Miaw
17-04-2007, 02:02 PM
33CC00بسم الله الرحمن الرحيم
هذي أول مشاركة لي هنا هي بسيطة جدا و عبارة عن مقتطفات من الذاكرة طبعا بما أن ذاكرتي ضعيفة بسبب الأغلاق المؤقت في مركز العقل –قسم الذاكرة وذلك للصيانة فأرجو العذر والسموحة انا بدأتها بمقدمة واعدكم اني سأوافيكم بالمواقف في حال الأنتهاء من الصيانة ولكن ذلك بشرط بسيط ألا وهو أن اجد الردود والتفاعل منكم على الموضوع وإذا وجد استحسان منكم سأتشجع لكتابة المزيد وسأذكر لكم كل شخصية إلى أين وصلت...ومواقفهم وهذة الشخصيات حقيقية وبتغيير في الأسماء وأنا منهم طبعا في نهاية المذكرة ساكتب لكم مجموعة من الأسألة ومن تعرف الأجابة ستكافأ بفلافل من المقصف وعصير لأن البيبسي ممنوع وحبة وحدة من أبو ملعقة..
سنبدأ بشخصيات القصة:
الشخصيات:1-الحجية أسما:شخصية برمائية قصيرة صوتها عالي ومزعج إن بغيتيها مسبهة ماعندها مشاكل تسبه وان بغيتيها حولة عادي تتحول عشان خاطرك وان بغيتيهامركزة يجيها النوم، تموووووت بالضحك حتى من غير سبب يعني برمائية بمعنى الكلمة،بالغش تفضح بحركتها وضحكها وبالنهاية تطلع تغش عشان تراجع اجوبتها، كسوولة بس حبابة وفريندلي
2-الحجية مها:مليانة وياقربها من الارض من طولها،مالها من الشغل إلاأنها تشطب على المدرسةوماتخلي نشاط الا وهي داخلة فية وعلوم المدرسة هي مصدرها بس تنفع وقت الشدايد،
3-الحجيةنورة تموت على شي اسمة ترتيب واحيانا تتصدق على صديقاتها وتصطر لهم دفاترهم، الدروس اللي راحت وصفحتين جديدة للدرس الجاي تموت على الاقلام الملونةودائما هي الانقاذ في حالة الطوارئ للمناديل، طويلة واحيانا يستعان بها لتعليق اللوح ايام الابتدائي كنا كاشخين فيها
4-الحجيةسارة:وما أدراك ماسارة حجية بمعنى الكلمة تقدرون تسمونها وزارة الدفاع تتحلى بكل الاخلاق النبيلة من فزلكة ولف ودوران لين تطّلع اللي قدامها متهمة وهي بريئة فتاكة في الغش يستعان بها في الورطات والفزعات يعني تعجبكم في المواجهة مع القوات المسلحة(أفنان) أوتقدرون تسمونها (طبعا تسمون افنان)القوات المحرشة لانها تموت على تحريش الادارة=>(أفنان=معلمةE) ومع الFBI(المديرة)
5-الحجيةموضي:تقدرون تسمونها العم موضي بسبب الصوت الناعم والرقيق(طبعا العكس)احب اسميها بيرت بلس 2في1فنانة طبخ كل يوم عندهم عزيمة الله يعينها وتفهم في السيارات يعني احس يصلح لونها نص ازرق ونص وردي واذا عندها جواب لسؤال المعلمة على طول ايش تسون سكروا أذانيكم لأنها ماراح تسكت
6-الحجيةالعنود: مليانة وطيوبة مسمينها العنودات لانها قبيلة عنودية في بنت واحدة كل ماتكلمها تلقاها مطلعة شي تاكلة من وين؟ ماادري! وعلى هالحال لين نهاية الدوام. إذا رن جرس الفسحة هي السوبر مان للفصل تجيبلك الفسحة بثانيةوعندها موهبة الغش للتحضير ماادري شتبي؟ وتحب تكمل دفاترصديقاتها إذا رحمت وضعهم.
7-الحجيةنوف عبدالمحسن:تتميز بصوت عالي ضحوكة ودفاترها ناقصة وخطها عجب العجاب، معقد المعلمات يعني في وحدة حْوّلّت عيونها بسببها والثانية قدمت استقالتها، ننوفا هذي ماتجتمع هي وأسما لانهم اذا اجتمعو وهم مبسوطين لازم تكبس عليهم الFBI مشؤومين طبعا من اصواتهم وحركتهم.
8-الحجية رنا: حجية جديدة في الشلة جات في اخر سنة ثانوي اول ماتشوفها تقول أوف وش هالدافورة والاخلاق بس طلعت منسمة ماعندها في احد متهورة وتهورها هو اللي مورطنا يعني لما تجتمع مع الحجيات المشؤومات الله لايوريكم بس حبابة الله لايحرمنا من هبالها
9-الحجية وفاء:تموت على مسح الصبورة والطلعة من الفصل احيانا ننسى انها مداومة معنا من كثر ماهي تلف، في الفصل اذا طفشت توخر الطاولة تمشي خطوتين وترقص وترجع ،الموت اتحدى تصيدها المعلمة حكمتها في الحياة ازرع رقص تحصد وناسة
10-ولاننسى الحجية الرهيبة نهلة:ذكيةهادية فيلسوفة شوي هي الرزة في الشلة عقل وثقل. صوتها مبحوح. تموت على الغياب.. في الحصة تشوفها مركزة مع الاستاذة ونظراتها حادة عاد جنبها مين؟اسما السبهة تسألها اسما ايش تقول المعلمة نهلة: ها ؟مدري؟ وتضحك.يعني رزة من برة بس اهبال بعقل .مصيبتها انها مالها صوت وجالسة بين اسما ونوف عبدالمحسن واذا تكلمو انسحبت معاهم وتهزئت عندها حركات بهلوانية في الغش بس بطريقة ذكية وهادية بس اذا جبتها بين السبهات انصادت.
وطبعا في حجيات كثيرات في الشلة مالنا غنا عنهم .....بس حبيت اذكر الادوار الرئيسية.
11-هنا بعض المعلمات اللي لهم مواقف :المعلمة مدى مشهورة بكلمة أنتي يابنت خمسين صفرومع تزايد عدد الأصفار يوم بعد يوم. المعلمة أفنان مشهورة بتسريحتها البف ويوم عن يوم يزداد البف علواً يتربى في عزها .
12-الشخصية المتحولة:أمجد هو رجل عصامي بمعنى الكلمة تقدرون تسمونة سعاد حسني قصدي مارد الفانوس أُطلب أي شي ويحققة لك (بس كلة بحسابة)تبونة سواق باص، رسام لوح ‘مصلح سيارات غسالات، صيدلي ، يحل واجباتكم ، يسوي بحوث واذا تبون طلبات دولية ماعندة مشاكل حتى السُوري(سارة) اللة يذكرها بالخير وحتى هي بالجامعة في دولة مجاورة سوالها بحث دولي الله يجزاة خير وهي ماقصرت سوت اعلانات لة
13-ام لون:الفرّاشةواحيانا تبيع في المقصف ايام الابتدائي شخصية تتميز بالشدة عند الحاجة(يعني اذا عليك تسجيل ياويلك ياسواد ليلك)والطيبة.
14-رية وسكينة:هذولي الله يسلمكم هم الفرّاشات في الثانوي وجواسيس الادارة ياويل ياسواد ليل من وقف في وجههم .
البداية
في المدرسة:
سارة في الفصل وقدامها كومة دفاتر وتكتب بسرعة واجباتها ،نورة تسطر دفاترها وتسولف مع العنود وطبعا العنود تآكل شبس،موضي واقفة وتقول للبنات عن العزيمة اللي كانت عندهم امس،ونوف حاطة شنطتها الحمرة على رجولها ومنخمدة،ووفا تكتب على الصبورة ونهلة غايبة كالعادة أما مها فهي تحوم في الساحة(رنا لاتسألون عنها لأنها لسى ماجاتنا،بعدين بذكرها لماجات لان صارت مواقف معها).رن جرس الطابور كلهم طلعو إلا سارة تكتب واجباتها البنات سارة يلا تعالي ترى المديرة بتخانقك ،لا عادي روحو ماراح تشوفني(من قصرها يعني ماراح تبين؟ أو يمكن تتشكل على شكل طاولة ولا راح تنتبة لها المديرة؟ مدري بس كل شي جايز فيها) دقيقتين إلا المديرة طالعة من الفصل و وراها سارة وتهزئ فيها ،يعني مايمديها تتخبأ.البنات كالعادة حكي xحكي ...يسألون أستاذة مدى جات علينا اليوم اختبار، يجيهم خبر من الصف الاخير في الطبور شفناها توقع ،طيب وأستاذة أفنان والله مالي نفس عليها يأختي من تزوجت وهي شايفة حالها ولا بعد التسريحة، وخري عن دربها ،غيرت البف ،ولت أيامة، صارت الأرض في راسها مستوية جاهزة للحراثة،وحدة من قدام :بنات عندي لكم خبر بتحبون راسي عشانة بس اول وش تعطوني علية،ترد عليها العنود: بنحب راسك هههههههههه، تقول وفا ماعليك من العنودبكرة اجيبلك فطاير، ونورة وانا بجيب حلا،قالت:أستاذة منى غايبة..صوت جماعي :زييييييييين والله كنا خايفين اليوم لاواجب ولامذاكرة كان والله تسحبنا تسحيب عند الادارة ،سارة: أفا عليكم تسحبكم على الأدارة وأنا عندكم!! يناظرونها البنات ، انتي ألحين خلصي نفسك بعدين تكلمي، حتى تتخبين من المديرة ماقدرتي.(طبعا مع هذا كلة كل خمس دقايق بنات اللي ورى اسكتو ،اسمعو الاذاعة ،عيب عليكم ،طيب مافي احترام للناس اللي تتعب وتكتب لكم المعلومات هذي_الله يالمعلومات_) وخلص الطابور وراحو على فصولهم طبعا الأخت مها مو صافة معاهم لأن كالعادة مشاركة في الأذاعة وماتدخل الفصل إلا بعد10 دقايق عشان تكون المعلمة خلصت لف على الواجب وتجي هي بكل براءة وتجلس وتفلت من الواجب وطبعا مش كل مرة تضبط الخطة بس الاخت تطلع العذر من جيبها ماتتعطل.دخلو البنات الفصل جاتهم المعلمة منى .أنصدمو، وبدأت الولولة والندب على حظوظهم من لم يكتبو الواجب (ولكن بالهمس ) وأول شي سووة أنهم ناضرو في البنت اللي ورى وتوعدوها وهددوها بعد الحصة بسبب الاشاعة... طبعا البنت بنات والله الارسال ماظبط عندي الأريل خربان، ومافاد استنجادها.مرت ربع ساعة الا أسما مشرّفة تطل من فتحة الباب الصغيرة وتأشر (خلصتو) تناضر فيها العنود بنص عين لان الثانية(already) نايمة وتضحك وترجع وتحط راسها.تقوم اسما تدور احد ينتبة لها عاد تنقذها وفا وتاشر تعالي ماراح تتهزأين فهمت اسما دخلت بكل ثقة السلام عليكم ،ردت المعلمة وعليكم السلام.طبعا تدخل أسوم تسلم على هذي وتاكل من شبس عنودة ويتضاربون وتمر على نوفا وتسحب شنطتها وتمر من جنب سارة تبي تسرق منها قلم لانها ناسية مقلمتها وتتعثر وكانت بتطيح بس امسكت بالطاولة طلعت سارة مسبقة لها ومادة رجلهاولما توصل عند وفا تقوم وفا وترقص واسوم مارضت تزعلها راقصتها واخيرا وصلت لكرسيها وجلست بجانب موضي وتسالها عن اخبارها وطبعا بصوتها العالي وهي المسكينة مفكرة انها تهمس.شوي ناظرتها المعلمة بطرف عينها ايش هالازعاج ياأسماءخلصيني وريني واجبك...أسما: نعم أي واجبيييي طيب... وتدور مين غايب ومالقت احد. بعدين قالت عذرها حق كل سنة، أستاذة انا دفتري العربي ودفتر الجغرافيا نفس الشكل وكنت ارتب شنطتي واخذت دفتر الجغرافيا بالغلط مفكرة انة العربي وطبعا بنبرة بريئةقالت خلاص اجلسي............................................. .................................................و هذي تقدرون تقولون مقدمة بسيطة بس والله ناسية المواقف لأن هذي السنة الرابعة من تخرجنا وأحتما ل وحدة من الشلة تكمل على الموضوع لانها تتذكر كثير مواقف بس هي حاليا مشغولة متى مافضت اقولها تكمل بس اذا انتو بغيتو لاني ماابغى اشرح وينبح صوتي على الفاضي أجي أسأل ألقاكم واقفين زي الطاولة اللي عندكم (عفوا تشابك خطوط)قصدي أبغى ناس متحمسة وحدة وحدة وام عليووي أأأأ.... المهم تتميز المجموعة هذي بالأخوة والتعاون والمشاغبة الفطرية يعني ببراءة من غير مايأذون أحد أنا حاليا ناسية كثير مواقف والكل ألحين مشغول اللي أختبارات واللي بيتها وأولادها وأنا فاضية آضية ناسية منتهية، أرجو انكم تتقبلون مشاركتي هذي البسيطة لانها اول ماشاركة لي وأحب أرسل إهداء من هنا لأخواتي الحجيات حجية حجية وأقولهم والله وحشتوني ووحشتني أيامكم وبالتوفيق كلكم طبعا أحس ممكن تسألوني أنا أي وحدة فيهم أنا بجاوكم بناهية المقتطفات بس عسى تعجبكم مو تركنوني على جنب عطوني وجة وأعطيكم جوال بدون رصيد قصدي واعطيكم مشاركات حلوة...باي وتقبلوني عضوة أختكم MIAW قلت عضوة مو قطوة ....
هذي أول مشاركة لي هنا هي بسيطة جدا و عبارة عن مقتطفات من الذاكرة طبعا بما أن ذاكرتي ضعيفة بسبب الأغلاق المؤقت في مركز العقل –قسم الذاكرة وذلك للصيانة فأرجو العذر والسموحة انا بدأتها بمقدمة واعدكم اني سأوافيكم بالمواقف في حال الأنتهاء من الصيانة ولكن ذلك بشرط بسيط ألا وهو أن اجد الردود والتفاعل منكم على الموضوع وإذا وجد استحسان منكم سأتشجع لكتابة المزيد وسأذكر لكم كل شخصية إلى أين وصلت...ومواقفهم وهذة الشخصيات حقيقية وبتغيير في الأسماء وأنا منهم طبعا في نهاية المذكرة ساكتب لكم مجموعة من الأسألة ومن تعرف الأجابة ستكافأ بفلافل من المقصف وعصير لأن البيبسي ممنوع وحبة وحدة من أبو ملعقة..
سنبدأ بشخصيات القصة:
الشخصيات:1-الحجية أسما:شخصية برمائية قصيرة صوتها عالي ومزعج إن بغيتيها مسبهة ماعندها مشاكل تسبه وان بغيتيها حولة عادي تتحول عشان خاطرك وان بغيتيهامركزة يجيها النوم، تموووووت بالضحك حتى من غير سبب يعني برمائية بمعنى الكلمة،بالغش تفضح بحركتها وضحكها وبالنهاية تطلع تغش عشان تراجع اجوبتها، كسوولة بس حبابة وفريندلي
2-الحجية مها:مليانة وياقربها من الارض من طولها،مالها من الشغل إلاأنها تشطب على المدرسةوماتخلي نشاط الا وهي داخلة فية وعلوم المدرسة هي مصدرها بس تنفع وقت الشدايد،
3-الحجيةنورة تموت على شي اسمة ترتيب واحيانا تتصدق على صديقاتها وتصطر لهم دفاترهم، الدروس اللي راحت وصفحتين جديدة للدرس الجاي تموت على الاقلام الملونةودائما هي الانقاذ في حالة الطوارئ للمناديل، طويلة واحيانا يستعان بها لتعليق اللوح ايام الابتدائي كنا كاشخين فيها
4-الحجيةسارة:وما أدراك ماسارة حجية بمعنى الكلمة تقدرون تسمونها وزارة الدفاع تتحلى بكل الاخلاق النبيلة من فزلكة ولف ودوران لين تطّلع اللي قدامها متهمة وهي بريئة فتاكة في الغش يستعان بها في الورطات والفزعات يعني تعجبكم في المواجهة مع القوات المسلحة(أفنان) أوتقدرون تسمونها (طبعا تسمون افنان)القوات المحرشة لانها تموت على تحريش الادارة=>(أفنان=معلمةE) ومع الFBI(المديرة)
5-الحجيةموضي:تقدرون تسمونها العم موضي بسبب الصوت الناعم والرقيق(طبعا العكس)احب اسميها بيرت بلس 2في1فنانة طبخ كل يوم عندهم عزيمة الله يعينها وتفهم في السيارات يعني احس يصلح لونها نص ازرق ونص وردي واذا عندها جواب لسؤال المعلمة على طول ايش تسون سكروا أذانيكم لأنها ماراح تسكت
6-الحجيةالعنود: مليانة وطيوبة مسمينها العنودات لانها قبيلة عنودية في بنت واحدة كل ماتكلمها تلقاها مطلعة شي تاكلة من وين؟ ماادري! وعلى هالحال لين نهاية الدوام. إذا رن جرس الفسحة هي السوبر مان للفصل تجيبلك الفسحة بثانيةوعندها موهبة الغش للتحضير ماادري شتبي؟ وتحب تكمل دفاترصديقاتها إذا رحمت وضعهم.
7-الحجيةنوف عبدالمحسن:تتميز بصوت عالي ضحوكة ودفاترها ناقصة وخطها عجب العجاب، معقد المعلمات يعني في وحدة حْوّلّت عيونها بسببها والثانية قدمت استقالتها، ننوفا هذي ماتجتمع هي وأسما لانهم اذا اجتمعو وهم مبسوطين لازم تكبس عليهم الFBI مشؤومين طبعا من اصواتهم وحركتهم.
8-الحجية رنا: حجية جديدة في الشلة جات في اخر سنة ثانوي اول ماتشوفها تقول أوف وش هالدافورة والاخلاق بس طلعت منسمة ماعندها في احد متهورة وتهورها هو اللي مورطنا يعني لما تجتمع مع الحجيات المشؤومات الله لايوريكم بس حبابة الله لايحرمنا من هبالها
9-الحجية وفاء:تموت على مسح الصبورة والطلعة من الفصل احيانا ننسى انها مداومة معنا من كثر ماهي تلف، في الفصل اذا طفشت توخر الطاولة تمشي خطوتين وترقص وترجع ،الموت اتحدى تصيدها المعلمة حكمتها في الحياة ازرع رقص تحصد وناسة
10-ولاننسى الحجية الرهيبة نهلة:ذكيةهادية فيلسوفة شوي هي الرزة في الشلة عقل وثقل. صوتها مبحوح. تموت على الغياب.. في الحصة تشوفها مركزة مع الاستاذة ونظراتها حادة عاد جنبها مين؟اسما السبهة تسألها اسما ايش تقول المعلمة نهلة: ها ؟مدري؟ وتضحك.يعني رزة من برة بس اهبال بعقل .مصيبتها انها مالها صوت وجالسة بين اسما ونوف عبدالمحسن واذا تكلمو انسحبت معاهم وتهزئت عندها حركات بهلوانية في الغش بس بطريقة ذكية وهادية بس اذا جبتها بين السبهات انصادت.
وطبعا في حجيات كثيرات في الشلة مالنا غنا عنهم .....بس حبيت اذكر الادوار الرئيسية.
11-هنا بعض المعلمات اللي لهم مواقف :المعلمة مدى مشهورة بكلمة أنتي يابنت خمسين صفرومع تزايد عدد الأصفار يوم بعد يوم. المعلمة أفنان مشهورة بتسريحتها البف ويوم عن يوم يزداد البف علواً يتربى في عزها .
12-الشخصية المتحولة:أمجد هو رجل عصامي بمعنى الكلمة تقدرون تسمونة سعاد حسني قصدي مارد الفانوس أُطلب أي شي ويحققة لك (بس كلة بحسابة)تبونة سواق باص، رسام لوح ‘مصلح سيارات غسالات، صيدلي ، يحل واجباتكم ، يسوي بحوث واذا تبون طلبات دولية ماعندة مشاكل حتى السُوري(سارة) اللة يذكرها بالخير وحتى هي بالجامعة في دولة مجاورة سوالها بحث دولي الله يجزاة خير وهي ماقصرت سوت اعلانات لة
13-ام لون:الفرّاشةواحيانا تبيع في المقصف ايام الابتدائي شخصية تتميز بالشدة عند الحاجة(يعني اذا عليك تسجيل ياويلك ياسواد ليلك)والطيبة.
14-رية وسكينة:هذولي الله يسلمكم هم الفرّاشات في الثانوي وجواسيس الادارة ياويل ياسواد ليل من وقف في وجههم .
البداية
في المدرسة:
سارة في الفصل وقدامها كومة دفاتر وتكتب بسرعة واجباتها ،نورة تسطر دفاترها وتسولف مع العنود وطبعا العنود تآكل شبس،موضي واقفة وتقول للبنات عن العزيمة اللي كانت عندهم امس،ونوف حاطة شنطتها الحمرة على رجولها ومنخمدة،ووفا تكتب على الصبورة ونهلة غايبة كالعادة أما مها فهي تحوم في الساحة(رنا لاتسألون عنها لأنها لسى ماجاتنا،بعدين بذكرها لماجات لان صارت مواقف معها).رن جرس الطابور كلهم طلعو إلا سارة تكتب واجباتها البنات سارة يلا تعالي ترى المديرة بتخانقك ،لا عادي روحو ماراح تشوفني(من قصرها يعني ماراح تبين؟ أو يمكن تتشكل على شكل طاولة ولا راح تنتبة لها المديرة؟ مدري بس كل شي جايز فيها) دقيقتين إلا المديرة طالعة من الفصل و وراها سارة وتهزئ فيها ،يعني مايمديها تتخبأ.البنات كالعادة حكي xحكي ...يسألون أستاذة مدى جات علينا اليوم اختبار، يجيهم خبر من الصف الاخير في الطبور شفناها توقع ،طيب وأستاذة أفنان والله مالي نفس عليها يأختي من تزوجت وهي شايفة حالها ولا بعد التسريحة، وخري عن دربها ،غيرت البف ،ولت أيامة، صارت الأرض في راسها مستوية جاهزة للحراثة،وحدة من قدام :بنات عندي لكم خبر بتحبون راسي عشانة بس اول وش تعطوني علية،ترد عليها العنود: بنحب راسك هههههههههه، تقول وفا ماعليك من العنودبكرة اجيبلك فطاير، ونورة وانا بجيب حلا،قالت:أستاذة منى غايبة..صوت جماعي :زييييييييين والله كنا خايفين اليوم لاواجب ولامذاكرة كان والله تسحبنا تسحيب عند الادارة ،سارة: أفا عليكم تسحبكم على الأدارة وأنا عندكم!! يناظرونها البنات ، انتي ألحين خلصي نفسك بعدين تكلمي، حتى تتخبين من المديرة ماقدرتي.(طبعا مع هذا كلة كل خمس دقايق بنات اللي ورى اسكتو ،اسمعو الاذاعة ،عيب عليكم ،طيب مافي احترام للناس اللي تتعب وتكتب لكم المعلومات هذي_الله يالمعلومات_) وخلص الطابور وراحو على فصولهم طبعا الأخت مها مو صافة معاهم لأن كالعادة مشاركة في الأذاعة وماتدخل الفصل إلا بعد10 دقايق عشان تكون المعلمة خلصت لف على الواجب وتجي هي بكل براءة وتجلس وتفلت من الواجب وطبعا مش كل مرة تضبط الخطة بس الاخت تطلع العذر من جيبها ماتتعطل.دخلو البنات الفصل جاتهم المعلمة منى .أنصدمو، وبدأت الولولة والندب على حظوظهم من لم يكتبو الواجب (ولكن بالهمس ) وأول شي سووة أنهم ناضرو في البنت اللي ورى وتوعدوها وهددوها بعد الحصة بسبب الاشاعة... طبعا البنت بنات والله الارسال ماظبط عندي الأريل خربان، ومافاد استنجادها.مرت ربع ساعة الا أسما مشرّفة تطل من فتحة الباب الصغيرة وتأشر (خلصتو) تناضر فيها العنود بنص عين لان الثانية(already) نايمة وتضحك وترجع وتحط راسها.تقوم اسما تدور احد ينتبة لها عاد تنقذها وفا وتاشر تعالي ماراح تتهزأين فهمت اسما دخلت بكل ثقة السلام عليكم ،ردت المعلمة وعليكم السلام.طبعا تدخل أسوم تسلم على هذي وتاكل من شبس عنودة ويتضاربون وتمر على نوفا وتسحب شنطتها وتمر من جنب سارة تبي تسرق منها قلم لانها ناسية مقلمتها وتتعثر وكانت بتطيح بس امسكت بالطاولة طلعت سارة مسبقة لها ومادة رجلهاولما توصل عند وفا تقوم وفا وترقص واسوم مارضت تزعلها راقصتها واخيرا وصلت لكرسيها وجلست بجانب موضي وتسالها عن اخبارها وطبعا بصوتها العالي وهي المسكينة مفكرة انها تهمس.شوي ناظرتها المعلمة بطرف عينها ايش هالازعاج ياأسماءخلصيني وريني واجبك...أسما: نعم أي واجبيييي طيب... وتدور مين غايب ومالقت احد. بعدين قالت عذرها حق كل سنة، أستاذة انا دفتري العربي ودفتر الجغرافيا نفس الشكل وكنت ارتب شنطتي واخذت دفتر الجغرافيا بالغلط مفكرة انة العربي وطبعا بنبرة بريئةقالت خلاص اجلسي............................................. .................................................و هذي تقدرون تقولون مقدمة بسيطة بس والله ناسية المواقف لأن هذي السنة الرابعة من تخرجنا وأحتما ل وحدة من الشلة تكمل على الموضوع لانها تتذكر كثير مواقف بس هي حاليا مشغولة متى مافضت اقولها تكمل بس اذا انتو بغيتو لاني ماابغى اشرح وينبح صوتي على الفاضي أجي أسأل ألقاكم واقفين زي الطاولة اللي عندكم (عفوا تشابك خطوط)قصدي أبغى ناس متحمسة وحدة وحدة وام عليووي أأأأ.... المهم تتميز المجموعة هذي بالأخوة والتعاون والمشاغبة الفطرية يعني ببراءة من غير مايأذون أحد أنا حاليا ناسية كثير مواقف والكل ألحين مشغول اللي أختبارات واللي بيتها وأولادها وأنا فاضية آضية ناسية منتهية، أرجو انكم تتقبلون مشاركتي هذي البسيطة لانها اول ماشاركة لي وأحب أرسل إهداء من هنا لأخواتي الحجيات حجية حجية وأقولهم والله وحشتوني ووحشتني أيامكم وبالتوفيق كلكم طبعا أحس ممكن تسألوني أنا أي وحدة فيهم أنا بجاوكم بناهية المقتطفات بس عسى تعجبكم مو تركنوني على جنب عطوني وجة وأعطيكم جوال بدون رصيد قصدي واعطيكم مشاركات حلوة...باي وتقبلوني عضوة أختكم MIAW قلت عضوة مو قطوة ....