منتديات بنات - مصممات ديكور و اثاث وتجهيز اعراس

السلام عليكم و رحمة الله وبركاته

الى جميع فئات المجتمع وطبقاته الى عشاق الفن و الغرابة و الابتكار
احنا خريجات تصميم داخلي (ديكور)

بالنسبة للديكور هادا تخصصنا و احنا عندنا القدرة على التصميم و الابتكار و التنفيذ سواء في شقة او بيت او فيلا و شقق مفروشة او فندق الاتفاق يتم على حسب الاشياء و الافكار اللي تبغيها احنا ممكن نساعدك بالافكار و طرق ابراز الاماكن واخراجها بطريقة افضل و اجمل.

بالنسبة للتصميم الاثاث احنا نصمم اي شي تبغيه عشان تكوني متميزة عن غيرك سواء في اثاث البيت و الديكوراحنا نعمل غرف نوم مبتكرة رئيسية - غرف نوم اطفال - كنب صوالين - مداخل - كنب صالات - كنب حدائق - اثاث مكتبي - طاولات صغيرة - طاولات طعام طبعا طقم واي شي اخر و السعر يعتمد على حسب التصميم و غرابته وعدد القطع و نوع الخشب لانو شغلنا كلو بالخشب و القماش و التنفيذ والتسليم و التركيب يعني الاثاث يجي لحد عندك و يتركب اذا كانت غرفة نوم ويتسلم اذا كان كنب او كرسي وينحط محل ماتبغي.

بالنسبة لتغليف الدبش و تنسيق المناسبات احنا مبتديئات بس احنا تخصصنا يساعدنا في ترجمة الافكار احنا نصمم ديكور (للكوشة و طاولة الضيافة و طاولات المعازيم و التفاسير (الهدايا الي تقدم للمعازيم) و غيرها ممكن نعملك القاعة كلها من الى بالورد الطبيعي اذا انتي حابة وفي ناس يكونوا متخوفين لأننا مبتدئين لكن اقلهم ممكن نعملكم عينات بسيطة زي الضيافة اللي راح تتقدم شكل الهدايا المقدمة الطاولة حقة المعازيم كيف راح تكون عشان تكون مطمئنة وتختار التقديم اللي يعجبها بالتصميم اللي تبغاه وهادا يكون بعد ماتدفع العربون عشان توضح للزبونة الفكرة ونضمن الجدية و نقدر نعمل عينة صغيرة بالخشب الخفيف للكوشة نقلك الفكرة و الاشياء اللي راح نستخدمها فقط وممكن نرسم لها الفكرة و التنفيذ الحقيقي بيكون في يوم الفرح.

بالاضافة الى اننا نجهز سوابع للنفساء سواء في بيت او استراحة او قاعة
واللي حابة تعمل جو رومانسي لزوجها بمناسبة يوم زواجهم او ترقية سواء في بيتها او غرفة في فندق او كبينة في جدة ممكن نعملها هي ونجيبلها كل شي وهي تجي معاه على الجاهز وهاد يتم على حسب الاتفاق والتكلفة من 1000 الى 1500 ريال بالنسبة لمدينة جدة و مكة على حسب الطلب.

اي عمل مطلوب مننا نعملو بيكون فيه عربون وبعدها نبدأ بالتنفيذ و التخطيط وعمل العينات و المشاورة ... عشان تكونوا مرتاحين

اسعارنا ماهي غالية ومنافسه لكتير من الاماكن الاخرى ولو تعطونا فرصة نثبت انفسنا امامكم و امام كتير من الناس كوننا في بداية مشوارنا هادا من كرمكم.

موقعنا في جدة ماعندنا اي مانع من الطلوع لمكة حدنا الى منطقة بداية الشرائع ابعد من كده زي المعيصم ومناطق و قرى نائية أسفين بس احنا مانقدر نخدمهم بس حدودنا داخل مدينة مكة و جدة

للجادين اللي حابين يتعاملوا معانا احنا جروب شذى الورد هادي ارقامنا للاتصال او التواصل عبر الوتسب و اللي يبوا يشوفوا صور لشغلنا الرجاء الاتصال على:bnaatcom1:
0541515393-0569649445