في قصــــــــر أبو رعد:
رنا بغرفتها تكلم دلال
رنا:تخيلي لميس تصير بنت عمي
دلال بصدمه:إيــــش،،،،،وانتي مين قالك
رنا:أبوي ولابعد شكلها بتعيش عندنا وأهلي فرحانين فيها
دلال بغل:نعــــم
رنا بقهر:مقهــــوووووره يادلال ودي أذبحها ولا أقابل وجهها ليل ونهار
دلال:لاتعطينها وجه
رنا:أف راح أطفشها من البيت لين تنقلع لبيت عمي ناصر
ريم جالسه في الصاله مع رغدوماقصرت قالت لها كل شئ عن لميس
رغد:ياقلبي كل هذا فيها
ريم بقهر:ولابعد اللي قاهرني إنهاسامحة زوجة أبوها وابوي طلعها بس بعد ماقطنت هناك وليتها استحت ع نفسها لا جلست تتوعد وتتحسب
رغد :ووووجع ،،،مين قالك
ريم :أبوي،،المهم بنروح لها العصر (زمت شفايفهابتفكير)بس شكلي مارح اصبر بروح لها اللحين
رغد:والله شكلهاتنحب ،بروح معاك وأهلي يروحون العصر وش رايك
ريم انبسطت:أوكيه
قطع عليهم صوت التلفون وردت رغد:آلو
رعد:هلا رغوده وش عندك عندنا ع الظهر
رغد ابتسمت لماسمعت صوته:هلارعد،كيفك؟
رعد:تمام وانتي كيفك وكيف عمر
رغد:كلنا بخير
سحبت ريم السماعه بلهفه:هــــلا رعــــد
رعد:بسم الله الرحمن الرحيم،ماتجوزين إنتي من طبايعك
ريم ضحكت:هههههههه ياحلاتها بعد
رعد:مادح نفسه كذاب
ريم بحماس:رعــــد عندي لك خبر بمليو و و و ون ريال
رعد يقلد حماسها:واللــــه وشــــو
ريم تستهبل:حزر فزر
رعد تحمس:وش أحزر داخلين فوازير احنا،،قولي اللي عندك بسرعه
ريم :إيـيــيـيه صح ع طاري الفوازير يقولون السنه الجايه في رمضااان،،،،،،
قاطعهارعد:ريــــيــــيــــيــــم
ريم ضحكت:هههههههه خلاص بقول
رعد بملل:قولي خلصينا
ريم تمط كلماتها:تتخيييللل طلععع عندنا ا ا ا ابنننت عممم
رعد ضحك باستخفاف:ها ها ها هاياقدمك أدري إن عندي بنات عم وش هالغباء محمستني ع الفاضي
ريم:لا لا لا هذي بنت عمي عبد العزيز
رعد بصدمه:هــــا
ريم:والله طلع عندنا عم اسمه عبد العزيز
رعد بعدم تصديق:إنتي وش قاعده تقولين
ريم حكت له كل السالفه ورعد منصدم :من صدقك إنتي
ريم:واللــــه العظيم واسمها لميس وراح تسكن عندنا
رعد عاقد حواجبه:لميس
ريم:أيوه،،(وبحماس) إسمها حلو صح
رعد عصب:وأنا وش علي من إسمها،،اسمعي ترى ياويلك إذا كان كلامك هذا إستهبال
ريم عصبت:اللحييييين أحلفلك تقول إستهبال إسأل أبوي إذا أنت مانت مصدقني
رعد بتفكير:طيب طيب باي
سكرت ريم تضحك:ههههههه
رغد بضحكه:حرام عليك جننتيه
ريم:ههههههه فديته والله
رغد ترفع جوال ريم من الطاوله وترميه في حضنها:مو وقتك تدلعين دقي ع السواق يجهز السياره
دخل فيصل:ع وين
ريم قامت :جابك الله،،،خذنا للمستشفى
فيصل يناظر ساعته:بس لسى مو وقت زياره
ريم:لالا ولايهمك الدكتوريعرف أبوي وراح يسمح لنا ماعليك
فيصل :أوكيه يالله
رغد ترفع جوالها:اصبروا بدق ع عموري استأذن منه
ريم:يالله بسرعه دقي ع عمورك
ضحكت رغد ودقت ع عمر واستأذنت منه
دخلت ريم معاها عبايتها:ها وش قال عمورك
رغد:أكيد وافق
ريم تلبس عبايتها:أيوه قلتي له من الكلام المعسول وتبينه مايوافق
رغدحمر وجهها:قلييييلة أدبب
ريم:ههههههه
فيصل:أقول ترى بمشي
رغدقامت بسرعه:لحظه بلبس عبايتي
فيصل وكأنه تذكرشئ وقف ولف:ريم تعالي لميس وين بتنام
ريم تستهبل:يعني وين معك في الغرفه
فيصل فتح عيونه وريم ضحكت:أقول شوي شوي لاتطلع عيونك
عاد تبيهامن الله
فيصل انحرج:أقول انطمي أقصد بتنام معك وإلا أبوي بيحط لها غرفه
ريم:لا بتنام معي لين يحط لها غرفه
فيصل:طيب يالله امشوا
*******************
في المستشفــــى
لميس طلعت من الحمام وتحس بملل وطفش"أف متى يجي العصر تجي ريم والله إنهاحبوبه حبيتهاكثير"
تمشت في الجناح لأن أبو رعد مارضى إلا تكون في جناح خاص
سمعت صوت الباب ولفت لقت ريم ومعاها ورغد دخلوا:السلام عليكم
لميس ابتسمت بفرح:وعليكم السلام
ضمتها ريم:كيفك اليوم
لميس:تمام الحمد لله
ريم :ليش قايمه من السرير
لميس:طفشت منه
رغد:إحم،،إحم،نحن هنا
ريم ضحكت:سوري،نسيت أعرفك هذي رغد
لميس ابتسمت وسلمت عليها
دخل فيصل:إحم،،إحم،السلام عليكم
لميس ابتسمت لماشافت فيصل لأنهالماتشوفه تشوف عمرها اللي فقدته(رامي)
جلست ع سريرها وجنبها ريم
فيصل:كيفك اليوم
لميس:تمام الحمد لله
رغد جلست ع الكرسي:إجلس فيصل ليش واقف
ابتسم:لا سوري عندي كم شغله لازم أخلصها،،،تامرون ع شئ
ريم:سلامة قلبك
فيصل بضحكه:والله لو عارف إني لماأجيبك للميس يطلع منك كل هالكلام الحلو كان جبتك كل ساعه
ريم تخزه:أجل ضف وجهك
فيصل:هههههه هذي ريم اللي أعرفها
ضحك وطلع ولميس ورغد ضحكوا وريم إغتاضت
سولفوا مع بعض وانبسطوا لميس انبسطت مع رغد لأنها تنحب مثل ريم بس رغد خجوله وثقيله شوي مو مثل ريم راعية استهبال
بعد وصول أبو رعد والباقي طبعا غير رنا طلعت لميس معاهم للبيت
****************
انبهرت لميس من روعة البيت وتصميمه وذوق الرائع في ترتيب الأثاث واختياره
دخلت غرفة ريم وعجبتها الغرفه لونها وردي وكبيره أثاثها فخم وراقي وفيها غرفة ملابس مفتوحه ع الغرفه وحمام
ريم:ها إن شآءالله عجبتك غرفتي
لميس بابتسامه:روعه
ريم:عاد اللحين صارت غرفتنا خذي راحتك فيها
لميس:بس أخاف أثقل عليك
ريم:لا تقولين كذا إنتي بنت عمي وفي عيوني وأنا أبغاكي تشاركنيي فيها علشان ننبسط مع بعض
ضمتها لميس بصوت مخنوق:Thank you Reem
أبعدتها ريم عنها:هذا وقت أفلام هنديه(وبتهديد)وترى شوفي إذابتقضينها معاي أفلام هندي ترى برجع في كلامي
ضحكوا وجت عندهم الخدامه تخبرهم ينزلوا تحت
دخلت لميس للحمام تاخذ شور ولماطلعت لقيت ريم مجهزه لها ملابس من ملابسها انحرجت لأنها ماتقدر تلبس ملابسها اللي كانوا عليها ومامعاها غيرهم أخذت اللبس وشافت فيه الإسكترات يعني اللبس جديد لبستهم وكانوا تنوره لنص الساق بنيه مكسره وبلوزه بيضاء عليها كتابات بنيه بأكمام طويله استحت تنزل وجلست ع السرير
دخلت ريم:واو و و و يهبل عليك
لميس باحراج:مشكوره ريم بس أنا إبغى أروح لبيت أم هدى بجيب ملابسي وأغراضي مابغى أثقل عليك زياده
ريم فهمت عليها:ترى بزعل منك إذا عدتي هالكلام هذا وإذا على أغراضك نروح نجيبها ولايهمك ويالله ننزل أبوي تحت
نزلوا تحت في الصاله وكان الكل موجود ماعدا فيصل
سلمت رنا ع لميس ببرووود وجلست
أبو رعد بحنان:كيفك اللحين
لميس بخجل:تمام الحمدلله
أبو رعد:إن شاءالله ترتاحي هنا
وترى البيت بيتك
لميس بخجل رفعت راسها تطالعها:ماتقصر ياعمي الله يطول في عمرك
أبو رعد لف وجهه لريم:ريم اليوم روحي للسوق مع لميس وخليهاتشتري اللي ناقصها
لميس باحراج:لا ياعمي أنا.....
قاطعها أبورعد:هذي فلوس أبوكي من حقك
ريم:ماعليك يبه بنروح إن شاءالله
عادل:ههههه والله وأخذتي الجو كله يالموس
رنا بهمس:مو هذا اللي تبغاه
سمعتها لميس وانحرجت لأنهاتقصد إنهاداخله عندهم ع طمع بس هي ماتبغى فلوس تبغى تكون وسط أهلها
أبورعد خز رنا بنظرات سكتتها وقام وطالع ساعته:يالله مابقى شئ ع الطياره لازم أمشي
سلم عليهم وطلع
رنا طالعت لميس وأشرت عليها بسخريه:مو هذي تنورتك ياريم ليش لابستهاماعندهاملابس تلبس من ملابسك
لميس جرحتها كلمتها وانحرجت
عادل وريم طالعوا رنا بعصبيه
لميس حاولت تجمع قوتها وبثبات:أيوه ،حلوه علي صح أنا وريم واحد مافيه فرق بيننا
رنا انقهرت توقعتها تبكي تقوم وتترك المكان تسكت لكن ماترد عليها بثقه ولاكأنها قالت شئ
رنا:عادي قولي ماعندي ملابس ليش مفتشله
لميس ماسكه غصتها بالقوه خصوصا إن أم رعد ساكته وتتفرج
ريم بعصبيه:رنا إنطمي أحسن لك
لميس قامت:عن إذنكم
طلعت من الصاله وقابلت فيصل وماقدرت تطالع فيه علشان مايشوف دموعها اللي حابستهم مرت من عنده من غيرلا ترد ع سلامه وصعدت فوق
فيصل استغرب ودخل للصاله
فيصل:السلام عليكم
ماحد رد عليه غير أم رعد
فيصل:وش فيكم
ريم قامت معصبه:إنتــــي ماعندك قلب ماتحسين ترمين الكلام ولاتثمنينه
فيصل عرف إنهاتقصد لميس وعصب:وش فيـــكـم
ريم بقهر تطالع رنا اللي تطالعها ببرود ولا كأنها قالت شئ:إسأل الأخت رنا
طلعت من الصاله وفيصل لف ع رنا:رنا وش سويتي
رنا قامت:أففففف مالك خص
طلعت وطلعت وراها أم رعد اللي عجبها كلام رنا لأنها ماتبغى لميس
عادل ماحب يقول لفيصل شئ وقام وطلع
فيصل جلس محتار بس اللي متأكد منه إن رنا ضايقت لميس بكلامها حس بالشفقه ع لميس بس مايقدر يسوي شئ
****************
لميس سمعت دق خفيف ع باب الحمام ووصلهاصوت ريم:لمييس
غسلت وجهها وافتحت الباب مبتسمه: هلا
ريم:أنا آسفه ع اللي صار رنا هذي طبايعها
لميس ابتسمت :لا ماصار شئ
وقالت بتغير الموضوع وهي تطلع من الحمام:رغد ما جات
دخلت رغد الغرفه:سمعت إسمي مين اللي يحش فيني
لميس ضحكت :هههههه لا مانحش فيكي بس أسألها إذا جيتي وإلا لا
رغدسلمت عليها:الحمد الله ع السلامه نورتي البيت
ابتسمت لميس:منوره باصحابها
ريم بتريقه:كان جيتي معانا مولازم يتعب نفسه عمور ويوصلك بنفسه
رغد جلست:وش عليك
ريم:بتنامين عندنا
رغد دلع:لا عموري مايقدر ينام من غيري
ريم:يا ا ا ا ا ي ع الحب
لميس بضحكه:وشفيك غيرانه خلاص بقول لعمي يدور لك ع عريس
رغد ضحكت:هههههههههههههههه
ريم دلع:لا توني صغيره بزوجك إنتي قبل علشان أرقص في عرسك
لميس:ليه يعني إذا متزوجه ماترقصين
ريم بدلع ترفرف بعيونها:أيوه لأن زوجي بيغار علي أرقص عند الناس
رغد ولميس:ههههههههههههههههههههه
دق جوال ريم وقفزت فوق السرير أخذت الجوال وتربعت وردت:آلــــو
أمل:هلا ريامي
ريم:أهلين أموله
أمل:أقول عطيني بنت عمي أسلم عليها
ريم:وش دعوه قولي كيفك أخبارك مو ع طول سحبتي علي
أمل بعناد:مثل ماسحبتي علي ولاحتى بمسج أنا بسحب عليك ويالله عطيني لميس
ريم تمثل الصدمه:وللللللل كل هذا في قلبك
أمل:وأكثر،ويالله عطيني لموس حبيبتي
ريم :وجع أمداكي تحبينها وأنتي مابعد شفتيها
أمل:أيوه كيفي،عطيني أكلمها
ريم:طيب طيب
مدت ريم الجوال للميس:خذي كلمي أمل بنت عمك ناصر
أخذت الجوال وهي خجلانه:hello
أمل:هلا ببنت عمي كيفك
لميس ابتسمت:تمام إنتي كيفك
امل:تمام،الحمد لله ع السلامه وسامحيني لأني مازرتك في المستشفى
لميس ضحكت:ههههه الله يسلمك،معذوره
أمل:بس ولا يهمك بزورك أن شآءالله بكره
لميس:حياكي
سولفت معاهاشوي وسكرت
ريم أخذت الجوال:وشرايك فيها
لميس:شكلها حبوبه بس كم عمرها
ريم :في مثل عمرنا 18 سنه وعندها خوات (تعد بأصابعها)رهف وعمرها في مثل عمر رغد وزواجها قريب
وسار سنه وعندها إخوان شباب خالد ورائد والصغير ياسر
لميس ابتسمت:ماشاءالله
ريم نزلت من السرير وجلست جنب رغد ع الكنب:لميس تعالي اجلسي بكلمك
راحت لميس عندها وجلست:تفضلي
ريم متردده:امممم أناسمعت إن عندك أخ متوفي صح
لميس تغير وجهها بحزن:أيو في عمر فيصل تقريبا
ريم:في حادث سياره مع امك
لاح قدام لميس صورة رامي محترق غمضت عيونها تبغى تطرد صورته من راسها كان شكله يروع جثه سوداء من الحريق نزلت دموعها وغطت وجهها بإيدها تبكي
انصدموا البنات ورغد ضمت لميس وتطالع ريم بنظرات توعد
:خلاص ياقلبي أهدي
ريم تلعثمت ماتدري وش تقول ماكانت عارفه إن ذكرهم يبكي لميس كان متوقعه إن هالشئ مارح يأثر فيها متوقعه إنها تعايشت مع الأمر لأنها ماكانت عارفه إن موتهم بالصوره البشعه هذي موحادث سياره
ريم :أ...سوري لميس ماقصدت أبكيك آسفه
لميس ابعدت عن رغد تمسح دموعها:I'm Sorry
ريم تحاول تغير الجو:تعالوا ننزل للحديقه وش رايك لميس
قامت لميس:ok بغسل وأنزل
دخلت للحمام وريم ورغد نزلوا ورغد تلوم ريم وريم تبرر إنها ماقصدت تضايقها
في غرفة رنا
رنا تكلم دلال و جالسه ع كرسي المكتب تدورفيه وتضحك
: هههههههه لوتشوفين شكلها تموتين ضحك عليها أحس ودها الأرض تنشق وتبلعهامن الفشله
دلال:تستاهل
رنا بتوعد:ولسى ماشافت شئ مني
دلال تضحك بخبث:الله يعينها عليك
***************