حالة شاب و هو يكلم بنت بالتليفون

[# بنوته تحبكم #]

هلا شباب و بنات

تمام






طبعا هذا مثال على الحاله وهي حاله


الوله والخرابييييييييييييط



والله يكسرون الخاطر



اقرو وخلصونا



كنت نايم.. وبعالم الأحلام هايم..


مادري في شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..



رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..



سمعت صوت ماتوقعته.. :
ولا في خيالي تخيلته..
ولا حتى بحلمي سمعته..



>بنت.. <<



قلت هلا


وقالت اهلين..
نوره موجوده؟؟



قلت وأنا صوتي رايح فيها..
لحظه شوي بناديها..
وجلست أصوت واقول نوره .. يامن نوره يلاقيها..
ورديت للسماعه وقلت مادري وين راحت الله يهديها..



بس دقيقة ماعندنا نوره!!
وبادر البنت خوف!!
قالت آسفه غلطانه..
قلت ولا يهمج عادي لا تكونين زعلانه؟؟
مايهم اذا ماعندنا بالاسم فلانه..



وقالت شكلك كنت نايم..
قلت لا.. توني قايم..
قالت تدرس ؟؟



قلت الدراسه خلاص باح..
انتي شكلج تدرسين؟؟
كيف اختباراتج ؟؟ عسى أنكم مرتاحين..
قالت باقي لنا ونخلص يومين
وخايفه والله من مادتين..
قلت من الاختبارات لآ تخافين..
دامج الليل تذاكرين..
وعلى الله تعتمدين..
واللي يزرع جح ( بطيخ ) ما يحصد يقطين..
أهم شي انج ماتنسين..
قبل الاختبار الله تدعين..
ومن إبليس تتعوذين..
خلقه من نار وخلقنا من طين.. وجلسنا نسولف في أمور..
من شو اسمج الين غلاء المهور..




قالت اسمي (ود) وقلت لها انا احمد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال



وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..




وبدلع..قالت أنت تشجع الوحده؟؟



قلت في قلبي.. مادري أجاوبج بكف ولا بنعال..
بالله عليج هذا سؤال؟؟



قلت أنا عيناوي.. وما يهمني القيل والقال.. << احلى
هذا الكوماندوز هذا حبه طاح في القلب ولا ينشال..
والشمس مايغطيها مشخال..



قالت شمعنى العين !!..
قلت يا بنت.. العين فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر.. << احم



و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..



قالت.. احمد..
قلت آمري يا ود..
قالت اوصف لي شكلك..



هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني مب طويل ولا قصير..
شعري ناعم مثل الحرير..



قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى شهد



المهم ان تواعدنا..
والموعد باجر في المول قررنا..
بين خوف وامل تواعدنا..



وقضيت ليلتي في حيرة..
وش البس؟؟ جنز ولا كندوره والله حيرة..
مافي غيرها يفج الحيرة.. شيشه و تعميرة..




ورجعت للبيت اعاتب امسي وابتسم لغدي..



وبصعوبة نمت.. قعدت اتجلب وون..
يا قلبي قلي شو اللي من الحب اهون؟؟



غريبه هالدنيا غريبة..




وراحت ليلتي.. وزادت بلوتي..
اليوم موعدي.. انا والحب بنلتقي..



وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..



مب سوالف شجاعة.. هذي اكبر بطولاتي..
ايذا خسرت بتضيع احلى امنياتي..
جلست ادور والف وحول المكان اطوف..
وين هذيج العين اللي عليها قلبي ملهوف..
ود؟؟ ياليت الناس تيي وتشوف..







وفجاءة..





وصلني مسج..


يقول..
سويتها فيك
رد بيتكم وخل عنك هسوالف ياتـعبان



روح نام ..
تعيش وتاكل غيرها
و سويتها فيك ..






:المرسل











الــــــــــــــــــوالده




مــــــــنـــــــــقـــــــــــــــول



تحياتي

[رغـد]

هههههههههههههههههههههااااااااي
والله فشله من أمه
" لكن تبغين الصراحه عجبتني هذي الأم باين عليها لعوبه بشكل "
مشكوره < بنوته > .....
والله موضوعك حـــــلو ** وقالوها الحلو مايجي منه الا كل شي حلو
تحياتي ,,,
رغـــــد

[][الإيـرلنــدي][]

هههههههههههههههههههههههههههههههه

والله جنان الله يرجك اما عاد الولده كبيره هي


خخخخخخخخخخخخخخخخخخخخخ

تبغا تختبر ولدها والله طاح من عينها

هههههههههههههههههههههههههههههه

ولا وبعد عيناوي ههههههههههههههه

من جد خلك في البيت

تحياتي لك اختي
اخوك
اسير الحب

[بنووته حلووة]

" ههههههههههههههه "


حلوووووووووة منك


تسلميييييييييييييييييييين



بنووته ولا احلى

[يغار الحلا]

ههههههههههه
حلوه..تصير كثير..
مشكوووره...