كلمات لا تعرف الصمت

[*ضي القمر*]

في قلب العالم
سنرى حكاية اليوم
بل هي ليست حكاية هي اسطورة
هذه اول مرة اكتب قصة بتمنى انه نشوف ارائكم وردودكم الحلوة

لنعيش حكاية هيثم مع عائلته

ابو محمد : اهلا بالغالي كيفك يا هيثم ان شاء الله منيح
هيثم : الحمد لله
ابو محمد : انت مو معي
الظاهر انك سرحان بحبيبة القلب
هيثم : لكن اذا ما سرحت فيها بايش بده يروح بالي
ابو محمد : له له
ومين بتكون لا تقولي بنت ابو فادي لانها هاي البنت قوية
هيثم : مين بنت ابو فادي
انا وين وانتم وين
ابو محمد : لك واقع في الغرام ولسا عمرك 7 سنين
هيثم : ومين ما حبها
انت حبيتها ولهلأ بتحبها ومن شانها بتدفع روحك
ابو محمد : لك جننتني الي مين هيه
هيثم : فلسطين يابا فلسطيييييين
ابو محمد : متحكي من الصبح هيك من اول ما قعدت وانت بالاغاز بتحكي
بس والله كلامك صحيح يا بني اه يا زمن شو ساويت فينا
هيثم : بقولوا انه في فلسطينين مو بفلسطين
ساكنين بدول ومدن تانية طيب مين الي بيترك ارضه ووطنه
ابو محمد : ما في حد بيعمل هيك الا اذا كان مجبر
يا بني
قصة فلسطين مو بس هلا
من ازمان واجيال فلسطين بتتعذب وبيصير فيها مجازر ومذابح وحروب
كان لازم نصير دولة مستقله في عام 1948 بس بريطانيا اعطت لليهود وعد اسمه وعد بلفور
انته هلا ما بتعرف شي
بس تكبر بتعرف وبتتعلم
هيثم : طيب ليه هيك
ابو محمد : كانوا يقولوا انه فلسطين ارض بدون شعب
واليهود شعب بدون ارض
هيثم : بس هاي ارضنا واحنا شعب
احنا ناس كتار
وين بدنا نروح
ابو محمد : في ناس اجبروهم على الهجرة وتركوا اراضيهم واهلهم
[IMG]http://www.maktoobblog.com/wp-*******/blogs.dir/7097/files/2009/03/10.jpg[/IMG]
صورة قديمة جدا لفلسطينين هجروا من ارضهم


وفي ناس صبروا
وصار عليهم حروب ومجازر مثل ما قلتلك
هيثم : احكيلي با بابا بدي اعرف كل شي عن ارض فلسطين
او محمد : يوووووه يا ولدي ما بقدر اقلك كل هذا
الي صارعلى فلسطين لا بينعد ولا بيحصى
هيثم : طيب قول لي الي تعرفه
ابو محمد : في مدينة القدس * زهرة المدائن * فيها المسجد الاقصى وقبة الصخرة



صورة المسجد الاقصى


صورة قبة الصخرة
عانوا كل اشي عملوا مجزرة فيها عام 1990 ومات عشرات وجرح مئات
حتى هلأ يا بني عم يحفروا تحت المسجد الاقصى ونهاية هذه الشي رح يدمر
المسجد الاقصى


صور حفريات تحت المسجد الاقصى


اما مدينة الخليل يايني فهي فيها الحرم الابراهيمي الشريف
وفي مغارة المكفيلة الي اشتراها سيدنا ابراهيم من حاكم المدينة وفي عهد الرومانين بنوا سور ضخم كبير حجارته كبيرة كتير حول المغارة
حتى انه من كبر حجارته ظن الناس انه من صنع الجن بامر من سيدنا سليمان


هيثم : كمل يا بابا بدي اعرف اكتر
ابو محمد : مهلك علي
مو كله مرة واحده
لساتك صغير
هيثم : لا مين قلك اني صغير
انا شب كبير ولازم اعرف عن ارضي
ابو محمد : والله انك راجل ونص كمان
المهم يا ولدي
وفي يوم من الايام كانوا الناس بدهم يروحوا على الحرم الابراهيم بدهم يصلوا صلاة الفجر في رمضان
ودخلوا الصهاينة من وراء المصلين
ويطلقون النيران على كل المصلين
ما بيعرفوا نساءء او اطفال او شيوخ
حتى انهم ما سمحوا بسيارات الاسعاف تسعف المصابين والشهداء
هيثم : ووين الناس وين العرب
ابو محمد : اهل الخليل ثاروا على الصهاينة وكانوا يتصدولهم
بس الجنود الاحتلال الي يقرب بطلق النار عليه
اه يا زمن شو صار فينا وشو بده يصير فينا
((( مهم جدا هذه رابط فيه كلام بعض الي كانوا في مجزرة الحرم الابراهيمي وما استشهدوا اتمنى انكم تشوفوه )))
http://stray-pen.maktoobblog.com/626...A%D9%85%D9%8A/

وهلا يا بني
الحرم الابراهيمي اكثر من نصه استولوا عليه اليهود
وما بدخل حد الحرم الا باذنهم



صورة للحرم الابراهيم وفي ساحاته المستوطنون


مو بس مدينة الخليل والقدس صار هيك فيها
لا يا بني
صار في كل مدن فلسطين
وكل جريمة ابشع واقسى من التانية
هيثم : طيب واحنا ما صار عنا شي
اقصد في غزة
ابو محمد: اكيد صار عنا
وصار اشياء كتير
بس الله يستر من الجاي
هيثم : انا لما اكبر يا بابا بدي اكون مجاهد وادافع عن ارضي ووطني مثل محمد اخي الي استشهد ويوسف
ابو محمد : ان شاء الله
ويوم استشاهدك رح تلاقي اخوك محمد الله يرحمه ويدخله اعلى جناته
اخوك مثلك يا بني كان يحب ارضه ووطنه
كبر وحارب مع المقاومة
واستشهد يا بني
هيثم : الله يرحمه
ابو محمد : شو ما بدك تنام
هيثم : امرك بصلي العشاء وبنام


يتبع

[*ضي القمر*]

ابو محمد " هيثم هيثم
بسرعه يابني قوم
هيثم : بابا ليش عم تحملني شو في

بعد لحظات قليلة فهم هيثم ماذا يحدث
الطائرات تقصف في كل الجهات وكان الذي ينظر الي السماء
يظن بان السماء تسقط صورايخ مثل الشتاء




النساء والاطفال يصرخون ويبكون




القصف لا يتوقف













جرحى وقتلى ودماء
اطفال مصابون




نساء تصرخ وتبكى

اينما ذهبنا
دمار وبيوت مهدمه والناس تصرخ من تحتها
[IMG]http://www.maktoobblog.com/wp-*******/blogs.dir/72706/files/2009/04/d8b5d988d8b1-d8a7d984d8add8b1d8a8-d8b9d984d98a-d8bad8b2d8a97.jpg[/IMG]


حتى المساجد
تخيلو انتم
[IMG]http://www.palestine-info.info/Ar/DataFiles/*******s/Files/gallery/2009/jan/gaza/mosq_26_1_09/mosq_12.jpg[/IMG]
اذا كانوا يريدون اصمات صوت الاذان
لم يفعلوا ولن يفعلوا
ومهما حاولوا
فالاذان محفوظ في قلبنا وسنردده دائما



الناس يحاولون اخراج الاشخاص تحت اكوام من الحجارة المهدومة فوق رؤسهم
هيثم : ابي ابي
وين امي
ام محمد : لا تخاف يا بني انا موجودة
هيثم : يوسف يوسف
وينه
ام محمد: يوسف مو هون انت بتعرف انه مع المجاهدين
الله يسترها
يارب احميه
ابو محمد : انا لازم اروح لازم اساعد الاهالي الي تحت الانقاض
هيثم : بابا لا تروح وتتركني
ابو محمد ك مو انت التلي انك شب وبدك تكون مجاهد اليوم اثبتلي هده الشي
وانتبه على امك منيح
هيثم : طيب يا بابا
بس اوعدني انك رح ترجع
ابو محمد : ان شاء الله

سارة : هيثم انا كتير خايفه شو بده يصير فينا
هيثم : لا تخافي يا اختي لازم يكون قلبك قوي بعدين انت اكبر مني ولازم تكوني تعرفي هده الشي
سارة : خايفه كتير على بابا

بعد لحظات
سمع هيثم وسارة صوت القصف قريب جدا من بيتهم
هيثم : لا ابي
سارة :علة وين بدك تروح
هيثم : اسمعي يا سارة القصف
انا متاكد انه بابا بده اياني
لازم اروح يا سارة
سارة : لا يا اخي لا تتركنا لحالنا
هيثم : لازم اروح يا اختي انتبهي كتير على امي
وحاولي انها ما تشوفني لانها رح تمنعني اطلع
سارة : بس لا تتاخر
هيثم : طيب

هيثم : بابا بابا
شاف هيثم الارض مولعه ونار
والناس مجتمعين
وفجاة شاف ابوه مقطوعه رجله وكان في اخر لحظات حياته
هيثم : بابا بابا
ابو محمد : انتبه على وما كمل كلامه
هيثم : انا عارف يا بابا رح انتبه على امي واختي منيح ورح اكون مجاهد مثل ما وعدتك
بس قوم انت
صار هيثم يبكي
كان عارف انه والده خلاص في هاي اللحظات رح يستشهد
نطق ابو محمد الشهادة
في هذه اللحظة فقد هيثم عقله
بالله عليكم تخيلوا هده الموقف طفل عمره 7 سنين بشوف والده عم يموت قدامه

صار يبكي هيثم
بعد لحظة مسح دموعه شخص وقله مين هده
قله هيثم : هده بابا
فجاة شاف هيثم رجال عم يسحبوا ابوه وبدهم ياخدوه
هيثم : على وين بدكم تاخدوا ابي
لا تخدوه لا


مسكه الشخص الي مسح دموعه وقله
الشخص :انت رجال وعيب انه الرجال يبكي
امسح دموعك اشوف
الشخص :وين امك
هيثم : في البيت
الشخص : وانت شو بتساوي هون مو عيب عليك تخلي امك لوحدها
ما بتعرف ممكن هلا بدها اياك
هيثم : عندها اختي
الشخص : ما بينفع انت الرجال
هيثم : بعد عني
صار هيثم يجري على بيته
وهلا الصدمه الكبيرة
شاف بيته مدمر
هيثم : لا بكفي
لا لا
ماما سارة
هيثم يطلع فوق الانقاض وهو عم يصرخ ويبكي وينادي على امه وسارة اخته
اطلع هيثم في السما وصرخ باعلى صوته وبصوت كله قهر وحزن
قال : يارب ساعدني
بعد لحظات اجو الناس عم يقيموا الحجار حتى يشوفوا الناس الي تحت الانقاض
بعد ما طلعوا امه واخته كانوا خلاص استشهدوا
اطلع هيثم بامه وقلها : ماما ليه تروحي وتاخدي سارة وما تاخدني
حرام
خديني معك
ويشوف اخته سارة الي كانت تحبه كتير كان عمرها 14 سنه
مسك ايديها وقال
سارة انا جبتلك هدية بس انسيت اعطيك اياها
وطلع من جيبته سوار عليه علم فلسطين
حط السوار في ايدها
مسح دموعه



يتبع

[*ضي القمر*]

في هاي اللحظة اطلع على السما لاقى الصورايخ تنزل على الارض


يطلع على الناس

شهداء وين ما كان الارض كلها دم


مشى في الشارع وشاف بنت عم تصرخ على ابوها


والي يبكي على اخوه او صاحبه

كان يمشي لا يعرف الى اين
كانت دموعه لا تنقطع
وكانها شلال ماء
اخدوه جيرانه
وكانوا اناس طيبون كثيرا

مازالت الحرب على اهل غزة ولم تتوقف
مضى 4 ايام على فراقي لاحبابي

كان هذا هو اليوم الموعود
كان هيثم يمشي بجانب بيت جيرانهم
وفجاة شاهد اخوه يوسف
هيثم : لا مو معقول
يوسف
جرى هيثم في حضن اخيه يوسف
كان يوسف عمره 20 سنه

يوسف : يالله شو اشتقتلك يا اخي
هيثم : وانا كمان كتير اشتقتلك
يوسف ماما وبابا راحوا كمان سارة تركتني لوحدي
يو سف بترجاك لا تتركني لحالي خدني معك
يوسف : الله يرحمهم يا اخي
لا تهتم يا اخي انا لساتي معك
بس انا جيت اشوفك اليوم ولازم ارجع
بس بوعدك اني ارجعلك
هيثم : لا لا تروح وتتركني
لا يا يوسف
يوسف : ما بقدر لازم اروح واعمل واجبي لازم اروح اجاهد
انا ما جيت الا بس اشوفك
رح ارجعلك يا اخي
هيثم : طيب يا اخي انا بستناك
بس اكبر خدني معك بدي اجاهد معك
لا تتركني لحالي ابدا
هيثم : خد هاي الورقة لا تتخلى عنها
ودع يوسف اخوه هيثم
كان هيثم متمسك في اخوه يوسف ومو قابل يتركه والتنين كانوا عم يبكوا
في النهاية راح يوسف
وهيثم رجع لبيت جيرانهم

في اليوم الثاني
ككان هناك قصف بجانب بيت جيرانهم وفي هذه اللحظة استشهد هيثم كان مثل الملاك
عيونه الواسعه السوداء وشعره الطويل الجميل
واكثر من كل هذه ذكاءه

كانت الصدمه الكبيره ليوسف
عندما علم ان اخوه قد استشهد عندما رجع ليلاقيه مرة تانية
فتح يوسف الورقة التي اعطاها اياه اخوه هيثم
ومكتوب بها بخط كبير
احبك يا فلسطين

في النهاية استشهدت هذه العائلة جميها وبقي يوسف الذي ما زال يجاهد وربما في يوم من الايام او في لحظة من اللحظات سيستشهد هو الاخر
توقفت الحرب على غزة وتوقف القصف عليها ولكن ما زال موجود الحصار على اهل غزة ولكن لا يوجد فيها ولا صهيوني ولكن الحصار هذا من النوع الجديد حصار مسلمين على مسلمين
سيعمل المصريون سور فولاذي يفصل بينهم وبين اهل غزة
اما اهل فلسطين فما زالوا يعانون
ولا احد يعلم ماذا سيحدث غدا

ولكن من كان يعتقد بان اهل غزة سيصمدون قرابة شهر تحت القصف والحصار
لا احد ولا حتى الصهاينة
حتى انا لم اتوقع
ولكن هذا يدل على انه لم نتخلى ولن نتخلى عن فلسطين

اتمنى انكم تسمعوا هذه الاناشيد الفلسطينينة
اولا
انشودة جميلة جدا اسمها لا تبالي يا غزة

http://www.youtube.com/watch?v=8laZT...eature=related

وانشودة خاصة لفلسطين الغالية
هذه اتمنى انكم تسمعوها
http://www.youtube.com/watch?v=-c7iE...eature=related

انا وضعتهم فيديو كنت حابه اورجيكم الاشياء والصور الي ما قدرت احطها
اتمنى اني ما كنت دايقتكم بهذه الموضوع
واسفه لاني طولت فيه كتير
وياريت اشوف ردودكم الحلوة
تحياتي لكم

ضي القمر

[*ضي القمر*]

اتمنى انه الي يشاهد الموضوع
يرد ولو بكلمة واحدة
وانا اعتقد
انه الي ما يرد ويضله صامت فهو يقبل بلي بيصير باهل غزة وفلسطين
والسكوت هيه علامة الرضى
وانا ما بطالب في حروب ولا حتى مظاهرات
انا بس بطلب ردود على موضوعي
اتمنى منكم الردود

وهذه نشيد اخر جميل
يا امة عربية

http://www.youtube.com/watch?v=Rj-g5...eature=related

[الأميرة فيونا]

رائع رائع رائع رائع رائع رائع
رائع رائع رائع رائع رائع رائع
رائع رائع رائع رائع رائع
رائع رائع رائع رائع
رائع رائع رائع
رائع رائع
رائع
فوق الوصف
صرآحه جدا رائع
تستاهلين الاستارز
وسمعه كمان