منتديات بنات - جيل سبيستون لا يدخل......

السلام عليكم ورحمه الله وبركاته

صباحكم بالخير يالعمال العماليه
..................................... مساكم بالخير يالعمال العماليه
ماتعطونا بنتكم الحلوه الجميله
........................................ مانعطيكم هيا الإ بالف وميه
ندخل على دياركم ونكسر أبوابكم
.................................................. .... وهذي عروستنا

هذا الزمن الأقشر اللي عشناه فيما مضى

عصر ماقبل البطاره ... عصر الورعنه والبزرنه...

أعتقد كل شخص فوق الـ 20 مر على هذا العصر الأغبر .. واللي مامر على هالعصر لايكمل يقراء الموضوع علشان برستيجنا مايهتز

هالزمان راح أقسمه لأيااااام .. علشان تعيشو الجو

أياااااام الكشخه

الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري "اللي بعد خمس دقايق يقلب أحمر .. كأنها مصاصه دماء .. " ماعاد الشكل يصير برئ هي وهذا الروج

واللي تلبس الفستان المكسره "اللي من تحت مليان جيبون" اللي حزام الفستان يسحب بالشوارع وله كتافات أسفنجيه عاليه الجوده

وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم

اياااااام بقاله أبو سعيد

الوحده منا تركض للبقاله بقميصها القطن "اللي شاريته لها أمها من البياعه اللي تجي عند بابهم " تشتري ببسي أبو كيس <-- بنص ريال .. وتشتري معه البسكوت الأخضر اللي بالموز <-- الله يكرم النعمه

ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه ورعان البيت كلهم ...ويحظها لو صارت العلبه لها لحالها يقعد ثلاث ايام بالثلاجه وهي تلط منه

أياااااام التصرفات الهمجيه

حدث ولاحرج .. مدري عاد هالتصرفات توارثتها الأجيال ولا لا

بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <--

لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين امسح فيها حلقك .. الحين تصير صادق

أما اللي بيعلم أنه كذوووب يمد لسانه ويطير لسانه بأصبعه <--- ماأعتقد اني وفقت بهالشرح

أياااااام التلفزيون السعودي

طوووووووووووووووووط <-- فجرت أذانيكم صح ... والشاشه الملونه ... ولا ترن تن تررررن ترررن <-- هذي النغمه لمى يحطون شاشه الساعه .. ومن تجي الساعه عشر .. تبدا أفلام كرتونهم الماصله

أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض <-- ماني بصاحيه كنت أحب الحيوانات مو الأوادم .. بس تطورت وحبيت روبن هود وزورو وهايدي وسالي .. هذا التطور يمكن على اخر ايام الأبتدائي

وصرت أتابع أفتح ياسمم .. وبدر وأنيس .. ياحبي لهم

<-- الحمد لله والشكر من بعد شخصيات الكرتون .. صرنا نحب أنيس

وبعد هالتطور صرت أتابع برنامج أطفال القصيم وأطفال المدينه وأغانيهم اللي تلوع الكبد

لا والأفلام الهنديه .. اللي كانو يجيبونها على القناة الثانيه ...
مرررره خطييييييييييره....

وبعد التطور " أمحق " تطورنا وصرنا نتابع مسلسلات ..."مسلسل عبدالله البحري وعبدالله البري" .. "ومسلسل عواد" .. "وصح النوم" .. "وفايز التوش""ومسلسل جواهر .. اللي فيه زوينه وحمد وجواهر "<< ماكنت احب زوينه الشريره

أيااااام الأناشيد

متى يجي بابا
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه

<-- الله يقطع ابو ثقالة الدم

سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي

أياااام الدلاخه

أنا أشهد اني كنت اكبر دلخه في تاريخنا .. بس الحين يوم كبرت .. عقلت شوي.....
<-- لايكثر

أياااام المدرسه

أول يوم دراسي .. والكرتون الكبير اللي يجيبه ابوي من المكتبه وكلها محتوياته من ذوووقه " درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه وأشياء لاتعد ولاتحصى .. ويجي دور الهجوم على الغنائم <-- أول مره يشوفون شي جديد

لا والمطاره .. كنت أروح بمطارتي واليوم الثاني أتبادل أنا وأختي بالمطاره <-- يعني ينقال لها انها بتكشخ

لا والسلام الملكي حق المدرسات .. من تدخل المدرسه الكراسي والطاولات يبغوا ينحاشوا من اصوات البنات " شرفتينا ونورتينا ياابله نوره ...... نوره ياعيوني ياللي لابسه اليموني لابسه الساعه اللماعه تسوى كل الجماعه

أيااااام الممنوعات

كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين علشان يسمح له دخول منزلنا ..

كان الميك أب عيييييب

بس أزين شي ان طلعت الشارع عادي

كانت فيه أشياء كثيره ممنوعه بوقتها ... كل ماأذكر أني أصيح لمى يرفضونها أحس ان البراءه بتشقق بعضها

ملحوووظه

* واللي مامرت عليه هالأشياء ولا عاصرها .. لايتفلسف هنآأا .. ويطلع برا

* واللي من ربعنا وجيلنا يشارك بذكرياته الماصله والعجيبه معنا

وطحياااااااااااتي ......

للامانه ملطوش مع بعض التعديلات...
lllllllllllllllll
كفيتي ووفيتي بس لحظة... لحظة..... بالابتدائي ورووووووووووج ليش؟؟؟؟
وين الطفولة وين البراءة؟؟؟

نسيتي بالعيـــــــــــــد......... ياويل اللي يفك شرابي من قرطاسه والا يطلع جزمتي من الكرتون.... والا يشيل الكرت اللي على فستاااااني.....!!!!!

مانفتح اغراضنا الاقبل صلاة العيد بنص سااعة (((فطرة)))<<< زكاة العيد الظاهر..!!!

وبعدين كل انواع البكلات نشتريهاااا للعيد (((طوق/ شباصة/ بكلة/ ((فينكة))/وربطة .......))))
وآآآآآآآآآآآآآآآآآآخر شي افل شعري بالعيد ومااحط شي......

وفيه اضاافاات كثيييييييييييييييييييييييييرة (((زمن الصبااا))
يالله بس يــــــــــــــــــــــــــــــازين الطفولة ولو ان فيها دلاااخة وغبااااااااااء