جميله جوالها دق محمد كان اللي داق.
جميله لما شافت الاسم((الخاين الكذاب)) انصدمت.
جميله:انا بروح شوي واجي.
راحت من غير ماتسمع رد احد.
جميله:الو
محمد:اهلين عاش من سمع هالصوت ..شخبارك ياقلبي؟!
جميله: تمام.وانت اخبارك؟!
محمد:تمام وينك انا برجع الرياض ابي اشوفك قبل ما اروح.
جميله:انا الحين مو في الشرقيه ولا بالسعوديه كلها.
محمد استغرب:اجل وين انتي؟!
جميله:امم انا الحين بلندن عشان فصول بسوي عمليه .
محمد:اوووه شخباره الحين؟!وليه بسوي عمليه؟!
جميله:تمام الحمد الله اشوه .الحادق سبب له عقم.
محمد:اها الله يشفيه يارب من زمان عنك اشتقت لك اهدي لك اغنيه مشتاق لك مووت حقت احمد الهرمي.
جميله:يب اعرفها .شكرا طيب محمد ابي اقول لك شي؟!
محمد خاف:جموول في شي صااير؟!
جميله:لامافي شي بس ابي اطلب منك شي وياريت يتنفذ.
محمد:وشو قولي اسمعك؟!
جميله:امم ابي اللي بينا ينتهي والحين.
محمد ومو مصدق اللي يسمعه:جموول انتي ايش تقولين؟!
جميله ماتبي تقول له انها عرفت انه يرقم بنات ويخونها حبت تقهره شوب:امم واحنا رايحين لندن كان في واحد قاعد جمبي بالطياره وحبني وحبيته اي وعلى فكره هو من الرياض بعد.
محمد حس بقهر من داخله:تدرين حتى انا احب وحده اسمها الماس ورحت خطبتها والملكه يوم الخميس الجاي <<طبعا كان يبي يقهرها.
جميله ببرود:اوك خلاص صار وحده بوحده.
جميله كانت تكلمه بره المطعم.
فيصل:وين جميله كانها تاخرت؟!
نواف:اي صح مره تاخرت.
فيصل قام:بروح اشوفها وينها
فيصل طلع بره المطعم وشاف جميله ماسكه جوالها وتصيح.
فيصل:جموول شفيك تصيحين؟!
جميله:مافيني شي بس اشتقت لماما وبابا<<<قالتها تصريفه.ياله ندخل داخل بس بروح اغسل وجهي.
راحت الباثروم اعزكم الله توها بتدخل الا طلال طالع من باثروم الرجال.
طلال:جموول شفيك تصيحين؟!
جميله:لامافيني شي بكره اقول لك.
طلال:اوك خلاص.
راح طلال ياكل مع ربعه وقعد يقول لهم عن جميله وكيف حبها وصار متعلق فيها كل هذا بيوم.
جميله غسلت وجهها ورفعت شعرها ذيل حصان.وراحت تاكل الستيك حقها.
قعدوا ياكلون وخلصوا اكلهم وحاسبوا بعدين طلعوا من المطعم.
جا اليوم الثاني الساعه 7 ونص قعدت جميله وخذت شاور ولبست فستان تحت الركبه مع بوت وشعرها رفعته ذيل حصان ولبست بالطوا اي الفستان لونه فوشي والبوت لونه اصفر مع البالطوا وحطت روج فوشي وكحل اسود الساعه 8 نزلت لقت طلال واقف توه مسكر من الجوال كان يكلم نايف يقول له انه عازم جميله على الفطور.جميله راحت عنده.
جميله:السلام عليكم.
طلال:هلا وعليكم السلام.ياله مشينا.؟!
جميله:طلال معليه نفطر من البوفيه حق الفندق..
طلال:افا ليه؟!
جميله:امم مدري احس احسن لي عشان اذا فيصل اخوي دق علي عشان الموعد بورح معاه.
طلال:اها.اوك عادي عندي.
راحوا للبوفيه حق الفندق.
طلال:ايش تبين؟!
جميله:امم اي شي.
طلال راح عند واحد من اللي يشتغلون وقال له يحط فطور بيض وجبن ومربى و2نسكافيه.
ورجع لها.
جميله:طلال بقول لك شي؟!
طلال:اتفضلي.
جميله:اممم انا كنت احب واكلم واحد اسمه محمد وهو يقرب لصديقتي وانا احبه وهو يحبني بس امس لما كنت اصيح عرفت انه يخوني ودق علي وقلت له ان اللي بينا انتهى وهو بعدين قالي انه يخوني وانه يحب وحده اسمها الماس وانه عمره ماحبني وانا عشان انتقم منه قلت له اني تعرفت على واحد وحبني وحبيته ومن الرياض اللي هو انت واني انا احبك وانت تحبني بس هذي كل اللي ابي اقوله لك.
طلال:اها طيب انتي ليه قلتي له اني من الرياض؟!
جميله:عشان هو من الرياض.
طلال:اها.طيب وانا ايش موقعي من الاعراب؟!
جميله انحرجت:اممم حبيبي.
جاب الجرسون الفطور. وقعدوا ياكلون.
جميله:طلول الساعه كم الحين؟!
طلال:امم 9ونص. ليه؟!
جميله:يااي الوقت مر بسرعه .
دق جوال طلال تتوقعنون مين محمد.رد طلال عليه.
محمد وصوته تعبان: الو طلال.
طلال استاذن من جميله:هلا حمود شفيك شفيه صوتك تعبان صار شي؟!
محمد وشوي ويصيح:جميله تركتني..
طلال:طيب اصلا انت عمرك ماحبيتها.
محمد:بس تعودت عليها في حياتي سنتين وانا معاها وكل يوم اقعد معاها بالمسن والنت وبالليل بالتلفون.
طلال:تعال هي جميله ايش؟!اي صح انت ماتدري اني انا الحين في لندن واخيرا بقدم في جامعه مع نايف وخالد وصالح وماجد.
محمد:مبروك مقدما.
طلال:الله يبارك فيك.وتعرفت على وحده يامحمد ايش خقاق ايش جمال ماشاء الله عليها واسمها جميله وجايه مع اخوها واختها وصديقه اختها واخو صديقه اختها. عشان اخوها بسوي عمليه سوى حادث وسبب له عقم وجاي يتعالج. واقول لك وريتها الشباب خقو عليها وعلى طول قالوا شكلها راعيه شباب.
محمد:طلال انت تقول ان اخوها مسوي حادث وجاي يسوي عمليه.
طلال:اي
محمد:طلال هذي هي جميله اللي تركتني.
طلال:محمد لاتقول لاني حبيتها واحس انها هي بعد تحبني من نظراتها وتصرفاتها.
محمد:المهم ياله باي الطياره الحين بروح الرياض ياله باي.
طلال:ياله باي توصل بالسلامه.
اكيد راح تتسالون ايش يقربون لبعض اهم اولاد عم شفتوا الصدف كيف رجع طلال عند جميله.
طلال:سوري اتاخرت عليك.
جميله:لااعاتي شدعوه خذ راحتكز
طلال:اممم جميله انتي اللي كنتي تكلمينه اسمه محمد جاسم الـ.....
جميله:ايش دراك ان اسمه محمد جاسم الـ....
طلال:هو يصير ولد عمي.وهو اللي كان داق علي وصوته مره تعبان وقالي انكم تفارقتوا.
جميله وكان احد كب عليها ماي بارد. وقامت من الطاوله وراحت ركض الاصنصيل وتوها بتدخل الغرفه الا تشوف فيصل قدامها.
فيصل:جمول ياله الحين الساعه 11 الا ربع خلينا نروح الموعد ابي اسوي العمليه وافتك.
جميله:اوك دقايق بس اجيب شنطتي.
__________________