأيت حماس منكم احط لكم البارت الثاني وراح يكون اقصر اشوي ..
بس علموني لو كان طول البارت هذا مناسب حبايبي ^.^

[« آفآق الروح »]

م شاء الله عليــــك يالولي..أبدعتي وبقوه فيها..
يلا لاتتأخري علينا بتنزيل البارتات الثانيات..
لأنو الروايه مره مشووووقه..وحلوه..بل قمه ف الجمال..
واصلي سعيك حبيبتي..فأن لك مستقبلا مشرقا..
...
ربي يحفظك ويسعدكـ..
...
تقبلي طلتي..\ريكــــــــــووو..

[»• Sώέέt Ĝiяℓ •«]

مششكورهـ يالغآليه شجعتيني بكلامك ..

فديت طلتك ححححبي ..

اشكرك كلللل الشكر على تشجيعك لي ولأنك اول من تقرأ روايتي ..

لك أحلى سمعه لمرورك الكريم ^.^

[»• Sώέέt Ĝiяℓ •«]

وين تفااااعلكم ؟؟؟؟؟؟؟؟

:""""""""(

[سسكر ححامض..!]

حـلوهه الروايـه وطولـها منـاسب وياليت تحطي اسئله بعد كل بارت


يلا كمملي غلاتـي

لا حرمنا من طلتك بالمجلـس













اسعدني نششاططك