احتاج مساعده
 

سلام عليكم بنات

بناات احتاج احد ينصحني شو اسوي. يمكن البعض بعد مايقرون الموقف الي صارلي يقولونلي ان الموضوع صغير وما يستاهل، صح ان مو سالفه كبيره بس بسببها مااقدر انام 😞
السالفه هي:

فالسكول عندنا اساتذه يدرسونا ماشي ابلوات. المهم السنه الي طافت كانت اول سنه ادخلها وجي كنت الطالبه اليديده الي تهتم بشكلها ببريستيجها وواثقه من نفسه، كل شي كان تمام ومضبوط حتى بعض الاساتذه كانوا يطردوني وانا اطلع والابتسامه شاقه ويهي كنت فاضيه وماكان عندي هموم وكنت العب بالفلوس.
هالسنه تغير كل شي الوالد توفى الله يرحمه والوالده سافرت وصارت علي ضغوط وهموم واشغال مااعترض بالعكس الحمدلله ع كل حال بس الي مضايقني صرت اهمل نفسي صرت مااثق بنفسي صرت مااركز صرت غبيه .
واحد من الاساتذه كان يحاول يسولف وياي وكان معجب بشخصيتي واسلوبي من شهرين بدا يركز علي اكثر واكثر ويحاول يفشلني ويحطمني ويلعب باعصابي

وكل مره كنت اتفشل وكل مره كنت اتحطم وماعرف ارد عليه صرت اطلع غبيه وصرت اصغر بعيونه. والله صارت مواقف معاه تفشل لدرجه سلبت مني النوم ..حاولت اتصرف عادي كانه. ماصار شي بس كل ماشوف ويهه اتفشل. حتى هاايومين غبت عشن مااكلمه والله تفشلت وخرب برستيجي ماقدر اطالع ويهه مره ثانيه وهو كان يضحك كل. مايفشلني مو عششان حطمني لا عشن جافني اتوتر وماعرف ارد وجي... ساعات افكر. اروح عنده اقوله بشو حسسني لما حطمني واني ازعل من هاالشي بس ادري غباء وانا طالبه وهو استاذ. بس شو اسوي كل مااشوفه برا الحصه. وهو يشوفني تطلع نظرات من ويهه..
ابا ارد مثل ماكنت مابا اكون هبله جي بنات بليز احتاج نصيحتكم شو اسوي؟؟
والله ميته قهر واحسني بصيح يعني انا عندي همومي ومصايبي ومو ناقصه يصيرلي نفس الي صار مع الاستاذ
اي شي الا شكلي
بليييييز. ردوا بنات باجر عندنا هالاستاذ وماقدر اغيب عندنا امتحان بس ماقدر اجابله بنات بايييييييز. 😭😭😭
ج

رد: احتاج مساعده
 

7 مشاهدات وولا رد؟؟

رد: احتاج مساعده
 

مابقى شي عالمدرسه بكرا 😭😭😭😭
قلتلكم الموضوع مو كبير بس هاي هي مشكلتي الي عورت راسي شو الحل؟؟

رد: احتاج مساعده
 

وعليكم السلام ورحمة الله وبركاته

اهلا فيك اول شي

ونورتينا

وبخصوص المشاهدات عادي ممكن تكون مشاهدات زوار
وعموما

اختصار لحل مشكلتك
الامر ان شاء الله سهل
ولكن يحتاج منك اول شي ان تعززي ثقتك بنفسك
فانتي من طرحك واضح ذكيه ولكن الهموم والمشاكل زعزعت ثفتك بنفسك
وهذا امر طبيعي يمر فيه ملايين من الناس
ومعرفة الشي وطلب حله هو العلاج بحد ذاته

وانصحك بامور
من ناحية شخصيته ثقي بنفسك ولا يهمك اي استهتار او نضرات نرفزه
والدليل انك ذات شخصيه واثقه انك تتعرضي لمثل هذه النضرات والاستهزاء

ومن ناحية مدرسك الي يرمي عليك ويضن ان بهذي الطريقه بيعزز ثقتك بنفسك هذا يدل على انه يحاول ولكن بغباء واسلوب غير فاهم

ولكي تردي الاستهتار والنضرات منه او من غيره
اعتبريه غير موجود في الواقع
واجعلي من استهتاره مدح
ومن نضراته ثقه وشموخ
فلا تعبري له باي شكل من الاشكال
ولا حتى بتعابير وجهك
وانما اذا استهتر او رمى كلام ابتسمي ولا تضحكي وقولي شكرا

فسوف تكون كمن يسكب الماء عليه

وطبقي مع كل شخص هكذا بصمت وحكمه وسوف يرتدع في اقرب وقت
ويلزم الصمت لانه هو من سيكون المستهتر به

وابني ثقتك بنفسك وانتي اخبر بحالك من الناس
فلا تجعلي الشك والوسوسه تجد مدخل الى نفسك

ومع الايام ستتغيرين للافضل
والغياب هذا هروب من الواقع
بالعكس واجهي الواقع وكوني حكيمه حتى وان كان من حولك اغبياء سفهاء
فعامل العاقل بالحكمه
والسفيه بالتسفيه
والطفل بالصمت
والغبي بالاستغراب

رد: احتاج مساعده
 

شكرا اختى الناعسه، كل الي قلتيه صح.
مشكوره وايد اختي يزاج الله الف خيررر 😘❤