المشهد
ساره ونوره جالسات مقابلات لبعض كان بينهم هذا الحوار:
ساره: ماسمعتي الأغنيه الجديده للفنان...... كلماتها روعه حييل
نوره: من جد نزلت أغنيته وآآآو هالفنان يعجبني بكل شيء حتى صوته رهييب
ساره: اييوه نزلت وأنا شريت نسخ كثيره منها حتى أعطيها بنات خالتي
تبيني أجيب لك واحد؟
نوره: اييييه تكفيين ابي اسمعها ..
ساره: خلاص ولآ يهمك بجيب لك واحد بكرره .. واسمعيها وعطيني رايك
بهاللحظه جو صديقاتهم ليلى ووفاء وجلسوا معهم
ليلى ووفاء: السلام عليكم ورحمة الله وبركاته
ساره ونوره: وعليكم السلام أهلين
ليلى: آسفين قطعنا عليكم سوالفكم بس حبينا نقعد معكم
ساره: لآ عادي مو مشكله..
وفاء: تصدقون أنا أفكر إني اسجل بتحفيظ للقرآن ودي أحفظ القرآن
مليت من حالي..
ليلى: ايوالله صدقتي حتى انا مثلك ودي احفظ خلاااص أنا بسجل معاك ان شالله..
وفاء: زين الله يجزاك خير وان شالله نحفظه ونكون داعيات..
ساره تكلم نوره:
نوره مو من جونا صصح وش رايك نققوم سوالفهم تجيب الهم..
نوره: ايوالله ماعجبوني أبببد اهتماماتهم مو من اهتماماتنا..
وفاء: نوره ساره وش رايكم تسجلون معنا في التحفيظ والله بتكسبون اجر
وبنتعاون مع بعض وبنحفظ القرآن وش رايكم
ساره: لآ سسوري انا اليوم معزومه مع بنات خالتي بنطلع للشوبنق وبنستانس هناااك
ودايم احنا نطلع ونوسع صدورنا فما عندي وقت
نوره/ وأنا بعد مثل ساره ماعندي وققت أببد..وبعدين يكفي نحفظ قرآن في مدرستنا
بنروح بعد نسجل حتى نحفظ زياده .. لآ مستحييل
ليلى: يالغاليات هذا قرآن مو أي كتاب المفروض انا نحفظه ونتعاون على الخير
خلوا مشاغل الدنيا عنكم ماراح تنفعكم ماينفعكم غير آخرتكم
وفاء: لحظه طيب ياساره وش تستفيدين من طلعتك للسوق كل يوم خبريني؟
ساره: عادي نطلع أنا وبنات خالتي ونوسع صدورنا ونششوف الجديد في السوق
ونشتري وبس ...لكن أنا مايقهرني غير الشباب اللي ماوراهم غير التضييق على البنات
والركض وراهم حتى توصل انهم يتحرشون فيك يالله من جد شيء يرفع الضغط
نوره: صصح أنا مثثلك أحب طلعة السسوق بس صرت اكرهه من الشباب اللي فيه
مايصدقون يشوفون بنت إلا ويركضون وراها..
وفاء: طيب أنا كم مره أطلع للسوق بس مافيه ولآ شاب تعرض لي ولا سمعت كلمه منهم
بالعكس ان شافوني في طريق راحوا طريق ثاني والحمدالله آخذ أغراضي بكل راحه
ساره:: تلعبين علي أنتي أصلا الشباب مايصدقون خبر يشوفون بنت وانتي الحين تقولين لي
ان شافوك راحوا بطريق ثاني ..
ليلى: لآ ياساره أنا بعد أطلع للسوق وماأشوف المضايقات من الشباب مثل ماتقولين عنها
بالعكس أصلا مايقدرون يقربون مني وإلا يتجرأون يقولون عني كلمه..
ساره ونوره يطالعون بعض منصدمات..
نوره: معقوله وششلون أنا ودي أطلع وأرجع وأنا مرتاحه ومابي أشوف مضايقات حولي..
وفاء: طيب بسألكم كيف عبايتكم وكيف يكون شكلكم ان طلعتوا للسوق حتى أعطيكم الحل؟
ساره: أنا عبايتي كتف وحتى توني شريتها جديده على الموضه مرره حلوه وعلى قد جسمي
ونقاب وبسس..
وفاء: آهآآ وأنتي يانوره عبايتك مثل ساره وإلا موديل جديد بعد؟؟
نوره: لآ عبايتي كتف من موضة العام ودي بالجديده مره رووعه شفتها على ساره في السوق
أعجبتني مرره بس الى الآن مالقيت أحد يوديني السوق حتى أشتريها..
ساره: تسلمي حبيبتي من ذوقك ولآ يهمك أنا أشتريها لك كم نوره عندي!!
وفاء: لآ حول ولآ قوة إلا بالله الحين يالغاليات تشتكون من الشباب ومن مضايقاتهم وتحطون اللوم عليهم وأنتم السبب في لفت الإنتباه والأنظار لهم !!
نوره وساره: احنا ليييش وش سوينا؟
وفاء: عباياتكم أو أسميها فساتينكم اللي تلبسونها في الأسواق اللي تبين مفاتن أجسامكم
وزينتكم وفوق هذا ماتبون الشباب يضايقونكم؟؟
البنت زينتها بعفتها وحشيمتها متى ماصانت نفسها وابتعدت عن مواطن الرذيله
والتزمت بحجابها الشرعي اللي هو عنوان لكل فتاة مسلمه يكون لها وقار وإحترام وهيبه من الجميع ماحد يقدر يوصل لها وإلا يضايقها..
أنا وليلى الحمدالله نلبس الحجاب الشرعي الكامل ونفتخر بكوننا نقتدي بأمهاتنا عائشه وخديجه وحفصه في إمتثالهن لأمر الله عند نزول آية الحجاب ..
عشان كذا مافيه بشر يقدر يتعرض لنا أو يسيء لنا لأننا حفظنا كرامتنا وتحلينا بحجابنا
ماعرضنا أجسامنا وبيننا مفاتنا وصرنا عارضات أزياء والكل يمتع ناظره فينا..
ساره: يالله بجد كلامك أثر فيني كثير أنا ماكنت متوقعه أبد إن عبائتي هي سبب ضيقتي
انا كل همي امشي ورا الموضه وبسس ..الحين عرفت وش سبب عدم راحتي بالاسواق
نوره: الله يجزاك خير ياوفاء صحيتينا ونبهتينا من شيء كنا غافلين عنه كثييير
خلاااص من اليوم راح أبدل عبائتي بعباءة إسلامية خاليه من أي زينه وأفتح صفحه جديده
وعسى ربي يغفر لي ويتوب علي..
ساره: وأنا بعد معك يانوره بتخلص من عبايتي اللي عندي وبشتري عبايه إسلاميه
مع إن عبايتي جديده توني شاريتها بس الأهم هو رضى ربي ..
وعفافي وحشمتي هي راحتي..
ليلى: تذكري ياساره : من ترك شيئا لله عوضه الله خيرا منه .. الله يجزاكم خير يابنات ويثبتكم على طاعته بجد فرحتوني حيييل..
وفاء: الله يثبتكم يالغاليات ويبعد عنكم الفتن ..والحين يابنات تبون تسجلون معنا بالتحفيظ والا لا؟
ساره ونوره: إلا أكييد بنسجل معكم إحنا معاكم وين ماكنتوا ..