روايه ~في عمارتنا بنات خقه وشباب رجه ~\بقلمي

[mimo0o0o14]

السلام عليكم ورحمه الله وبركاته
كيفكم ..اخباركم... ان شاء الله طيبين
اقدم لكم اول روايا لي بس بالنسبه لي الخامسه بس دائما اخاف اني انشرها واقول لنفسي
انها فاشله!!
وان شاء الله تعجبكم
~~~~~~البارت الاول~~~~~~
في حي من الاحياء المتوسطه الساعه 8 المغرب
كانت مبسوطه وفرحانه عشان راح تقابل عمانها اللي اللي لها شهر ما شافتهم عشان الاختبارات
الكوفيرا في بيتهم
الكوفيرا \خلصنا
ربا تطالع ماريا \ماشاءالله احسدك على جمالك وهبالتك
ماريا شافت نفسها \اححم اصلا عارفه ........بس حتى انتي شوفي ما شاء الله عليكي خقه
ام سعيد\يابناات يلا خرجنا
سعيد دخل غرفه البنات \يلا مره متاخر على الشباب بنتفرج مباراة
نطت ماريا عنده \بين مين ومين
سعيد\بين الاهلي والاتحاد
ماريا\ اوووه لو كنت اعرف كان لبست اخضر
ربا \سعدون يا عبيط هنا في الحرمه
سعيد خرج \ماريا ياخبله ليش ما قلتيلي انو هنا في حرمه <<<<يقصدو الكوفيرا
ماريا \ههههه ماادري
ابو سعيد \ييلا يا هووو
ربا\يلا جاهزين
ونزلو على السياره
ماريا كانت لابسه بنطلون اسود ضيق وبدي اسود وفوقو بلوزه دنتيل وسيعه وكعب عالي اسود وشعرها كيرلي
وربا لابسه تنوره كحلي تحت الركبه وبلوزه بيج عليها نقشات كحلي وكعب بيج
--- - - - - - - - - -- - نتعرف عالشخصيات -- - - - - - - - - - - -
ملاحضه :انا ما راح اقلكم مواصفاتهم لانو احسها لخبطه واغلبهم نفس المواصفات عشان كدا اكتفي باسمهم وعمرهم ..
نرجع ..
ابو حمد (الجد)+ام حمد(الجدة )
~~
العم ابو باسم (حمد)55+ام باسم 53=باسم 33 متزوج (ابو ريناد)-سجى 21-سالم19-خالد 18 –عبد السلام 11
~~
ابو سعيد(عمر )52+ام سعيد48=سعيد 23-ربا 20- (بطلتنا) ماريا 16-عبد الله (عبودي )10
~~
العم ابو زين (احمد )48+ام زين 41=زين 22-اشواق21 –عبد العزيز (عزوز)18-دانا 9
~~
العم ابو احمد(عبدالله)48+ام احمد =احمد 18-نهى 16 – دعاء 10
~~
العمه ام عماد(حنان)45 +ابو عماد(سند)50=عبد الرحمن 22-عماد22-سارة 15
~~
العم ابو محمد (عبود)41+ام محمد 38= هبه 21-محمد 18- بسمه 15

(العمه) وفاء (ماتقدر تقدر تجيب اولاد)+عبد الرحيم =نور قصتها:

(امها وابوها اتطلقو وهي اتربت عند جدتها ولمن توفت جدتها راحت عند عمها اللي هو عبد الرحيم وبعدها راحت عند اهل زوجه عمها حبتهم ونفسيتها اتحسنت من بعد ما دخلو حياتها )
- - - - - - - - - - ~~- - - -- - - - - - - -
نهى\عمو عمر وصل قبلنا
دعاء بكل عفويه \يعني عبودي فيه
نهى \هههههههههههههههههههههههههههههههه
احمد\ههههههههههههههههه طلع عاشق طلع مهتم
ابو احمد \اووشش عيب عليكم لا تخربوها
احمد\هه تخربوها؟ والله هي خربانه
نهى \ههههههههههههههههههه منجد
ماريا سلمت على عمها وحضنت نهى وبعدها انتبهت انواحمد وراهم بس قالب وجهه لانو شافها ومستحي
حست بالفشيله وجرت نهى من يدها
ماريا \***ه ليش ماقلتيلي انو احمد في
نهى \ههههههههههههههههه اجل وين راح يكون
ماريا \سخيييفه شي يفشل
نهى \عاتي يختي
ماريا\عاتي ها اسمها عادي اسمها أي اسمها ع ا د ي
نهى\ اتعودت مع صحباتي
ماريا \ لا يكون صحباتك كدا مرره يااااااااي
نهى \تقريبا
ماريا \استغفرالله اتصاحب مع بويات ولا مع ذول المايعات مع انو كلهم على بعضهم ناس غبيه
نهى \ههههههههه ماادري
ماريا\ استغفرالله ما سلمت على جدي
نهى \اكيد راح عقلك بعد ما شفتي اخوي
ماريا في نفسها "صاادقه "بس قالتلها\انقلعي من زينه عاد
وراحو سلمو على جدهم وجدتهم
وبعد ما اجتمعت العوائل كلها واترجو المباره وفاز الاهلي 3<
سجى\بنات جدي قلكم تعالو المجلس وترا العيال موجودين
ماريا \ليش
سجى بابتسام خبيثه\موضوع خاااص وطلت على اشواق
اشواق "لا يكوون لاااأ"
نور \اجل نروح عند العيال كدا وربي فله
سجى \احلفي طبعا لا
بسمه \اجل ايش
سجى البسو شراشف الصلاة
نور \بس برضو راح نكون كاشفين فله
سجى \يلا عجلو راح اتخاصم من جدو
ولبسو الشراشف وراحو المجلس
الجد ابو حمد\تأخرتو علينا
سجى \اسفه جدو بس تعرف البنات
ابو حمد\طيب اجلسو
وجلسو
ابوحمد \احمم نبارك لسعيد واشواق بمناسبه خطبتهم واليوم راح يكون عقد القران
ماريا \نعم نعم نعم من متى اخويا خاطب
الكل طالع على ماريا نهى قرصتها وكاااتمه ضحكتها
وماريا حااااسه بالفشييله ودها تنشق الارض وتبلعها خدودها حمرت ودمعت شويتين
نهى ماقدرت جلست تضحك \ههههههههههههههههههههههههههههههه
وبعدها الكل ضحك عليها \ههههههههههههههههههههههههههههههههههههههههههههههههه هههههههههههه
ماريا مااستحملت خرجت من المجلس وراحت الحمام تبكي
ابو سعيد حرااااااااام بونيتي
نهى راحت عند ماريا تدق باب الحمام
نهى \ههههههههه ماريا فكي الباب ههههههههههههههه
ماريا \انقلعي فشلتين في يوم واحد
نهى \ماااريااااا جدو يبغاكي
ماريا \قوليلو ماتت انتحرت بطنها يعورها أي شي بس مااروح المجلس
نهى بتهدييد\ماريا اطلعي ولا اقسم بالله لاجيب العيله كلها هنا
ماريا \نهىىىىىى يا حووووحووو ماابغا ارجع
نهى بعدت شوي من الباب وقالت راح اروح انادي جدي
ماريا فتحت الباب \هه طلعت ارتحتي وجع نذله
نهى \هههههههههههههههههههههههههههه شوفي وجهك
ماريا طلت في المرايا \بسم الله اوف كل الكحل ساح
مسحت كحلها وراحت المجلس وماتبغا تكلم احد متنرفزه
جا جدها كان يبغا يراضيها حضنها وقال لها \بس خلاص اخر مره ما نضحك عليك مره تانيه
ماريا \خلاص منجد متفشله
ابو حمد \ههههههههه طيب
رجعت مكانها ودموع مازالت تنزل وهي تمسحها
ابو حمد معاه المأذون
وهو يقول \سعيد بن عمر بن محمد ال,,,,,,,, هل تقبل بان تكون اشواق بنت احمد بن محمد ال,,,,,,, زوجه لك
سعيد \احممم اقبل
الكل صفق وصفر له
زين \اجل تبي تتزوج
سعيد\ اوووش
المأذون \وقع هنا
سعيد ايده ترتجف حس بالمسؤوله وحس ان سار رجال ووقع
المأذون \اشواق "اشواق اتنفضت في مكانها "بنت احمد بن محمد ال......... هل تقبلين سعيد بن عمر بن محمد ال....... زوجا لكِ
اشواق حست انو لسانها انربط مو عارفه ايش تقول
عاد المأذون كلامه والكل يطالع اشواق هبه قرصتها عشان تصحيها
اشواق بصوت متوتر \ا..اقبل
جات ام زين وجلست تبكي حضنت بنتها
اشواق نزلت دمعتها وبترجي\ماما خلاص اللي فيني مكفيني
وكل العيال نطو على سعيد خف علينا خلاص ودعت العزوبيه
سعيد \احمم مين قدي
زين \انت الان مبسوط اشد بسطه لانك نسيبي
سعيد \طير انا مبسوط سرقت بنتكم
زين \المشكله ما عندي جوانح
سعيد \هه ه ه ه ه ه ه ه سخييييف
ابو باسم \بمناسبه اننا كلنا متجمعين ترا العماره خلصت بس باقي الاثاث
ابو حمد \كويس اجل ابدؤ في صبغ الجدران واشتو الاثاث متحمس اني اكون معاكم دايما قبل ما ربي ياخذني
الكل \اسم الله عليك لاتفاول على نفسك
احمد يطالع ماريا
طالعت عليه وقالت بشفايفها \خير
رد عليها \معجب
ماريا منصدمه بس ما بينت ولفت
ابو حمد \بالنسبه للعيال وبنات راح يكون التجول كثير في البيت فعشان كذا البنات راح تتمشو بشراشف الصلاة العيال ياويلكم تبصبصو (تطالعو )على البنات ولكم غرفه في السطوح كبيره ماخذه ثلاث ارباع السطوح
البنات \فلله
نهى بصوت خافت \ماريا راح تلف العماره مرتين في اليوم ههههههههههههههههه
ماريا \سخيفه وجع
سالم \ماشاء اللله واحنا
ابو حمد وانتو تحت في الحوش في لكم بيت شعر
زين \راح اجيب الارقيله في......
قاطعه جده \ارقيله !!!!!ارقيله في عينك
ابو زين يعرف انو زين يارقل بس ماحب يقول لابوه
ابوحمد\ احمد ايش اللي قاله ولدك دوبه
ابو زين\اسف يبا بس ماحبيت اقلك انه يارقل اسود وجهي ووجهه
ابو حمد \المهم انا راح ادعي على كل واحد يدخن اويارقل منكم راح ادعي عليه ينحرق في الدنيا قبل الاخره
زين بلع ريقه وفي نفسه "مستحيل اترك الارقيله حبيبتي "
احمد\خالد
خالد\ن ع م
احمد \خلاص انقلع انسدت نفسي اني اكلمك
خالد\لاني هارف انك راح تتكلم عن حبيبه البك ميمو
احمد\وطي صوتك لحد يسمعك
خالد\خلاص حركات الحب والقله الادب دي ما احبها
احمد\ خليها تكبر شوي وانا اشتغل والله راح اتزوجها
خالد\لا تحلف يابن الناس هذا حب مراهقين يعني تحبها شويه وبعدها تطفش
احمد \هذا انت مو انا
خالد\هي نسيتني مو انا نسيتها
احمد \يعني تحبها؟!
خالد\ايه
احمد \ اجل كل تبن
ابو حمد \انتشرو في ارض الله
الكل راح مكان ما كان جالس
ماريا\بنات ابغا اتفرج فلم
اشواق \ايش عندك
ماريا \عندي فلم مباريات الجوع مااااااااااااااااااره حميييس
سجى\ ماريا اشبك مو قلنا ما نتكلم مع متزوجين
نور \سجووون اشبك حااقده على اشواق حياتي وحضنت اشواق باستهبال وتمسح على راسها
نهى\ غيرانه عشان اشواق اتزوجت قبلها
ربا\ههههههههههههههههههههههههههههههههههههههه
هبه \ربا
ربا \هههههه هلا
هبه \انا احبك
ربا \وانا كمان احبك
هبه \لا قصدي وقربت منها حيل
ربا \هبه لا يا هبه كفايا لوكك حقك بوي وكمان ذي حركاتك منجد مني عارفه اعيش مع انسانه بويه وكمان بنت عم
~~~~~~~~~نهايه البارت~~~~~~~~~
اتمنى تقولو السلبيات اللي في الروايا وتشجعووني بلييز اذا عجبتكم

[الناعسه]

كلها من تاليفك ام مقتبسه؟
ربي يوفقك

[mimo0o0o14]

طبعا من تأليفي