اول مرحلة من التعارف
لما تشوفي إنه سيارتة قديمة بحكيلك....... انه كان معاه BMW وراحت بحادس قوي على طريق المطار وكان رح يموت.......( يا حراااااااااام )
اول مرة تشوفيه بكون نظيف والعطر ريحته طالعه...... وأكيد حالق..... وبعد كم مرة بتكون نفسيتة تعبانة ومش مفرش اسنانه.......(.داب التلج وبان المرج)
أول اللقاء بكون معاه موبايل (I mate) تاني يوم بتلاقي معاه موتورولا ابو سلك وبحكيلك معلش عشان موبايلي إنسرق......( مسكين والله الناس طمعانين فيه ..... ما في غيره شباب )
وين بتحبي تروحي -البنت :عالمكان الفلاني (طبعا غالي )-الشب : لا بس المكان إللي جنبة أحلى..... (عشان أرخص)
بفتح ادامك المحفظة علشان يورجيكي كروت الفيزا والماستر وهم بكونوا لأبوة و expired
(الله يعطيك الف عافيه والله )
أكيد بحكيلك عن مشاكله وبطولاتة وكيف
ضرب الشباب وهو ما صارلو إشي ( والحقيقة بكون هو إللي اكل الضرب كلو)
المرحلة التانية من التعارف
· حبيبتي انا ما بحب الأماكن العامة عشان إزعاج الناس وعشان ما يشوفنا اخوكي......... (تلميح لشقة)
· تلفون الليل دائما رومانسي والصوت المبحوح النايم ولازم السؤال المعروف (شو لابسة)
· ولما ما يكون معاه مصاري (وهاد الوضع الطبيعي ) بتلاقيه قاعد عرصيف البيت وما معو يعبي بانزين وبحكيلك معلش عملت مشكله مع ابوي وطلعت من البيت زعلان ... (ياي شو حساس )
· لو مسكتكم الشرطة على طول بصير "حاضر يا سيدي وعلى راسي وقال وقولنا بعد ما يكون معك( يا ألبي وأولي )
· بطلع معك بقميص ZARA وفجأة بتشوفوا صاحبة بحكيلو القميص بجنن عليك (طبعا بكون القميص لصاحبه)
· بكون لابس جاكيت جلد وبحكيلك إنه إيطالي وإنه ما بنحرق لانة جلد أصلي وفجأه لما يولع سجارة بتلائيه هب هو والجاكيت
· بكون لابس نظارة بحكيلك إنها مارك police وفجأة بتوقع وبتمسكيها بتلائيها made in china
.... (يا انيق انت )
· لو عزمك على عشاء بحاول يضيع الموضوع وبخليها شرب سوائل..... ( وحنا بنندمج معاه متل الهبايل )
· وبجكيلك انه المشروب(الخمر ) عنده زي المي وهو لما يشم ريحته بدوخ..... (مكشووووف )
· لما يسألك وين بتحبي تروحي إنتي بتحكيلو على ROVERS هو بحكيلك أنا كل يوم هناك ولما تروحوا بيسألك وين الحمام....... (لا والله كل يوم فيه )
· لما تتعشوا سوا بحكيلك طعميني من صحنك حياتي وفجأة بتلاقيه خلصلك صحنك وصحنة....
(اسوء استغلال )
· بسألك شو بدك تاكلي ( المطعم المكسيكي)تقولي (فاهيتا) وعشان هو مش عارف إنتي شو طالبة فبحكي خلص زي ما إنتي طالبة
........ خخخخخخخخخخخخخخ
· ولما تيجي الفاتورة بيعرق - ليش هيك إحنا ما طلبنا إشي لو سمحت ليش هيك الفاتورة
· وطبعا طبعا : أنا ما معي فكه....... (عشان Valet و البقشيش)..... دايما ما في فكه.......
· بعد ما تحكي شكرا على العزومه بحكيلك ما هو الجيبه وحده انا اليوم وإنتي بكرة .......
(شوف شوف البخيل )
· لما تنزلو على البحر الميت انتي بكون معاكي في الشنته شامبو وكريمات وصن أويل وهو بتلاقيه بشاكير ( للعلم الفندق بيعطيك بشكير) وفاين على الجنب وكيس بزر في قاع الشنطة وشحاطه وقنينة مي جايبها من البيت.........
المرحلة الاخيرة من التعارف
· لو بدو مصاري منك بحكيلك انه متخانق مع اهلوا أو عليه دين أو خربت سيارته.......
(طبعا ما بشم ريحة المصاري )
· قبل يوم عيد ميلادك بشهر بكون يخطط كيف بدو يكون يوم عيد ميلادك وولا هو بكون بفكر كيف بدو يتخانق معك طبعا تمثيل عشان توفري علية الهدية بعد ما تكوني يا مضحيه جايبتيلو اغلى الهدايا .......
· لما تشوفي موبايلو عليه صورة أطفال بحكيلك هدول ولاد أختي وبعدين بتكتشفي إنهم ولاده
· ولما بدو يتركك بصير يعمل حالو كتير مشغول وبحكيلك انة ما بفكر في الزيجة ابدا ويا ريت نكون إخوان( بعد 3 سنين تعارف)
· لما يحكي انا
مش جاهز للزيجه (إلا بعد 5 سنين ) بس تتركيه بعد بيومين بيخطب بنت خالتة عشان إمه بدها هيك
هههههههههههههه شو رايكم ؟
طبعا ملطوووووووووش