البارت الثامن عشر
مدخل ,,
للمواقف دور في كشف المزيف والاصيل .....وانت ماقصرت فيني موقفك جدا شجاع
طعنتك في الظهر فعلا كانت اثبات ودليل....... يعني اعطيتك ثقة وتردها بلوي الذراع
قاعدة على درج بيتهم يطل على الحوش الكبير كعادتها السهر هوايتها الساعة 2 بنص الليل ترتاح لانام كل اللي بالبيت وتبقى لوحدها صاحية ضامه رجلينها وتطالع بالسماء وجوالها بجنبها تنتظر أي اتصال او مكالمة منه له يومين مختفي وبكرة بيسافر للشرقية :أأأأأأأأأأأأأه يافيصل وينك فيه ليه ماترد على اتصالي ماني مرتاحة ابد "تنفست بعمق "اعوذ بالله الله يستر من هالليلة يارب
هز جوالها انشرح صدرها وردت بسرعة : الووووووو
سمر:اهلين يالزفته
لما"اوف وانا افكرك فيصل ": هلا سمور كيفك؟
سمر"بعصبية": لا وبعد تسالين عن حالي لو اني ماتصلت كان ماتصلتي علي ولاسالتي وش سويت بالشوفة
لما"تضرب راسها بيدها ": اووووووة سمور والله نسيتك هههههههههه
سمر:وتعترفين بعد
لما:سمور والله نسيتك يالله قولي وش صارلك كيف العريس ياقمر ؟
سمر: والله ماراح اقولك شي انتظرتك يومين تتصلين تسالين وانتي مو معبرة حتى اخذ عقلك فيصل
لما"رجعت الضيقة لها ونزلت راسها بانكسار وكتمت الحزن وبخاطرها وينه فيصل اللي حاسدتني عليه وانتي معك خالد اللي يموت في ترابك اللي تمشين عليه وينه فيصل مانتي عارفة وش سويت بنفسي ياسمر كان كرهتيني ": مااحد اخذني عنك بس وربي نسيت يعني تبغيني اكذب عليك واقولك انشغلت لا نسيتك وبس
سمر:اوكي لاتعصبين بس عقاب لك ماراح اقولك شي عن الشوفة وخلي الشلة تقولك
لما:كان ودي اسمعها منك بس شكلك نحيسة عالعموم اهم شي الشيفة وفاء ماخربت عليكي الجو
سمر"تذكرت الموقف اللي صار لها مع وفاء ": تدرين اني بسببها كنت بكنسل الزواجة بس ربي ستر وكشف حيلتها يالله مابي اضيق عليكي اهم شي صرت مع خاااااااالد واااااااااو لما بموت من الفرح وربي له من اول ماشافني وبعد ماخلص الحفل مانقطع من الاتصال كل دقيقة يتصل ويبي الملكة قريب بس انا مارضيت ابغاها لاخلصت الكلية او برابع سنه ماعندي مانع بس الحين نو وي
لما"حز بخاطرها كلامها تمنت الخير لصديقتها بس ودها تكون زيها وتفرح مع فيصل وتكون علاقتهم رسمية بدل ماهم يتقابلون بالظلام ": الله يوفقك يارررب ويسعدك دنيا واخرة
جاية من ورا لما وحاطة بطنيتها فوقها :السلاااااااااااام فاعدة لحالك هنا
لما"لفت وجهها لورا وشافت مرام بتجلس معاها والا بتسامة بوجهها ": سمور بكلمك بعدين وابغى التفاصيل اوكي
سمر:قرقوش جت صح؟؟ يالله حياتي انتبهي لنفسك
لما"عصبت بقوووة": لاعاد تقولين هاكلمة خلاص كرهتها
سمر"استغربت من عصبيتها وحست ان لما صاير معاها شي مع فيصل": اوكي اسفة باااي
لما"قفلت السماعة ورجعت تطالع بالسماء ومطنشة وجود مرام بجنبها"
مرام:بل عليك احد يكلم صديقته بهالاسلوب
لما:صديقتي وبكيفي
مرام"نفسية هالبنت دايم متقلبة مزاج": اممممممممممممممم
لما"ترفع حواجبها فوق مستغربة الابتسامة بوجه مرام": الله يديم هالضحكة وش المناسبة
مرام"شابكة يدينها ومترددة تتكلم": بقولك شي بس مابي اتكلم فيه قبل مايكون كل شي صدق ورسمي
لما"دقات قلبها قوية لدرجة ضاغطة عليهم وتتعوذ من الشيطان": قولي
مرام"تبتسم ":فيصل خطبني تقولي شهد انه هو بنفسه قال يبيني
لما"سكووووت انشل لسانها صدمة ثانية قوية بحياتها صداااع فضيع براسها ماعادت تشوف بعوينها كل شي ظلام بظلام ماتبغى تبين ولا ذرة وحدة لمرام وتشككها بعلاقتها بفيصل وانها تحب فيصل لفت وجهها ومسكت جوالها وفتحت على لعبة تشغل نفسها فيها يد ترتجف ونفس سريع يخلي الواحد يشك مليون بالمية ان هالشخص متضايق": مبروك
مرام"تطالع بلما وزادت ضنونها بان ورا لما سر مع فيصل ": واااع تخيلي انا اوافق على فيصل فرق بالعمر انا اكبر منه وبعدين هو انسان كذاب ومنافق وعصبي ومو من مستوا تفكيري والله عندي برهوم ارحم منه اوافق علية ولا على فيصل
29-11-2011, 04:26 PM
إضافة رد: رواية واقعية وشخصياتها حقيقية رواية" وقف قبل لاتروح علمني كيف انساك" للكاتب
منتديات بنات
انا بحاجه لردك
