صحيت على اصوات الضحك و السوالف مسحت الدمعه اللي خانتها و نزلت على وسادتها الحمد لله على كل حال الله يعوضني خير
غدي غدي بتصحين و الا اصحيك بطريقتي
ابعدت الغطا عنها و فزت من سريرها بسرعه لأنها تعرف ابوها لما يعصب فقررت انها تستجيب له بدون اي نقاش
ـ،ـ،ـ،ـ،ـ،
في الجامعه
رنيم: يلا بسرعه قبل ما تنحجز طاولتنا
رجعت شعرها على ورا و مشت بهدؤها اللي يبعث في نفس كل من يراها بان صاحبة هذه المشية تمتاز بالغرور لما وصلو لطاولتهم جلست رنيم بنشاط
رنيم :يا سلام خفت ان احد جلس هنا
سحبت الكرسي و جلست و بدأت تلعب بشعرها :اصلا دامني اجلس عليها ما راح تتجرأاي واحدة تجلس عليها
رنيم:اوف ع الثقه الزايدة يا سارونتي ههههههههههههههه شوفي غدو جايه غدو هنااااا و قامت تأشر لها لما جلست معهم حول الطاولة
غدي:سلام اخباركم بنات ؟رنيم :أهلين احنا تمام اخبارك ؟؟
طالعت غدي في سارة اللي ما تكلمت و قاعدة تطالع في الكتاب اللي كان بين ايديها و حاطه رجل فوق الثانية
غدي:امممممممم شكل وجودي مزعجك يا سارة
رفعت سارة نظرها تتفحص غدي اللي خجلت من نظراتها
رفعت سارة حواجبها سارة:لا عادي خذي راحتك
رنيم : هيه غدو محاضرة الدكتورة لطفية يلا نروح
سارة و هي تطالع ساعة يدها الفضية :بسرعه الساعه بتصيير و الدكتورة لطفية ما ترحم لمو
رنيم و غدي اغراضهم و راحو لمحاضرتهم
.ـ.ـ,ـ.ـ.ـ.ـ.
الله يوفقك يا ولدي و يحمي لك احباب قلبك
امين يا رب
ثم نادى ع الممرضة و بدأ يكلمها بالإنجليزي ثم رجع يكلم الام
اسمعي يا خالة انا راح اصرف له مضاد حيوي يستعمله مرتين في اليوم و لازم تهتمين زين بأكله اتفقنا
ردت الام اللي كانت تضم ولدها اللي ما تجاوز 5سنوات ابشر يا ولدي
اتجه الى مكتبه و بدأ كتابة الوصفه: تفضلي يا خاله و لا تنسين اهتمي بتدفئته و الدوا في مواعيده
ابشر يا ولدي الله يجزاك خير
طلعت المرأه و دخلت الممرضة تعلمه ان هذه المرأة و ولدها كانو اخر المراجعين رجع ظهره على الكرسي بارتياح
اوف خلصت بدري
بعدين طالع في ساعة يده و قال في نفسه
ليش ما أسوي فيهم مقلب؟
طلع جواله و بدأ يدق
,،,،,،,،:،,،,::،
طلعت من محاضرتها بضيق فالتهزيئه اللي لقيتها اول المحاضرة كفيلة برفع ضغطها و تمنت لو انها تقدر تفش خلقها في اي مخلوق قدامها الآن دق الجوال فلما طالعت في الشاشه كان سبونج بوب يتصل بك ردت و بدون نفس
نعم ؟
ابتسم من قلبه و عرف انه اتصل في الوقت الصح
مهند:اعوذ بالله سارونتي حبيبتي من زعلها ؟
ساره:اقول طايح لي هاليومين رومانسية زايدة اخلص علينا وش تبي ؟
مهند:قولي تم
درت انها واحدة من مقالبه
ساره:الله يتممك بعقلك
مهند: ههههههه امين يا رب المهم قولي تم
ساره: على ايش قل لي و انا راح اقرر
مهند:اوف يا انكم الحريم ملاقيف صدق
ساره:هيه انت تحسب اني رايقة لك اخلص علي و قل وش تبي
اخذ نفس :عازمكم على الغدا في احلى مطعم في البلد
جاوبته ببرود: و المطلوب ؟
مهند:البسو عباياتكم مسافة الطريق و انا عندكم
ساره: اوكي مشكووور حبيبي
لما قفلت الخط كانت رنيم و غدي وصلوا عندها بادرتها رنيم بالسؤال :مين ؟؟
جاوبت بدون نفس مهند
رنيم:وش يبي ؟
ساره:يبي يوصلنا
انبسطت رنيم: و اخيراا حس على دمه و رحمنا
غدي:حرام عليك تقولي كذا عن اخوك
طالعو سارة و رنيم في بعض و قالو: شكلها ما تعرف مهند و ضحكو في نفس الوقت
قالت رنيم :يا حبيبتي مهند هذا واحد مو راعي مسئولية كيف دخل طب الله وحده يعلم
و كملت سارة و بعد راعي مقالب يعني الله اعلم وش قاعد يفكر فيه الحين
رنيم :الله يستر المهم مين راح يوصلك اليوم غدو
غدي:يمكن ارجع مع الباص لأن ابوي مو فاضي
قالت سارة :طيب اوكي ارجعي معنا بنوصلك في طريقنا
غدي:لا ما ابي اثقل علييكم
طنشتها سارة و شالت اغراضها :عشر دقايق و اتتو عند البوابة
و راحت تاركة وراها غدي و رنيم
غدي:و الله ما اقدر اجي اسفه رنو
رنيم:يا بنت الحلال روحي جيبي اغراضك و الا راح تاخذ منك سارة موقف
غدي:بس،،،
رنيم:لا بس و لا فار روحي جيبي اغراضك
استسلمت غدي امام اصرار صديقتها و راحت تجيب اغراضها و ما هي عشر دقايق الا و هم عند الباب
سارة :يلا مهند واقف برا
رنيم: أنا جاهزة و انتي غدو ؟
جاوبت غدي بارتباك :أ أ أ أنا جاهزه يلا
لما طلعوا كانت هناك سيارات كثيرة واقفه قدام البوابه و كل واحد ينادي بالمسئول عنها بينما هو ظل في السيارة لابس نظارته الشمسية
مهند:اوف ايش هالحر و هالانسات مالهم نية يطلعون
و بدأيضرب عالطارة بغضب شوي و فتحت واحدة الباب الامامي و دخلت بكل وقاحه راميه شنطتها عند رجولها و مادة ايدها علشان تعدل شفرات المكيف نحوها
اوف الجو حار
و هو باقي مستغرب من حركتها
مهند:الناس اول ما يدخلون يسلمون
طالعت فيه بنص عين و قالت بدون نفس
سلام
رد عليها :و عليكم السلام ايه شف بنت ابو نواف بنوصلها معنا
مهند بغضب:ليش وش شايفتني تاكسي
ساره:اشششششش هذي هي جاية مع رنيم
مهند:بس انتي تدرين اني ما اواطن ابوها
ساره:انت الحين بتوصلها و الا توصل ابوها
ضرب ع الطارة بقهر :اوفففف امري لله
انفتح الباب الخلفي و دخلت رنيم و بصوتها الرقيق :السلام عليكم عسى ما تاخرت بس
مهند :و عليكم السلام ابد ما في تأخير
دخلت غدي و سلمت بصوت منخفض بس ما احد رد عليها السلام غير رنيم
مهند: خلاص نحرك ؟
ردت سارة بصوت يملاه الملل:ايه
طوال الطريق و الصمت هو سيد الموقف طالعت غدي في رنيم اللي كانت مشغولة بجوالها و سارة اللي قاعده قدامها مباشرة فما قدرت تخمن وش قاعده تسوي ثم وجهت نظرها لمهند اللي كان مشغول بالسواقه تمعنت في وجهه صحيح انه لابس نظارات شمسية تغطي نص وجهه بس مع كذا لحيته الخفيفة مع شعره الاسود الكثيف اللي يشبه شعر رنيم خلاه وسيم جدا بنظرها تفاجأت لما شافته يطالع في سارة و يبتسم حست بأن قلبها بيوقف
غدي :إبتسامته تجنن
سارة :وجع ليش تضحك ؟
مهند:ابد بس تذكرت ان اليوم المكافأة
سارة:ههاي تحلم يا بابا
رنيم :الثمانمية كلها لك اخوي الغالي
سارة :الثمانمية كلها لك اخوي الغالي اقول عن الدلع ثم التفتت لمهند :انت اللي المفروض تعزمنا و اشرت باصابعهاا في وجهه اشارة له انه يستلم عشرة الاف
مهند:اعوذ بالله من شر الحاسدين
سارة :يووه احسدك على ايش يا حسرتي
مهند و هو يركن السيارة و يعدل النظارة
غدي تهمس لرنيم :يلا باي و الاقيك بكرة ان شاء الله
رنيم :بااي
بعد ما نزلت من السيارة غدي
طالع مهند في سارة : وش رايك تنزلين؟
سارة بتعجب ; انا؟ليش؟
مهند: مو انا مو عاجبك
سارة بدأت تصرف : انا قلتها ؟متى ؟
مهند :مسرع ما نسيتي
رنيم :هنودي عندي حل
مهند:امري يا اختي الغالية
سارة بنبرة تهديد:رنيييييييم
خافت رنيم بس قالها مهند:ما عليك ما راح تسوي لك شي قولي
سارة:الوعد بعدين يا رنيم
قالت رنيم :خلااص نسيت وش كتت ناوية اقول
سارة:كفووووو رنووووو هههههههههه
مهند : ايه هين رنيم و اطلبيني اوديك السوق
شهقت رنيم :لا الا السوق هنودي خلاص انا اقترح ان الغدا يكون على حساب سارة
سارة :لا و الله كملت
مهند :خلاص احنا اتفقنا انتي تدفعين و احنا ناكل بعدها ضحك و قال :كريمه و احنا نستاهل و الا يا رنو ؟؟
رنيم :اكيد
سارة بعد ما قررت كيف بتعاقبهم :اوكي بس يكون الغدا على ذوقي اتفقنا ردوا اثنيناتهم:اتفقن
ا قالت:طيب اوكي دامكم وافقتو وقف عند هالبقالة و اشتر 4 اندومي و خلنا نرجع البيت نطبخها
مهند :لا ما اتفقنا على كذا
سارة :بس انتو وافقتو قبل شوي و اعطيتوني كلمة رجال يعني مالك مهرب سكت مهند و هو مصدوم شلون قدرت تقلب عليه المقلب
.،،،،،.،.؛.؛.،.،.،.،.،.،.
رجعت البيت و صورته ما فارقت خيالها
غدي :واو معقول في رجال بهذي الوسامه و الا ابتسامته خيااال
قطع حبل افكارها صوت عمتها (زوجة ابوها):ابوك وصل من الشغل و انتي مرتزة قدام المراية لا حضرتي غدا و لا شي يلا قدامي جعلك العمى
غدي بصوت مسموع: اللي يعميك ان شاء الله
عمتها شهقت :حرام عليك ليش تقولين لي كذا انا وش سويت لك ؟
اول ما فتحت غدي فمها تبي ترد فاجأتها ايد تشد شعرها بقوة حتى توقعت انه راح يتقطع شعرها في ايده :انتي متى بتحترمين عمتك اللي بمقام امك اعتذري لها يلا
ردت غدي بألم شعرها و ألم الاهانه اللي تلقتها :أ أ أنا ما غلطت عليها
زاد من شده لشعرها و قال بصوته القاسي اللي ما يحتوي على اي معنى للأبوة:انا قلت لك اعتذري
نزلت دموعها اللي كانت تحاول تخفيها من البداية و قالت بنبرة استجداء :الله يخليك فك شعري ثم طالعت في زوجة ابوها اللي كانت مكفته ايديها و تطالعهم و الابتسامه مرسومه على محياها :اسفة عمتي
رماها ابو نواف في الممر :يلا انقلعي روحي حضري لي الغدا لا بارك الله فيك
مسحت دموعها و راحت و هي تدعي في قلبها :الله يوريني فيكم يوم
.،.،.،.،.،.،.،.،..،،،.،.،.،
18-02-2012, 02:31 AM
كبريائي فوق كل المشاعر
منتديات بنات
انا بحاجه لردك
